শিব ভুজংগ প্রযাত স্তোত্রম্

shiva bhujanga prayata stotram in assamese

কৃপাসাগরাযাশুকাব্যপ্রদায
প্রণম্রাখিলাভীষ্টসংদাযকায ।
যতীংদ্রৈরুপাস্যাংঘ্রিপাথোরুহায
প্রবোধপ্রদাত্রে নমঃ শংকরায ॥1॥

চিদানংদরূপায চিন্মুদ্রিকোদ্য-
ত্করাযেশপর্যাযরূপায তুভ্যম্ ।
মুদা গীযমানায বেদোত্তমাংগৈঃ
শ্রিতানংদদাত্রে নমঃ শংকরায ॥2॥

জটাজূটমধ্যে পুরা যা সুরাণাং
ধুনী সাদ্য কর্মংদিরূপস্য শংভোঃ
গলে মল্লিকামালিকাব্যাজতস্তে
বিভাতীতি মন্যে গুরো কিং তথৈব ॥3॥

নখেংদুপ্রভাধূতনম্রালিহার্দা-
ংধকারব্রজাযাব্জমংদস্মিতায ।
মহামোহপাথোনিধের্বাডবায
প্রশাংতায কুর্মো নমঃ শংকরায ॥4॥

প্রণম্রাংতরংগাব্জবোধপ্রদাত্রে
দিবারাত্রমব্যাহতোস্রায কামম্ ।
ক্ষপেশায চিত্রায লক্ষ্ম ক্ষযাভ্যাং
বিহীনায কুর্মো নমঃ শংকরায ॥5॥

প্রণম্রাস্যপাথোজমোদপ্রদাত্রে
সদাংতস্তমস্তোমসংহারকর্ত্রে ।
রজন্যা মপীদ্ধপ্রকাশায কুর্মো
হ্যপূর্বায পূষ্ণে নমঃ শংকরায ॥6॥

নতানাং হৃদব্জানি ফুল্লানি শীঘ্রং
করোম্যাশু যোগপ্রদানেন নূনম্ ।
প্রবোধায চেত্থং সরোজানি ধত্সে
প্রফুল্লানি কিং ভো গুরো ব্রূহি মহ্যম্ ॥7॥

প্রভাধূতচংদ্রাযুতাযাখিলেষ্ট-
প্রদাযানতানাং সমূহায শীঘ্রম্।
প্রতীপায নম্রৌঘদুঃখাঘপংক্তে-
র্মুদা সর্বদা স্যান্নমঃ শংকরায ॥8॥

বিনিষ্কাসিতানীশ তত্ত্বাববোধা –
ন্নতানাং মনোভ্যো হ্যনন্যাশ্রযাণি ।
রজাংসি প্রপন্নানি পাদাংবুজাতং
গুরো রক্তবস্ত্রাপদেশাদ্বিভর্ষি ॥9॥

মতের্বেদশীর্ষাধ্বসংপ্রাপকাযা-
নতানাং জনানাং কৃপার্দ্রৈঃ কটাক্ষৈঃ ।
ততেঃ পাপবৃংদস্য শীঘ্রং নিহংত্রে
স্মিতাস্যায কুর্মো নমঃ শংকরায ॥10॥

সুপর্বোক্তিগংধেন হীনায তূর্ণং
পুরা তোটকাযাখিলজ্ঞানদাত্রে।
প্রবালীযগর্বাপহারস্য কর্ত্রে
পদাব্জম্রদিম্না নমঃ শংকরায ॥11॥

ভবাংভোধিমগ্নান্জনাংদুঃখযুক্তান্
জবাদুদ্দিধীর্ষুর্ভবানিত্যহোঽহম্ ।
বিদিত্বা হি তে কীর্তিমন্যাদৃশাংভো
সুখং নির্বিশংকঃ স্বপিম্যস্তযত্নঃ ॥12॥

॥ইতি শ্রীশংকরাচার্য ভুজংগপ্রযাতস্তোত্রম্॥

shiva bhujanga prayata stotram in assamese