শ্রী সিদ্ধলক্ষ্মী স্তোত্রম্

sri siddha lakshmi stotram in assamese

অস্য শ্রীসিদ্ধলক্ষ্মীস্তোত্রমংত্রস্য হিরণ্যগর্ভ ঋষিঃ অনুষ্টুপ্ ছংদঃ, শ্রীমহাকালীমহালক্ষ্মীমহাসরস্বত্যো দেবতাঃ শ্রীং বীজং হ্রীং শক্তিঃ ক্লীং কীলকং মম সর্বক্লেশপীডাপরিহারার্থং সর্বদুঃখদারিদ্র্যনাশনার্থং সর্বকার্যসিদ্ধ্যর্থং শ্রীসিদ্ধিলক্ষ্মীস্তোত্র পাঠে বিনিযোগঃ ॥

ঋষ্যাদিন্যাসঃ
ওং হিরণ্যগর্ভ ঋষযে নমঃ শিরসি ।
অনুষ্টুপ্ছংদসে নমো মুখে ।
শ্রীমহাকালীমহালক্ষ্মীমহাসরস্বতীদেবতাভ্যো নমো হৃদিঃ ।
শ্রীং বীজায নমো গুহ্যে ।
হ্রীং শক্তযে নমঃ পাদযোঃ ।
ক্লীং কীলকায নমো নাভৌ ।
বিনিযোগায নমঃ সর্বাংগেষু ॥

করন্যাসঃ
ওং শ্রীং সিদ্ধলক্ষ্ম্যৈ অংগুষ্ঠাভ্যাং নমঃ ।
ওং হ্রীং বিষ্ণুতেজসে তর্জনীভ্যাং নমঃ ।
ওং ক্লীং অমৃতানংদাযৈ মধ্যমাভ্যাং নমঃ ।
ওং শ্রীং দৈত্যমালিন্যৈ অনামিকাভ্যাং নমঃ ।
ওং হ্রীং তেজঃ প্রকাশিন্যৈ কনিষ্ঠিকাভ্যাং নমঃ ।
ওং ক্লীং ব্রাহ্ম্যৈ বৈষ্ণব্যৈ রুদ্রাণ্যৈ করতল করপৃষ্ঠাভ্যাং নমঃ ॥

অংগন্যাসঃ
ওং শ্রীং সিদ্ধলক্ষ্ম্যৈ হৃদযায নমঃ ।
ওং হ্রীং বিষ্ণুতেজসে শিরসে স্বাহা ।
ওং ক্লীং অমৃতানংদাযৈ শিখাযৈ বষট্ ।
ওং শ্রীং দৈত্যমালিন্যৈ কবচায হুম্ ।
ওং হ্রীং তেজঃ প্রকাশিন্যৈ নেত্রত্রযায বৌষট্ ।
ওং ক্লীং ব্রাহ্ম্যৈ বৈষ্ণব্যৈ রুদ্রাণ্যৈ অস্ত্রায ফট্ ॥
ওং শ্রীং হ্রীং ক্লীং শ্রীং সিদ্ধলক্ষ্ম্যৈ নমঃ ইতি দিগ্বংধঃ ॥

অথ ধ্যানম্
ব্রাহ্মীং চ বৈষ্ণবীং ভদ্রাং ষড্ভুজাং চ চতুর্মুখীম্ ।
ত্রিনেত্রাং খড্গত্রিশূলপদ্মচক্রগদাধরাম্ ॥ 1 ॥

পীতাংবরধরাং দেবীং নানালংকারভূষিতাম্ ।
তেজঃপুংজধরীং শ্রেষ্ঠাং ধ্যাযেদ্বালকুমারিকাম্ ॥ 2 ॥

অথ স্তোত্রম্
ওংকারং লক্ষ্মীরূপং তু বিষ্ণুং বাগ্ভবমব্যযম্ ।
বিষ্ণুমানংদমব্যক্তং হ্রীংকারং বীজরূপিণীম্ ॥ 3 ॥

ক্লীং অমৃতানংদিনীং ভদ্রাং সত্যানংদদাযিনীম্ ।
শ্রীং দৈত্যশমনীং শক্তিং মালিনীং শত্রুমর্দিনীম্ ॥ 4 ॥

তেজঃ প্রকাশিনীং দেবীং বরদাং শুভকারিণীম্ ।
ব্রাহ্মীং চ বৈষ্ণবীং রৌদ্রীং কালিকারূপশোভিনীম্ ॥ 5 ॥

অকারে লক্ষ্মীরূপং তু উকারে বিষ্ণুমব্যযম্ ।
মকারঃ পুরুষোঽব্যক্তো দেবী প্রণব উচ্যতে ॥ 6 ॥

সূর্যকোটিপ্রতীকাশং চংদ্রকোটিসমপ্রভম্ ।
তন্মধ্যে নিকরং সূক্ষ্মং ব্রহ্মরুপং ব্যবস্থিতম্ ॥ 7 ॥

ওংকারং পরমানংদং সদৈব সুরসুংদরীম্ ।
সিদ্ধলক্ষ্মী মোক্ষলক্ষ্মী আদ্যলক্ষ্মী নমোঽস্তু তে ॥ 8 ॥

শ্রীংকারং পরমং সিদ্ধং সর্ববুদ্ধিপ্রদাযকম্ ।
সৌভাগ্যাঽমৃতা কমলা সত্যলক্ষ্মী নমোঽস্তু তে ॥ 9 ॥

হ্রীংকারং পরমং শুদ্ধং পরমৈশ্বর্যদাযকম্ ।
কমলা ধনদা লক্ষ্মী ভোগলক্ষ্মী নমোঽস্তু তে ॥ 10 ॥

ক্লীংকারং কামরূপিণ্যং কামনাপরিপূর্তিদম্ ।
চপলা চংচলা লক্ষ্মী কাত্যাযনী নমোঽস্তু তে ॥ 11 ॥

শ্রীংকারং সিদ্ধিরূপিণ্যং সর্বসিদ্ধিপ্রদাযকম্ ।
পদ্মাননাং জগন্মাত্রে অষ্টলক্ষ্মীং নমোঽস্তু তে ॥ 12 ॥

সর্বমংগলমাংগল্যে শিবে সর্বার্থসাধিকে ।
শরণ্যে ত্র্যংবকে গৌরি নারাযণী নমোঽস্তু তে ॥ 13 ॥

প্রথমং ত্র্যংবকা গৌরী দ্বিতীযং বৈষ্ণবী তথা ।
তৃতীযং কমলা প্রোক্তা চতুর্থং সুংদরী তথা ॥ 14 ॥

পংচমং বিষ্ণুশক্তিশ্চ ষষ্ঠং কাত্যাযনী তথা ।
বারাহী সপ্তমং চৈব হ্যষ্টমং হরিবল্লভা ॥ 15 ॥

নবমং খড্গিনী প্রোক্তা দশমং চৈব দেবিকা ।
একাদশং সিদ্ধলক্ষ্মীর্দ্বাদশং হংসবাহিনী ॥ 16 ॥

উত্তরন্যাসঃ
ওং শ্রীং সিদ্ধলক্ষ্ম্যৈ হৃদযায নমঃ ।
ওং হ্রীং বিষ্ণুতেজসে শিরসে স্বাহা ।
ওং ক্লীং অমৃতানংদাযৈ শিখাযৈ বষট্ ।
ওং শ্রীং দৈত্যমালিন্যৈ কবচায হুম্ ।
ওং হ্রীং তেজঃ প্রকাশিন্যৈ নেত্রত্রযায বৌষট্ ।
ওং ক্লীং ব্রাহ্ম্যৈ বৈষ্ণব্যৈ রুদ্রাণ্যৈ অস্ত্রায ফট্ ॥
ওং শ্রীং হ্রীং ক্লীং শ্রীং সিদ্ধলক্ষ্ম্যৈ নমঃ ইতি দিগ্বিমোকঃ ॥

অথ ফলশৃতিঃ
এতত্ স্তোত্রবরং দেব্যা যে পঠংতি সদা নরাঃ ।
সর্বাপদ্ভ্যো বিমুচ্যংতে নাত্র কার্যা বিচারণা ॥ 17 ॥

একমাসং দ্বিমাসং চ ত্রিমাসং চ চতুস্থথা ।
পংচমাসং চ ষণ্মাসং ত্রিকালং যঃ সদা পঠেত্ ॥ 18 ॥

ব্রাহ্মণঃ ক্লেশিতো দুঃখী দারিদ্র্যভযপীডিতঃ ।
জন্মাংতর সহস্রোত্থৈর্মুচ্যতে সর্বকিল্বষৈঃ ॥ 19 ॥

দরিদ্রো লভতে লক্ষ্মীমপুত্রঃ পুত্রবান্ ভবেত্ ।
ধন্যো যশস্বী শত্রুঘ্নো বহ্নিচৌরভযেষু চ ॥ 20 ॥

শাকিনী ভূত বেতাল সর্প ব্যাঘ্র নিপাতনে ।
রাজদ্বারে সভাস্থানে কারাগৃহনিবংধনে ॥ 21 ॥

ঈশ্বরেণ কৃতং স্তোত্রং প্রাণিনাং হিতকারকম্ ।
স্তুবংতু ব্রাহ্মণাঃ নিত্যং দারিদ্র্যং ন চ বাধতে ॥ 22 ॥

সর্বপাপহরা লক্ষ্মীঃ সর্বসিদ্ধিপ্রদাযিনীম্ ।
সাধকাঃ লভতে সর্বং পঠেত্ স্তোত্রং নিরংতরম্ ॥ 23 ॥

প্রার্থনা
যা শ্রীঃ পদ্মবনে কদংবশিখরে রাজগৃহে কুংজরে
শ্বেতে চাশ্বযুতে বৃষে চ যুগলে যজ্ঞে চ যূপস্থিতে ।
শংখে দৈবকুলে নরেংদ্রভবনে গংগাতটে গোকুলে
সা শ্রীস্তিষ্ঠতু সর্বদা মম গৃহে ভূযাত্ সদা নিশ্চলা ॥

যা সা পদ্মাসনস্থা বিপুলকটিতটী পদ্মপত্রাযতাক্ষী
গংভীরাবর্তনাভিঃ স্তনভরনমিতা শুদ্ধবস্ত্রোত্তরীযা ।
লক্ষ্মীর্দিব্যৈর্গজেংদ্রৈর্মণিগণখচিতৈঃ স্নাপিতা হেমকুংভৈঃ
নিত্যং সা পদ্মহস্তা মম বসতু গৃহে সর্বমাংগল্যযুক্তা ॥

ইতি শ্রীব্রহ্মপুরাণে ঈশ্বরবিষ্ণুসংবাদে শ্রী সিদ্ধলক্ষ্মী স্তোত্রম্ ॥

sri siddha lakshmi stotram in assamese