સૂર્ય મંડલ સ્તોત્રમ્

surya mandala stotram in gujarati

નમોઽસ્તુ સૂર્યાય સહસ્રરશ્મયે
સહસ્રશાખાન્વિત સંભવાત્મને ।
સહસ્રયોગોદ્ભવ ભાવભાગિને
સહસ્રસંખ્યાયુધધારિણે નમઃ ॥ 1 ॥

યન્મંડલં દીપ્તિકરં વિશાલં
રત્નપ્રભં તીવ્રમનાદિરૂપમ્ ।
દારિદ્ર્યદુઃખક્ષયકારણં ચ
પુનાતુ માં તત્સવિતુર્વરેણ્યમ્ ॥ 2 ॥

યન્મંડલં દેવગણૈઃ સુપૂજિતં
વિપ્રૈઃ સ્તુતં ભાવનમુક્તિકોવિદમ્ ।
તં દેવદેવં પ્રણમામિ સૂર્યં
પુનાતુ માં તત્સવિતુર્વરેણ્યમ્ ॥ 3 ॥

યન્મંડલં જ્ઞાનઘનંત્વગમ્યં
ત્રૈલોક્યપૂજ્યં ત્રિગુણાત્મરૂપમ્ ।
સમસ્તતેજોમયદિવ્યરૂપં
પુનાતુ માં તત્સવિતુર્વરેણ્યમ્ ॥ 4 ॥

યન્મંડલં ગૂઢમતિપ્રબોધં
ધર્મસ્ય વૃદ્ધિં કુરુતે જનાનામ્ ।
યત્સર્વપાપક્ષયકારણં ચ
પુનાતુ માં તત્સવિતુર્વરેણ્યમ્ ॥ 5 ॥

યન્મંડલં વ્યાધિવિનાશદક્ષં
યદૃગ્યજુઃ સામસુ સંપ્રગીતમ્ ।
પ્રકાશિતં યેન ચ ભૂર્ભુવઃ સ્વઃ
પુનાતુ માં તત્સવિતુર્વરેણ્યમ્ ॥ 6 ॥

યન્મંડલં વેદવિદો વદંતિ
ગાયંતિ યચ્ચારણસિદ્ધસંઘાઃ ।
યદ્યોગિનો યોગજુષાં ચ સંઘાઃ
પુનાતુ માં તત્સવિતુર્વરેણ્યમ્ ॥ 7 ॥

યન્મંડલં સર્વજનૈશ્ચ પૂજિતં
જ્યોતિશ્ચ કુર્યાદિહ મર્ત્યલોકે ।
યત્કાલકાલાદ્યમનાદિરૂપં
પુનાતુ માં તત્સવિતુર્વરેણ્યમ્ ॥ 8 ॥

યન્મંડલં વિષ્ણુચતુર્મુખાખ્યં
યદક્ષરં પાપહરં જનાનામ્ ।
યત્કાલકલ્પક્ષયકારણં ચ
પુનાતુ માં તત્સવિતુર્વરેણ્યમ્ ॥ 9 ॥

યન્મંડલં વિશ્વસૃજં પ્રસિદ્ધં
ઉત્પત્તિરક્ષપ્રળય પ્રગલ્ભમ્ ।
યસ્મિન્ જગત્સંહરતેઽખિલં ચ
પુનાતુ માં તત્સવિતુર્વરેણ્યમ્ ॥ 10 ॥

યન્મંડલં સર્વગતસ્ય વિષ્ણોઃ
આત્મા પરં‍ધામ વિશુદ્ધતત્ત્વમ્ ।
સૂક્ષ્માંતરૈર્યોગપથાનુગમ્યં
પુનાતુ માં તત્સવિતુર્વરેણ્યમ્ ॥ 11 ॥

યન્મંડલં વેદવિદોપગીતં
યદ્યોગિનાં યોગ પથાનુગમ્યમ્ ।
તત્સર્વ વેદ્યં પ્રણમામિ સૂર્યં
પુનાતુ માં તત્સવિતુર્વરેણ્યમ્ ॥ 12 ॥

સૂર્યમંડલસુ સ્તોત્રં યઃ પઠેત્સતતં નરઃ ।
સર્વપાપવિશુદ્ધાત્મા સૂર્યલોકે મહીયતે ॥

ઇતિ શ્રી ભવિષ્યોત્તરપુરાણે શ્રી કૃષ્ણાર્જુન સંવાદે સૂર્યમંડલ સ્તોત્રમ્ ।

surya mandala stotram in gujarati