అన్నమయ్య కీర్తన చాలదా బ్రహ్మమిది

annamayya keerthanas chaaladaa brahmamidi in telugu

రాగం: సింధుభైరవి
ఆ: స రి2 గ2 మ1 గ2 ప ద1 ని2 స
అవ: ని2 ద1 ప మ1 గ2 రి1 స ని2 స
తాళం: ఖండచాపు

పల్లవి
చాలదా బ్రహ్మమిది సంకీర్తనం మీకు ।
జాలెల్ల నడగించు సంకీర్తనం ॥ (2)

చరణం 1
సంతోష కరమైన సంకీర్తనం ।
సంతాప మణగించు సంకీర్తనం । (2)
జంతువుల రక్షించు సంకీర్తనం ।
సంతతము దలచుడీ సంకీర్తనం ॥
చాలదా బ్రహ్మమిది సంకీర్తనం మీకు..(ప..)

చరణం 2
సామజము గాంచినది సంకీర్తనం ।
సామమున కెక్కుడీ సంకీర్తనం ।
సామీప్య మిందరికి సంకీర్తనం ।
సామాన్యమా విష్ణు సంకీర్తనం ॥
చాలదా బ్రహ్మమిది సంకీర్తనం మీకు..(ప..)

చరణం 3
జముబారి విడిపించు సంకీర్తనం ।
సమ బుద్ధి వొడమించు సంకీర్తనం ।
జమళి సౌఖ్యములిచ్చు సంకీర్తనం ।
శమదమాదుల జేయు సంకీర్తనం ॥

చరణం 4
జలజాసనుని నోరి సంకీర్తనం ।
చలిగొండ సుతదలచు సంకీర్తనం ।
చలువ గడు నాలుకకు సంకీర్తనం ।
చలపట్టి తలచుడీ సంకీర్తనం ॥

చరణం 5
సరవి సంపదలిచ్చు సంకీర్తనం ।
సరిలేని దిదియపో సంకీర్తనం ।
సరుస వేంకట విభుని సంకీర్తనం ।
సరుగనను దలచుడీ సంకీర్తనం ॥

చాలదా బ్రహ్మమిది సంకీర్తనం మీకు
జాలెల్ల నడగించు సంకీర్తనం ॥ (2)

annamayya keerthanas chaaladaa brahmamidi in telugu