అన్నమయ్య కీర్తన కలిగెనిదె నాకు

annamayya keerthanas kaligenide naaku in telugu

కలిగెనిదె నాకు కైవల్యము
తొలుతనెవ్వరికి దొరకనిది ॥

జయపురుషోత్తమ జయ పీతాంబర
జయజయ కరుణాజలనిధి ।
దయ యెఱంగ నే ధర్మము నెఱగ నా
క్రియ యిది నీదివ్యకీర్తనమే ॥

శరణము గోవింద శరణము కేశవ
శరణు శరణు శ్రీజనార్ధన ।
పరమ మెఱంగను భక్తి యెఱంగను
నిరతము నాగతి నీదాస్యమే ॥

నమో నారాయణా నమో లక్ష్మీపతి
నమో పుండరీకనయనా ।
అమిత శ్రీవేంకటాధిప యిదె నా
క్రమమెల్లను నీకయింకర్యమే ॥

annamayya keerthanas kaligenide naaku in telugu