দুর্গা কবচম্ (ব্রহ্মাংড পুরাণম্)

durga kavacham brahmanda puranam in assamese

নারাযণ উবাচ ।
ওং দুর্গেতি চতুর্থ্যংতঃ স্বাহাংতো মে শিরোঽবতু ।
মংত্রঃ ষডক্ষরোঽযং চ ভক্তানাং কল্পপাদপঃ ॥ 1 ॥

বিচারো নাস্তি বেদেষু গ্রহণেঽস্য মনোর্মুনে ।
মংত্রগ্রহণমাত্রেণ বিষ্ণুতুল্যো ভবেন্নরঃ ॥ 2 ॥

মম বক্ত্রং সদা পাতু ওং দুর্গাযৈ নমোঽংততঃ ।
ওং দুর্গে রক্ষযতি চ কংঠং পাতু সদা মম ॥ 3 ॥

ওং হ্রীং শ্রীমিতি মংত্রোঽযং স্কংধং পাতু নিরংতরম্ ।
হ্রীং শ্রীং ক্লীমিতি পৃষ্ঠং চ পাতু মে সর্বতঃ সদা ॥ 4 ॥

হ্রীং মে বক্ষঃস্থলং পাতু হস্তং শ্রীমিতি সংততম্ ।
শ্রীং হ্রীং ক্লীং পাতু সর্বাংগং স্বপ্নে জাগরণে তথা ॥ 5 ॥

প্রাচ্যাং মাং প্রকৃতিঃ পাতুঃ পাতু বহ্নৌ চ চংডিকা ।
দক্ষিণে ভদ্রকালী চ নৈরৃত্যাং চ মহেশ্বরী ॥ 6 ॥

বারুণ্যাং পাতু বারাহী বাযব্যাং সর্বমংগলা ।
উত্তরে বৈষ্ণবী পাতু তথৈশান্যাং শিবপ্রিযা ॥ 7 ॥

জলে স্থলে চাংতরিক্ষে পাতু মাং জগদংবিকা ।
ইতি তে কথিতং বত্স কবচং চ সুদুর্লভম্ ॥ 8 ॥

যস্মৈ কস্মৈ ন দাতব্যং প্রবক্তব্যং ন কস্যচিত্ ।
গুরুমভ্যর্চ্য বিধিবদ্বস্ত্রালংকারচংদনৈঃ ।
কবচং ধারযেদ্যস্তু সোঽপি বিষ্ণুর্ন সংশযঃ ॥ 9 ॥

ইতি শ্রীব্রহ্মবৈবর্তে মহাপুরাণে প্রকৃতিখংডে নারদনারাযণসংবাদে দুর্গোপাখ্যানে সপ্তষষ্টিতমোঽধ্যাযে ব্রহ্মাংডমোহনং নাম শ্রী দুর্গা কবচম্ ।

durga kavacham brahmanda puranam in assamese