అన్నమయ్య కీర్తన జయ జయ రామా

annamayya keerthanas jaya jaya raamaa in telugu

రాగం: నాట
ఆ: స రి3 గ3 మ1 ప ద3 ని3 స
అవ: స ని3 ప మ1 రి3 స
తాళం: ఆది

పల్లవి
జయ జయ రామా సమరవిజయ రామా ।
భయహర నిజభక్తపారీణ రామా ॥ (2.5)

చరణం 1
జలధి బంధించిన సౌమిత్రిరామా
సెలవిల్లు విరచిన సీతారామా । (2)
అలసుగ్రీవునేలి-నాయోధ్యరామా (2)
కలిగి యజ్ఞముగాచే కౌసల్యరామా ॥
జయ జయ రామా సమరవిజయ రామా .. (ప..)

చరణం 2
అరిరావణాంతక ఆదిత్యకులరామా
గురుమౌనులనుగానే కోదండరామా । (2)
ధర నహల్యపాలిటి దశరథరామా (2)
హరురాణినుతుల లోకాభిరామా ॥
జయ జయ రామా సమరవిజయ రామా ..(ప..)

చరణం 3
అతిప్రతాపముల మాయామృగాంతక రామా
సుతకుశలవప్రియ సుగుణరామా । (2)
వితత మహిమల శ్రీవేంకటాద్రిరామా (2)
మతిలోనబాయని మనువంశరామా ॥
జయ జయ రామా సమరవిజయ రామా ..
భయహర నిజభక్తపారీణ రామా ॥ (2.5)

annamayya keerthanas jaya jaya raamaa in telugu