దేవీ మాహాత్మ్యం దేవీ సూక్తం

devi mahatmyam devi suktam in telugu

ఓం అ॒హం రు॒ద్రేభి॒ర్వసు॑భిశ్చరామ్య॒హమా᳚ది॒త్యైరు॒త వి॒శ్వదే᳚వైః ।
అ॒హం మి॒త్రావరు॑ణో॒భా బి॑భర్మ్య॒హమిం᳚ద్రా॒గ్నీ అ॒హమ॒శ్వినో॒భా ॥1॥

అ॒హం సోమ॑మాహ॒నసం᳚ బిభర్మ్య॒హం త్వష్టా᳚రము॒త పూ॒షణం॒ భగం᳚ ।
అ॒హం ద॑ధామి॒ ద్రవి॑ణం హ॒విష్మ॑తే సుప్రా॒వ్యే॒ యే॑ ​3 యజ॑మానాయ సున్వ॒తే ॥2॥

అ॒హం రాష్ట్రీ᳚ సం॒గమ॑నీ॒ వసూ᳚నాం చికి॒తుషీ᳚ ప్రథ॒మా య॒జ్ఞియా᳚నామ్ ।
తాం మా᳚ దే॒వా వ్య॑దధుః పురు॒త్రా భూరి॑స్థాత్రాం॒ భూ~ర్యా᳚వే॒శయంతీ᳚మ్ ॥3॥

మయా॒ సో అన్న॑మత్తి యో వి॒పశ్య॑తి॒ యః ప్రాణి॑తి॒ య ఈం᳚ శృ॒ణోత్యు॒క్తమ్ ।
అ॒మం॒త॒వో॒మాంత ఉప॑క్షియంతి॒ శ్రు॒ధి శ్రు॑తం శ్రద్ధి॒వం తే᳚ వదామి ॥4॥

అ॒హమే॒వ స్వ॒యమి॒దం-వఀదా॑మి॒ జుష్టం᳚ దే॒వేభి॑రు॒త మాను॑షేభిః ।
యం కా॒మయే॒ తం త॑ము॒గ్రం కృ॑ణోమి॒ తం బ్ర॒హ్మాణం॒ తమృషిం॒ తం సు॑మే॒ధామ్ ॥5॥

అ॒హం రు॒ద్రాయ॒ ధను॒రాత॑నోమి బ్రహ్మ॒ద్విషే॒ శర॑వే హంత॒ వా ఉ॑ ।
అ॒హం జనా᳚య స॒మదం᳚ కృణోమ్య॒హం ద్యావా᳚పృథి॒వీ ఆవి॑వేశ ॥6॥

అ॒హం సు॑వే పి॒తర॑మస్య మూ॒ర్ధన్ మమ॒ యోని॑ర॒ప్స్వం॒తః స॑ము॒ద్రే ।
తతో॒ వితి॑ష్ఠే॒ భువ॒నాను॒ విశ్వో॒తామూం ద్యాం-వఀ॒ర్​ష్మణోప॑ స్పృశామి ॥7॥

అ॒హమే॒వ వాత॑ ఇవ॒ ప్రవా᳚మ్యా॒-రభ॑మాణా॒ భువ॑నాని॒ విశ్వా᳚ ।
ప॒రో ది॒వాపర॒ ఏ॒నా పృ॑థి॒వ్యై-తావ॑తీ మహి॒నా సంబ॑భూవ ॥8॥

ఓం శాంతిః॒ శాంతిః॒ శాంతిః॑ ॥

॥ ఇతి ఋగ్వేదోక్తం దేవీసూక్తం సమాప్తమ్ ॥
॥తత్ సత్ ॥

devi mahatmyam devi suktam in telugu