പ്രശ്നോപനിഷദ് – ഷഷ്ഠഃ പ്രശ്നഃ

prashnopanishad question 6 in malayalam

ഷഷ്ഠഃ പ്രശ്നഃ

അഥ ഹൈനം സുകേശാ ഭാരദ്വാജഃ പപ്രച്ഛ –
ഭഗവന്‌ ഹിരണ്യനാഭഃ കൌസല്യോ രാജപുത്രോ മാമുപേത്യൈതം പ്രശ്നമപൃച്ഛത –
ഷോഡശകലം ഭാരദ്വാജ പുരുഷം-വേഁത്ഥ। തമഹം കുമാരംബ്രുവം നാഹമിമം-വേഁദ യധ്യഹമിമമവേദിഷം കഥം തേ നാവക്ഷ്യമിതി ।
സമൂലോ വാ ഏഷ പരിശുഷ്യതി യോഽനൃതമഭിവദതി। തസ്മാന്നാര്​ഹമ്യനൃതം-വഁക്തുമ്‌। സ തൂഷ്ണീം രഥമാരുഹ്യ പ്രവവ്രാജ। തം ത്വാ പൃച്ഛാമി ക്വാസൌ പുരുഷ ഇതി ॥1॥

തസ്മൈ സ ഹോവാച ।
ഇഹൈവാംതഃശരീരേ സോഭ്യ സ പുരുഷോ യസ്മിന്നതാഃ ഷോഡശകലാഃ പ്രഭവംതീതി ॥2॥

സ ഈക്ഷാംചക്രേ। കസ്മിന്നഹമുത്ക്രാംത ഉത്ക്രാംതോ ഭവിഷ്യാമി കസ്മിന് വാ പ്രതിഷ്ഠിതേ പ്രതിഷ്ടസ്യാമീതി ॥3॥

സ പ്രാണമസൃജത। പ്രാണാച്ഛ്രദ്ധാം ഖം-വാഁയുര്ജ്യോതിരാപഃ പൃഥിവീംദ്രിയം മനോഽന്നമന്നാദ്വീര്യം തപോ മംത്രാഃ കര്മലോകാ ലോകേഷു ച നാമ ച ॥4॥

സ യഥേമാ നധ്യഃ സ്യംദമാനാഃ സമുദ്രായണാഃ സമുദ്രം പ്രാപ്യാസ്തം ഗച്ഛംതി ഭിധ്യേതേ താസാം നാമരുപേ സമുദ്ര ഇത്യേവം പ്രോച്യതേ।
ഏവമേവാസ്യ പരിദ്രഷ്ടുരിമാഃ ഷോഡശകലാഃ പുരുഷായണാഃ പുരുഷം പ്രാപ്യാസ്തം ഗച്ഛംതി ഭിധ്യേതേ ചാസാം നാമരുപേ പുരുഷ ഇത്യേവം പ്രോച്യതേ സ ഏഷോഽകലോഽമൃതോ ഭവതി തദേഷ ശ്ലോകഃ ॥5॥

അരാ ഇവ രഥനാഭൌ കലാ യസ്മിന് പ്രതിഷ്ഠിതാഃ।
തം-വേഁധ്യം പുരുഷം-വേഁദ യഥാ മാ വോ മൃത്യുഃ പരിവ്യഥാ ഇതി ॥6॥

താന്‌ ഹോവാചൈതാവദേവാഹമേതത്‌ പരം ബ്രഹ്മ വേദ। നാതഃ പരമസ്തീതി ॥7॥

തേ തമര്ചയംതസ്ത്വം ഹി നഃ പിതാ യോഽസ്മാകമവിധ്യായാഃ പരം പാരം താരയസീതി।
നമഃ പരമൃഷിഭ്യോ നമഃ പരമൃഷിഭ്യഃ ॥8॥

prashnopanishad question 6 in malayalam