అన్నమయ్య కీర్తన షోడశ కళానిధికి

annamayya keerthanas shodasa kalanidhiki in telugu

రాగం: లలితా
ఆ: స రి1 గ3 మ1 ద1 ని3 స
అవ: స ని3 ద1 మ1 గ3 రి1 స
తాళం:

పల్లవి
షోడశ కళానిధికి షోడశోపచారములు
జాడతోడ నిచ్చలును సమర్పయామి ॥ (2.5)

చరణం 1
అలరు విశ్వాత్మకునను ఆవాహనమిదె
సర్వ నిలయునకు ఆసనము నెమ్మినిదే ।
అలగంగా జనకునకు అర్ఘ్యపాద్య-అచమనాలు
జలధి శాయికిని మజ్జనమిదే ॥
షోడశ కళానిధికి షోడశోపచారములు (ప.)
జాడతోడ నిచ్చలును సమర్పయామి ॥ (ప.) (1.5)

చరణం 2
వరపీతాంబరునకు వస్త్రాలంకారమిదె
సరి శ్రీమంతునకు భూషణములివే । (2.5)
ధరణీధరునకు గంధపుష్ప ధూపములు
తిరమిదె కోటిసూర్యతేజునకు దీపము ॥ (2.5)
షోడశ కళానిధికి షోడశోపచారములు (ప.)
జాడతోడ నిచ్చలును సమర్పయామి ॥ (ప.) (1.5)

చరణం 3
అమృతమథనునకు నదివో నైవేద్యము
రవిజంద్రనేత్రునకు కప్పురవిడెము ।
అమరిన శ్రీవేంకటాద్రి మీది దేవునికి
తమితో ప్రదక్షిణాలు దండములు నివిగో ॥
షోడశ కళానిధికి షోడశోపచారములు (ప.)
జాడతోడ నిచ్చలును సమర్పయామి ॥ (ప.) (1.5)

annamayya keerthanas shodasa kalanidhiki in telugu