নারাযণীযং দশক 50 – বত্সাসুর-বকাসুরযোঃ বধম্

narayaniyam dashaka 50 in assamese

তরলমধুকৃত্ বৃংদে বৃংদাবনেঽথ মনোহরে
পশুপশিশুভিঃ সাকং বত্সানুপালনলোলুপঃ ।
হলধরসখো দেব শ্রীমন্ বিচেরিথ ধারযন্
গবলমুরলীবেত্রং নেত্রাভিরামতনুদ্যুতিঃ ॥1॥

বিহিতজগতীরক্ষং লক্ষ্মীকরাংবুজলালিতং
দদতি চরণদ্বংদ্বং বৃংদাবনে ত্বযি পাবনে ।
কিমিব ন বভৌ সংপত্সংপূরিতং তরুবল্লরী-
সলিলধরণীগোত্রক্ষেত্রাদিকং কমলাপতে ॥2॥

বিলসদুলপে কাংতারাংতে সমীরণশীতলে
বিপুলযমুনাতীরে গোবর্ধনাচলমূর্ধসু ।
ললিতমুরলীনাদঃ সংচারযন্ খলু বাত্সকং
ক্বচন দিবসে দৈত্যং বত্সাকৃতিং ত্বমুদৈক্ষথাঃ ॥3॥

রভসবিলসত্পুচ্ছং বিচ্ছাযতোঽস্য বিলোকযন্
কিমপি বলিতস্কংধং রংধ্রপ্রতীক্ষমুদীক্ষিতম্ ।
তমথ চরণে বিভ্রদ্বিভ্রামযন্ মুহুরুচ্চকৈঃ
কুহচন মহাবৃক্ষে চিক্ষেপিথ ক্ষতজীবিতম্ ॥4॥

নিপততি মহাদৈত্যে জাত্যা দুরাত্মনি তত্ক্ষণং
নিপতনজবক্ষুণ্ণক্ষোণীরুহক্ষতকাননে ।
দিবি পরিমিলত্ বৃংদা বৃংদারকাঃ কুসুমোত্করৈঃ
শিরসি ভবতো হর্ষাদ্বর্ষংতি নাম তদা হরে ॥5॥

সুরভিলতমা মূর্ধন্যূর্ধ্বং কুতঃ কুসুমাবলী
নিপততি তবেত্যুক্তো বালৈঃ সহেলমুদৈরযঃ ।
ঝটিতি দনুজক্ষেপেণোর্ধ্বং গতস্তরুমংডলাত্
কুসুমনিকরঃ সোঽযং নূনং সমেতি শনৈরিতি ॥6॥

ক্বচন দিবসে ভূযো ভূযস্তরে পরুষাতপে
তপনতনযাপাথঃ পাতুং গতা ভবদাদযঃ ।
চলিতগরুতং প্রেক্ষামাসুর্বকং খলু বিস্ম্রৃতং
ক্ষিতিধরগরুচ্ছেদে কৈলাসশৈলমিবাপরম্ ॥7॥

পিবতি সলিলং গোপব্রাতে ভবংতমভিদ্রুতঃ
স কিল নিগিলন্নগ্নিপ্রখ্যং পুনর্দ্রুতমুদ্বমন্ ।
দলযিতুমগাত্ত্রোট্যাঃ কোট্যা তদাঽঽশু ভবান্ বিভো
খলজনভিদাচুংচুশ্চংচূ প্রগৃহ্য দদার তম্ ॥8॥

সপদি সহজাং সংদ্রষ্টুং বা মৃতাং খলু পূতনা-
মনুজমঘমপ্যগ্রে গত্বা প্রতীক্ষিতুমেব বা ।
শমননিলযং যাতে তস্মিন্ বকে সুমনোগণে
কিরতি সুমনোবৃংদং বৃংদাবনাত্ গৃহমৈযথাঃ ॥9॥

ললিতমুরলীনাদং দূরান্নিশম্য বধূজনৈ-
স্ত্বরিতমুপগম্যারাদারূঢমোদমুদীক্ষিতঃ ।
জনিতজননীনংদানংদঃ সমীরণমংদির-
প্রথিতবসতে শৌরে দূরীকুরুষ্ব মমামযান্ ॥10॥

narayaniyam dashaka 50 in assamese