అన్నమయ్య కీర్తన కట్టెదుర వైకుంఠము

annamayya keerthanas kattedura vaikuntham in telugu

కట్టెదుర వైకుంఠము కాణాచయిన కొండ
తెట్టరాయ మహిమలే తిరుమల కొండ ॥

వేదములే శిలలై వెలసినది కొండ
యేదెస బుణ్యరాసులే యేరులైనది కొండ ।
గాదిలి బ్రహ్మాది లోకముల కొనలు కొండ
శ్రీదేవు డుండేటి శేషాద్రి కొండ ॥

సర్వదేవతలు మృగజాతులై చరించే కొండ
నిర్వహించి జలధులే నిట్టచరులైన కొండ ।
వుర్వి దపసులే తరువులై నిలచిన కొండ
పూర్వ టంజనాద్రి యీ పొడవాటి కొండ ॥

వరములు కొటారుగా వక్కాణించి పెంచే కొండ
పరగు లక్ష్మీకాంతు సోబనపు గొండ ।
కురిసి సంపదలెల్ల గుహల నిండిన కొండ
విరివైన దదివో శ్రీ వేంకటపు గొండ ॥

annamayya keerthanas kattedura vaikuntham in telugu