অষ্টাবক্র গীতা ষোডশোঽধ্য়ায়ঃ

ashtavakra gita chapter 16 in bengali

অষ্টাবক্র উবাচ ॥

আচক্ষ্ব শ‍ঋণু বা তাত নানাশাস্ত্রাণ্যনেকশঃ ।
তথাপি ন তব স্বাস্থ্য়ং সর্ববিস্মরণাদ্ ঋতে ॥ 16-1॥

ভোগং কর্ম সমাধিং বা কুরু বিজ্ঞ তথাপি তে ।
চিত্তং নিরস্তসর্বাশমত্যর্থং রোচয়িষ্যতি ॥ 16-2॥

আয়াসাত্সকলো দুঃখী নৈনং জানাতি কশ্চন ।
অনেনৈবোপদেশেন ধন্য়ঃ প্রাপ্নোতি নির্বৃতিম্ ॥ 16-3॥

ব্য়াপারে খিদ্যতে যস্তু নিমেষোন্মেষয়োরপি ।
তস্য়ালস্য় ধুরীণস্য় সুখং নান্যস্য় কস্যচিত্ ॥ 16-4॥

ইদং কৃতমিদং নেতি দ্বংদ্বৈর্মুক্তং যদা মনঃ ।
ধর্মার্থকামমোক্ষেষু নিরপেক্ষং তদা ভবেত্ ॥ 16-5॥

বিরক্তো বিষযদ্বেষ্টা রাগী বিষযলোলুপঃ ।
গ্রহমোক্ষবিহীনস্তু ন বিরক্তো ন রাগবান্ ॥ 16-6॥

হেয়োপাদেযতা তাবত্সংসারবিটপাংকুরঃ ।
স্পৃহা জীবতি যাবদ্ বৈ নির্বিচারদশাস্পদম্ ॥ 16-7॥

প্রবৃত্তৌ জাযতে রাগো নির্বৃত্তৌ দ্বেষ এব হি ।
নির্দ্বংদ্বো বালবদ্ ধীমান্ এবমেব ব্যবস্থিতঃ ॥ 16-8॥

হাতুমিচ্ছতি সংসারং রাগী দুঃখজিহাসয়া ।
বীতরাগো হি নির্দুঃখস্তস্মিন্নপি ন খিদ্যতি ॥ 16-9॥

যস্য়াভিমানো মোক্ষেঽপি দেহেঽপি মমতা তথা ।
ন চ জ্ঞানী ন বা যোগী কেবলং দুঃখভাগসৌ ॥ 16-10॥

হরো যদ্য়ুপদেষ্টা তে হরিঃ কমলজোঽপি বা ।
তথাপি ন তব স্বাথ্য়ং সর্ববিস্মরণাদৃতে ॥ 16-11॥

ashtavakra gita chapter 16 in bengali