શ્રી કામાખ્યા સ્તોત્રં

sri kamakhya stotram in gujarati

જય કામેશિ ચામુંડે જય ભૂતાપહારિણિ ।
જય સર્વગતે દેવિ કામેશ્વરિ નમોઽસ્તુ તે ॥ 1 ॥

વિશ્વમૂર્તે શુભે શુદ્ધે વિરૂપાક્ષિ ત્રિલોચને ।
ભીમરૂપે શિવે વિદ્યે કામેશ્વરિ નમોઽસ્તુ તે ॥ 2 ॥

માલાજયે જયે જંભે ભૂતાક્ષિ ક્ષુભિતેઽક્ષયે ।
મહામાયે મહેશાનિ કામેશ્વરિ નમોઽસ્તુ તે ॥ 3 ॥

ભીમાક્ષિ ભીષણે દેવિ સર્વભૂતક્ષયંકરિ ।
કાલિ ચ વિકરાલિ ચ કામેશ્વરિ નમોઽસ્તુ તે ॥ 3 ॥

કાલિ કરાલવિક્રાંતે કામેશ્વરિ હરપ્રિયે ।
સર્વશાસ્ત્રસારભૂતે કામેશ્વરિ નમોઽસ્તુ તે ॥ 4 ॥

કામરૂપપ્રદીપે ચ નીલકૂટનિવાસિનિ ।
નિશુંભશુંભમથનિ કામેશ્વરિ નમોઽસ્તુ તે ॥ 5 ॥

કામાખ્યે કામરૂપસ્થે કામેશ્વરિ હરિપ્રિયે ।
કામનાં દેહિ મે નિત્યં કામેશ્વરિ નમોઽસ્તુ તે ॥ 6 ॥

વપાનાઢ્યમહાવક્ત્રે તથા ત્રિભુવનેશ્વરિ ।
મહિષાસુરવધે દેવિ કામેશ્વરિ નમોઽસ્તુ તે ॥ 7 ॥

છાગતુષ્ટે મહાભીમે કામાખ્યે સુરવંદિતે ।
જય કામપ્રદે તુષ્ટે કામેશ્વરિ નમોઽસ્તુ તે ॥ 8 ॥

ભ્રષ્ટરાજ્યો યદા રાજા નવમ્યાં નિયતઃ શુચિઃ ।
અષ્ટમ્યાં ચ ચતુર્દશ્યામુપવાસી નરોત્તમઃ ॥ 9 ॥

સંવત્સરેણ લભતે રાજ્યં નિષ્કંટકં પુનઃ ।
ય ઇદં શૃણુયાદ્ભક્ત્યા તવ દેવિ સમુદ્ભવમ્ ।
સર્વપાપવિનિર્મુક્તઃ પરં નિર્વાણમૃચ્છતિ ॥ 10 ॥

શ્રીકામરૂપેશ્વરિ ભાસ્કરપ્રભેપ્રકાશિતાંભોજનિભાયતાનને ।
સુરારિરક્ષઃસ્તુતિપાતનોત્સુકેત્રયીમયે દેવનુતે નમામિ ॥ 11 ॥

સિતાસિતે રક્તપિશંગવિગ્રહેરૂપાણિ યસ્યાઃ પ્રતિભાંતિ તાનિ ।
વિકારરૂપા ચ વિકલ્પિતાનિશુભાશુભાનામપિ તાં નમામિ ॥ 12 ॥

કામરૂપસમુદ્ભૂતે કામપીઠાવતંસકે ।
વિશ્વાધારે મહામાયે કામેશ્વરિ નમોઽસ્તુ તે ॥ 13 ॥

અવ્યક્તવિગ્રહે શાંતે સંતતે કામરૂપિણિ ।
કાલગમ્યે પરે શાંતે કામેશ્વરિ નમોઽસ્તુ તે ॥ 14 ॥

યા સુષુમ્નાંતરાલસ્થા ચિંત્યતે જ્યોતિરૂપિણી ।
પ્રણતોઽસ્મિ પરાં વીરાં કામેશ્વરિ નમોઽસ્તુ તે ॥ 15 ॥

દંષ્ટ્રાકરાલવદને મુંડમાલોપશોભિતે ।
સર્વતઃ સર્વગે દેવિ કામેશ્વરિ નમોઽસ્તુ તે ॥ 16 ॥

ચામુંડે ચ મહાકાલિ કાલિ કપાલહારિણી ।
પાશહસ્તે દંડહસ્તે કામેશ્વરિ નમોઽસ્તુ તે ॥ 17 ॥

ચામુંડે કુલમાલાસ્યે તીક્ષ્ણદંષ્ટ્રે મહાબલે ।
શવયાનસ્થિતે દેવિ કામેશ્વરિ નમોઽસ્તુ તે ॥ 18 ॥

ઇતિ શ્રી કામાખ્યા સ્તોત્રમ્ ।

sri kamakhya stotram in gujarati