శ్రీ హనుమాన్ మంగళాష్టకం

sri hanuman mangalashtakam in telugu

వైశాఖే మాసి కృష్ణాయాం దశమ్యాం మందవాసరే ।
పూర్వాభాద్రా ప్రభూతాయ మంగళం శ్రీహనూమతే ॥ 1 ॥

కరుణారసపూర్ణాయ ఫలాపూపప్రియాయ చ ।
మాణిక్యహారకంఠాయ మంగళం శ్రీహనూమతే ॥ 2 ॥

సువర్చలాకళత్రాయ చతుర్భుజధరాయ చ ।
ఉష్ట్రారూఢాయ వీరాయ మంగళం శ్రీహనూమతే ॥ 3 ॥

దివ్యమంగళదేహాయ పీతాంబరధరాయ చ ।
తప్తకాంచనవర్ణాయ మంగళం శ్రీహనూమతే ॥ 4 ॥

భక్తరక్షణశీలాయ జానకీశోకహారిణే ।
సృష్టికారణభూతాయ మంగళం శ్రీహనూమతే ॥ 5 ॥

రంభావనవిహారాయ గంధమాదనవాసినే ।
సర్వలోకైకనాథాయ మంగళం శ్రీహనూమతే ॥ 6 ॥

పంచాననాయ భీమాయ కాలనేమిహరాయ చ ।
కౌండిన్యగోత్రజాతాయ మంగళం శ్రీహనూమతే ॥ 7 ॥

కేసరీపుత్ర దివ్యాయ సీతాన్వేషపరాయ చ ।
వానరాణాం వరిష్ఠాయ మంగళం శ్రీహనూమతే ॥ 8 ॥

ఇతి శ్రీ హనుమాన్ మంగళాష్టకమ్ ।

sri hanuman mangalashtakam in telugu