ദ്വാദശ ആദിത്യ ധ്യാന ശ്ലോകാഃ

dvadasha aditya dhyana slokas in malayalam

1. ധാതാ
ധാതാ കൃതസ്ഥലീ ഹേതിർവാസുകീ രഥകൃന്മുനേ ।
പുലസ്ത്യസ്തുംബുരുരിതി മധുമാസം നയംത്യമീ ॥

ധാതാ ശുഭസ്യ മേ ദാതാ ഭൂയോ ഭൂയോഽപി ഭൂയസഃ ।
രശ്മിജാലസമാശ്ലിഷ്ടഃ തമസ്തോമവിനാശനഃ ॥

2. അര്യമ്
അര്യമാ പുലഹോഽഥൌജാഃ പ്രഹേതി പുംജികസ്ഥലീ ।
നാരദഃ കച്ഛനീരശ്ച നയംത്യേതേ സ്മ മാധവമ് ॥

മേരുശൃംഗാംതരചരഃ കമലാകരബാംധവഃ ।
അര്യമാ തു സദാ ഭൂത്യൈ ഭൂയസ്യൈ പ്രണതസ്യ മേ ॥

3. മിത്രഃ
മിത്രോഽത്രിഃ പൌരുഷേയോഽഥ തക്ഷകോ മേനകാ ഹഹഃ ।
രഥസ്വന ഇതി ഹ്യേതേ ശുക്രമാസം നയംത്യമീ ॥

നിശാനിവാരണപടുഃ ഉദയാദ്രികൃതാശ്രയഃ ।
മിത്രോഽസ്തു മമ മോദായ തമസ്തോമവിനാശനഃ ॥

4. വരുണഃ
വസിഷ്ഠോ ഹ്യരുണോ രംഭാ സഹജന്യസ്തഥാ ഹുഹുഃ ।
ശുക്രശ്ചിത്രസ്വനശ്ചൈവ ശുചിമാസം നയംത്യമീ ॥

സൂര്യസ്യംദനമാരൂഢ അര്ചിര്മാലീ പ്രതാപവാന് ।
കാലഭൂതഃ കാമരൂപോ ഹ്യരുണഃ സേവ്യതേ മയാ ॥

5. ഇംദ്രഃ
ഇംദ്രോ വിശ്വാവസുഃ ശ്രോതാ ഏലാപത്രസ്തഥാഽംഗിരാഃ ।
പ്രമ്ലോചാ രാക്ഷസോവര്യോ നഭോമാസം നയംത്യമീ ॥

സഹസ്രരശ്മിസംവീതം ഇംദ്രം വരദമാശ്രയേ ।
ശിരസാ പ്രണമാമ്യദ്യ ശ്രേയോ വൃദ്ധിപ്രദായകമ് ॥

6. വിവസ്വാന്
വിവസ്വാനുഗ്രസേനശ്ച വ്യാഘ്ര ആസാരണോ ഭൃഗുഃ ।
അനുമ്ലോചാഃ ശംഖപാലോ നഭസ്യാഖ്യം നയംത്യമീ ॥

ജഗന്നിര്മാണകര്താരം സർവദിഗ്വ്യാപ്തതേജസമ് ।
നഭോഗ്രഹമഹാദീപം വിവസ്വംതം നമാമ്യഹമ് ॥

7. ത്വഷ്ടാ
ത്വഷ്ടാ ഋചീകതനയഃ കംബലാഖ്യസ്തിലോത്തമാ ।
ബ്രഹ്മാപേതോഽഥ ശതജിത് ധൃതരാഷ്ട്ര ഇഷംഭരാ ॥

ത്വഷ്ടാ ശുഭായ മേ ഭൂയാത് ശിഷ്ടാവലിനിഷേവിതഃ ।
നാനാശില്പകരോ നാനാധാതുരൂപഃ പ്രഭാകരഃ ।

8. വിഷ്ണുഃ
വിഷ്ണുരശ്വതരോ രംഭാ സൂര്യവര്ചാശ്ച സത്യജിത് ।
വിശ്വാമിത്രോ മഖാപേത ഊര്ജമാസം നയംത്യമീ ॥

ഭാനുമംഡലമധ്യസ്ഥം വേദത്രയനിഷേവിതമ് ।
ഗായത്രീപ്രതിപാദ്യം തം വിഷ്ണും ഭക്ത്യാ നമാമ്യഹമ് ॥

9. അംശുമാന്
അഥാംശുഃ കശ്യപസ്താര്ക്ഷ്യ ഋതസേനസ്തഥോർവശീ ।
വിദ്യുച്ഛത്രുര്മഹാശംഖഃ സഹോമാസം നയംത്യമീ ॥

സദാ വിദ്രാവണരതോ ജഗന്മംഗളദീപകഃ ।
മുനീംദ്രനിവഹസ്തുത്യോ ഭൂതിദോഽംശുര്ഭവേന്മമ ॥

10. ഭഗഃ
ഭഗഃ സ്ഫൂര്ജോഽരിഷ്ടനേമിഃ ഊര്ണ ആയുശ്ച പംചമഃ ।
കര്കോടകഃ പൂർവചിത്തിഃ പൌഷമാസം നയംത്യമീ ॥

തിഥി മാസ ഋതൂനാം ച വത്സരാഽയനയോരപി ।
ഘടികാനാം ച യഃ കര്താ ഭഗോ ഭാഗ്യപ്രദോഽസ്തു മേ ॥

11. പൂഷ
പൂഷാ ധനംജയോ വാതഃ സുഷേണഃ സുരുചിസ്തഥാ ।
ഘൃതാചീ ഗൌതമശ്ചേതി തപോമാസം നയംത്യമീ ।
പൂഷാ തോഷായ മേ ഭൂയാത് സർവപാപാഽപനോദനാത് ।
സഹസ്രകരസംവീതഃ സമസ്താശാംതരാംതരഃ ॥

12. പര്ജന്യഃ
ക്രതുർവാര്ചാ ഭരദ്വാജഃ പര്ജന്യഃ സേനജിത് തഥാ ।
വിശ്വശ്ചൈരാവതശ്ചൈവ തപസ്യാഖ്യം നയംത്യമീ ॥

പ്രപംചം പ്രതപന് ഭൂയോ വൃഷ്ടിഭിര്മാദയന് പുനഃ ।
ജഗദാനംദജനകഃ പര്ജന്യഃ പൂജ്യതേ മയാ ॥

ധ്യായേസ്സദാ സവിതൃമംഡലമധ്യവര്തീ
നാരായണസ്സരസിജാസന സന്നിവിഷ്ടഃ।
കേയൂരവാന് മകരകുംഡലവാന് കിരീടീ
ഹാരീ ഹിരണ്മയവപുഃ ധൃതശംഖചക്രഃ ॥

dvadasha aditya dhyana slokas in malayalam