శ్రీ త్రిపురసుందరీ స్తోత్రం 2

(ఈ స్తోత్రం అమ్మవారిని సకల విద్యా స్వరూపిణిగా (వాగ్దేవత), సంపదలను ఇచ్చే మహాలక్ష్మిగా మరియు శివశక్తి స్వరూపిణిగా ధ్యానించే సందర్భంలోనిది. ఇది సంఖ్యా క్రమంలో (ఏక, ద్వి, త్రి… దశ) సాగుతూ అమ్మవారి అనంత వైభవాన్ని సులభంగా స్మరించేలా చేస్తుంది. ఈ స్తోత్రాన్ని నిత్యం పఠించడం వల్ల అష్టైశ్వర్యాలు సిద్ధిస్తాయి. బుద్ధి వికాసం కలగడమే కాకుండా, వివాహ సంబంధిత ఆటంకాలు తొలగి సౌభాగ్యవంతమైన జీవితం లభిస్తుంది.)

శ్వేతపద్మాసనారూఢాం శుద్ధస్ఫటికసన్నిభామ్ |
వందే వాగ్దేవతాం ధ్యాత్వా దేవీం త్రిపురసుందరీమ్ || ౧ ||

తెల్లని పద్మమునే ఆసనముగా అధిష్ఠించిన దానా (శ్లేతపద్మాసనారూఢామ్), స్వచ్ఛమైన స్ఫటికము వంటి కాంతి కలదానా (శుద్ధస్ఫటిక సన్నిభామ్)… వాగ్దేవత రూపమున ఉన్న ఆ త్రిపురసుందరీ దేవిని ధ్యానిస్తూ నమస్కరిస్తున్నాను.

శైలాధిరాజతనయాం శంకరప్రియవల్లభామ్ |
తరుణేందునిభాం వందే దేవీం త్రిపురసుందరీమ్ || ౨ ||

పర్వతరాజైన హిమవంతుని పుత్రికవు (శైలాధిరాజ తనయామ్), పరమశివునికి (శంకరునికి) అత్యంత ప్రియమైన భార్యవు, బాలచంద్రుని వంటి ప్రకాశము కలదానా (తరునేందునిభామ్)… అట్టి త్రిపురసుందరీ దేవికి వందనం.

సర్వభూతమనోరమ్యాం సర్వభూతేషు సంస్థితామ్ |
సర్వసంపత్కరీం వందే దేవీం త్రిపురసుందరీమ్ || ౩ ||

సకల ప్రాణుల మనస్సులకు ఆనందాన్ని కలిగించే దానా (సర్వభూత మనోరమ్యామ్), అన్ని భూతములలో అంతర్యామిగా నివసించే దానా, సకల సంపదలను ప్రసాదించే దానా (సర్వసంపత్కరీమ్)… అట్టి త్రిపురసుందరీ దేవికి వందనం.

పద్మాలయాం పద్మహస్తాం పద్మసంభవసేవితామ్ |
పద్మరాగనిభాం వందే దేవీం త్రిపురసుందరీమ్ || ౪ ||

పద్మమే నివాసముగా కలదానా (పద్మాలయామ్), చేతిలో పద్మమును ధరించిన దానా, బ్రహ్మదేవునిచే (పద్మసంభవునిచే) సేవింపబడే దానా, పద్మరాగమణి వంటి ఎర్రని కాంతి కలదానా… అట్టి త్రిపురసుందరీ దేవికి వందనం.

పంచబాణధనుర్బాణపాశాంకుశధరాం శుభామ్ |
పంచబ్రహ్మమయీం వందే దేవీం త్రిపురసుందరీమ్ || ౫ ||

ఐదు పుష్పబాణములను (పంచబాణ), ధనుస్సును, బాణమును, పాశమును మరియు అంకుశమును ధరించిన శుభప్రదమైన దానా, పంచబ్రహ్మ స్వరూపిణివైన (బ్రహ్మ, విష్ణు, రుద్ర, ఈశ్వర, సదాశివ తత్త్వము) ఓ త్రిపురసుందరీ దేవికి వందనం.

షట్పుండరీకనిలయాం షడాననసుతామిమామ్ |
షట్కోణాంతఃస్థితాం వందే దేవీం త్రిపురసుందరీమ్ || ౬ ||

శరీరములోని ఆరు పద్మముల వంటి చక్రములలో నివసించే దానా (షట్పుండరీక నిలయామ్), ఆరు ముఖములు గల కుమారస్వామికి తల్లివైన దానా, షట్కోణము (శ్రీచక్రము) మధ్యలో కొలువై ఉన్న దానా… అట్టి త్రిపురసుందరీ దేవికి వందనం.

హరార్ధభాగనిలయామంబామద్రిసుతాం మృడామ్ |
హరిప్రియానుజాం వందే దేవీం త్రిపురసుందరీమ్ || ౭ ||

పరమశివుని (హర) శరీరంలో ఎడమ భాగమున నివసించే దానా (హరార్ధభాగ నిలయామ్), పర్వత పుత్రికవు (అద్రిసుతామ్), మంగళప్రదమైన దానా (మృడామ్) మరియు విష్ణుమూర్తికి (హరికి) ప్రియమైన సోదరివైన దానా… అట్టి త్రిపురసుందరీ దేవికి వందనం.

అష్టైశ్వర్యప్రదామంబామష్టదిక్పాలసేవితామ్ |
అష్టమూర్తిమయీం వందే దేవీం త్రిపురసుందరీమ్ || ౮ ||

అష్ట ఐశ్వర్యాలను ఇచ్చే తల్లివి (అష్టైశ్వర్య ప్రదామ్), ఎనిమిది దిక్కుల పాలకులు (అష్టదిక్పాలకులు) సేవించే దానా, ఎనిమిది మూర్తులుగా (అష్టమూర్తిమయీమ్ – భూమి, జలం, అగ్ని, వాయువు, ఆకాశం, సూర్యుడు, చంద్రుడు, ఆత్మ) ఉన్న దానా… అట్టి త్రిపురసుందరీ దేవికి వందనం.

నవమాణిక్యమకుటాం నవనాథసుపూజితామ్ |
నవయౌవనశోభాఢ్యాం వందే త్రిపురసుందరీమ్ || ౯ ||

తొమ్మిది రకముల మాణిక్యములు పొదిగిన కిరీటము కలదానా (నవమాణిక్య మకుటామ్), నవనాథులచే పూజింపబడే దానా, నిత్య యవ్వన శోభతో విలసిల్లే దానా (నవయౌవన శోభాఢ్యామ్)… అట్టి త్రిపురసుందరీ దేవికి వందనం.

కాంచీవాసమనోరమ్యాం కాంచీదామవిభూషితామ్ |
కాంచీపురీశ్వరీం వందే దేవీం త్రిపురసుందరీమ్ || ౧౦ ||

కాంచీపుర నివాసముతో మనోహరముగా ఉన్నదానా, మొలనూలు (కాంచీదామ) అనే ఆభరణముతో అలంకరింపబడిన దానా, కాంచీపురమునకు ఈశ్వరివైన (కాంచీపురీశ్వరీమ్) ఓ త్రిపురసుందరీ దేవికి వందనం.

ఇతి శ్రీ త్రిపురసుందరీ స్తోత్రమ్ |