ভর্তৃহরেঃ শতক ত্রিশতি – শৃংগার শতকম্

bhartruhari sataka trisati srungaara satakam in assamese

শংভুস্বযংভুহরযো হরিণেক্ষণানাং
যেনাক্রিযংত সততং গৃহকুংভদাসাঃ ।
বাচাং অগোচরচরিত্রবিচিত্রিতায
তস্মৈ নমো ভগবতে মকরধ্বজায ॥ 2.1 ॥

স্মিতেন ভাবেন চ লজ্জযা ভিযা
পরাণ্মুখৈরর্ধকটাক্ষবীক্ষণৈঃ ।
বচোভিরীর্ষ্যাকলহেন লীলযা
সমস্তভাবৈঃ খলু বংধনং স্ত্রিযঃ ॥ 2.2 ॥

ভ্রূচাতুর্যাত্কুষ্চিতাক্ষাঃ কটাক্ষাঃ
স্নিগ্ধা বাচো লজ্জিতাংতাশ্চ হাসাঃ ।
লীলামংদং প্রস্থিতং চ স্থিতং চ
স্ত্রীণাং এতদ্ভূষণং চাযুধং চ ॥ 2.3 ॥

ক্বচিত্সভ্রূভংগৈঃ ক্বচিদপি চ লজ্জাপরিগতৈঃ
ক্বচিদ্ভূরিত্রস্তৈঃ ক্বচিদপি চ লীলাবিললিতৈঃ ।
কুমারীণাং এতৈর্মদনসুভগৈর্নেত্রবলিতৈঃ
স্ফুরন্নীলাব্জানাং প্রকরপরিকীর্ণা ইব দিশঃ ॥ 2.4 ॥

বক্ত্রং চংদ্রবিকাসি পংকজপরীহাসক্ষমে লোচনে
বর্ণঃ স্বর্ণং অপাকরিষ্ণুরলিনীজিষ্ণুঃ কচানাং চযঃ ।
বক্ষোজাবিভকুংভবিভ্রমহরৌ গুর্বী নিতংবস্থলী
বাচাং হারি চ মার্দবং যুবতীষু স্বাভাবিকং মংডনম্ ॥ 2.5 ॥

স্মিতকিংচিন্মুগ্ধং সরলতরলো দৃষ্টিবিভবঃ
পরিস্পংদো বাচাং অভিনববিলাসোক্তিসরসঃ ।
গতানাং আরংভঃ কিসলযিতলীলাপরিকরঃ
স্পৃশংত্যাস্তারুণ্যং কিং ইব ন হি রম্যং মৃগদৃশঃ ॥ 2.6 ॥

দ্রষ্টব্যেষু কিং উত্তমং মৃগদৃশঃ প্রেমপ্রসন্নং মুখং
ঘ্রাতবেষ্বপি কিং তদ্​আস্যপবনঃ শ্রব্যেষু কিং তদ্বচঃ ।
কিং স্বাদ্যেষু তদ্​ওষ্ঠপল্লবরসঃ স্পৃশ্যেষু কিং তদ্বপুর্ধ্যেযং
কিং নবযৌবনে সহৃদযৈঃ সর্বত্র তদ্বিভ্রমাঃ ॥ 2.7 ॥

এতাশ্চলদ্বলযসংহতিমেখলোত্থঝংকার
নূপুরপরাজিতরাজহংস্যঃ ।
কুর্বংতি কস্য ন মনো বিবশং তরুণ্যো
বিত্রস্তমুগ্ধহরিণীসদৃশৈঃ কটাক্ষৈঃ ॥ 2.8 ॥

কুংকুমপংককলংকিতদেহা
গৌরপযোধরকংপিতহারা ।
নূপুরহংসরণত্পদ্মা
কং ন বশীকুরুতে ভুবি রামা ॥ 2.9 ॥

নূনং হি তে কবিবরা বিপরীতবাচো
যে নিত্যং আহুরবলা ইতি কামিনীস্তাঃ ।
যাভির্বিলোলিতরতারকদৃষ্টিপাতৈঃ
শক্রাদযোঽপি বিজিতাস্ত্ববলাঃ কথং তাঃ ॥ 2.10 ॥

নূনং আজ্ঞাকরস্তস্যাঃ সুভ্রুবো মকরধ্বজঃ ।
যতস্তন্নেত্রসংচারসূচিতেষু প্রবর্ততে ॥ 2.11 ॥

কেশাঃ সংযমিনঃ শ্রুতেরপি পরং পারং গতে লোচনে
অংতর্বক্ত্রং অপি স্বভাবশুচিভীঃ কীর্ণং দ্বিজানাং গণৈঃ ।
মুক্তানাং সততাধিবাসরুচিরৌ বক্ষোজকুংভাবিমাবিত্থং
তন্বি বপুঃ প্রশাংতং অপি তেরাগং করোত্যেব নঃ ॥ 2.12 ॥

মুগ্ধে ধানুষ্কতা কেযং অপূর্বা ত্বযি দৃশ্যতে ।
যযা বিধ্যসি চেতাংসি গুণৈরেব ন সাযকৈঃ ॥ 2.13 ॥

সতি প্রদীপে সত্যগ্নৌ সত্সু তারারবীংদুষু ।
বিনা মে মৃগশাবাক্ষ্যা তমোভূতং ইদং জগথ্ ॥ 2.14 ॥

উদ্বৃত্তঃ স্তনভার এষ তরলে নেত্রে চলে ভ্রূলতে
রাগাধিষ্ঠিতং ওষ্ঠপল্লবং ইদং কুর্বংতু নাম ব্যথাম্ ।
সৌভাগ্যাক্ষরমালিকেব লিখিতা পুষ্পাযুধেন স্বযং
মধ্যস্থাপি করোতি তাপং অধিকং রৌম্​আবলিঃ কেন সা ॥ 2.15 ॥

মুখেন চংদ্রকাংতেন মহানীলৈঃ শিরোরুহৈঃ ।
করাভ্যাং পদ্মরাগাভ্যাং রেজে রত্নমযীব সা ॥ 2.16 ॥

গুরুণা স্তনভারেণ মুখচংদ্রেণ ভাস্বতা ।
শনৈশ্চরাভ্যাং পাদাভ্যাং রেজে গ্রহমযীব সা ॥ 2.17 ॥

তস্যাঃ স্তনৌ যদি ঘনৌ জঘনং চ হারি
বক্ত্রং চ চারু তব চিত্ত কিং আকুলত্বম্ ।
পুণ্যং কুরুষ্ব যদি তেষু তবাস্তি বাংছা
পুণ্যৈর্বিনা ন হি ভবংতি সমীহিতার্থাঃ ॥ 2.18 ॥

ইমে তারুণ্যশ্রীনবপরিমলাঃ প্রৌঢসুরতপ্রতাপ
প্রারংভাঃ স্মরবিজযদানপ্রতিভুবঃ ।
চিরং চেতশ্চোরা অভিনববিকারৈকগুরবো
বিলাসব্যাপারাঃ কিং অপি বিজযংতে মৃগদৃশাম্ ॥ 2.19 ॥

প্রণযমধুরাঃ প্রেমোদ্গারা রসাশ্রযতাং গতাঃ
ফণিতিমধুরা মুগ্ধপ্রাযাঃ প্রকাশিতসম্মদাঃ ।
প্রকৃতিসুভগা বিস্রংভার্দ্রাঃ স্মরোদযদাযিনী
রহসি কিং অপি স্বৈরালাপা হরংতি মৃগীদৃশাম্ ॥ 2.20 ॥

বিশ্রম্য বিশ্রম্য বনদ্রুমাণাং
ছাযাসু তন্বী বিচচার কাচিত্ ।
স্তনোত্তরীযেণ করোদ্ধৃতেন
নিবারযংতী শশিনো মযূখান্ ॥ 2.21 ॥

অদর্শনে দর্শনমাত্রকামা
দৃষ্ট্বা পরিষ্বংগসুখৈকলোলা ।
আলিংগিতাযাং পুনরাযতাক্ষ্যামাশাস্মহে
বিগ্রহযোরভেদম্ ॥ 2.22 ॥

মালতী শিরসি জৃংভণং মুখে
চংদনং বপুষি কুংকুমাবিলম্ ।
বক্ষসি প্রিযতমা মদালসা
স্বর্গ এষ পরিশিষ্ট আগমঃ ॥ 2.23 ॥

প্রাঙ্মাং এতি মনাগনাগতরসং জাতাভিলাষাং ততঃ
সব্রীডং তদনু শ্লথোদ্যমং অথ প্রধ্বস্তধৈর্যং পুনঃ ।
প্রেমার্দ্রং স্পৃহণীযনির্ভররহঃ ক্রীডাপ্রগল্ভং ততো
নিঃসংগাংগবিকর্ষণাধিকসুখরম্যং কুলস্ত্রীরতম্ ॥ 2.24 ॥

উরসি নিপতিতানাং স্রস্তধম্মিল্লকানাং
মুকুলিতনযনানাং কিংচিদ্​উন্মীলিতানাম্ ।
উপরি সুরতখেদস্বিন্নগংডস্থলানামধর
মধু বধূনাং ভাগ্যবংতঃ পিবংতি ॥ 2.25 ॥

আমীলিতনযনানাং যঃ
সুরতরসোঽনু সংবিদং ভাতি ।
মিথুরৈর্মিথোঽবধারিতমবিতথম্
ইদং এব কামনির্বর্হণম্ ॥ 2.26 ॥

ইদং অনুচিতং অক্রমশ্চ পুংসাং
যদিহ জরাস্বপি মন্মথা বিকারাঃ ।
তদপি চ ন কৃতং নিতংবিনীনাং
স্তনপতনাবধি জীবিতং রতং বা ॥ 2.27 ॥

রাজস্তৃষ্ণাংবুরাশের্ন হি জগতি গতঃ কশ্চিদেবাবসানং
কো বার্থোঽর্থৈঃ প্রভূতৈঃ স্ববপুষি গলিতে যৌবনে সানুরাগে ।
গচ্ছামঃ সদ্ম যাবদ্বিকসিতনযনেংদীবরালোকিনীনামাক্রম্যাক্রম্য
রূপং ঝটিতি ন জরযা লুপ্যতে প্রেযসীনাম্ ॥ 2.28 ॥

রাগস্যাগারং একং নরকশতমহাদুঃখসংপ্রাপ্তিহেতুর্মোহস্যোত্পত্তি
বীজং জলধরপটলং জ্ঞানতারাধিপস্য ।
কংদর্পস্যৈকমিত্রং প্রকটিতবিবিধস্পষ্টদোষপ্রবংধং
লোকেঽস্মিন্ন হ্যর্থব্রজকুলভবনযৌবনাদন্যদস্তি ॥ 2.29 ॥

শৃংগারদ্রুমনীরদে প্রসৃমরক্রীডারসস্রোতসি
প্রদ্যুম্নপ্রিযবাংধবে চতুরবাঙ্মুক্তাফলোদন্বতি ।
তন্বীনেত্রচকোরপাবনবিধৌ সৌভাগ্যলক্ষ্মীনিধৌ
ধন্যঃ কোঽপি ন বিক্রিযাং কলযতি প্রাপ্তে নবে যৌবনে ॥ 2.30 ॥

সংসারেঽস্মিন্নসারে কুনৃপতিভবনদ্বারসেবাকলংকব্যাসংগ
ব্যস্তধৈর্যং কথং অমলধিযো মানসং সংবিদধ্যুঃ ।
যদ্যেতাঃ প্রোদ্যদ্​ইংদুদ্যুতিনিচযভৃতো ন স্যুরংভোজনেত্রাঃ
প্রেংখত্কাংচীকলাপাঃ স্তনভরবিনমন্মধ্যভাজস্তরুণ্যঃ ॥ 2.31 ॥

সিদ্ধাধ্যাসিতকংদরে হরবৃষস্কংধাবরুগ্ণদ্রুমে
গংগাধৌতশিলাতলে হিমবতঃ স্থানে স্থিতে শ্রেযসি ।
কঃ কুর্বীত শিরঃ প্রণামমলিনং ম্লানং মনস্বী জনো
যদ্বিত্রস্তকুরংগশাবনযনা ন স্যুঃ স্মরাস্ত্রং স্ত্রিযঃ ॥ 2.32 ॥

সংসার তব পর্যংতপদবী ন দবীযসী ।
অংতরা দুস্তরা ন স্যুর্যদি তে মদিরেক্ষণাম্ ॥ 2.33 ॥

দিশ বনহরিণীভ্যো বংশকাংডচ্ছবীনাং
কবলং উপলকোটিচ্ছিন্নমূলং কুশানাম্ ।
শকযুবতিকপোলাপাংডুতাংবূলবল্লীদলম্
অরুণনখাগ্রৈঃ পাটিতং বা বধূভ্যঃ ॥ 2.34 ॥

অসারাঃ সর্বে তে বিরতিবিরসাঃ পাপবিষযা
জুগুপ্স্যংতাং যদ্বা ননু সকলদোষাস্পদং ইতি ।
তথাপ্যেতদ্ভূমৌ নহি পরহিতাত্পুণ্যং অধিকং
ন চাস্মিন্সংসারে কুবলযদৃশো রম্যং অপরম্ ॥ 2.35 ॥

এতত্কামফলো লোকে যদ্দ্বযোরেকচিত্ততা ।
অন্যচিত্তকৃতে কামে শবযোরিব সংগমঃ ॥ 2.351 ॥

মাত্সর্যং উত্সার্য বিচার্য কার্যমার্যাঃ
সমর্যাদং ইদং বদংতু ।
সেব্যা নিতংবাঃ কিং উ ভূধরাণামত
স্মরস্মেরবিলাসিনীনাম্ ॥ 2.36 ॥

সংসারে স্বপ্নসারে পরিণতিতরলে দ্বে গতী পংডিতানাং
তত্ত্বজ্ঞানামৃতাংভঃপ্লবললিতধিযাং যাতু কালঃ কথংচিত্ ।
নো চেন্মুগ্ধাংগনানাং স্তনজঘনঘনাভোগসংভোগিনীনাং
স্থূলোপস্থস্থলীষু স্থগিতকরতলস্পর্শলীলোদ্যমানাম্ ॥ 2.37 ॥

আবাসঃ ক্রিযতাং গংগে পাপহারিণি বারিণি ।
স্তনদ্বযে তরুণ্যা বা মনোহারিণি হারিণি ॥ 2.38 ॥

কিং ইহ বহুভিরুক্তৈর্যুক্তিশূন্যৈঃ প্রলাপৈর্দ্বযম্
ইহ পুরুষাণাং সর্বদা সেবনীযম্ ।
অভিনবমদলীলালালসং সুংদরীণাং
স্তনভরপরিখিন্নং যৌবনং বা বনং বা ॥ 2.39 ॥

সত্যং জনা বচ্মি ন পক্ষপাতাল্
লোকেষু সপ্তস্বপি তথ্যং এতত্ ।
নান্যন্মনোহারি নিতংবিনীভ্যো
দুঃখৈকহেতুর্ন চ কশ্চিদন্যঃ ॥ 2.40 ॥

কাংতেত্যুত্পললোচনেতি বিপুলশ্রোণীভরেত্যুন্নমত্পীনোত্তুংগ
পযোধরেতি সমুখাংভোজেতি সুভ্রূরিতি ।
দৃষ্ট্বা মাদ্যতি মোদতেঽভিরমতে প্রস্তৌতি বিদ্বানপি
প্রত্যক্ষাশুচিভস্ত্রিকাং স্ত্রিযং অহো মোহস্য দুশ্চেষ্টিতম্ ॥ 2.41 ॥

স্মৃতা ভবতি তাপায দৃষ্টা চোন্মাদকারিণী ।
স্পৃষ্টা ভবতি মোহায সা নাম দযিতা কথম্ ॥ 2.42 ॥

তাবদেবামৃতমযী যাবল্লোচনগোচরা ।
চক্ষুষ্পথাদতীতা তু বিষাদপ্যতিরিচ্যতে ॥ 2.43 ॥

নামৃতং ন বিষং কিংচিদেতাং মুক্ত্বা নিতংবিনীম্ ।
সৈবামৃতলতা রক্তা বিরক্তা বিষবল্লরী ॥ 2.44 ॥

আবর্তঃ সংশযানাং অবিনযভুবনং পট্টণং সাহসানাং
দোষাণাং সন্নিধানং কপটশতমযং ক্ষেত্রং অপ্রত্যযানাম্ ।
স্বর্গদ্বারস্য বিঘ্নো নরকপুরমুখ সর্বমাযাকরংডং
স্ত্রীযংত্রং কেন সৃষ্টং বিষং অমৃতমযং প্রাণিলোকস্য পাশঃ ॥ 2.45 ॥

নো সত্যেন মৃগাংক এষ বদনীভূতো ন চেংদীবরদ্বংদ্বং
লোচনতাং গত ন কনকৈরপ্যংগযষ্টিঃ কৃতা ।
কিংত্বেবং কবিভিঃ প্রতারিতমনাস্তত্ত্বং বিজানন্নপি
ত্বঙ্মাংসাস্থিমযং বপুর্মৃগদৃশাং মংদো জনঃ সেবতে ॥ 2.46 ॥

লীলাবতীনাং সহজা বিলাসাস্ত
এব মূঢস্য হৃদি স্ফুরংতি ।
রাগো নলিন্যা হি নিসর্গসিদ্ধস্তত্র
ভ্রম্ত্যেব বৃথা ষড্​অংঘ্রিঃ ॥ 2.47 ॥

সংমোহযংতি মদযংতি বিডংবযংতি
নির্ভর্ত্স্যংতি রমযংতি বিষাদযংতি ।
এতাঃ প্রবিশ্য সদযং হৃদযং নরাণাং
কিং নাম বামনযনা ন সমাচরংতি ॥ 2.471 ॥

যদেতত্পূর্ণেংদুদ্যুতিহরং উদারাকৃতি পরং
মুখাব্জং তন্বংগ্যাঃ কিল বসতি যত্রাধরমধু ।
ইদং তত্কিং পাকদ্রুমফলং ইদানীং অতিরসব্যতীতেঽস্মিন্
কালে বিষং ইব ভবিষ্য্ত্যসুখদম্ ॥ 2.48 ॥

উন্মীলত্ত্রিবলীতরংগনিলযা প্রোত্তুংগপীনস্তনদ্বংদ্বেনোদ্গত
চক্রবাকযুগলা বক্ত্রাংবুজোদ্ভাসিনী ।
কাংতাকারধরা নদীযং অভিতঃ ক্রূরাত্র নাপেক্ষতে
সংসারার্ণবমজ্জনং যদি তদা দূরেণ সংত্যজ্যতাম্ ॥ 2.49 ॥

জল্পংতি সার্ধং অন্যেন পশ্যংত্যন্যং সবিভ্রমাঃ ।
হৃদ্গতং চিংতযংত্যন্যং প্রিযঃ কো নাম যোষিতাম্ ॥ 2.50 ॥

মধু তিষ্ঠতি বাচি যোষিতাং হৃদি হালাহলং এব কেবলম্ ।
অত​এব নিপীযতেঽধরো হৃদযং মুষ্টিভিরেব তাড্যতে ॥ 2.51 ॥

অপসর সখে দূরাদস্মাত্কটাক্ষবিষানলাত্
প্রকৃতিবিষমাদ্যোষিত্সর্পাদ্বিলাসফণাভৃতঃ ।
ইতরফণিনা দষ্টঃ শক্যশ্চিকিত্সিতুং ঔষধৈশ্চতুর্
বনিতাভোগিগ্রস্তং হি মংত্রিণঃ ॥ 2.52 ॥

বিস্তারিতং মকরকেতনধীবরেণ
স্ত্রীসংজ্ঞিতং বডিশং অত্র ভবাংবুরাশৌ ।
যেনাচিরাত্তদ্​অধরামিষলোলমর্ত্য
মত্স্যান্বিকৃষ্য বিপচত্যনুরাগবহ্নৌ ॥ 2.53 ॥

কামিনীকাযকাংতারে কুচপর্বতদুর্গমে ।
মা সংচর মনঃ পাংথ তত্রাস্তে স্মরতস্করঃ ॥ 2.54 ॥

ব্যাদীর্ঘেণ চলেন বক্ত্রগতিনা তেজস্বিনা ভোগিনা
নীলাব্জদ্যুতিনাহিনা পরং অহং দৃষ্টো ন তচ্চক্ষুষা ।
দৃষ্টে সংতি চিকিত্সকা দিশি দিশি প্রাযেণ দর্মার্থিনো
মুগ্ধাক্ষ্ক্ষণবীক্ষিতস্য ন হি মে বৈদ্যো ন চাপ্যৌষধম্ ॥ 2.55 ॥

ইহ হি মধুরগীতং নৃত্যং এতদ্রসোঽযং
স্ফুরতি পরিমলোঽসৌ স্পর্শ এষ স্তনানাম্ ।
ইতি হতপরমার্থৈরিংদ্রিযৈর্ভ্রাম্যমাণঃ
স্বহিতকরণধূর্তৈঃ পংচভির্বংচিতোঽস্মি ॥ 2.56 ॥

ন গম্যো মংত্রাণাং ন চ ভবতি ভৈষজ্যবিষযো
ন চাপি প্রধ্বংসং ব্রজতি বিবিধৈঃ শাংতিকশতৈঃ ।
ভ্রমাবেশাদংগে কং অপি বিদধদ্ভংগং অসকৃত্
স্মরাপস্মারোঽযং ভ্রমযতি দৃশং ঘূর্ণযতি চ ॥ 2.57 ॥

জাত্য্​অংধায চ দুর্মুখায চ জরাজীর্ণা খিলাংগায চ
গ্রামীণায চ দুষ্কুলায চ গলত্কুষ্ঠাভিভূতায চ ।
যচ্ছংতীষু মনোহরং নিজবপুলক্ষ্মীলবশ্রদ্ধযা
পণ্যস্ত্রীষু বিবেককল্পলতিকাশস্ত্রীষু রাজ্যেত কঃ ॥ 2.58 ॥

বেশ্যাসৌ মদনজ্বালা
রূপেঽংধনবিবর্ধিতা ।
কামিভির্যত্র হূযংতে
যৌবনানি ধনানি চ ॥ 2.59 ॥

কশ্চুংবতি কুলপুরুষো বেশ্যাধরপল্লবং মনোজ্ঞং অপি ।
চারভটচোরচেটকনটবিটনিষ্ঠীবনশরাবম্ ॥ 2.60 ॥

ধন্যাস্ত এব ধবলাযতলোচনানাং
তারুণ্যদর্পঘনপীনপযোধরাণাম্ ।
ক্ষামোদরোপরি লসত্ত্রিবলীলতানাং
দৃষ্ট্বাকৃতিং বিকৃতিং এতি মনো ন যেষাম্ ॥ 2.61 ॥

বালে লীলামুকুলিতং অমী মংথরা দৃষ্টিপাতাঃ
কিং ক্ষিপ্যংতে বিরমবিরম ব্যর্থ এষ শ্রমস্তে ।
সংপ্রত্যন্যে বযং উপরতং বাল্যং আস্থা বনাংতে
ক্ষীণো মোহস্তৃণং ইব জগজ্জালং আলোকযামঃ ॥ 2.62 ॥

ইযং বালা মাং প্রত্যনবরতং ইংদীবরদলপ্রভা
চীরং চক্ষুঃ ক্ষিপতি কিং অভিপ্রেতং অনযা ।
গতো মোহোঽস্মাকং স্মরশবরবাণব্যতিকরজ্বর
জ্বালা শাংতা তদপি ন বরাকী বিরমতি ॥ 2.63 ॥

কিং কংদর্প করং কদর্থযসি রে কোদংডটংকারিতং
রে রে কোকিল কৌম্​অলং কলরবং কিং বা বৃথা জল্পসি ।
মুগ্ধে স্নিগ্ধবিদগ্ধচারুমধুরৈর্লোলৈঃ কটাক্ষৈরলং
চেতশ্চুংবিতচংদ্রচূডচরণধ্যানামৃতং বর্ততে ॥ 2.64 ॥

বিরহেঽপি সংগমঃ খলু
পরস্পরং সংগতং মনো যেষাম্ ।
হৃদযং অপি বিঘট্টিতং চেত্
সংগী বিরহং বিশেষযতি ॥ 2.65 ॥

কিং গতেন যদি সা ন জীবতি
প্রাণিতি প্রিযতমা তথাপি কিম্ ।
ইত্যুদীক্ষ্য নবমেঘমালিকাং
ন প্রযাতি পথিকঃ স্বমংদিরম্ ॥ 2.66 ॥

বিরমত বুধা যোষিত্সংগাত্সুখাত্ক্ষণভংগুরাত্
কুরুত করুণামৈত্রীপ্রজ্ঞাবধূজনসংগমম্ ।
ন খলু নরকে হারাক্রাংতং ঘনস্তনমংডলং
শরণং অথবা শ্রোণীবিংবং রণন্মণিমেখলম্ ॥ 2.67 ॥

যদা যোগাভ্যাসব্যসনকৃশযোরাত্মমনসোরবিচ্ছিন্না
মৈত্রী স্ফুরতি কৃতিনস্তস্য কিং উ তৈঃ ।
প্রিযাণাং আলাপৈরধরমধুভির্বক্ত্রবিধুভিঃ
সনিশ্বাসামোদৈঃ সকুচকলশাশ্লেষসুরতৈঃ ॥ 2.68 ॥

যদাসীদজ্ঞানং স্মরতিমিরসংচারজনিতং
তদা দৃষ্টনারীমযং ইদং অশেষং জগদিতি ।
ইদানীং অস্মাকং পটুতরবিবেকাংজনজুষাং
সমীভূতা দৃষ্টিস্ত্রিভুবনং অপি ব্রহ্ম মনুতে ॥ 2.69 ॥

তাবদেব কৃতিনাং অপি স্ফুরত্যেষ
নির্মলবিবেকদীপকঃ ।
যাবদেব ন কুরংগচক্ষুষাং
তাড্যতে চটুললোচনাংচলৈঃ ॥ 2.70 ॥

বচসি ভবতি সংগত্যাগং উদ্দিশ্য বার্তা
শ্রুতিমুখরমুখানাং কেবলং পংডিতানাম্ ।
জঘনং অরুণরত্নগ্রংথিকাংচীকলাপং
কুবলযনযনানাং কো বিহাতুং সমর্থঃ ॥ 2.71 ॥

স্বপরপ্রতারকোঽসৌ
নিংদতি যোঽলীকপংডিতো যুবতীঃ ।
যস্মাত্তপসোঽপি ফলং
স্বর্গঃ স্বর্গেঽপি চাপ্সরসঃ ॥ 2.72 ॥

মত্তেভকুংভদলনে ভুবি সংতি ধীরাঃ
কেচিত্প্রচংডমৃগরাজবধেঽপি দক্ষাঃ ।
কিংতু ব্রবীমি বলিনাং পুরতঃ প্রসহ্য
কংদর্পদর্পদলনে বিরলা মনুষ্যাঃ ॥ 2.73 ॥

সন্মার্গে তাবদাস্তে প্রভবতি চ নরস্তাবদেবেংদ্রিযাণাং
লজ্জাং তাবদ্বিধত্তে বিনযং অপি সমালংবতে তাবদেব ।
ভ্রূচাপাকৃষ্টমুক্তাঃ শ্রবণপথগতা নীলপক্ষ্মাণ এতে
যাবল্লীলাবতীনাং হৃদি ন ধৃতিমুষো দৃষ্টিবাণাঃ পতংতি ॥ 2.74 ॥

উন্মত্তপ্রেমসংরংভাদ্
আরভংতে যদ্​অংগনাঃ ।
তত্র প্রত্যূহং আধাতুং
ব্রহ্মাপি খলু কাতরঃ ॥ 2.75 ॥

তাবন্মহত্ত্বং পাংডিত্যং
কুলীনত্বং বিবেকিতা ।
যাবজ্জ্বলতি নাংগেষু
হতঃ পংচেষুপাবকঃ ॥ 2.76 ॥

শাস্ত্রজ্ঞোঽপি প্রগুণিতনযোঽত্যাংতবাধাপি বাঢং
সংসারেঽস্মিন্ভবতি বিরলো ভাজনং সদ্গতীনাম্ ।
যেনৈতস্মিন্নিরযনগরদ্বারং উদ্ঘাটযংতী
বামাক্ষীণাং ভবতি কুটিলা ভ্রূলতা কুংচিকেব ॥ 2.77 ॥

কৃশঃ কাণঃ খংজঃ শ্রবণরহিতঃ পুচ্ছবিকলো
ব্রণী পূযক্লিন্নঃ কৃমিকুলশতৈরাবৃততনুঃ ।
ক্ষুধা ক্ষামো জীর্ণঃ পিঠরককপালার্পিতগলঃ
শুনীং অন্বেতি শ্বা হতং অপি চ হংত্যেব মদনঃ ॥ 2.78 ॥

স্ত্রীমুদ্রাং কুসুমাযুধস্য জযিনীং সর্বার্থসংপত্করীং
যে মূঢাঃ প্রবিহায যাংতি কুধিযো মিথ্যাফলান্বেষিণঃ ।
তে তেনৈব নিহত্য নির্দযতরং নগ্নীকৃতা মুংডিতাঃ
কেচিত্পংচশিখীকৃতাশ্চ জটিলাঃ কাপালিকাশ্চাপরে ॥ 2.79 ॥

বিশ্বামিত্রপরাশরপ্রভৃতযো বাতাংবুপর্ণাশনাস্তেঽপি
স্ত্রীমুখপংকজং সুললিতং দৃষ্ট্বৈব মোহং গতাঃ ।
শাল্যন্নং সঘৃতং পযোদধিযুতং যে ভুংজতে মানবাস্তেষাম্
ইংদ্রিযনিগ্রহো যদি ভবেদ্বিংধ্যঃ প্লবেত্সাগরে ॥ 2.80 ॥

পরিমলভৃতো বাতাঃ শাখা নবাংকুরকোটযো
মধুরবিধুরোত্কংঠাভাজঃ প্রিযা পিকপক্ষিণাম্ ।
বিরলবিরসস্বেদোদ্গারা বধূবদনেংদবঃ
প্রসরতি মধৌ ধাত্র্যাং জাতো ন কস্য গুণোদযঃ ॥ 2.81 ॥

মধুরযং মধুরৈরপি কোকিলা
কলরবৈর্মলযস্য চ বাযুভিঃ ।
বিরহিণঃ প্রহিণস্তি শরীরিণো
বিপদি হংত সুধাপি বিষাযতে ॥ 2.82 ॥

আবাসঃ কিলকিংচিতস্য দযিতাপার্শ্বে বিলাসালসাঃ
কর্ণে কোকিলকামিনীকলরবঃ স্মেরো লতামংডপঃ ।
গোষ্ঠী সত্কবিভিঃ সমং কতিপযৈর্মুগ্ধাঃ সুধাংশোঃ করাঃ
কেষাংচিত্সুখযংতি চাত্র হৃদযং চৈত্রে বিচিত্রাঃ ক্ষপাঃ ॥ 2.83 ॥

পাংথ স্ত্রীবিরহানলাহুতিকলাং আতন্বতী মংজরীমাকংদেষু
পিকাংগনাভিরধুনা সোত্কংঠং আলোক্যতে ।
অপ্যেতে নবপাটলাপরিমলপ্রাগ্ভারপাটচ্চরা
বাংতিক্লাংতিবিতানতানবকৃতঃ শ্রীখংডশৈলানিলাঃ ॥ 2.84 ॥

প্রথিতঃ প্রণযবতীনাং
তাবত্পদং আতনোতু হৃদি মানঃ ।
ভবতি ন যাবচ্চংদনতরু
সুরভির্মলযপবমানঃ ॥ 2.85 ॥

সহকারকুসুমকেসরনিকর
ভরামোদমূর্চ্ছিতদিগ্​অংতে ।
মধুরমধুরবিধুরমধুপে
মধৌ ভবেত্কস্য নোত্কংঠা ॥ 2.86 ॥

অচ্ছাচ্ছচংদনরসার্দ্রতরা মৃগাক্ষ্যো
ধারাগৃহাণি কুসুমানি চ কৌম্​উদী চ ।
মংদো মরুত্সুমনসঃ শুচি হর্ম্যপৃষ্ঠং
গ্রীষ্মে মদং চ মদনং চ বিবর্ধযংতি ॥ 2.87 ॥

স্রজো হৃদ্যামোদা ব্যজনপবনশ্চংদ্রকিরণাঃ
পরাগঃ কাসারো মলযজরজঃ শীধু বিশদম্ ।
শুচিঃ সৌধোত্সংগঃ প্রতনু বসনং পংকজদৃশো
নিদাঘর্তাবেতদ্বিলসতি লভংতে সুকৃতিনঃ ॥ 2.88 ॥

সুধাশুভ্রং ধাম স্ফুরদ্​অমলরশ্মিঃ শশধরঃ
প্রিযাবক্ত্রাংভোজং মলযজরজশ্চাতিসুরভিঃ ।
স্রজো হৃদ্যামোদাস্তদিদং অখিলং রাগিণি জনে
করোত্যংতঃ ক্ষোভং ন তু বিষযসংসর্গবিমুখে ॥ 2.89 ॥

তরুণীবেষোদ্দীপিতকামা
বিকসজ্জাতীপুষ্পসুগংধিঃ ।
উন্নতপীনপযোধরভারা
প্রাবৃট্তনুতে কস্য ন হর্ষম্ ॥ 2.90 ॥

বিযদ্​উপচিতমেঘং ভূমযঃ কংদলিন্যো
নবকুটজকদংবামোদিনো গংধবাহাঃ ।
শিখিকুলকলকেকারাবরম্যা বনাংতাঃ
সুখিনং অসুখিনং বা সর্বং উত্কংঠযংতি ॥ 2.91 ॥

উপরি ঘনং ঘনপটলং
তির্যগ্গিরযোঽপি নর্তিতমযূরাঃ ।
ক্ষিতিরপি কংদলধবলা
দৃষ্টিং পথিকঃ ক্ব পাতযতি ॥ 2.92 ॥

ইতো বিদ্যুদ্বল্লীবিলসিতং ইতঃ কেতকিতরোঃ
স্ফুরন্গংধঃ প্রোদ্যজ্জলদনিনদস্ফূর্জিতং ইতঃ ।
ইতঃ কেকিক্রীডাকলকলরবঃ পক্ষ্মলদৃশাং
কথং যাস্যংত্যেতে বিরহদিবসাঃ সংভৃতরসাঃ ॥ 2.93 ॥

অসূচিসংচারে তমসি নভসি প্রৌঢজলদধ্বনি
প্রাজ্ঞংমন্যে পততি পৃষতানাং চ নিচযে ।
ইদং সৌদামিন্যাঃ কনককমনীযং বিলসিতং
মুদং চ ম্লানিং চ প্রথযতি পথি স্বৈরসুদৃশাম্ ॥ 2.94 ॥

আসারেণ ন হর্ম্যতঃ প্রিযতমৈর্যাতুং বহিঃ শক্যতে
শীতোত্কংপনিমিত্তং আযতদৃশা গাঢং সমালিংগ্যতে ।
জাতাঃ শীকরশীতলাশ্চ মরুতোরত্যংতখেদচ্ছিদো
ধন্যানাং বত দুর্দিনং সুদিনতাং যাতি প্রিযাসংগমে ॥ 2.95 ॥

অর্ধং সুপ্ত্বা নিশাযাঃ সরভসসুরতাযাসসন্নশ্লথাংগপ্রোদ্ভূতাসহ্য
তৃষ্ণো মধুমদনিরতো হর্ম্যপৃষ্ঠে বিবিক্তে ।
সংভোগক্লাংতকাংতাশিথিলভুজলতাবর্জিতং কর্করীতো
জ্যোত্স্নাভিন্নাচ্ছধারং পিবতি ন সলিলং শারদং মংদপুণ্যঃ ॥ 2.96 ॥

হেমংতে দধিদুগ্ধসর্পিরশনা মাংজিষ্ঠবাসোভৃতঃ
কাশ্মীরদ্রবসাংদ্রদিগ্ধবপুষশ্ছিন্না বিচিত্রৈ রতৈঃ ।
বৃত্তোরুস্তনকামিনোজনকৃতাশ্লেষা গৃহাভ্যংতরে
তাংবূলীদলপূগপূরিতমুখা ধন্যাঃ সুখং শেরতে ॥ 2.97 ॥

প্রদুযত্প্রৌঢপ্রিযংগুদ্যুতিভৃতি বিকসত্কুংদমাদ্যদ্দ্বিরেফে
কালে প্রালেযবাতপ্রচলবিলসিতোদারমংদারধাম্নি ।
যেষাং নো কংঠলগ্না ক্ষণং অপি তুহিনক্ষোদদক্ষা মৃগাক্ষী
তেসাং আযামযামা যমসদনসমা যামিনী যাতি যূনাম্ ॥ 2.98 ॥

চুংবংতো গংডভিত্তীরলকবতি মুখে সীত্কৃতান্যাদধানা
বক্ষঃসূত্কংচুকেষু স্তনভরপুলকোদ্ভেদং আপাদযংতঃ ।
ঊরূনাকংপযংতঃ পৃথুজঘনতটাত্স্রংসযংতোঽংশুকানি
ব্যক্তং কাংতাজনানাং বিটচরিতভৃতঃ শৈশিরা বাংতি বাতাঃ ॥ 2.99 ॥

কেশানাকুলযংদৃশো মুকুলযন্বাসো বলাদাক্ষিপন্নাতন্বন্
পুলকোদ্গমং প্রকটযন্নাবেগকংপং শনৈঃ ।
বারং বারং উদারসীত্কৃতকৃতো দংতচ্ছদান্পীডযন্
প্রাযঃ শৈশির এষ সংপ্রতি মরুত্কাংতাসু কাংতাযতে ॥ 2.100 ॥

যদ্যস্য নাস্তি রুচিরং তস্মিংস্তস্য স্পৃহা মনোজ্ঞেঽপি ।
রমণীযেঽপি সুধাংশৌ ন মনঃকামঃ সরোজিন্যাঃ ॥ 2.101 ॥

বৈরাগ্যে সংচরত্যেকো নীতৌ ভ্রমতি চাপরঃ ।
শৃংগারে রমতে কশ্চিদ্ভুবি ভেদাঃ পরস্পরম্ ॥ 2.102 ॥

ইতি শুভং ভূযাত্ ।

শৃংগারশতকম্
ভর্তৃহরেঃ

শংভুস্বযংভুহরযো হরিণেক্ষণানাং
যেনাক্রিযংত সততং গৃহকুংভদাসাঃ ।
বাচাং অগোচরচরিত্রবিচিত্রিতায
তস্মৈ নমো ভগবতে মকরধ্বজায ॥ 2.1 ॥

স্মিতেন ভাবেন চ লজ্জযা ভিযা
পরাণ্মুখৈরর্ধকটাক্ষবীক্ষণৈঃ ।
বচোভিরীর্ষ্যাকলহেন লীলযা
সমস্তভাবৈঃ খলু বংধনং স্ত্রিযঃ ॥ 2.2 ॥

ভ্রূচাতুর্যাত্কুষ্চিতাক্ষাঃ কটাক্ষাঃ
স্নিগ্ধা বাচো লজ্জিতাংতাশ্চ হাসাঃ ।
লীলামংদং প্রস্থিতং চ স্থিতং চ
স্ত্রীণাং এতদ্ভূষণং চাযুধং চ ॥ 2.3 ॥

ক্বচিত্সভ্রূভংগৈঃ ক্বচিদপি চ লজ্জাপরিগতৈঃ
ক্বচিদ্ভূরিত্রস্তৈঃ ক্বচিদপি চ লীলাবিললিতৈঃ ।
কুমারীণাং এতৈর্মদনসুভগৈর্নেত্রবলিতৈঃ
স্ফুরন্নীলাব্জানাং প্রকরপরিকীর্ণা ইব দিশঃ ॥ 2.4 ॥

বক্ত্রং চংদ্রবিকাসি পংকজপরীহাসক্ষমে লোচনে
বর্ণঃ স্বর্ণং অপাকরিষ্ণুরলিনীজিষ্ণুঃ কচানাং চযঃ ।
বক্ষোজাবিভকুংভবিভ্রমহরৌ গুর্বী নিতংবস্থলী
বাচাং হারি চ মার্দবং যুবতীষু স্বাভাবিকং মংডনম্ ॥ 2.5 ॥

স্মিতকিংচিন্মুগ্ধং সরলতরলো দৃষ্টিবিভবঃ
পরিস্পংদো বাচাং অভিনববিলাসোক্তিসরসঃ ।
গতানাং আরংভঃ কিসলযিতলীলাপরিকরঃ
স্পৃশংত্যাস্তারুণ্যং কিং ইব ন হি রম্যং মৃগদৃশঃ ॥ 2.6 ॥

দ্রষ্টব্যেষু কিং উত্তমং মৃগদৃশঃ প্রেমপ্রসন্নং মুখং
ঘ্রাতবেষ্বপি কিং তদ্​আস্যপবনঃ শ্রব্যেষু কিং তদ্বচঃ ।
কিং স্বাদ্যেষু তদ্​ওষ্ঠপল্লবরসঃ স্পৃশ্যেষু কিং তদ্বপুর্ধ্যেযং
কিং নবযৌবনে সহৃদযৈঃ সর্বত্র তদ্বিভ্রমাঃ ॥ 2.7 ॥

এতাশ্চলদ্বলযসংহতিমেখলোত্থঝংকার
নূপুরপরাজিতরাজহংস্যঃ ।
কুর্বংতি কস্য ন মনো বিবশং তরুণ্যো
বিত্রস্তমুগ্ধহরিণীসদৃশৈঃ কটাক্ষৈঃ ॥ 2.8 ॥

কুংকুমপংককলংকিতদেহা
গৌরপযোধরকংপিতহারা ।
নূপুরহংসরণত্পদ্মা
কং ন বশীকুরুতে ভুবি রামা ॥ 2.9 ॥

নূনং হি তে কবিবরা বিপরীতবাচো
যে নিত্যং আহুরবলা ইতি কামিনীস্তাঃ ।
যাভির্বিলোলিতরতারকদৃষ্টিপাতৈঃ
শক্রাদযোঽপি বিজিতাস্ত্ববলাঃ কথং তাঃ ॥ 2.10 ॥

নূনং আজ্ঞাকরস্তস্যাঃ সুভ্রুবো মকরধ্বজঃ ।
যতস্তন্নেত্রসংচারসূচিতেষু প্রবর্ততে ॥ 2.11 ॥

কেশাঃ সংযমিনঃ শ্রুতেরপি পরং পারং গতে লোচনে
অংতর্বক্ত্রং অপি স্বভাবশুচিভীঃ কীর্ণং দ্বিজানাং গণৈঃ ।
মুক্তানাং সততাধিবাসরুচিরৌ বক্ষোজকুংভাবিমাবিত্থং
তন্বি বপুঃ প্রশাংতং অপি তেরাগং করোত্যেব নঃ ॥ 2.12 ॥

মুগ্ধে ধানুষ্কতা কেযং অপূর্বা ত্বযি দৃশ্যতে ।
যযা বিধ্যসি চেতাংসি গুণৈরেব ন সাযকৈঃ ॥ 2.13 ॥

সতি প্রদীপে সত্যগ্নৌ সত্সু তারারবীংদুষু ।
বিনা মে মৃগশাবাক্ষ্যা তমোভূতং ইদং জগথ্ ॥ 2.14 ॥

উদ্বৃত্তঃ স্তনভার এষ তরলে নেত্রে চলে ভ্রূলতে
রাগাধিষ্ঠিতং ওষ্ঠপল্লবং ইদং কুর্বংতু নাম ব্যথাম্ ।
সৌভাগ্যাক্ষরমালিকেব লিখিতা পুষ্পাযুধেন স্বযং
মধ্যস্থাপি করোতি তাপং অধিকং রৌম্​আবলিঃ কেন সা ॥ 2.15 ॥

মুখেন চংদ্রকাংতেন মহানীলৈঃ শিরোরুহৈঃ ।
করাভ্যাং পদ্মরাগাভ্যাং রেজে রত্নমযীব সা ॥ 2.16 ॥

গুরুণা স্তনভারেণ মুখচংদ্রেণ ভাস্বতা ।
শনৈশ্চরাভ্যাং পাদাভ্যাং রেজে গ্রহমযীব সা ॥ 2.17 ॥

তস্যাঃ স্তনৌ যদি ঘনৌ জঘনং চ হারি
বক্ত্রং চ চারু তব চিত্ত কিং আকুলত্বম্ ।
পুণ্যং কুরুষ্ব যদি তেষু তবাস্তি বাংছা
পুণ্যৈর্বিনা ন হি ভবংতি সমীহিতার্থাঃ ॥ 2.18 ॥

ইমে তারুণ্যশ্রীনবপরিমলাঃ প্রৌঢসুরতপ্রতাপ
প্রারংভাঃ স্মরবিজযদানপ্রতিভুবঃ ।
চিরং চেতশ্চোরা অভিনববিকারৈকগুরবো
বিলাসব্যাপারাঃ কিং অপি বিজযংতে মৃগদৃশাম্ ॥ 2.19 ॥

প্রণযমধুরাঃ প্রেমোদ্গারা রসাশ্রযতাং গতাঃ
ফণিতিমধুরা মুগ্ধপ্রাযাঃ প্রকাশিতসম্মদাঃ ।
প্রকৃতিসুভগা বিস্রংভার্দ্রাঃ স্মরোদযদাযিনী
রহসি কিং অপি স্বৈরালাপা হরংতি মৃগীদৃশাম্ ॥ 2.20 ॥

বিশ্রম্য বিশ্রম্য বনদ্রুমাণাং
ছাযাসু তন্বী বিচচার কাচিত্ ।
স্তনোত্তরীযেণ করোদ্ধৃতেন
নিবারযংতী শশিনো মযূখান্ ॥ 2.21 ॥

অদর্শনে দর্শনমাত্রকামা
দৃষ্ট্বা পরিষ্বংগসুখৈকলোলা ।
আলিংগিতাযাং পুনরাযতাক্ষ্যামাশাস্মহে
বিগ্রহযোরভেদম্ ॥ 2.22 ॥

মালতী শিরসি জৃংভণং মুখে
চংদনং বপুষি কুংকুমাবিলম্ ।
বক্ষসি প্রিযতমা মদালসা
স্বর্গ এষ পরিশিষ্ট আগমঃ ॥ 2.23 ॥

প্রাঙ্মাং এতি মনাগনাগতরসং জাতাভিলাষাং ততঃ
সব্রীডং তদনু শ্লথোদ্যমং অথ প্রধ্বস্তধৈর্যং পুনঃ ।
প্রেমার্দ্রং স্পৃহণীযনির্ভররহঃ ক্রীডাপ্রগল্ভং ততো
নিঃসংগাংগবিকর্ষণাধিকসুখরম্যং কুলস্ত্রীরতম্ ॥ 2.24 ॥

উরসি নিপতিতানাং স্রস্তধম্মিল্লকানাং
মুকুলিতনযনানাং কিংচিদ্​উন্মীলিতানাম্ ।
উপরি সুরতখেদস্বিন্নগংডস্থলানামধর
মধু বধূনাং ভাগ্যবংতঃ পিবংতি ॥ 2.25 ॥

আমীলিতনযনানাং যঃ
সুরতরসোঽনু সংবিদং ভাতি ।
মিথুরৈর্মিথোঽবধারিতমবিতথম্
ইদং এব কামনির্বর্হণম্ ॥ 2.26 ॥

ইদং অনুচিতং অক্রমশ্চ পুংসাং
যদিহ জরাস্বপি মন্মথা বিকারাঃ ।
তদপি চ ন কৃতং নিতংবিনীনাং
স্তনপতনাবধি জীবিতং রতং বা ॥ 2.27 ॥

রাজস্তৃষ্ণাংবুরাশের্ন হি জগতি গতঃ কশ্চিদেবাবসানং
কো বার্থোঽর্থৈঃ প্রভূতৈঃ স্ববপুষি গলিতে যৌবনে সানুরাগে ।
গচ্ছামঃ সদ্ম যাবদ্বিকসিতনযনেংদীবরালোকিনীনামাক্রম্যাক্রম্য
রূপং ঝটিতি ন জরযা লুপ্যতে প্রেযসীনাম্ ॥ 2.28 ॥

রাগস্যাগারং একং নরকশতমহাদুঃখসংপ্রাপ্তিহেতুর্মোহস্যোত্পত্তি
বীজং জলধরপটলং জ্ঞানতারাধিপস্য ।
কংদর্পস্যৈকমিত্রং প্রকটিতবিবিধস্পষ্টদোষপ্রবংধং
লোকেঽস্মিন্ন হ্যর্থব্রজকুলভবনযৌবনাদন্যদস্তি ॥ 2.29 ॥

শৃংগারদ্রুমনীরদে প্রসৃমরক্রীডারসস্রোতসি
প্রদ্যুম্নপ্রিযবাংধবে চতুরবাঙ্মুক্তাফলোদন্বতি ।
তন্বীনেত্রচকোরপাবনবিধৌ সৌভাগ্যলক্ষ্মীনিধৌ
ধন্যঃ কোঽপি ন বিক্রিযাং কলযতি প্রাপ্তে নবে যৌবনে ॥ 2.30 ॥

সংসারেঽস্মিন্নসারে কুনৃপতিভবনদ্বারসেবাকলংকব্যাসংগ
ব্যস্তধৈর্যং কথং অমলধিযো মানসং সংবিদধ্যুঃ ।
যদ্যেতাঃ প্রোদ্যদ্​ইংদুদ্যুতিনিচযভৃতো ন স্যুরংভোজনেত্রাঃ
প্রেংখত্কাংচীকলাপাঃ স্তনভরবিনমন্মধ্যভাজস্তরুণ্যঃ ॥ 2.31 ॥

সিদ্ধাধ্যাসিতকংদরে হরবৃষস্কংধাবরুগ্ণদ্রুমে
গংগাধৌতশিলাতলে হিমবতঃ স্থানে স্থিতে শ্রেযসি ।
কঃ কুর্বীত শিরঃ প্রণামমলিনং ম্লানং মনস্বী জনো
যদ্বিত্রস্তকুরংগশাবনযনা ন স্যুঃ স্মরাস্ত্রং স্ত্রিযঃ ॥ 2.32 ॥

সংসার তব পর্যংতপদবী ন দবীযসী ।
অংতরা দুস্তরা ন স্যুর্যদি তে মদিরেক্ষণাম্ ॥ 2.33 ॥

দিশ বনহরিণীভ্যো বংশকাংডচ্ছবীনাং
কবলং উপলকোটিচ্ছিন্নমূলং কুশানাম্ ।
শকযুবতিকপোলাপাংডুতাংবূলবল্লীদলম্
অরুণনখাগ্রৈঃ পাটিতং বা বধূভ্যঃ ॥ 2.34 ॥

অসারাঃ সর্বে তে বিরতিবিরসাঃ পাপবিষযা
জুগুপ্স্যংতাং যদ্বা ননু সকলদোষাস্পদং ইতি ।
তথাপ্যেতদ্ভূমৌ নহি পরহিতাত্পুণ্যং অধিকং
ন চাস্মিন্সংসারে কুবলযদৃশো রম্যং অপরম্ ॥ 2.35 ॥

এতত্কামফলো লোকে যদ্দ্বযোরেকচিত্ততা ।
অন্যচিত্তকৃতে কামে শবযোরিব সংগমঃ ॥ 2.351 ॥

মাত্সর্যং উত্সার্য বিচার্য কার্যমার্যাঃ
সমর্যাদং ইদং বদংতু ।
সেব্যা নিতংবাঃ কিং উ ভূধরাণামত
স্মরস্মেরবিলাসিনীনাম্ ॥ 2.36 ॥

সংসারে স্বপ্নসারে পরিণতিতরলে দ্বে গতী পংডিতানাং
তত্ত্বজ্ঞানামৃতাংভঃপ্লবললিতধিযাং যাতু কালঃ কথংচিত্ ।
নো চেন্মুগ্ধাংগনানাং স্তনজঘনঘনাভোগসংভোগিনীনাং
স্থূলোপস্থস্থলীষু স্থগিতকরতলস্পর্শলীলোদ্যমানাম্ ॥ 2.37 ॥

আবাসঃ ক্রিযতাং গংগে পাপহারিণি বারিণি ।
স্তনদ্বযে তরুণ্যা বা মনোহারিণি হারিণি ॥ 2.38 ॥

কিং ইহ বহুভিরুক্তৈর্যুক্তিশূন্যৈঃ প্রলাপৈর্দ্বযম্
ইহ পুরুষাণাং সর্বদা সেবনীযম্ ।
অভিনবমদলীলালালসং সুংদরীণাং
স্তনভরপরিখিন্নং যৌবনং বা বনং বা ॥ 2.39 ॥

সত্যং জনা বচ্মি ন পক্ষপাতাল্
লোকেষু সপ্তস্বপি তথ্যং এতত্ ।
নান্যন্মনোহারি নিতংবিনীভ্যো
দুঃখৈকহেতুর্ন চ কশ্চিদন্যঃ ॥ 2.40 ॥

কাংতেত্যুত্পললোচনেতি বিপুলশ্রোণীভরেত্যুন্নমত্পীনোত্তুংগ
পযোধরেতি সমুখাংভোজেতি সুভ্রূরিতি ।
দৃষ্ট্বা মাদ্যতি মোদতেঽভিরমতে প্রস্তৌতি বিদ্বানপি
প্রত্যক্ষাশুচিভস্ত্রিকাং স্ত্রিযং অহো মোহস্য দুশ্চেষ্টিতম্ ॥ 2.41 ॥

স্মৃতা ভবতি তাপায দৃষ্টা চোন্মাদকারিণী ।
স্পৃষ্টা ভবতি মোহায সা নাম দযিতা কথম্ ॥ 2.42 ॥

তাবদেবামৃতমযী যাবল্লোচনগোচরা ।
চক্ষুষ্পথাদতীতা তু বিষাদপ্যতিরিচ্যতে ॥ 2.43 ॥

নামৃতং ন বিষং কিংচিদেতাং মুক্ত্বা নিতংবিনীম্ ।
সৈবামৃতলতা রক্তা বিরক্তা বিষবল্লরী ॥ 2.44 ॥

আবর্তঃ সংশযানাং অবিনযভুবনং পট্টণং সাহসানাং
দোষাণাং সন্নিধানং কপটশতমযং ক্ষেত্রং অপ্রত্যযানাম্ ।
স্বর্গদ্বারস্য বিঘ্নো নরকপুরমুখ সর্বমাযাকরংডং
স্ত্রীযংত্রং কেন সৃষ্টং বিষং অমৃতমযং প্রাণিলোকস্য পাশঃ ॥ 2.45 ॥

নো সত্যেন মৃগাংক এষ বদনীভূতো ন চেংদীবরদ্বংদ্বং
লোচনতাং গত ন কনকৈরপ্যংগযষ্টিঃ কৃতা ।
কিংত্বেবং কবিভিঃ প্রতারিতমনাস্তত্ত্বং বিজানন্নপি
ত্বঙ্মাংসাস্থিমযং বপুর্মৃগদৃশাং মংদো জনঃ সেবতে ॥ 2.46 ॥

লীলাবতীনাং সহজা বিলাসাস্ত
এব মূঢস্য হৃদি স্ফুরংতি ।
রাগো নলিন্যা হি নিসর্গসিদ্ধস্তত্র
ভ্রম্ত্যেব বৃথা ষড্​অংঘ্রিঃ ॥ 2.47 ॥

সংমোহযংতি মদযংতি বিডংবযংতি
নির্ভর্ত্স্যংতি রমযংতি বিষাদযংতি ।
এতাঃ প্রবিশ্য সদযং হৃদযং নরাণাং
কিং নাম বামনযনা ন সমাচরংতি ॥ 2.471 ॥

যদেতত্পূর্ণেংদুদ্যুতিহরং উদারাকৃতি পরং
মুখাব্জং তন্বংগ্যাঃ কিল বসতি যত্রাধরমধু ।
ইদং তত্কিং পাকদ্রুমফলং ইদানীং অতিরসব্যতীতেঽস্মিন্
কালে বিষং ইব ভবিষ্য্ত্যসুখদম্ ॥ 2.48 ॥

উন্মীলত্ত্রিবলীতরংগনিলযা প্রোত্তুংগপীনস্তনদ্বংদ্বেনোদ্গত
চক্রবাকযুগলা বক্ত্রাংবুজোদ্ভাসিনী ।
কাংতাকারধরা নদীযং অভিতঃ ক্রূরাত্র নাপেক্ষতে
সংসারার্ণবমজ্জনং যদি তদা দূরেণ সংত্যজ্যতাম্ ॥ 2.49 ॥

জল্পংতি সার্ধং অন্যেন পশ্যংত্যন্যং সবিভ্রমাঃ ।
হৃদ্গতং চিংতযংত্যন্যং প্রিযঃ কো নাম যোষিতাম্ ॥ 2.50 ॥

মধু তিষ্ঠতি বাচি যোষিতাং হৃদি হালাহলং এব কেবলম্ ।
অত​এব নিপীযতেঽধরো হৃদযং মুষ্টিভিরেব তাড্যতে ॥ 2.51 ॥

অপসর সখে দূরাদস্মাত্কটাক্ষবিষানলাত্
প্রকৃতিবিষমাদ্যোষিত্সর্পাদ্বিলাসফণাভৃতঃ ।
ইতরফণিনা দষ্টঃ শক্যশ্চিকিত্সিতুং ঔষধৈশ্চতুর্
বনিতাভোগিগ্রস্তং হি মংত্রিণঃ ॥ 2.52 ॥

বিস্তারিতং মকরকেতনধীবরেণ
স্ত্রীসংজ্ঞিতং বডিশং অত্র ভবাংবুরাশৌ ।
যেনাচিরাত্তদ্​অধরামিষলোলমর্ত্য
মত্স্যান্বিকৃষ্য বিপচত্যনুরাগবহ্নৌ ॥ 2.53 ॥

কামিনীকাযকাংতারে কুচপর্বতদুর্গমে ।
মা সংচর মনঃ পাংথ তত্রাস্তে স্মরতস্করঃ ॥ 2.54 ॥

ব্যাদীর্ঘেণ চলেন বক্ত্রগতিনা তেজস্বিনা ভোগিনা
নীলাব্জদ্যুতিনাহিনা পরং অহং দৃষ্টো ন তচ্চক্ষুষা ।
দৃষ্টে সংতি চিকিত্সকা দিশি দিশি প্রাযেণ দর্মার্থিনো
মুগ্ধাক্ষ্ক্ষণবীক্ষিতস্য ন হি মে বৈদ্যো ন চাপ্যৌষধম্ ॥ 2.55 ॥

ইহ হি মধুরগীতং নৃত্যং এতদ্রসোঽযং
স্ফুরতি পরিমলোঽসৌ স্পর্শ এষ স্তনানাম্ ।
ইতি হতপরমার্থৈরিংদ্রিযৈর্ভ্রাম্যমাণঃ
স্বহিতকরণধূর্তৈঃ পংচভির্বংচিতোঽস্মি ॥ 2.56 ॥

ন গম্যো মংত্রাণাং ন চ ভবতি ভৈষজ্যবিষযো
ন চাপি প্রধ্বংসং ব্রজতি বিবিধৈঃ শাংতিকশতৈঃ ।
ভ্রমাবেশাদংগে কং অপি বিদধদ্ভংগং অসকৃত্
স্মরাপস্মারোঽযং ভ্রমযতি দৃশং ঘূর্ণযতি চ ॥ 2.57 ॥

জাত্য্​অংধায চ দুর্মুখায চ জরাজীর্ণা খিলাংগায চ
গ্রামীণায চ দুষ্কুলায চ গলত্কুষ্ঠাভিভূতায চ ।
যচ্ছংতীষু মনোহরং নিজবপুলক্ষ্মীলবশ্রদ্ধযা
পণ্যস্ত্রীষু বিবেককল্পলতিকাশস্ত্রীষু রাজ্যেত কঃ ॥ 2.58 ॥

বেশ্যাসৌ মদনজ্বালা
রূপেঽংধনবিবর্ধিতা ।
কামিভির্যত্র হূযংতে
যৌবনানি ধনানি চ ॥ 2.59 ॥

কশ্চুংবতি কুলপুরুষো বেশ্যাধরপল্লবং মনোজ্ঞং অপি ।
চারভটচোরচেটকনটবিটনিষ্ঠীবনশরাবম্ ॥ 2.60 ॥

ধন্যাস্ত এব ধবলাযতলোচনানাং
তারুণ্যদর্পঘনপীনপযোধরাণাম্ ।
ক্ষামোদরোপরি লসত্ত্রিবলীলতানাং
দৃষ্ট্বাকৃতিং বিকৃতিং এতি মনো ন যেষাম্ ॥ 2.61 ॥

বালে লীলামুকুলিতং অমী মংথরা দৃষ্টিপাতাঃ
কিং ক্ষিপ্যংতে বিরমবিরম ব্যর্থ এষ শ্রমস্তে ।
সংপ্রত্যন্যে বযং উপরতং বাল্যং আস্থা বনাংতে
ক্ষীণো মোহস্তৃণং ইব জগজ্জালং আলোকযামঃ ॥ 2.62 ॥

ইযং বালা মাং প্রত্যনবরতং ইংদীবরদলপ্রভা
চীরং চক্ষুঃ ক্ষিপতি কিং অভিপ্রেতং অনযা ।
গতো মোহোঽস্মাকং স্মরশবরবাণব্যতিকরজ্বর
জ্বালা শাংতা তদপি ন বরাকী বিরমতি ॥ 2.63 ॥

কিং কংদর্প করং কদর্থযসি রে কোদংডটংকারিতং
রে রে কোকিল কৌম্​অলং কলরবং কিং বা বৃথা জল্পসি ।
মুগ্ধে স্নিগ্ধবিদগ্ধচারুমধুরৈর্লোলৈঃ কটাক্ষৈরলং
চেতশ্চুংবিতচংদ্রচূডচরণধ্যানামৃতং বর্ততে ॥ 2.64 ॥

বিরহেঽপি সংগমঃ খলু
পরস্পরং সংগতং মনো যেষাম্ ।
হৃদযং অপি বিঘট্টিতং চেত্
সংগী বিরহং বিশেষযতি ॥ 2.65 ॥

কিং গতেন যদি সা ন জীবতি
প্রাণিতি প্রিযতমা তথাপি কিম্ ।
ইত্যুদীক্ষ্য নবমেঘমালিকাং
ন প্রযাতি পথিকঃ স্বমংদিরম্ ॥ 2.66 ॥

বিরমত বুধা যোষিত্সংগাত্সুখাত্ক্ষণভংগুরাত্
কুরুত করুণামৈত্রীপ্রজ্ঞাবধূজনসংগমম্ ।
ন খলু নরকে হারাক্রাংতং ঘনস্তনমংডলং
শরণং অথবা শ্রোণীবিংবং রণন্মণিমেখলম্ ॥ 2.67 ॥

যদা যোগাভ্যাসব্যসনকৃশযোরাত্মমনসোরবিচ্ছিন্না
মৈত্রী স্ফুরতি কৃতিনস্তস্য কিং উ তৈঃ ।
প্রিযাণাং আলাপৈরধরমধুভির্বক্ত্রবিধুভিঃ
সনিশ্বাসামোদৈঃ সকুচকলশাশ্লেষসুরতৈঃ ॥ 2.68 ॥

যদাসীদজ্ঞানং স্মরতিমিরসংচারজনিতং
তদা দৃষ্টনারীমযং ইদং অশেষং জগদিতি ।
ইদানীং অস্মাকং পটুতরবিবেকাংজনজুষাং
সমীভূতা দৃষ্টিস্ত্রিভুবনং অপি ব্রহ্ম মনুতে ॥ 2.69 ॥

তাবদেব কৃতিনাং অপি স্ফুরত্যেষ
নির্মলবিবেকদীপকঃ ।
যাবদেব ন কুরংগচক্ষুষাং
তাড্যতে চটুললোচনাংচলৈঃ ॥ 2.70 ॥

বচসি ভবতি সংগত্যাগং উদ্দিশ্য বার্তা
শ্রুতিমুখরমুখানাং কেবলং পংডিতানাম্ ।
জঘনং অরুণরত্নগ্রংথিকাংচীকলাপং
কুবলযনযনানাং কো বিহাতুং সমর্থঃ ॥ 2.71 ॥

স্বপরপ্রতারকোঽসৌ
নিংদতি যোঽলীকপংডিতো যুবতীঃ ।
যস্মাত্তপসোঽপি ফলং
স্বর্গঃ স্বর্গেঽপি চাপ্সরসঃ ॥ 2.72 ॥

মত্তেভকুংভদলনে ভুবি সংতি ধীরাঃ
কেচিত্প্রচংডমৃগরাজবধেঽপি দক্ষাঃ ।
কিংতু ব্রবীমি বলিনাং পুরতঃ প্রসহ্য
কংদর্পদর্পদলনে বিরলা মনুষ্যাঃ ॥ 2.73 ॥

সন্মার্গে তাবদাস্তে প্রভবতি চ নরস্তাবদেবেংদ্রিযাণাং
লজ্জাং তাবদ্বিধত্তে বিনযং অপি সমালংবতে তাবদেব ।
ভ্রূচাপাকৃষ্টমুক্তাঃ শ্রবণপথগতা নীলপক্ষ্মাণ এতে
যাবল্লীলাবতীনাং হৃদি ন ধৃতিমুষো দৃষ্টিবাণাঃ পতংতি ॥ 2.74 ॥

উন্মত্তপ্রেমসংরংভাদ্
আরভংতে যদ্​অংগনাঃ ।
তত্র প্রত্যূহং আধাতুং
ব্রহ্মাপি খলু কাতরঃ ॥ 2.75 ॥

তাবন্মহত্ত্বং পাংডিত্যং
কুলীনত্বং বিবেকিতা ।
যাবজ্জ্বলতি নাংগেষু
হতঃ পংচেষুপাবকঃ ॥ 2.76 ॥

শাস্ত্রজ্ঞোঽপি প্রগুণিতনযোঽত্যাংতবাধাপি বাঢং
সংসারেঽস্মিন্ভবতি বিরলো ভাজনং সদ্গতীনাম্ ।
যেনৈতস্মিন্নিরযনগরদ্বারং উদ্ঘাটযংতী
বামাক্ষীণাং ভবতি কুটিলা ভ্রূলতা কুংচিকেব ॥ 2.77 ॥

কৃশঃ কাণঃ খংজঃ শ্রবণরহিতঃ পুচ্ছবিকলো
ব্রণী পূযক্লিন্নঃ কৃমিকুলশতৈরাবৃততনুঃ ।
ক্ষুধা ক্ষামো জীর্ণঃ পিঠরককপালার্পিতগলঃ
শুনীং অন্বেতি শ্বা হতং অপি চ হংত্যেব মদনঃ ॥ 2.78 ॥

স্ত্রীমুদ্রাং কুসুমাযুধস্য জযিনীং সর্বার্থসংপত্করীং
যে মূঢাঃ প্রবিহায যাংতি কুধিযো মিথ্যাফলান্বেষিণঃ ।
তে তেনৈব নিহত্য নির্দযতরং নগ্নীকৃতা মুংডিতাঃ
কেচিত্পংচশিখীকৃতাশ্চ জটিলাঃ কাপালিকাশ্চাপরে ॥ 2.79 ॥

বিশ্বামিত্রপরাশরপ্রভৃতযো বাতাংবুপর্ণাশনাস্তেঽপি
স্ত্রীমুখপংকজং সুললিতং দৃষ্ট্বৈব মোহং গতাঃ ।
শাল্যন্নং সঘৃতং পযোদধিযুতং যে ভুংজতে মানবাস্তেষাম্
ইংদ্রিযনিগ্রহো যদি ভবেদ্বিংধ্যঃ প্লবেত্সাগরে ॥ 2.80 ॥

পরিমলভৃতো বাতাঃ শাখা নবাংকুরকোটযো
মধুরবিধুরোত্কংঠাভাজঃ প্রিযা পিকপক্ষিণাম্ ।
বিরলবিরসস্বেদোদ্গারা বধূবদনেংদবঃ
প্রসরতি মধৌ ধাত্র্যাং জাতো ন কস্য গুণোদযঃ ॥ 2.81 ॥

মধুরযং মধুরৈরপি কোকিলা
কলরবৈর্মলযস্য চ বাযুভিঃ ।
বিরহিণঃ প্রহিণস্তি শরীরিণো
বিপদি হংত সুধাপি বিষাযতে ॥ 2.82 ॥

আবাসঃ কিলকিংচিতস্য দযিতাপার্শ্বে বিলাসালসাঃ
কর্ণে কোকিলকামিনীকলরবঃ স্মেরো লতামংডপঃ ।
গোষ্ঠী সত্কবিভিঃ সমং কতিপযৈর্মুগ্ধাঃ সুধাংশোঃ করাঃ
কেষাংচিত্সুখযংতি চাত্র হৃদযং চৈত্রে বিচিত্রাঃ ক্ষপাঃ ॥ 2.83 ॥

পাংথ স্ত্রীবিরহানলাহুতিকলাং আতন্বতী মংজরীমাকংদেষু
পিকাংগনাভিরধুনা সোত্কংঠং আলোক্যতে ।
অপ্যেতে নবপাটলাপরিমলপ্রাগ্ভারপাটচ্চরা
বাংতিক্লাংতিবিতানতানবকৃতঃ শ্রীখংডশৈলানিলাঃ ॥ 2.84 ॥

প্রথিতঃ প্রণযবতীনাং
তাবত্পদং আতনোতু হৃদি মানঃ ।
ভবতি ন যাবচ্চংদনতরু
সুরভির্মলযপবমানঃ ॥ 2.85 ॥

সহকারকুসুমকেসরনিকর
ভরামোদমূর্চ্ছিতদিগ্​অংতে ।
মধুরমধুরবিধুরমধুপে
মধৌ ভবেত্কস্য নোত্কংঠা ॥ 2.86 ॥

অচ্ছাচ্ছচংদনরসার্দ্রতরা মৃগাক্ষ্যো
ধারাগৃহাণি কুসুমানি চ কৌম্​উদী চ ।
মংদো মরুত্সুমনসঃ শুচি হর্ম্যপৃষ্ঠং
গ্রীষ্মে মদং চ মদনং চ বিবর্ধযংতি ॥ 2.87 ॥

স্রজো হৃদ্যামোদা ব্যজনপবনশ্চংদ্রকিরণাঃ
পরাগঃ কাসারো মলযজরজঃ শীধু বিশদম্ ।
শুচিঃ সৌধোত্সংগঃ প্রতনু বসনং পংকজদৃশো
নিদাঘর্তাবেতদ্বিলসতি লভংতে সুকৃতিনঃ ॥ 2.88 ॥

সুধাশুভ্রং ধাম স্ফুরদ্​অমলরশ্মিঃ শশধরঃ
প্রিযাবক্ত্রাংভোজং মলযজরজশ্চাতিসুরভিঃ ।
স্রজো হৃদ্যামোদাস্তদিদং অখিলং রাগিণি জনে
করোত্যংতঃ ক্ষোভং ন তু বিষযসংসর্গবিমুখে ॥ 2.89 ॥

তরুণীবেষোদ্দীপিতকামা
বিকসজ্জাতীপুষ্পসুগংধিঃ ।
উন্নতপীনপযোধরভারা
প্রাবৃট্তনুতে কস্য ন হর্ষম্ ॥ 2.90 ॥

বিযদ্​উপচিতমেঘং ভূমযঃ কংদলিন্যো
নবকুটজকদংবামোদিনো গংধবাহাঃ ।
শিখিকুলকলকেকারাবরম্যা বনাংতাঃ
সুখিনং অসুখিনং বা সর্বং উত্কংঠযংতি ॥ 2.91 ॥

উপরি ঘনং ঘনপটলং
তির্যগ্গিরযোঽপি নর্তিতমযূরাঃ ।
ক্ষিতিরপি কংদলধবলা
দৃষ্টিং পথিকঃ ক্ব পাতযতি ॥ 2.92 ॥

ইতো বিদ্যুদ্বল্লীবিলসিতং ইতঃ কেতকিতরোঃ
স্ফুরন্গংধঃ প্রোদ্যজ্জলদনিনদস্ফূর্জিতং ইতঃ ।
ইতঃ কেকিক্রীডাকলকলরবঃ পক্ষ্মলদৃশাং
কথং যাস্যংত্যেতে বিরহদিবসাঃ সংভৃতরসাঃ ॥ 2.93 ॥

অসূচিসংচারে তমসি নভসি প্রৌঢজলদধ্বনি
প্রাজ্ঞংমন্যে পততি পৃষতানাং চ নিচযে ।
ইদং সৌদামিন্যাঃ কনককমনীযং বিলসিতং
মুদং চ ম্লানিং চ প্রথযতি পথি স্বৈরসুদৃশাম্ ॥ 2.94 ॥

আসারেণ ন হর্ম্যতঃ প্রিযতমৈর্যাতুং বহিঃ শক্যতে
শীতোত্কংপনিমিত্তং আযতদৃশা গাঢং সমালিংগ্যতে ।
জাতাঃ শীকরশীতলাশ্চ মরুতোরত্যংতখেদচ্ছিদো
ধন্যানাং বত দুর্দিনং সুদিনতাং যাতি প্রিযাসংগমে ॥ 2.95 ॥

অর্ধং সুপ্ত্বা নিশাযাঃ সরভসসুরতাযাসসন্নশ্লথাংগপ্রোদ্ভূতাসহ্য
তৃষ্ণো মধুমদনিরতো হর্ম্যপৃষ্ঠে বিবিক্তে ।
সংভোগক্লাংতকাংতাশিথিলভুজলতাবর্জিতং কর্করীতো
জ্যোত্স্নাভিন্নাচ্ছধারং পিবতি ন সলিলং শারদং মংদপুণ্যঃ ॥ 2.96 ॥

হেমংতে দধিদুগ্ধসর্পিরশনা মাংজিষ্ঠবাসোভৃতঃ
কাশ্মীরদ্রবসাংদ্রদিগ্ধবপুষশ্ছিন্না বিচিত্রৈ রতৈঃ ।
বৃত্তোরুস্তনকামিনোজনকৃতাশ্লেষা গৃহাভ্যংতরে
তাংবূলীদলপূগপূরিতমুখা ধন্যাঃ সুখং শেরতে ॥ 2.97 ॥

প্রদুযত্প্রৌঢপ্রিযংগুদ্যুতিভৃতি বিকসত্কুংদমাদ্যদ্দ্বিরেফে
কালে প্রালেযবাতপ্রচলবিলসিতোদারমংদারধাম্নি ।
যেষাং নো কংঠলগ্না ক্ষণং অপি তুহিনক্ষোদদক্ষা মৃগাক্ষী
তেসাং আযামযামা যমসদনসমা যামিনী যাতি যূনাম্ ॥ 2.98 ॥

চুংবংতো গংডভিত্তীরলকবতি মুখে সীত্কৃতান্যাদধানা
বক্ষঃসূত্কংচুকেষু স্তনভরপুলকোদ্ভেদং আপাদযংতঃ ।
ঊরূনাকংপযংতঃ পৃথুজঘনতটাত্স্রংসযংতোঽংশুকানি
ব্যক্তং কাংতাজনানাং বিটচরিতভৃতঃ শৈশিরা বাংতি বাতাঃ ॥ 2.99 ॥

কেশানাকুলযংদৃশো মুকুলযন্বাসো বলাদাক্ষিপন্নাতন্বন্
পুলকোদ্গমং প্রকটযন্নাবেগকংপং শনৈঃ ।
বারং বারং উদারসীত্কৃতকৃতো দংতচ্ছদান্পীডযন্
প্রাযঃ শৈশির এষ সংপ্রতি মরুত্কাংতাসু কাংতাযতে ॥ 2.100 ॥

যদ্যস্য নাস্তি রুচিরং তস্মিংস্তস্য স্পৃহা মনোজ্ঞেঽপি ।
রমণীযেঽপি সুধাংশৌ ন মনঃকামঃ সরোজিন্যাঃ ॥ 2.101 ॥

বৈরাগ্যে সংচরত্যেকো নীতৌ ভ্রমতি চাপরঃ ।
শৃংগারে রমতে কশ্চিদ্ভুবি ভেদাঃ পরস্পরম্ ॥ 2.102 ॥

bhartruhari sataka trisati srungaara satakam in assamese