అన్నమయ్య కీర్తన మేలుకో శ్రుంగారరాయ

annamayya keerthanas meloko srungaararaaya in telugu

రాగం: భూపాళ
ఆ: స రి1 గ2 ప ద1 స
అవ: స ద1 ప గ2 రి1 స
తాళం: ఆది

పల్లవి
మేలుకో శృంగారరాయ మేటి మదనగోపాల ।
మేలుకోవె నాపాల ముంచిన నిధానమా ॥ (2)

చరణం 1
సందడిచే గోపికల జవ్వనవనములోన ।
కందువందిరిగే మదగజమవు । (2)
యిందుముఖి సత్యభామ హృదయ పద్మములోని ।
గంధము మరిగినట్టి గండు తుమ్మెద ॥ (2)
మేలుకో శృంగారరాయ మేటి మదనగోపాల..(ప..)

చరణం 2
గతిగూడి రుక్మిణికౌగిట పంజరములో ।
రతిముద్దు గురిసేటి రాచిలుకా । (2)
సతుల పదారువేల జంట కన్నుల గలువల- ।
కితమై పొడిమిన నా యిందు బింబమ ॥ (2)
మేలుకో శృంగారరాయ మేటి మదనగోపాల..(ప..)

చరణం 3
వరుసం గొలనిలోని వారి చన్నుంగొండలపై ।
నిరతి వాలిన నా నీలమేఘమా । (2)
శిరనురమున మోచి శ్రీ వేంకటాద్రి మీద ।
గరిమ వరాలిచ్చే కల్పతరువా ॥ (2)
మేలుకో శృంగారరాయ మేటి మదనగోపాల ।
మేలుకోవె నాపాల ముంచిన నిధానమా ॥

annamayya keerthanas meloko srungaararaaya in telugu