മുരാരി പംച രത്ന സ്തോത്രമ്

murari pancha ratna stotram in malayalam

യത്സേവനേന പിതൃമാതൃസഹോദരാണാം
ചിത്തം ന മോഹമഹിമാ മലിനം കരോതി ।
ഇത്ഥം സമീക്ഷ്യ തവ ഭക്തജനാന്മുരാരേ
മൂകോഽസ്മി തേഽംഘ്രികമലം തദതീവ ധന്യമ് ॥ 1 ॥

യേ യേ വിലഗ്നമനസഃ സുഖമാപ്തുകാമാഃ
തേ തേ ഭവംതി ജഗദുദ്ഭവമോഹശൂന്യാഃ ।
ദൃഷ്ട്വാ വിനഷ്ടധനധാന്യഗൃഹാന്മുരാരേ
മൂകോഽസ്മി തേഽംഘ്രികമലം തദതീവ ധന്യമ് ॥ 2 ॥

വസ്ത്രാണി ദിഗ്വലയമാവസതിഃ ശ്മശാനേ
പാത്രം കപാലമപി മുംഡവിഭൂഷണാനി ।
രുദ്രേ പ്രസാദമചലം തവ വീക്ഷ്യ ശൌരേ
മൂകോഽസ്മി തേഽംഘ്രികമലം തദതീവ ധന്യമ് ॥ 3 ॥

യത്കീര്തിഗായനപരസ്യ വിധാതൃസൂനോഃ
കൌപീനമൈണമജിനം വിപുലാം വിഭൂതിമ് ।
സ്വസ്യാര്ഥ ദിഗ്ഭ്രമണമീക്ഷ്യ തു സാർവകാലം
മൂകോഽസ്മി തേഽംഘ്രികമലം തദതീവ ധന്യമ് ॥ 4 ॥

യദ്വീക്ഷണേ ധൃതധിയാമശനം ഫലാദി
വാസോഽപി നിര്ജിനവനേ ഗിരികംദരാസു ।
വാസാംസി വല്കലമയാനി വിലോക്യ ചൈവം
മൂകോഽസ്മി തേഽംഘ്രികമലം തദതീവ ധന്യമ് ॥ 5 ॥

സ്തോത്രം പാദാംബുജസ്യൈതച്ഛ്രീശസ്യ വിജിതേംദ്രിയഃ ।
പഠിത്വാ തത്പദം യാതി ശ്ലോകാര്ഥജ്ഞസ്തു യോ നരഃ ॥ 6 ॥

ഇതി മുരാരി പംചരത്നമ് ।

murari pancha ratna stotram in malayalam