শ্রী দুর্গা আপদুদ্ধারক স্তোত্রম্

durga apaduddharaka stotram in assamese

নমস্তে শরণ্যে শিবে সানুকংপে
নমস্তে জগদ্ব্যাপিকে বিশ্বরূপে ।
নমস্তে জগদ্বংদ্যপাদারবিংদে
নমস্তে জগত্তারিণি ত্রাহি দুর্গে ॥ 1 ॥

নমস্তে জগচ্চিংত্যমানস্বরূপে
নমস্তে মহাযোগিবিজ্ঞানরূপে ।
নমস্তে নমস্তে সদানংদরূপে
নমস্তে জগত্তারিণি ত্রাহি দুর্গে ॥ 2 ॥

অনাথস্য দীনস্য তৃষ্ণাতুরস্য
ভযার্তস্য ভীতস্য বদ্ধস্য জংতোঃ ।
ত্বমেকা গতির্দেবি নিস্তারকর্ত্রী
নমস্তে জগত্তারিণি ত্রাহি দুর্গে ॥ 3 ॥

অরণ্যে রণে দারুণে শত্রুমধ্যে-
ঽনলে সাগরে প্রাংতরে রাজগেহে ।
ত্বমেকা গতির্দেবি নিস্তারনৌকা
নমস্তে জগত্তারিণি ত্রাহি দুর্গে ॥ 4 ॥

অপারে মহাদুস্তরেঽত্যংতঘোরে
বিপত্সাগরে মজ্জতাং দেহভাজাম্ ।
ত্বমেকা গতির্দেবি নিস্তারহেতু-
র্নমস্তে জগত্তারিণি ত্রাহি দুর্গে ॥ 5 ॥

নমশ্চংডিকে চংডদুর্দংডলীলা-
সমুত্খংডিতা খংডিতাঽশেষশত্রোঃ ।
ত্বমেকা গতির্দেবি নিস্তারবীজং
নমস্তে জগত্তারিণি ত্রাহি দুর্গে ॥ 6 ॥

ত্বমেকা সদারাধিতা সত্যবাদি-
ন্যনেকাখিলা ক্রোধনা ক্রোধনিষ্ঠা ।
ইডা পিংগলা ত্বং সুষুম্না চ নাডী
নমস্তে জগত্তারিণি ত্রাহি দুর্গে ॥ 7 ॥

নমো দেবি দুর্গে শিবে ভীমনাদে
সদাসর্বসিদ্ধিপ্রদাতৃস্বরূপে ।
বিভূতিঃ শচী কালরাত্রিঃ সতী ত্বং
নমস্তে জগত্তারিণি ত্রাহি দুর্গে ॥ 8 ॥

শরণমসি সুরাণাং সিদ্ধবিদ্যাধরাণাং
মুনিমনুজপশূনাং দস্যুভিস্ত্রাসিতানাং
নৃপতিগৃহগতানাং ব্যাধিভিঃ পীডিতানাম্ ।
ত্বমসি শরণমেকা দেবি দুর্গে প্রসীদ ॥ 9 ॥

ইদং স্তোত্রং মযা প্রোক্তমাপদুদ্ধারহেতুকম্ ।
ত্রিসংধ্যমেকসংধ্যং বা পঠনাদ্ঘোরসংকটাত্ ॥ 10 ॥

মুচ্যতে নাত্র সংদেহো ভুবি স্বর্গে রসাতলে ।
সর্বং বা শ্লোকমেকং বা যঃ পঠেদ্ভক্তিমান্সদা ॥ 11 ॥

স সর্বং দুষ্কৃতং ত্যক্ত্বা প্রাপ্নোতি পরমং পদম্ ।
পঠনাদস্য দেবেশি কিং ন সিদ্ধ্যতি ভূতলে ।
স্তবরাজমিদং দেবি সংক্ষেপাত্কথিতং মযা ॥ 12

ইতি শ্রী সিদ্ধেশ্বরীতংত্রে পরমশিবোক্ত শ্রী দুর্গা আপদুদ্ধার স্তোত্রম্ ।

durga apaduddharaka stotram in assamese