নারাযণীযং দশক 100 – ভগবতঃ কেশাদিপাদবর্ণনম্

narayaniyam dashaka 100 in assamese

অগ্রে পশ্যামি তেজো নিবিডতরকলাযাবলীলোভনীযং
পীযূষাপ্লাবিতোঽহং তদনু তদুদরে দিব্যকৈশোরবেষম্ ।
তারুণ্যারংভরম্যং পরমসুখরসাস্বাদরোমাংচিতাংগৈ-
রাবীতং নারদাদ্যৈর্বিলসদুপনিষত্সুংদরীমংডলৈশ্চ ॥1॥

নীলাভং কুংচিতাগ্রং ঘনমমলতরং সংযতং চারুভংগ্যা
রত্নোত্তংসাভিরামং বলযিতমুদযচ্চংদ্রকৈঃ পিংছজালৈঃ ।
মংদারস্রঙ্নিবীতং তব পৃথুকবরীভারমালোকযেঽহং
স্নিগ্ধশ্বেতোর্ধ্বপুংড্রামপি চ সুললিতাং ফালবালেংদুবীথীম্ ॥2

হৃদ্যং পূর্ণানুকংপার্ণবমৃদুলহরীচংচলভ্রূবিলাসৈ-
রানীলস্নিগ্ধপক্ষ্মাবলিপরিলসিতং নেত্রযুগ্মং বিভো তে ।
সাংদ্রচ্ছাযং বিশালারুণকমলদলাকারমামুগ্ধতারং
কারুণ্যালোকলীলাশিশিরিতভুবনং ক্ষিপ্যতাং ময্যনাথে ॥3॥

উত্তুংগোল্লাসিনাসং হরিমণিমুকুরপ্রোল্লসদ্গংডপালী-
ব্যালোলত্কর্ণপাশাংচিতমকরমণীকুংডলদ্বংদ্বদীপ্রম্ ।
উন্মীলদ্দংতপংক্তিস্ফুরদরুণতরচ্ছাযবিংবাধরাংতঃ-
প্রীতিপ্রস্যংদিমংদস্মিতমধুরতরং বক্ত্রমুদ্ভাসতাং মে ॥4॥

বাহুদ্বংদ্বেন রত্নোজ্জ্বলবলযভৃতা শোণপাণিপ্রবালে-
নোপাত্তাং বেণুনালী প্রসৃতনখমযূখাংগুলীসংগশারাম্ ।
কৃত্বা বক্ত্রারবিংদে সুমধুরবিকসদ্রাগমুদ্ভাব্যমানৈঃ
শব্দব্রহ্মামৃতৈস্ত্বং শিশিরিতভুবনৈঃ সিংচ মে কর্ণবীথীম্ ॥5॥

উত্সর্পত্কৌস্তুভশ্রীততিভিররুণিতং কোমলং কংঠদেশং
বক্ষঃ শ্রীবত্সরম্যং তরলতরসমুদ্দীপ্রহারপ্রতানম্ ।
নানাবর্ণপ্রসূনাবলিকিসলযিনীং বন্যমালাং বিলোল-
ল্লোলংবাং লংবমানামুরসি তব তথা ভাবযে রত্নমালাম্ ॥6॥

অংগে পংচাংগরাগৈরতিশযবিকসত্সৌরভাকৃষ্টলোকং
লীনানেকত্রিলোকীবিততিমপি কৃশাং বিভ্রতং মধ্যবল্লীম্ ।
শক্রাশ্মন্যস্ততপ্তোজ্জ্বলকনকনিভং পীতচেলং দধানং
ধ্যাযামো দীপ্তরশ্মিস্ফুটমণিরশনাকিংকিণীমংডিতং ত্বাম্ ॥7॥

ঊরূ চারূ তবোরূ ঘনমসৃণরুচৌ চিত্তচোরৌ রমাযাঃ
বিশ্বক্ষোভং বিশংক্য ধ্রুবমনিশমুভৌ পীতচেলাবৃতাংগৌ ।
আনম্রাণাং পুরস্তান্ন্যসনধৃতসমস্তার্থপালীসমুদ্গ-
চ্ছাযং জানুদ্বযং চ ক্রমপৃথুলমনোজ্ঞে চ জংঘে নিষেবে ॥8॥

মংজীরং মংজুনাদৈরিব পদভজনং শ্রেয ইত্যালপংতং
পাদাগ্রং ভ্রাংতিমজ্জত্প্রণতজনমনোমংদরোদ্ধারকূর্মম্ ।
উত্তুংগাতাম্ররাজন্নখরহিমকরজ্যোত্স্নযা চাঽশ্রিতানাং
সংতাপধ্বাংতহংত্রীং ততিমনুকলযে মংগলামংগুলীনাম্ ॥9॥

যোগীংদ্রাণাং ত্বদংগেষ্বধিকসুমধুরং মুক্তিভাজাং নিবাসো
ভক্তানাং কামবর্ষদ্যুতরুকিসলযং নাথ তে পাদমূলম্ ।
নিত্যং চিত্তস্থিতং মে পবনপুরপতে কৃষ্ণ কারুণ্যসিংধো
হৃত্বা নিশ্শেষতাপান্ প্রদিশতু পরমানংদসংদোহলক্ষ্মীম্ ॥10॥

অজ্ঞাত্বা তে মহত্বং যদিহ নিগদিতং বিশ্বনাথ ক্ষমেথাঃ
স্তোত্রং চৈতত্সহস্রোত্তরমধিকতরং ত্বত্প্রসাদায ভূযাত্ ।
দ্বেধা নারাযণীযং শ্রুতিষু চ জনুষা স্তুত্যতাবর্ণনেন
স্ফীতং লীলাবতারৈরিদমিহ কুরুতামাযুরারোগ্যসৌখ্যম্ ॥11॥

narayaniyam dashaka 100 in assamese