রাহু অষ্টোত্তর শত নাম স্তোত্রম্

rahu ashtottara sata nama stotram in assamese

শৃণু নামানি রাহোশ্চ সৈংহিকেযো বিধুংতুদঃ ।
সুরশত্রুস্তমশ্চৈব ফণী গার্গ্যাযণস্তথা ॥ 1 ॥

সুরাগুর্নীলজীমূতসংকাশশ্চ চতুর্ভুজঃ ।
খড্গখেটকধারী চ বরদাযকহস্তকঃ ॥ 2 ॥

শূলাযুধো মেঘবর্ণঃ কৃষ্ণধ্বজপতাকবান্ ।
দক্ষিণাশামুখরতঃ তীক্ষ্ণদংষ্ট্রধরায চ ॥ 3 ॥

শূর্পাকারাসনস্থশ্চ গোমেদাভরণপ্রিযঃ ।
মাষপ্রিযঃ কশ্যপর্ষিনংদনো ভুজগেশ্বরঃ ॥ 4 ॥

উল্কাপাতজনিঃ শূলী নিধিপঃ কৃষ্ণসর্পরাট্ ।
বিষজ্বলাবৃতাস্যোঽর্ধশরীরো জাদ্যসংপ্রদঃ ॥ 5 ॥

রবীংদুভীকরশ্ছাযাস্বরূপী কঠিনাংগকঃ ।
দ্বিষচ্চক্রচ্ছেদকোঽথ করালাস্যো ভযংকরঃ ॥ 6 ॥

ক্রূরকর্মা তমোরূপঃ শ্যামাত্মা নীললোহিতঃ ।
কিরীটী নীলবসনঃ শনিসামংতবর্ত্মগঃ ॥ 7 ॥

চাংডালবর্ণোঽথাশ্ব্যর্ক্ষভবো মেষভবস্তথা ।
শনিবত্ফলদঃ শূরোঽপসব্যগতিরেব চ ॥ 8 ॥

উপরাগকরঃ সূর্যহিমাংশুচ্ছবিহারকঃ ।
নীলপুষ্পবিহারশ্চ গ্রহশ্রেষ্ঠোঽষ্টমগ্রহঃ ॥ 9 ॥

কবংধমাত্রদেহশ্চ যাতুধানকুলোদ্ভবঃ ।
গোবিংদবরপাত্রং চ দেবজাতিপ্রবিষ্টকঃ ॥ 10 ॥

ক্রূরো ঘোরঃ শনের্মিত্রং শুক্রমিত্রমগোচরঃ ।
মানেগংগাস্নানদাতা স্বগৃহেপ্রবলাঢ্যকঃ ॥ 11 ॥

সদ্গৃহেঽন্যবলধৃচ্চতুর্থে মাতৃনাশকঃ ।
চংদ্রযুক্তে তু চংডালজন্মসূচক এব তু ॥ 12 ॥

জন্মসিংহে রাজ্যদাতা মহাকাযস্তথৈব চ ।
জন্মকর্তা বিধুরিপু মত্তকো জ্ঞানদশ্চ সঃ ॥ 13 ॥

জন্মকন্যারাজ্যদাতা জন্মহানিদ এব চ ।
নবমে পিতৃহংতা চ পংচমে শোকদাযকঃ ॥ 14 ॥

দ্যূনে কলত্রহংতা চ সপ্তমে কলহপ্রদঃ ।
ষষ্ঠে তু বিত্তদাতা চ চতুর্থে বৈরদাযকঃ ॥ 15 ॥

নবমে পাপদাতা চ দশমে শোকদাযকঃ ।
আদৌ যশঃ প্রদাতা চ অংতে বৈরপ্রদাযকঃ ॥ 16 ॥

কালাত্মা গোচরাচারো ধনে চাস্য ককুত্প্রদঃ ।
পংচমে ধিষণাশৃংগদঃ স্বর্ভানুর্বলী তথা ॥ 17 ॥

মহাসৌখ্যপ্রদাযী চ চংদ্রবৈরী চ শাশ্বতঃ ।
সুরশত্রুঃ পাপগ্রহঃ শাংভবঃ পূজ্যকস্তথা ॥ 18 ॥

পাটীরপূরণশ্চাথ পৈঠীনসকুলোদ্ভবঃ ।
দীর্ঘকৃষ্ণোঽতনুর্বিষ্ণুনেত্রারির্দেবদানবৌ ॥ 19 ॥

ভক্তরক্ষো রাহুমূর্তিঃ সর্বাভীষ্টফলপ্রদঃ ।
এতদ্রাহুগ্রহস্যোক্তং নাম্নামষ্টোত্তরং শতম্ ॥ 20 ॥

শ্রদ্ধযা যো জপেন্নিত্যং মুচ্যতে সর্বসংকটাত্ ।
সর্বসংপত্করস্তস্য রাহুরিষ্টপ্রদাযকঃ ॥ 21 ॥

ইতি শ্রী রাহু অষ্টোত্তরশতনাম স্তোত্রম্ ।

rahu ashtottara sata nama stotram in assamese