ଶ୍ରୀ ଭଦ୍ରକାଳୀ ଅଷ୍ଟୋତ୍ତର ଶତ ନାମା ସ୍ତୋତ୍ରଂ

sri bhadrakali ashtottara satanama stotram in odia

ଶ୍ରୀନଂଦିକେଶ୍ଵର ଉଵାଚ
ଭଦ୍ରକାଳୀମହଂ ଵଂଦେ ଵୀରଭଦ୍ରସତୀଂ ଶିଵାମ୍ ।
ସୁତାମ୍ରାର୍ଚିତପାଦାବ୍ଜଂ ସୁଖସୌଭାଗ୍ୟଦାୟିନୀମ୍ ॥ 1 ॥

ଅଥ ସ୍ତୋତ୍ରମ୍
ଭଦ୍ରକାଳୀ କାମରୂପା ମହାଵିଦ୍ୟା ୟଶସ୍ଵିନୀ ।
ମହାଶ୍ରୟା ମହାଭାଗା ଦକ୍ଷୟାଗଵିଭେଦିନୀ ॥ 2 ॥

ରୁଦ୍ରକୋପସମୁଦ୍ଭୂତା ଭଦ୍ରା ମୁଦ୍ରା ଶିଵଂକରୀ ।
ଚଂଦ୍ରିକା ଚଂଦ୍ରଵଦନା ରୋଷତାମ୍ରାକ୍ଷଶୋଭିନୀ ॥ 3 ॥

ଇଂଦ୍ରାଦିଦମନୀ ଶାଂତା ଚଂଦ୍ରଲେଖାଵିଭୂଷିତା ।
ଭକ୍ତାର୍ତିହାରିଣୀ ମୁକ୍ତା ଚଂଡିକାନଂଦଦାୟିନୀ ॥ 4 ॥

ସୌଦାମିନୀ ସୁଧାମୂର୍ତିଃ ଦିଵ୍ୟାଲଂକାରଭୂଷିତା ।
ସୁଵାସିନୀ ସୁନାସା ଚ ତ୍ରିକାଲଜ୍ଞା ଧୁରଂଧରା ॥ 5 ॥

ସର୍ଵଜ୍ଞା ସର୍ଵଲୋକେଶୀ ଦେଵୟୋନିରୟୋନିଜା ।
ନିର୍ଗୁଣା ନିରହଂକାରା ଲୋକକଳ୍ୟାଣକାରିଣୀ ॥ 6 ॥

ସର୍ଵଲୋକପ୍ରିୟା ଗୌରୀ ସର୍ଵଗର୍ଵଵିମର୍ଦିନୀ ।
ତେଜୋଵତୀ ମହାମାତା କୋଟିସୂର୍ୟସମପ୍ରଭା ॥ 7 ॥

ଵୀରଭଦ୍ରକୃତାନଂଦଭୋଗିନୀ ଵୀରସେଵିତା ।
ନାରଦାଦିମୁନିସ୍ତୁତ୍ୟା ନିତ୍ୟା ସତ୍ୟା ତପସ୍ଵିନୀ ॥ 8 ॥

ଜ୍ଞାନରୂପା କଳାତୀତା ଭକ୍ତାଭୀଷ୍ଟଫଲପ୍ରଦା ।
କୈଲାସନିଲୟା ଶୁଭ୍ରା କ୍ଷମା ଶ୍ରୀଃ ସର୍ଵମଂଗଳା ॥ 9 ॥

ସିଦ୍ଧଵିଦ୍ୟା ମହାଶକ୍ତିଃ କାମିନୀ ପଦ୍ମଲୋଚନା ।
ଦେଵପ୍ରିୟା ଦୈତ୍ୟହଂତ୍ରୀ ଦକ୍ଷଗର୍ଵାପହାରିଣୀ ॥ 10 ॥

ଶିଵଶାସନକର୍ତ୍ରୀ ଚ ଶୈଵାନଂଦଵିଧାୟିନୀ ।
ଭଵପାଶନିହଂତ୍ରୀ ଚ ସଵନାଂଗସୁକାରିଣୀ ॥ 11 ॥

ଲଂବୋଦରୀ ମହାକାଳୀ ଭୀଷଣାସ୍ୟା ସୁରେଶ୍ଵରୀ ।
ମହାନିଦ୍ରା ୟୋଗନିଦ୍ରା ପ୍ରଜ୍ଞା ଵାର୍ତା କ୍ରିୟାଵତୀ ॥ 12 ॥

ପୁତ୍ରପୌତ୍ରପ୍ରଦା ସାଧ୍ଵୀ ସେନାୟୁଦ୍ଧସୁକାଂକ୍ଷିଣୀ ।
ଇଚ୍ଛା ଶଂଭୋଃ କୃପାସିଂଧୁଃ ଚଂଡୀ ଚଂଡପରାକ୍ରମା ॥ 13 ॥

ଶୋଭା ଭଗଵତୀ ମାୟା ଦୁର୍ଗା ନୀଲା ମନୋଗତିଃ ।
ଖେଚରୀ ଖଡ୍ଗିନୀ ଚକ୍ରହସ୍ତା ଶୂଲଵିଧାରିଣୀ ॥ 14 ॥

ସୁବାଣା ଶକ୍ତିହସ୍ତା ଚ ପାଦସଂଚାରିଣୀ ପରା ।
ତପଃସିଦ୍ଧିପ୍ରଦା ଦେଵୀ ଵୀରଭଦ୍ରସହାୟିନୀ ॥ 15 ॥

ଧନଧାନ୍ୟକରୀ ଵିଶ୍ଵା ମନୋମାଲିନ୍ୟହାରିଣୀ ।
ସୁନକ୍ଷତ୍ରୋଦ୍ଭଵକରୀ ଵଂଶଵୃଦ୍ଧିପ୍ରଦାୟିନୀ ॥ 16 ॥

ବ୍ରହ୍ମାଦିସୁରସଂସେଵ୍ୟା ଶାଂକରୀ ପ୍ରିୟଭାଷିଣୀ ।
ଭୂତପ୍ରେତପିଶାଚାଦିହାରିଣୀ ସୁମନସ୍ଵିନୀ ॥ 17 ॥

ପୁଣ୍ୟକ୍ଷେତ୍ରକୃତାଵାସା ପ୍ରତ୍ୟକ୍ଷପରମେଶ୍ଵରୀ ।
ଏଵଂ ନାମ୍ନାଂ ଭଦ୍ରକାଳ୍ୟାଃ ଶତମଷ୍ଟୋତ୍ତରଂ ଵିଦୁଃ ॥ 18 ॥

ପୁଣ୍ୟଂ ୟଶୋ ଦୀର୍ଘମାୟୁଃ ପୁତ୍ରପୌତ୍ରଂ ଧନଂ ବହୁ ।
ଦଦାତି ଦେଵୀ ତସ୍ୟାଶୁ ୟଃ ପଠେତ୍ ସ୍ତୋତ୍ରମୁତ୍ତମମ୍ ॥ 19 ॥

ଭୌମଵାରେ ଭୃଗୌ ଚୈଵ ପୌର୍ଣମାସ୍ୟାଂ ଵିଶେଷତଃ ।
ପ୍ରାତଃ ସ୍ନାତ୍ଵା ନିତ୍ୟକର୍ମ ଵିଧାୟ ଚ ସୁଭକ୍ତିମାନ୍ ॥ 20 ॥

ଵୀରଭଦ୍ରାଲୟେ ଭଦ୍ରାଂ ସଂପୂଜ୍ୟ ସୁରସେଵିତାମ୍ ।
ପଠେତ୍ ସ୍ତୋତ୍ରମିଦଂ ଦିଵ୍ୟଂ ନାନା ଭୋଗପ୍ରଦଂ ଶୁଭମ୍ ॥ 21 ॥

ଅଭୀଷ୍ଟସିଦ୍ଧିଂ ପ୍ରାପ୍ନୋତି ଶୀଘ୍ରଂ ଵିଦ୍ଵାନ୍ ପରଂତପ ।
ଅଥଵା ସ୍ଵଗୃହେ ଵୀରଭଦ୍ରପତ୍ନୀଂ ସମର୍ଚୟେତ୍ ॥ 22 ॥

ସ୍ତୋତ୍ରେଣାନେନ ଵିଧିଵତ୍ ସର୍ଵାନ୍ କାମାନଵାପ୍ନୁୟାତ୍ ।
ରୋଗା ନଶ୍ୟଂତି ତସ୍ୟାଶୁ ୟୋଗସିଦ୍ଧିଂ ଚ ଵିଂଦତି ॥ 23 ॥

ସନତ୍କୁମାରଭକ୍ତାନାମିଦଂ ସ୍ତୋତ୍ରଂ ପ୍ରବୋଧୟ ।
ରହସ୍ୟଂ ସାରଭୂତଂ ଚ ସର୍ଵଜ୍ଞଃ ସଂଭଵିଷ୍ୟସି ॥ 24 ॥

ଇତି ଶ୍ରୀଭଦ୍ରକାଳ୍ୟଷ୍ଟୋତ୍ତରଶତନାମ ସ୍ତୋତ୍ରମ୍ ।

sri bhadrakali ashtottara satanama stotram in odia