ચંદ્ર અષ્ટોત્તર શત નામ સ્તોત્રમ્

chitti pannam in gujarati

શ્રીમાન્ શશધરશ્ચંદ્રો તારાધીશો નિશાકરઃ ।
સુધાનિધિઃ સદારાધ્યઃ સત્પતિઃ સાધુપૂજિતઃ ॥ 1 ॥

જિતેંદ્રિયો જગદ્યોનિઃ જ્યોતિશ્ચક્રપ્રવર્તકઃ ।
વિકર્તનાનુજો વીરો વિશ્વેશો વિદુષાં પતિઃ ॥ 2 ॥

દોષાકરો દુષ્ટદૂરઃ પુષ્ટિમાન્ શિષ્ટપાલકઃ ।
અષ્ટમૂર્તિપ્રિયોઽનંતકષ્ટદારુકુઠારકઃ ॥ 3 ॥

સ્વપ્રકાશઃ પ્રકાશાત્મા દ્યુચરો દેવભોજનઃ ।
કળાધરઃ કાલહેતુઃ કામકૃત્કામદાયકઃ ॥ 4 ॥

મૃત્યુસંહારકોઽમર્ત્યો નિત્યાનુષ્ઠાનદાયકઃ ।
ક્ષપાકરઃ ક્ષીણપાપઃ ક્ષયવૃદ્ધિસમન્વિતઃ ॥ 5 ॥

જૈવાતૃકઃ શુચી શુભ્રો જયી જયફલપ્રદઃ ।
સુધામયઃ સુરસ્વામી ભક્તનામિષ્ટદાયકઃ ॥ 6 ॥

ભુક્તિદો મુક્તિદો ભદ્રો ભક્તદારિદ્ર્યભંજકઃ ।
સામગાનપ્રિયઃ સર્વરક્ષકઃ સાગરોદ્ભવઃ ॥ 7 ॥

ભયાંતકૃદ્ભક્તિગમ્યો ભવબંધવિમોચકઃ ।
જગત્પ્રકાશકિરણો જગદાનંદકારણઃ ॥ 8 ॥

નિસ્સપત્નો નિરાહારો નિર્વિકારો નિરામયઃ ।
ભૂચ્છાયાઽઽચ્છાદિતો ભવ્યો ભુવનપ્રતિપાલકઃ ॥ 9 ॥

સકલાર્તિહરઃ સૌમ્યજનકઃ સાધુવંદિતઃ ।
સર્વાગમજ્ઞઃ સર્વજ્ઞો સનકાદિમુનિસ્તુતઃ ॥ 10 ॥

સિતચ્છત્રધ્વજોપેતઃ સિતાંગો સિતભૂષણઃ ।
શ્વેતમાલ્યાંબરધરઃ શ્વેતગંધાનુલેપનઃ ॥ 11 ॥

દશાશ્વરથસંરૂઢો દંડપાણિઃ ધનુર્ધરઃ ।
કુંદપુષ્પોજ્જ્વલાકારો નયનાબ્જસમુદ્ભવઃ ॥ 12 ॥

આત્રેયગોત્રજોઽત્યંતવિનયઃ પ્રિયદાયકઃ ।
કરુણારસસંપૂર્ણઃ કર્કટપ્રભુરવ્યયઃ ॥ 13 ॥

ચતુરશ્રાસનારૂઢશ્ચતુરો દિવ્યવાહનઃ ।
વિવસ્વન્મંડલાગ્નેયવાસો વસુસમૃદ્ધિદઃ ॥ 14 ॥

મહેશ્વરપ્રિયો દાંતઃ મેરુગોત્રપ્રદક્ષિણઃ ।
ગ્રહમંડલમધ્યસ્થો ગ્રસિતાર્કો ગ્રહાધિપઃ ॥ 15 ॥

દ્વિજરાજો દ્યુતિલકો દ્વિભુજો દ્વિજપૂજિતઃ ।
ઔદુંબરનગાવાસ ઉદારો રોહિણીપતિઃ ॥ 16 ॥

નિત્યોદયો મુનિસ્તુત્યો નિત્યાનંદફલપ્રદઃ ।
સકલાહ્લાદનકરઃ પલાશસમિધપ્રિયઃ ॥ 17 ॥

એવં નક્ષત્રનાથસ્ય નામ્નામષ્ટોત્તરં શતમ્ ॥

ઇતિ શ્રી ચંદ્ર અષ્ટોત્તરશતનામ સ્તોત્રમ્ ।

chitti pannam in gujarati