రాధా సహస్రనామ స్తోత్రం

radha sahasranama stotram in telugu

వందే వృందావనానందా రాధికా పరమేశ్వరీ ।
గోపికాం పరమాం శ్రేష్ఠాం హ్లాదినీం శక్తిరూపిణీమ్ ॥

శ్రీరాధాం పరమారాజ్యాం కృష్ణసేవాపరాయణామ్ ।
శ్రీకృష్ణాంగ సదాధ్యాత్రీ నవధాభక్తికారిణీ ॥

యేషాం గుణమయీ-రాధా వృషభానుకుమారికా ।
దామోదరప్రియా-రాధా మనోభీష్టప్రదాయినీ ॥

తస్యా నామసహస్రం త్వం శ్రుణు భాగవతోత్తమా ॥

మానసతంత్రే అనుష్టుప్ఛందసే అకారాది క్షకారాంతాని
శ్రీరాధికాసహస్రనామాని ॥

అథ స్తోత్రం
ఓం అనంతరూపిణీ-రాధా అపారగుణసాగరా ।
అధ్యక్షరా ఆదిరూపా అనాదిరాశేశ్వరీ ॥ 1॥

అణిమాది సిద్ధిదాత్రీ అధిదేవీ అధీశ్వరీ ।
అష్టసిద్ధిప్రదాదేవీ అభయా అఖిలేశ్వరీ ॥ 2॥

అనంగమంజరీభగ్నా అనంగదర్పనాశినీ ।
అనుకంపాప్రదా-రాధా అపరాధప్రణాశినీ ॥ 3॥

అంతర్వేత్రీ అధిష్ఠాత్రీ అంతర్యామీ సనాతనీ ।
అమలా అబలా బాలా అతులా చ అనూపమా ॥ 4॥

అశేషగుణసంపన్నా అంతఃకరణవాసినీ ।
అచ్యుతా రమణీ ఆద్యా అంగరాగవిధాయినీ ॥ 5॥

అరవిందపదద్వంద్వా అధ్యక్షా పరమేశ్వరీ ।
అవనీధారిణీదేవీ అచింత్యాద్భుతరూపిణీ ॥ 6॥

అశేషగుణసారాచ అశోకాశోకనాశినీ ।
అభీష్టదా అంశముఖీ అక్షయాద్భుతరూపిణీ ॥ 7॥

అవలంబా అధిష్ఠాత్రీ అకించనవరప్రదా ।
అఖిలానందినీ ఆద్యా అయానా కృష్ణమోహినీ ॥ 8॥

అవధీసర్వశాస్త్రాణామాపదుద్ధారిణీ శుభా ।
ఆహ్లాదినీ ఆదిశక్తిరన్నదా అభయాపి చ ॥ 7॥

అన్నపూర్ణా అహోధన్యా అతుల్యా అభయప్రదా ।
ఇందుముఖీ దివ్యహాసా ఇష్టభక్తిప్రదాయినీ ॥ 10॥

ఇచ్ఛామయీ ఇచ్ఛారూపా ఇందిరా ఈశ్వరీఽపరా ।
ఇష్టదాయీశ్వరీ మాయా ఇష్టమంత్రస్వరూపిణీ ॥ 11॥

ఓంకారరూపిణీదేవీ ఉర్వీసర్వజనేశ్వరీ ।
ఐరావతవతీ పూజ్యా అపారగుణసాగరా ॥ 12॥

కృష్ణప్రాణాధికారాధా కృష్ణప్రేమవినోదినీ ।
శ్రీకృష్ణాంగసదాధ్యాయీ కృష్ణానందప్రదాయినీ ॥ 13॥

కృష్ణాఽహ్లాదినీదేవీ కృష్ణధ్యానపరాయణా ।
కృష్ణసమ్మోహినీనిత్యా కృష్ణానందప్రవర్ధినీ ॥ 14॥

కృష్ణానందా సదానందా కృష్ణకేలి సుఖాస్వదా ।
కృష్ణప్రియా కృష్ణకాంతా కృష్ణసేవాపరాయణా ॥ 15॥

కృష్ణప్రేమాబ్ధిసభరీ కృష్ణప్రేమతరంగిణీ ।
కృష్ణచిత్తహరాదేవీ కీర్తిదాకులపద్మినీ ॥ 16॥

కృష్ణముఖీ హాసముఖీ సదాకృష్ణకుతూహలీ ।
కృష్ణానురాగిణీ ధన్యా కిశోరీ కృష్ణవల్లభా ॥ 17॥

కృష్ణకామా కృష్ణవంద్యా కృష్ణాబ్ధే సర్వకామనా ।
కృష్ణప్రేమమయీ-రాధా కల్యాణీ కమలాననా ॥। 18॥

కృష్ణసూన్మాదినీ కామ్యా కృష్ణలీలా శిరోమణీ ।
కృష్ణసంజీవనీ-రాధా కృష్ణవక్షస్థలస్థితా ॥ 19॥

కృష్ణప్రేమసదోన్మత్తా కృష్ణసంగవిలాసినీ ।
శ్రీకృష్ణరమణీరాధా కృష్ణప్రేమాఽకలంకిణీ ॥ 20॥

కృష్ణప్రేమవతీకర్త్రీ కృష్ణభక్తిపరాయణా ।
శ్రీకృష్ణమహిషీ పూర్ణా శ్రీకృష్ణాంగప్రియంకరీ ॥ 21॥

కామగాత్రా కామరూపా కలికల్మషనాశినీ ।
కృష్ణసంయుక్తకామేశీ శ్రీకృష్ణప్రియవాదినీ ॥ 22॥

కృష్ణశక్తి కాంచనాభా కృష్ణాకృష్ణప్రియాసతీ ।
కృష్ణప్రాణేశ్వరీ ధీరా కమలాకుంజవాసినీ ॥ 23॥

కృష్ణప్రాణాధిదేవీ చ కిశోరానందదాయినీ ।
కృష్ణప్రసాధ్యమానా చ కృష్ణప్రేమపరాయణా ॥ 24॥

కృష్ణవక్షస్థితాదేవీ శ్రీకృష్ణాంగసదావ్రతా ।
కుంజాధిరాజమహిషీ పూజన్నూపురరంజనీ ॥ 25॥

కారుణ్యామృతపాధోధీ కల్యాణీ కరుణామయీ ।
కుందకుసుమదంతా చ కస్తూరిబిందుభిః శుభా ॥ 26॥

కుచకుటమలసౌందర్యా కృపామయీ కృపాకరీ ।
కుంజవిహారిణీ గోపీ కుందదామసుశోభినీ ॥ 27॥

కోమలాంగీ కమలాంఘ్రీ కమలాఽకమలాననా ।
కందర్పదమనాదేవీ కౌమారీ నవయౌవనా ॥ 28॥

కుంకుమాచర్చితాంగీ చ కేసరీమధ్యమోత్తమా ।
కాంచనాంగీ కురంగాక్షీ కనకాంగులిధారిణీ ॥ 29॥

కరుణార్ణవసంపూర్ణా కృష్ణప్రేమతరంగిణీ ।
కల్పదృమా కృపాధ్యక్షా కృష్ణసేవా పరాయణా ॥ 30॥

ఖంజనాక్షీ ఖనీప్రేమ్ణా అఖండితా మానకారిణీ ।
గోలోకధామినీ-రాధా గోకులానందదాయినీ ॥ 31॥

గోవిందవల్లభాదేవీ గోపినీ గుణసాగరా ।
గోపాలవల్లభా గోపీ గౌరాంగీ గోధనేశ్వరీ ॥ 32॥

గోపాలీ గోపికాశ్రేష్ఠా గోపకన్యా గణేశ్వరీ ।
గజేంద్రగామినీగన్యా గంధర్వకులపావనీ ॥ 33॥

గుణాధ్యక్షా గణాధ్యక్షా గవోన్గతీ గుణాకరా ।
గుణగమ్యా గృహలక్ష్మీ గోప్యేచూడాగ్రమాలికా ॥। 34॥

గంగాగీతాగతిర్దాత్రీ గాయత్రీ బ్రహ్మరూపిణీ ।
గంధపుష్పధరాదేవీ గంధమాల్యాదిధారిణీ ॥ 35॥

గోవిందప్రేయసీ ధీరా గోవిందబంధకారణా ।
జ్ఞానదాగుణదాగమ్యా గోపినీ గుణశోభినీ ॥ 36॥

గోదావరీ గుణాతీతా గోవర్ధనధనప్రియా ।
గోపినీ గోకులేంద్రాణీ గోపికా గుణశాలినీ ॥ 37॥

గంధేశ్వరీ గుణాలంబా గుణాంగీ గుణపావనీ ।
గోపాలస్య ప్రియారాధా కుంజపుంజవిహారిణీ ॥ 38॥

గోకులేందుముఖీ వృందా గోపాలప్రాణవల్లభా ।
గోపాంగనాప్రియారాధా గౌరాంగీ గౌరవాన్వితా ॥ 39॥

గోవత్సధారిణీవత్సా సుబలావేశధారిణీ ।
గీర్వాణవంద్యా గీర్వాణీ గోపినీ గణశోభితా ॥ 40॥

ఘనశ్యామప్రియాధీరా ఘోరసంసారతారిణీ ।
ఘూర్ణాయమాననయనా ఘోరకల్మషనాశినీ ॥ 41॥

చైతన్యరూపిణీదేవీ చిత్తచైతన్యదాయినీ ।
చంద్రాననీ చంద్రకాంతీ చంద్రకోటిసమప్రభా ॥ 42॥

చంద్రావలీ శుక్లపక్షా చంద్రాచ కృష్ణవల్లభా ।
చంద్రార్కనఖరజ్యోతీ చారువేణీశిఖారుచిః ॥ 43॥

చందనైశ్చర్చితాంగీ చ చతురాచంచలేక్షణా ।
చారుగోరోచనాగౌరీ చతుర్వర్గప్రదాయినీ ॥ 44॥

శ్రీమతీచతురాధ్యక్షా చరమాగతిదాయినీ ।
చరాచరేశ్వరీదేవీ చింతాతీతా జగన్మయీ ॥ 45॥

చతుఃషష్టికలాలంబా చంపాపుష్పవిధారిణీ ।
చిన్మయీ చిత్శక్తిరూపా చర్చితాంగీ మనోరమా ॥ 46॥

చిత్రలేఖాచ శ్రీరాత్రీ చంద్రకాంతిజితప్రభా ।
చతురాపాంగమాధుర్యా చారుచంచలలోచనా ॥ 47॥

ఛందోమయీ ఛందరూపా ఛిద్రఛందోవినాశినీ ।
జగత్కర్త్రీ జగద్ధాత్రీ జగదాధారరూపిణీ ॥ 48॥

జయంకరీ జగన్మాతా జయదాదియకారిణీ ।
జయప్రదాజయాలక్ష్మీ జయంతీ సుయశప్రదా ॥ 49॥

జాంబూనదా హేమకాంతీ జయావతీ యశస్వినీ ।
జగహితా జగత్పూజ్యా జననీ లోకపాలినీ ॥ 50॥

జగద్ధాత్రీ జగత్కర్త్రీ జగద్బీజస్వరూపిణీ ।
జగన్మాతా యోగమాయా జీవానాం గతిదాయినీ ॥ 51॥

జీవాకృతిర్యోగగమ్యా యశోదానందదాయినీ ।
జపాకుసుమసంకాశా పాదాబ్జామణిమండితా ॥ 52॥

జానుద్యుతిజితోత్ఫుల్లా యంత్రణావిఘ్నఘాతినీ ।
జితేంద్రియా యజ్ఞరూపా యజ్ఞాంగీ జలశాయినీ ॥ 53॥

జానకీజన్మశూన్యాచ జన్మమృత్యుజరాహరా ।
జాహ్నవీ యమునారూపా జాంబూనదస్వరూపిణీ ॥ 54॥

ఝణత్కృతపదాంభోజా జడతారినివారిణీ ।
టంకారిణీ మహాధ్యానా దివ్యవాద్యవినోదినీ ॥ 55॥

తప్తకాంచనవర్ణాభా త్రైలోక్యలోకతారిణీ ।
తిలపుష్పజితానాసా తులసీమంజరీప్రియా ॥ 56॥

త్రైలోక్యాఽకర్షిణీ-రాధా త్రివర్గఫలదాయినీ ।
తులసీతోషకర్త్రీ చ కృష్ణచంద్రతపస్వినీ ॥ 57॥

తరుణాదిత్యసంకాశా నఖశ్రేణిసమప్రభా ।
త్రైలోక్యమంగలాదేవీ దిగ్ధమూలపదద్వయీ ॥ 58॥

త్రైలోక్యజననీ-రాధా తాపత్రయనివారిణీ ।
త్రైలోక్యసుందరీ ధన్యా తంత్రమంత్రస్వరూపిణీ ॥ 59॥

త్రికాలజ్ఞా త్రాణకర్త్రీ త్రైలోక్యమంగలాసదా ।
తేజస్వినీ తపోమూర్తీ తాపత్రయవినాశినీ ॥ 60॥

త్రిగుణాధారిణీ దేవీ తారిణీ త్రిదశేశ్వరీ ।
త్రయోదశవయోనిత్యా తరుణీనవయౌవనా ॥ 61॥

హృత్పద్మేస్థితిమతి స్థానదాత్రీ పదాంబుజే ।
స్థితిరూపా స్థిరా శాంతా స్థితసంసారపాలినీ ॥ 62॥

దామోదరప్రియాధీరా దుర్వాసోవరదాయినీ ।
దయామయీ దయాధ్యక్షా దివ్యయోగప్రదర్శినీ ॥ 63॥

దివ్యానులేపనారాగా దివ్యాలంకారభూషణా ।
దుర్గతినాశినీ-రాధా దుర్గా దుఃఖవినాశినీ ॥ 64॥

దేవదేవీమహాదేవీ దయాశీలా దయావతీ ।
దయార్ద్రసాగరారాధా మహాదారిద్ర్యనాశినీ ॥ 65॥

దేవతానాం దురారాధ్యా మహాపాపవినాశినీ ।
ద్వారకావాసినీ దేవీ దుఃఖశోకవినాశినీ ॥ 66॥

దయావతీ ద్వారకేశా దోలోత్సవవిహారిణీ ।
దాంతా శాంతా కృపాధ్యక్షా దక్షిణాయజ్ఞకారిణీ ॥ 67॥

దీనబంధుప్రియాదేవీ శుభా దుర్ఘటనాశినీ ।
ధ్వజవజ్రాబ్జపాశాంఘ్రీ ధీమహీచరణాంబుజా ॥ 68॥

ధర్మాతీతా ధరాధ్యక్షా ధనధాన్యప్రదాయినీ ।
ధర్మాధ్యక్షా ధ్యానగమ్యా ధరణీభారనాశినీ ॥ 69॥

ధర్మదాధైర్యదాధాత్రీ ధన్యధన్యధురంధరీ ।
ధరణీధారిణీధన్యా ధర్మసంకటరక్షిణీ ॥ 70॥

ధర్మాధికారిణీదేవీ ధర్మశాస్త్రవిశారదా ।
ధర్మసంస్థాపనాధాగ్రా ధ్రువానందప్రదాయినీ ॥ 71॥

నవగోరోచనా గౌరీ నీలవస్త్రవిధారిణీ ।
నవయౌవనసంపన్నా నందనందనకారిణీ ॥ 72॥

నిత్యానందమయీ నిత్యా నీలకాంతమణిప్రియా ।
నానారత్నవిచిత్రాంగీ నానాసుఖమయీసుధా ॥ 73॥

నిగూఢరసరాసజ్ఞా నిత్యానందప్రదాయినీ ।
నవీనప్రవణాధన్యా నీలపద్మవిధారిణీ ॥ 74॥

నందాఽనందా సదానందా నిర్మలా ముక్తిదాయినీ ।
నిర్వికారా నిత్యరూపా నిష్కలంకా నిరామయా ॥ 75॥

నలినీ నలినాక్షీ చ నానాలంకారభూషితా ।
నితంబిని నిరాకాంక్షా నిత్యా సత్యా సనాతనీ ॥ 76॥

నీలాంబరపరీధానా నీలాకమలలోచనా ।
నిరపేక్షా నిరూపమా నారాయణీ నరేశ్వరీ ॥ 77॥

నిరాలంబా రక్షకర్త్రీ నిగమార్థప్రదాయినీ ।
నికుంజవాసినీ-రాధా నిర్గుణాగుణసాగరా ॥ 78॥

నీలాబ్జా కృష్ణమహిషీ నిరాశ్రయగతిప్రదా ।
నిధూవనవనానందా నికుంజశీ చ నాగరీ ॥ 79॥

నిరంజనా నిత్యరక్తా నాగరీ చిత్తమోహినీ ।
పూర్ణచంద్రముఖీ దేవీ ప్రధానాప్రకృతిపరా ॥ 80॥

ప్రేమరూపా ప్రేమమయీ ప్రఫుల్లజలజాననా ।
పూర్ణానందమయీ-రాధా పూర్ణబ్రహ్మసనాతనీ ॥ 81॥

పరమార్థప్రదా పూజ్యా పరేశా పద్మలోచనా ।
పరాశక్తి పరాభక్తి పరమానందదాయినీ ॥ 82॥

పతితోద్ధారిణీ పుణ్యా ప్రవీణా ధర్మపావనీ ।
పంకజాక్షీ మహాలక్ష్మీ పీనోన్నతపయోధరా ॥ 83॥

ప్రేమాశ్రుపరిపూర్ణాంగీ పద్మేలసదృషాననా ।
పద్మరాగధరాదేవీ పౌర్ణమాసీసుఖాస్వదా ॥ 84॥

పూర్ణోత్తమో పరంజ్యోతీ ప్రియంకరీ ప్రియంవదా ।
ప్రేమభక్తిప్రదా-రాధా ప్రేమానందప్రదాయినీ ॥ 85॥

పద్మగంధా పద్మహస్తా పద్మాంఘ్రీ పద్మమాలినీ ।
పద్మాసనా మహాపద్మా పద్మమాలా-విధారిణీ ॥ 86॥

ప్రబోధినీ పూర్ణలక్ష్మీ పూర్ణేందుసదృషాననా ।
పుండరీకాక్షప్రేమాంగీ పుండరీకాక్షరోహినీ ॥ 87॥

పరమార్థప్రదాపద్మా తథా ప్రణవరూపిణీ ।
ఫలప్రియా స్ఫూర్తిదాత్రీ మహోత్సవవిహారిణీ ॥ 88॥

ఫుల్లాబ్జదివ్యనయనా ఫణివేణిసుశోభితా ।
వృందావనేశ్వరీ-రాధా వృందావనవిలాసినీ ॥ 89॥

వృషభానుసుతాదేవీ వ్రజవాసీగణప్రియా ।
వృందా వృందావనానందా వ్రజేంద్రా చ వరప్రదా ॥ 90॥

విద్యుత్గౌరీ సువర్ణాంగీ వంశీనాదవినోదినీ ।
వృషభానురాధేకన్యా వ్రజరాజసుతప్రియా ॥ 91॥

విచిత్రపట్టచమరీ విచిత్రాంబరధారిణీ ।
వేణువాద్యప్రియారాధా వేణువాద్యపరాయణా ॥ 92॥

విశ్వంభరీ విచిత్రాంగీ బ్రహ్మాండోదరీకాసతీ ।
విశ్వోదరీ విశాలాక్షీ వ్రజలక్ష్మీ వరప్రదా ॥ 93॥

బ్రహ్మమయీ బ్రహ్మరూపా వేదాంగీ వార్షభానవీ ।
వరాంగనా కరాంభోజా వల్లవీ వృజమోహినీ ॥ 94॥

విష్ణుప్రియా విశ్వమాతా బ్రహ్మాండప్రతిపాలినీ ।
విశ్వేశ్వరీ విశ్వకర్త్రీ వేద్యమంత్రస్వరూపిణీ ॥ 95॥

విశ్వమాయా విష్ణుకాంతా విశ్వాంగీ విశ్వపావనీ ।
వ్రజేశ్వరీ విశ్వరూపా వైష్ణవీ విఘ్ననాశినీ ॥ 96॥

బ్రహ్మాండజననీ-రాధా వత్సలా వ్రజవత్సలా ।
వరదా వాక్యసిద్ధా చ బుద్ధిదా వాక్ప్రదాయినీ ॥ 97॥

విశాఖాప్రాణసర్వస్వా వృషభానుకుమారికా ।
విశాఖాసఖ్యవిజితా వంశీవటవిహారిణీ ॥ 98॥

వేదమాతా వేదగమ్యా వేద్యవర్ణా శుభంకరీ ।
వేదాతీతా గుణాతీతా విదగ్ధా విజనప్రియా ॥ 99।
భక్తభక్తిప్రియా-రాధా భక్తమంగలదాయినీ ।
భగవన్మోహినీ దేవీ భవక్లేశవినాశినీ ॥ 100॥

భావినీ భవతీ భావ్యా భారతీ భక్తిదాయినీ ।
భాగీరథీ భాగ్యవతీ భూతేశీ భవకారిణీ ॥ 101॥

భవార్ణవత్రాణకర్త్రీ భద్రదా భువనేశ్వరీ ।
భక్తాత్మా భువనానందా భావికా భక్తవత్సలా ॥ 102॥

భుక్తిముక్తిప్రదా-రాధా శుభా భుజమృణాలికా ।
భానుశక్తిచ్ఛలాధీరా భక్తానుగ్రహకారిణీ ॥ 103॥

మాధవీ మాధవాయుక్తా ముకుందాద్యాసనాతనీ ।
మహాలక్ష్మీ మహామాన్యా మాధవస్వాంతమోహినీ ॥ 104॥

మహాధన్యా మహాపుణ్యా మహామోహవినాశినీ ।
మోక్షదా మానదా భద్రా మంగలాఽమంగలాత్పదా ॥ 105॥

మనోభీష్టప్రదాదేవీ మహావిష్ణుస్వరూపిణీ ।
మాధవ్యాంగీ మనోరామా రమ్యా ముకురరంజనీ ॥ 106॥

మనీశా వనదాధారా మురలీవాదనప్రియా ।
ముకుందాంగకృతాపాంగీ మాలినీ హరిమోహినీ ॥ 107॥

మానగ్రాహీ మధువతీ మంజరీ మృగలోచనా ।
నిత్యవృందా మహాదేవీ మహేంద్రకృతశేఖరీ ॥ 108॥

ముకుందప్రాణదాహంత్రీ మనోహరమనోహరా ।
మాధవముఖపద్మస్యా మథుపానమధువ్రతా ॥ 109॥

ముకుందమధుమాధుర్యా ముఖ్యావృందావనేశ్వరీ ।
మంత్రసిద్ధికృతా-రాధా మూలమంత్రస్వరూపిణీ ॥ 110॥

మన్మథా సుమతీధాత్రీ మనోజ్ఞమతిమానితా ।
మదనామోహినీమాన్యా మంజీరచరణోత్పలా ॥ 111॥

యశోదాసుతపత్నీ చ యశోదానందదాయినీ ।
యౌవనాపూర్ణసౌందర్యా యమునాతటవాసినీ ॥ 112॥

యశస్వినీ యోగమాయా యువరాజవిలాసినీ ।
యుగ్మశ్రీఫలసువత్సా యుగ్మాంగదవిధారిణీ ॥ 113॥

యంత్రాతిగాననిరతా యువతీనాంశిరోమణీ ।
శ్రీరాధా పరమారాధ్యా రాధికా కృష్ణమోహినీ ॥ 114॥

రూపయౌవనసంపన్నా రాసమండలకారిణీ ।
రాధాదేవీ పరాప్రాప్తా శ్రీరాధాపరమేశ్వరీ ॥ 115॥

రాధావాగ్మీ రసోన్మాదీ రసికా రసశేఖరీ ।
రాధారాసమయీపూర్ణా రసజ్ఞా రసమంజరీ ॥ 116॥

రాధికా రసదాత్రీ చ రాధారాసవిలాసినీ ।
రంజనీ రసవృందాచ రత్నాలంకారధారిణీ ॥ 117॥

రామారత్నారత్నమయీ రత్నమాలావిధారిణీ ।
రమణీరామణీరమ్యా రాధికారమణీపరా ॥ 118॥

రాసమండలమధ్యస్థా రాజరాజేశ్వరీ శుభా ।
రాకేందుకోటిసౌందర్యా రత్నాంగదవిధారిణీ ॥ 119॥

రాసప్రియా రాసగమ్యా రాసోత్సవవిహారిణీ ।
లక్ష్మీరూపా చ లలనా లలితాదిసఖిప్రియా ॥ 120॥

లోకమాతా లోకధాత్రీ లోకానుగ్రహకారిణీ ।
లోలాక్షీ లలితాంగీ చ లలితాజీవతారకా ॥ 121॥

లోకాలయా లజ్జారూపా లాస్యవిద్యాలతాశుభా ।
లలితాప్రేమలలితానుగ్ధప్రేమలిలావతీ ॥ 122॥

లీలాలావణ్యసంపన్నా నాగరీచిత్తమోహినీ ।
లీలారంగీరతీ రమ్యా లీలాగానపరాయణా ॥ 123॥

లీలావతీ రతిప్రీతా లలితాకులపద్మినీ ।
శుద్ధకాంచనగౌరాంగీ శంఖకంకణధారిణీ ॥ 124॥

శక్తిసంచారిణీ దేవీ శక్తీనాం శక్తిదాయినీ ।
సుచారుకబరీయుక్తా శశిరేఖా శుభంకరీ ॥ 125॥

సుమతీ సుగతిర్దాత్రీ శ్రీమతీ శ్రీహరిపియా ।
సుందరాంగీ సువర్ణాంగీ సుశీలా శుభదాయినీ ॥ 126॥

శుభదా సుఖదా సాధ్వీ సుకేశీ సుమనోరమా ।
సురేశ్వరీ సుకుమారీ శుభాంగీ సుమశేఖరా ॥ 127॥

శాకంభరీ సత్యరూపా శస్తా శాంతా మనోరమా ।
సిద్ధిధాత్రీ మహాశాంతీ సుందరీ శుభదాయినీ ॥ 128॥

శబ్దాతీతా సింధుకన్యా శరణాగతపాలినీ ।
శాలగ్రామప్రియా-రాధా సర్వదా నవయౌవనా ॥ 129॥

సుబలానందినీదేవీ సర్వశాస్త్రవిశారదా ।
సర్వాంగసుందరీ-రాధా సర్వసల్లక్షణాన్వితా ॥ 130॥

సర్వగోపీప్రధానా చ సర్వకామఫలప్రదా ।
సదానందమయీదేవీ సర్వమంగలదాయినీ ॥ 131॥

సర్వమండలజీవాతు సర్వసంపత్ప్రదాయినీ ।
సంసారపారకరణీ సదాకృష్ణకుతూహలా ॥ 132॥

సర్వాగుణమయీ-రాధా సాధ్యా సర్వగుణాన్వితా ।
సత్యస్వరూపా సత్యా చ సత్యనిత్యా సనాతనీ ॥ 133॥

సర్వమాధవ్యలహరీ సుధాముఖశుభంకరీ ।
సదాకిశోరికాగోష్ఠీ సుబలావేశధారిణీ ॥ 134॥

సువర్ణమాలినీ-రాధా శ్యామసుందరమోహినీ ।
శ్యామామృతరసేమగ్నా సదాసీమంతినీసఖీ ॥ 135॥

షోడశీవయసానిత్యా షడరాగవిహారిణీ ।
హేమాంగీవరదాహంత్రీ భూమాతా హంసగామినీ ॥ 136॥

హాసముఖీ వ్రజాధ్యక్షా హేమాబ్జా కృష్ణమోహినీ ।
హరివినోదినీ-రాధా హరిసేవాపరాయణా ॥ 137॥

హేమారంభా మదారంభా హరిహారవిలోచనా ।
హేమాంగవర్ణారమ్యా శ్రేషహృత్పద్మవాసినీ ॥ 138॥

హరిపాదాబ్జమధుపా మధుపానమధువ్రతా ।
క్షేమంకరీ క్షీణమధ్యా క్షమారూపా క్షమావతీ ॥ 139॥

క్షేత్రాంగీ శ్రీక్షమాదాత్రీ క్షితివృందావనేశ్వరీ ।
క్షమాశీలా క్షమాదాత్రీ క్షౌమవాసోవిధారిణీ ।
క్షాంతినామావయవతీ క్షీరోదార్ణవశాయినీ ॥ 140॥

రాధానామసహస్రాణి పఠేద్వా శ్రుణుయాదపి ।
ఇష్టసిద్ధిర్భవేత్తస్యా మంత్రసిద్ధిర్భవేత్ ధ్రువమ్ ॥ 141॥

ధర్మార్థకామమోక్షాంశ్చ లభతే నాత్ర సంశయః ।
వాంఛాసిద్ధిర్భవేత్తస్య భక్తిస్యాత్ ప్రేమలక్షణ ॥ 142॥

లక్ష్మీస్తస్యవసేత్గేహే ముఖేభాతిసరస్వతీ ।
అంతకాలేభవేత్తస్య రాధాకృష్ణేచసంస్థితిః ॥ 143॥

ఇతి శ్రీరాధామానసతంత్రే శ్రీరాధాసహస్రనామస్తోత్రం సంపూర్ణమ్ ॥

radha sahasranama stotram in telugu