అదిగో భద్రాద్రి

adigo bhadradri in telugu

రాగం: వరాళి
తాళం: ఆది

అదిగో భద్రాద్రి గౌతమి ఇదిగో చూడండి ॥ అదిగో ॥

ముదముతో సీత ముదిత లక్ష్మణుడు
కదసి కొలువగా కలడదె రఘుపతి ॥ 1 ॥ అదిగో ॥

చారు స్వర్ణ ప్రాకార గోపుర
ద్వారములతో సుందరమై యుండెడి ॥ 2 ॥ అదిగో ॥

అనుపమానమై అతిసుందరమై
తనరు చక్రమది ధగ ధగ మెరిసెడి ॥ 3 ॥ అదిగో ॥

కలియుగమందున నిల వైకుంఠము
నలరుచునున్నది నయముగ మ్రొక్కుడి ॥ 4 ॥ అదిగో ॥

పొన్నల పొగడల పూపొద రిండ్లతొ
చెన్ను మీరగను చెలగుచునున్నది ॥ 5 ॥ అదిగో ॥

శ్రీకరముగ శ్రీరామదాసుని
ప్రాకటముగ బ్రోచే ప్రభువాసము ॥ 6 ॥ అదిగో ॥

adigo bhadradri in telugu