શ્રી આંજનેય નવરત્ન માલા સ્તોત્રમ્

sri anjaneya navaratna mala stotram in gujarati

માણિક્યં –
તતો રાવણનીતાયાઃ સીતાયાઃ શત્રુકર્શનઃ ।
ઇયેષ પદમન્વેષ્ટું ચારણાચરિતે પથિ ॥ 1 ॥

મુત્યં –
યસ્ય ત્વેતાનિ ચત્વારિ વાનરેંદ્ર યથા તવ ।
સ્મૃતિર્મતિર્ધૃતિર્દાક્ષ્યં સ કર્મસુ ન સીદતિ ॥ 2 ॥

પ્રવાલં –
અનિર્વેદઃ શ્રિયો મૂલં અનિર્વેદઃ પરં સુખમ્ ।
અનિર્વેદો હિ સતતં સર્વાર્થેષુ પ્રવર્તકઃ ॥ 3 ॥

મરકતં –
નમોઽસ્તુ રામાય સલક્ષ્મણાય
દેવ્યૈ ચ તસ્યૈ જનકાત્મજાયૈ ।
નમોઽસ્તુ રુદ્રેંદ્રયમાનિલેભ્યઃ
નમોઽસ્તુ ચંદ્રાર્કમરુદ્ગણેભ્યઃ ॥ 4 ॥

પુષ્યરાગં –
પ્રિયાન્ન સંભવેદ્દુઃખં અપ્રિયાદધિકં ભયમ્ ।
તાભ્યાં હિ યે વિયુજ્યંતે નમસ્તેષાં મહાત્મનામ્ ॥ 5 ॥

હીરકં –
રામઃ કમલપત્રાક્ષઃ સર્વસત્ત્વમનોહરઃ ।
રૂપદાક્ષિણ્યસંપન્નઃ પ્રસૂતો જનકાત્મજે ॥ 6 ॥

ઇંદ્રનીલં –
જયત્યતિબલો રામો લક્ષ્મણશ્ચ મહાબલઃ ।
રાજા જયતિ સુગ્રીવો રાઘવેણાભિપાલિતઃ ।
દાસોઽહં કોસલેંદ્રસ્ય રામસ્યાક્લિષ્ટકર્મણઃ ।
હનુમાન્ શત્રુસૈન્યાનાં નિહંતા મારુતાત્મજઃ ॥ 7 ॥

ગોમેધિકં –
યદ્યસ્તિ પતિશુશ્રૂષા યદ્યસ્તિ ચરિતં તપઃ ।
યદિ વાસ્ત્યેકપત્નીત્વં શીતો ભવ હનૂમતઃ ॥ 8 ॥

વૈડૂર્યં –
નિવૃત્તવનવાસં તં ત્વયા સાર્ધમરિંદમમ્ ।
અભિષિક્તમયોધ્યાયાં ક્ષિપ્રં દ્રક્ષ્યસિ રાઘવમ્ ॥ 9 ॥

ઇતિ શ્રી આંજનેય નવરત્નમાલા સ્તોત્રમ્ ।

sri anjaneya navaratna mala stotram in gujarati