అన్నమయ్య కీర్తన మేదిని జీవుల గావ

annamayya keerthanas medini jeevula gaava in telugu

రాగం: రేవగుప్తి
ఆ: స రి1 గ3 ప ద1 స
అవ: స ద1 ప గ3 రి1 స
తాళం: ఆది

పల్లవి
మేదిని జీవుల గావ మేలుకోవయ్యా ।
నీ దయే మాకెల్ల రక్ష నిద్ర మేలుకోవయ్యా ॥ (2)

చరణం 1
తగుగోపికల కన్నుదామరలు వికసించె
మిగుల సూర్యనేత్రుడ మేలుకోవయ్యా ।
తెగువ రాక్షసులనే తిమిరము విరియగ
నెగడిన పరంజ్యోతి నిద్ర మేలుకోవయ్యా ॥
మేదిని జీవుల గావ మేలుకోవయ్యా..(ప..)

చరణం 2
ఘనదురితపు గలువలు వికసించె
మినుకు శశినేత్రుడ మేలుకోవయ్యా ।
పనివడి వేదాలనే పక్షులెల్లా బలుకగ
జనక! యాశ్రితపారిజాత మేలుకోవయ్యా ॥
మేదిని జీవుల గావ మేలుకోవయ్యా..(ప..)

చరణం 3
వరలక్ష్మీ కుచచక్రవాకము లొండొంటి రాయ
మెరయు దోషరహిత మేలుకోవయ్యా ।
పొరసి నీవు నిత్యభోగములు భోగించ
నిరతి శ్రీవేంకటేశ నేడు మేలుకోవయ్యా ॥
మేదిని జీవుల గావ మేలుకోవయ్యా ।
నీ దయే మాకెల్ల రక్ష నిద్ర మేలుకోవయ్యా ॥ (2)

annamayya keerthanas medini jeevula gaava in telugu