শ্রী ভদ্রকালী অষ্টোত্তর শত নামা স্তোত্রং

sri bhadrakali ashtottara satanama stotram in bengali

শ্রীনংদিকেশ্বর উবাচ
ভদ্রকালীমহং বংদে বীরভদ্রসতীং শিবাম্ ।
সুতাম্রার্চিতপাদাব্জং সুখসৌভাগ্যদায়িনীম্ ॥ 1 ॥

অথ স্তোত্রম্
ভদ্রকালী কামরূপা মহাবিদ্য়া যশস্বিনী ।
মহাশ্রয়া মহাভাগা দক্ষয়াগবিভেদিনী ॥ 2 ॥

রুদ্রকোপসমুদ্ভূতা ভদ্রা মুদ্রা শিবংকরী ।
চংদ্রিকা চংদ্রবদনা রোষতাম্রাক্ষশোভিনী ॥ 3 ॥

ইংদ্রাদিদমনী শাংতা চংদ্রলেখাবিভূষিতা ।
ভক্তার্তিহারিণী মুক্তা চংডিকানংদদায়িনী ॥ 4 ॥

সৌদামিনী সুধামূর্তিঃ দিব্য়ালংকারভূষিতা ।
সুবাসিনী সুনাসা চ ত্রিকালজ্ঞা ধুরংধরা ॥ 5 ॥

সর্বজ্ঞা সর্বলোকেশী দেবয়োনিরয়োনিজা ।
নির্গুণা নিরহংকারা লোককল্য়াণকারিণী ॥ 6 ॥

সর্বলোকপ্রিয়া গৌরী সর্বগর্ববিমর্দিনী ।
তেজোবতী মহামাতা কোটিসূর্যসমপ্রভা ॥ 7 ॥

বীরভদ্রকৃতানংদভোগিনী বীরসেবিতা ।
নারদাদিমুনিস্তুত্য়া নিত্য়া সত্য়া তপস্বিনী ॥ 8 ॥

জ্ঞানরূপা কলাতীতা ভক্তাভীষ্টফলপ্রদা ।
কৈলাসনিলয়া শুভ্রা ক্ষমা শ্রীঃ সর্বমংগলা ॥ 9 ॥

সিদ্ধবিদ্য়া মহাশক্তিঃ কামিনী পদ্মলোচনা ।
দেবপ্রিয়া দৈত্যহংত্রী দক্ষগর্বাপহারিণী ॥ 10 ॥

শিবশাসনকর্ত্রী চ শৈবানংদবিধায়িনী ।
ভবপাশনিহংত্রী চ সবনাংগসুকারিণী ॥ 11 ॥

লংবোদরী মহাকালী ভীষণাস্য়া সুরেশ্বরী ।
মহানিদ্রা যোগনিদ্রা প্রজ্ঞা বার্তা ক্রিয়াবতী ॥ 12 ॥

পুত্রপৌত্রপ্রদা সাধ্বী সেনায়ুদ্ধসুকাংক্ষিণী ।
ইচ্ছা শংভোঃ কৃপাসিংধুঃ চংডী চংডপরাক্রমা ॥ 13 ॥

শোভা ভগবতী মায়া দুর্গা নীলা মনোগতিঃ ।
খেচরী খড্গিনী চক্রহস্তা শূলবিধারিণী ॥ 14 ॥

সুবাণা শক্তিহস্তা চ পাদসংচারিণী পরা ।
তপঃসিদ্ধিপ্রদা দেবী বীরভদ্রসহায়িনী ॥ 15 ॥

ধনধান্যকরী বিশ্বা মনোমালিন্যহারিণী ।
সুনক্ষত্রোদ্ভবকরী বংশবৃদ্ধিপ্রদায়িনী ॥ 16 ॥

ব্রহ্মাদিসুরসংসেব্য়া শাংকরী প্রিযভাষিণী ।
ভূতপ্রেতপিশাচাদিহারিণী সুমনস্বিনী ॥ 17 ॥

পুণ্যক্ষেত্রকৃতাবাসা প্রত্যক্ষপরমেশ্বরী ।
এবং নাম্নাং ভদ্রকাল্য়াঃ শতমষ্টোত্তরং বিদুঃ ॥ 18 ॥

পুণ্য়ং যশো দীর্ঘমায়ুঃ পুত্রপৌত্রং ধনং বহু ।
দদাতি দেবী তস্য়াশু যঃ পঠেত্ স্তোত্রমুত্তমম্ ॥ 19 ॥

ভৌমবারে ভৃগৌ চৈব পৌর্ণমাস্য়াং বিশেষতঃ ।
প্রাতঃ স্নাত্বা নিত্যকর্ম বিধায় চ সুভক্তিমান্ ॥ 20 ॥

বীরভদ্রালয়ে ভদ্রাং সংপূজ্য় সুরসেবিতাম্ ।
পঠেত্ স্তোত্রমিদং দিব্য়ং নানা ভোগপ্রদং শুভম্ ॥ 21 ॥

অভীষ্টসিদ্ধিং প্রাপ্নোতি শীঘ্রং বিদ্বান্ পরংতপ ।
অথবা স্বগৃহে বীরভদ্রপত্নীং সমর্চয়েত্ ॥ 22 ॥

স্তোত্রেণানেন বিধিবত্ সর্বান্ কামানবাপ্নুয়াত্ ।
রোগা নশ্য়ংতি তস্য়াশু যোগসিদ্ধিং চ বিংদতি ॥ 23 ॥

সনত্কুমারভক্তানামিদং স্তোত্রং প্রবোধয় ।
রহস্য়ং সারভূতং চ সর্বজ্ঞঃ সংভবিষ্যসি ॥ 24 ॥

ইতি শ্রীভদ্রকাল্যষ্টোত্তরশতনাম স্তোত্রম্ ।

sri bhadrakali ashtottara satanama stotram in bengali