ಶ್ರೀ ಕಾಳೀ ಪ್ರಾತಃ ಸ್ಮರಣ ಸ್ತೋತ್ರಂ

ಪ್ರಾತಃ ಸ್ಮರಾಮಿ ಮದಿರಾರುಣಪೂರ್ಣನೇತ್ರಾಂ
ಕಾಳೀಂ ಕರಾಳವದನಾಂ ಕಮನೀಯಮಾತ್ರಾಮ್ |
ಉದ್ಯನ್ನಿತಾನತಗತಾಂ ವಿಗತಾಂ ಸ್ವಸಂಸ್ಥಾನ್
ಧಾತ್ರೀಂ ಸಮಸ್ತ ಜಗತಾಂ ಕರುಣಾರ್ದ್ರಚಿತ್ತಾಮ್ || ೧ ||

ಪ್ರಾತರ್ಭಜಾಮಿ ಭುಜಗಾಭರಣಾಮಪರ್ಣಾಂ
ಶ್ರೀದಕ್ಷಿಣಾಂ ಲಲಿತವಾಲಲತಾಂ ಸಪರ್ಣಾಮ್ |
ಕಾರುಣ್ಯಪೂರ್ಣನಯನಾಂ ನಗರಾಜಕನ್ಯಾಂ
ಧನ್ಯಾಂ ವರಾಽಭಯಕರಾಂ ಪರಮಾರ್ತಿಹಂತ್ರೀಮ್ || ೨ ||

ಪ್ರಾತರ್ನಮಾಮಿ ನಗರಾಜಕುಲೋದ್ಭವಾಂ ತಾಂ
ಕಾಂತಾಂ ಶಿವಸ್ಯ ಕರವಾಲಕಪಾಲಹಸ್ತಾಮ್ |
ತ್ರೈಲೋಕ್ಯಪಾಲನಪರಾಂ ಪ್ರಣವಾದಿಮಾತ್ರಾಂ
ನಾಗೇಂದ್ರಹಾರಕಲಿತಾಂ ಲಲಿತಾಂ ತ್ರಿನೇತ್ರಾಮ್ || ೩ ||

ಶ್ಲೋಕತ್ರಯಮಿಮಂ ಪುಣ್ಯಂ ಪ್ರಾತಃ ಪ್ರಾತಃ ಪಠೇನ್ನರಃ |
ತಮೋಬುದ್ಧಿಂ ಸಮುತ್ತೀರ್ಯ ಸಪಶ್ಯೇತ್ ಕಾಳಿಕಾಪದಮ್ || ೪ ||

ಇತಿ ಶ್ರೀ ಕಾಳೀ ಪ್ರಾತಃ ಸ್ಮರಣ ಸ್ತೋತ್ರಮ್ |