అన్నమయ్య కీర్తన నవరసములదీ నళినాక్షి

annamayya keerthanas navarasamuladee nalinaakshi in telugu

రాగం: దేసి
ఆ: స రి2 మ1 ప ద1 ని2 స
అవ: స ని2 ద1 మ1 గ2 రి2 స
తాళం: ఆది

పల్లవి
నవరసములదీ నళినాక్షి ।
జవకట్టి నీకు జవి సేసీని ॥ (2.5)

చరణం 1
శృంగార రసము చెలియ మొకంబున ।
సంగతి వీరరసము గోళ్ళ । (2)
రంగగు కరుణరసము పెదవులను । (2)
అంగపు గుచముల నద్భుత రసము ॥
నవరసములదీ నళినాక్షి.. (ప..)(1.5)

చరణం 2
చెలి హాస్యరసము చెలవుల నిండీ ।
పలుచని నడుమున భయరసము । (2)
కలికి వాడుగన్నుల భీభత్సము । (2)
అల బొమ జంకెనల నదె రౌద్రంబు ॥
నవరసములదీ నళినాక్షి.. (ప..)(1.5)

చరణం 3
రతి మరపుల శాంతరసంబదె ।
అతి మోహము పదియవరసము । (2)
ఇత్వుగ శ్రీవేంకటేశ కూడితివి । (2)
సతమై యీపెకు సంతోస రసము ॥
నవరసములదీ నళినాక్షి ।
జవకట్టి నీకు జవి సేసీని ॥ (2.5)

annamayya keerthanas navarasamuladee nalinaakshi in telugu