નંદ કુમાર અષ્ટકમ્

nanda kumara ashtakam in gujarati

સુંદરગોપાલં ઉરવનમાલં નયનવિશાલં દુઃખહરં
બૃંદાવનચંદ્રમાનંદકંદં પરમાનંદં ધરણિધરમ્ ।
વલ્લભઘનશ્યામં પૂર્ણકામં અત્યભિરામં પ્રીતિકરં
ભજ નંદકુમારં સર્વસુખસારં તત્ત્વવિચારં બ્રહ્મપરમ્ ॥ 1 ॥

સુંદરવારિજવદનં નિર્જિતમદનં આનંદસદનં મુકુટધરં
ગુંજાકૃતિહારં વિપિનવિહારં પરમોદારં ચીરહરમ્ ।
વલ્લભપટપીતં કૃત ઉપવીતં કરનવનીતં વિબુધવરં
ભજ નંદકુમારં સર્વસુખસારં તત્ત્વવિચારં બ્રહ્મપરમ્ ॥ 2 ॥

શોભિતસુખમૂલં યમુનાકૂલં નિપટ અતૂલં સુખદતરં
મુખમંડિતરેણું ચારિતધેનું વાદિતવેણું મધુરસુરમ્ ।
વલ્લભમતિવિમલં શુભપદકમલં નખરુચિ અમલં તિમિરહરં
ભજ નંદકુમારં સર્વસુખસારં તત્ત્વવિચારં બ્રહ્મપરમ્ ॥ 3 ॥

શિરમુકુટસુદેશં કુંચિતકેશં નટવરવેષં કામવરં
માયાકૃતમનુજં હલધર અનુજં પ્રતિહતદનુજં ભારહરમ્ ।
વલ્લભવ્રજપાલં સુભગસુચાલં હિતમનુકાલં ભાવવરં
ભજ નંદકુમારં સર્વસુખસારં તત્ત્વવિચારં બ્રહ્મપરમ્ ॥ 4 ॥

ઇંદીવરભાસં પ્રકટસરાસં કુસુમવિકાસં વંશધરં
હૃત્મન્મથમાનં રૂપનિધાનં કૃતકલગાનં ચિત્તહરમ્ ।
વલ્લભમૃદુહાસં કુંજનિવાસં વિવિધવિલાસં કેળિકરં
ભજ નંદકુમારં સર્વસુખસારં તત્ત્વવિચારં બ્રહ્મપરમ્ ॥ 5 ॥

અતિપરમપ્રવીણં પાલિતદીનં ભક્તાધીનં કર્મકરં
મોહનમતિધીરં ફણિબલવીરં હતપરવીરં તરળતરમ્ ।
વલ્લભવ્રજરમણં વારિજવદનં હલધરશમનં શૈલધરં
ભજ નંદકુમારં સર્વસુખસારં તત્ત્વવિચારં બ્રહ્મપરમ્ ॥ 6 ॥

જલધરદ્યુતિઅંગં લલિતત્રિભંગં બહુકૃતિરંગં રસિકવરં
ગોકુલપરિવારં મદનાકારં કુંજવિહારં ગૂઢતરમ્ ।
વલ્લભવ્રજચંદ્રં સુભગસુછંદં કૃત આનંદં ભ્રાંતિહરં
ભજ નંદકુમારં સર્વસુખસારં તત્ત્વવિચારં બ્રહ્મપરમ્ ॥ 7 ॥

વંદિતયુગચરણં પાવનકરણં જગદુદ્ધરણં વિમલધરં
કાળિયશિરગમનં કૃતફણિનમનં ઘાતિતયમનં મૃદુલતરમ્ ।
વલ્લભદુઃખહરણં નિર્મલચરણં અશરણશરણં મુક્તિકરં
ભજ નંદકુમારં સર્વસુખસારં તત્ત્વવિચારં બ્રહ્મપરમ્ ॥ 8 ॥

ઇતિ શ્રીમદ્વલ્લભાચાર્યવિરચિતં શ્રીનંદકુમારાષ્ટકમ્ ॥

nanda kumara ashtakam in gujarati