ஶ்ரீ காளிகா ஸஹஸ்ர நாம ஸ்தோத்ரம்

sri kalika sahasra nama stotram in tamil

ஶ்ரீ ஶிவ உவாச ।
கதி²தோயம் மஹாமந்த்ர: ஸர்வமந்த்ரோத்தமோத்தம: ।
யாமாஸாத்³ய மயா ப்ராப்தமைஶ்வர்யபத³முத்தமம் ॥ 1 ॥

ஸம்யுக்த: பரயா ப⁴க்த்யா யதோ²க்த விதி⁴னா ப⁴வான் ।
குருதாமர்சனம் தே³வ்யாஸ்த்ரைலோக்யவிஜிகீ³ஷயா ॥ 2 ॥

ஶ்ரீபரஶுராம உவாச ।
ப்ரஸன்னோ யதி³ மே தே³வ பரமேஶ புராதன ।
ரஹஸ்யம் பரமம் தே³வ்யா: க்ருபயா கத²ய ப்ரபோ⁴ ॥ 3 ॥

வினார்சனம் வினா ஹோமம் வினா ந்யாஸம் வினா ப³லிம் ।
வினா க³ந்த⁴ம் வினா புஷ்பம் வினா நித்யோதி³தாம் க்ரியாம் ॥ 4 ॥

ப்ராணாயாமம் வினா த்⁴யானம் வினா பூ⁴தவிஶோத⁴னம் ।
வினா தா³னம் வினா ஜாபம் யேன காளீ ப்ரஸீத³தி ॥ 5 ॥

ஶ்ரீ ஶிவ உவாச ।
ப்ருஷ்டம் த்வயோத்தமம் ப்ராஜ்ஞ ப்⁴ருகு³வம்ஶ ஸமுத்³ப⁴வ ।
ப⁴க்தானாமபி ப⁴க்தோஸி த்வமேவ ஸாத⁴யிஷ்யஸி ॥ 6 ॥

தே³வீம் தா³னவகோடிக்⁴னீம் லீலயா ருதி⁴ரப்ரியாம் ।
ஸதா³ ஸ்தோத்ரப்ரியாமுக்³ராம் காமகௌதுகலாலஸாம் ॥ 7 ॥

ஸர்வதா³னந்த³ஹ்ருத³யாமாஸவோத்ஸவ மானஸாம் ।
மாத்⁴வீக மத்ஸ்யமாம்ஸானுராகி³ணீம் வைஷ்ணவீம் பராம் ॥ 8 ॥

ஶ்மஶானவாஸினீம் ப்ரேதக³ணன்ருத்யமஹோத்ஸவாம் ।
யோக³ப்ரபா⁴வாம் யோகே³ஶீம் யோகீ³ந்த்³ரஹ்ருத³யஸ்தி²தாம் ॥ 9 ॥

தாமுக்³ரகாளிகாம் ராம ப்ரஸீத³யிதுமர்ஹஸி ।
தஸ்யா: ஸ்தோத்ரம் பரம் புண்யம் ஸ்வயம் காள்யா ப்ரகாஶிதம் ॥ 1௦ ॥

தவ தத் கத²யிஷ்யாமி ஶ்ருத்வா வத்ஸாவதா⁴ரய ।
கோ³பனீயம் ப்ரயத்னேன பட²னீயம் பராத்பரம் ॥ 11 ॥

யஸ்யைககாலபட²னாத் ஸர்வே விக்⁴னா: ஸமாகுலா: ।
நஶ்யந்தி த³ஹனே தீ³ப்தே பதங்கா³ இவ ஸர்வத: ॥ 12 ॥

க³த்³யபத்³யமயீ வாணீ தஸ்ய க³ங்கா³ப்ரவாஹவத் ।
தஸ்ய த³ர்ஶனமாத்ரேண வாதி³னோ நிஷ்ப்ரபா⁴ம் க³தா: ॥ 13 ॥

தஸ்ய ஹஸ்தே ஸதை³வாஸ்தி ஸர்வஸித்³தி⁴ர்ன ஸம்ஶய: ।
ராஜானோபி ச தா³ஸத்வம் பஜ⁴ந்தே கிம் பரே ஜனா: ॥ 14 ॥

நிஶீதே² முக்தகேஶஸ்து நக்³ன: ஶக்திஸமாஹித: ।
மனஸா சிந்தயேத் காளீம் மஹாகாளேன சாலிதாம் ॥ 15 ॥

படே²த் ஸஹஸ்ரனாமாக்²யம் ஸ்தோத்ரம் மோக்ஷஸ்ய ஸாத⁴னம் ।
ப்ரஸன்னா காளிகா தஸ்ய புத்ரத்வேனானுகம்பதே ॥ 16 ॥

யதா² ப்³ரஹ்மம்ருதைர்ப்³ரஹ்மகுஸுமை: பூஜிதா பரா ।
ப்ரஸீத³தி ததா²னேன ஸ்துதா காளீ ப்ரஸீத³தி ॥ 17 ॥

வினியோக:³ –
அஸ்ய ஶ்ரீ த³க்ஷிணகாலிகா ஸஹஸ்ரனாம ஸ்தோத்ரஸ்ய மஹாகாலபை⁴ரவ ருஷி: அனுஷ்டுப் ச²ந்த:³ ஶ்மஶானகாளீ தே³வதா த⁴ர்மார்த²காமமோக்ஷார்தே² பாடே² வினியோக:³ ।

த்⁴யானம் –
ஶவாரூடா⁴ம் மஹாபீ⁴மாம் கோ⁴ரத³ம்ஷ்ட்ராம் ஹஸன்முகீ²ம்
சதுர்பு⁴ஜாம் க²ட்³க³முண்ட³வராப⁴யகராம் ஶிவாம் ।
முண்ட³மாலாத⁴ராம் தே³வீம் லலாஜ்ஜிஹ்வாம் தி³க³ம்ப³ராம்
ஏவம் ஸஞ்சிந்தயேத்காளீம் ஶ்மஶானாலயவாஸினீம் ॥

ஸ்தோத்ரம் –
ஶ்மஶானகாளிகா காளீ ப⁴த்³ரகாளீ கபாலினீ ।
கு³ஹ்யகாளீ மஹாகாளீ குருகுல்லா விரோதி⁴னீ ॥ 1 ॥

காளிகா காளராத்ரிஶ்ச மஹாகாலனிதம்பி³னீ ।
காலபை⁴ரவபா⁴ர்யா ச குலவர்த்மப்ரகாஶினீ ॥ 2 ॥

காமதா³ காமினீ கன்யா கமனீயஸ்வரூபிணீ ।
கஸ்தூரீரஸலிப்தாங்கீ³ குஞ்ஜரேஶ்வரகா³மினீ ॥ 3 ॥

ககாரவர்ணஸர்வாங்கீ³ காமினீ காமஸுந்த³ரீ ।
காமார்தா காமரூபா ச காமதே⁴னு: களாவதீ ॥ 4 ॥

காந்தா காமஸ்வரூபா ச காமாக்²யா குலகாமினீ ।
குலீனா குலவத்யம்பா³ து³ர்கா³ து³ர்க³தினாஶினீ ॥ 5 ॥

கௌமாரீ கலஜா க்ருஷ்ணா க்ருஷ்ணதே³ஹா க்ருஶோத³ரீ ।
க்ருஶாங்கீ³ குலிஶாங்கீ³ ச க்ரீங்காரீ கமலா கலா ॥ 6 ॥

கராளாஸ்யா கராளீ ச குலகாந்தாபராஜிதா ।
உக்³ரா உக்³ரப்ரபா⁴ தீ³ப்தா விப்ரசித்தா மஹாப³லா ॥ 7 ॥

நீலா க⁴னா மேக⁴னாதா³ மாத்ரா முத்³ரா மிதாமிதா ।
ப்³ராஹ்மீ நாராயணீ ப⁴த்³ரா ஸுப⁴த்³ரா ப⁴க்தவத்ஸலா ॥ 8 ॥

மாஹேஶ்வரீ ச சாமுண்டா³ வாராஹீ நாரஸிம்ஹிகா ।
வஜ்ராங்கீ³ வஜ்ரகங்காளீ ந்ருமுண்ட³ஸ்ரக்³விணீ ஶிவா ॥ 9 ॥

மாலினீ நரமுண்டா³லீ க³லத்³ரக்தவிபூ⁴ஷணா ।
ரக்தசந்த³னஸிக்தாங்கீ³ ஸிந்தூ³ராருணமஸ்தகா ॥ 1௦ ॥

கோ⁴ரரூபா கோ⁴ரத³ம்ஷ்ட்ரா கோ⁴ராகோ⁴ரதரா ஶுபா⁴ ।
மஹாத³ம்ஷ்ட்ரா மஹாமாயா ஸுத³தீ யுக³த³ந்துரா ॥ 11 ॥

ஸுலோசனா விரூபாக்ஷீ விஶாலாக்ஷீ த்ரிலோசனா ।
ஶாரதே³ந்து³ப்ரஸன்னாஸ்யா ஸ்பு²ரத்ஸ்மேராம்பு³ஜேக்ஷணா ॥ 12 ॥

அட்டஹாஸப்ரபு²ல்லாஸ்யா ஸ்மேரவக்த்ரா ஸுபா⁴ஷிணீ ।
ப்ரபு²ல்லபத்³மவத³னா ஸ்மிதாஸ்யா ப்ரியபா⁴ஷிணீ ॥ 13 ॥

கோடராக்ஷீ குலஶ்ரேஷ்டா² மஹதீ ப³ஹுபா⁴ஷிணீ ।
ஸுமதி: குமதிஶ்சண்டா³ சண்ட³முண்டா³திவேகி³னீ ॥ 14 ॥

ஸுகேஶீ முக்தகேஶீ ச தீ³ர்க⁴கேஶீ மஹாகசா ।
ப்ரேததே³ஹாகர்ணபூரா ப்ரேதபாணிஸுமேக²லா ॥ 15 ॥

ப்ரேதாஸனா ப்ரியப்ரேதா புண்யதா³ குலபண்டி³தா ।
புண்யாலயா புண்யதே³ஹா புண்யஶ்லோகா ச பாவனீ ॥ 16 ॥

பூதா பவித்ரா பரமா பரா புண்யவிபூ⁴ஷணா ।
புண்யனாம்னீ பீ⁴திஹரா வரதா³ க²ட்³க³பாணினீ ॥ 17 ॥

ந்ருமுண்ட³ஹஸ்தா ஶாந்தா ச சி²ன்னமஸ்தா ஸுனாஸிகா ।
த³க்ஷிணா ஶ்யாமலா ஶ்யாமா ஶாந்தா பீனோன்னதஸ்தனீ ॥ 18 ॥

தி³க³ம்ப³ரா கோ⁴ரராவா ஸ்ருக்காந்தரக்தவாஹினீ ।
கோ⁴ரராவா ஶிவாஸங்கா³ நி:ஸங்கா³ மத³னாதுரா ॥ 19 ॥

மத்தா ப்ரமத்தா மத³னா ஸுதா⁴ஸிந்து⁴னிவாஸினீ ।
அதிமத்தா மஹாமத்தா ஸர்வாகர்ஷணகாரிணீ ॥ 2௦ ॥

கீ³தப்ரியா வாத்³யரதா ப்ரேதன்ருத்யபராயணா ।
சதுர்பு⁴ஜா த³ஶபு⁴ஜா அஷ்டாத³ஶபு⁴ஜா ததா² ॥ 21 ॥

காத்யாயனீ ஜக³ன்மாதா ஜக³தீ பரமேஶ்வரீ ।
ஜக³த்³ப³ந்து⁴ர்ஜக³த்³தா⁴த்ரீ ஜக³தா³னந்த³காரிணீ ॥ 22 ॥

ஜகஜ³்ஜீவவதீ ஹைமவதீ மாயா மஹாலயா ।
நாக³யஜ்ஞோபவீதாங்கீ³ நாகி³னீ நாக³ஶாயினீ ॥ 23 ॥

நாக³கன்யா தே³வகன்யா கா³ந்தா⁴ரீ கின்னரீ ஸுரீ ।
மோஹராத்ரீ மஹாராத்ரீ தா³ருணாமாஸுராஸுரீ ॥ 24 ॥

வித்³யாத⁴ரீ வஸுமதீ யக்ஷிணீ யோகி³னீ ஜரா ।
ராக்ஷஸீ டா³கினீ வேத³மயீ வேத³விபூ⁴ஷணா ॥ 25 ॥

ஶ்ருதிஸ்ம்ருதிமஹாவித்³யா கு³ஹ்யவித்³யா புராதனீ ।
சிந்த்யாசிந்த்யா ஸ்வதா⁴ ஸ்வாஹா நித்³ரா தந்த்³ரா ச பார்வதீ ॥ 26 ॥

அபர்ணா நிஶ்சலா லோலா ஸர்வவித்³யா தபஸ்வினீ ।
க³ங்கா³ காஶீ ஶசீ ஸீதா ஸதீ ஸத்யபராயணா ॥ 27 ॥

நீதி: ஸுனீதி: ஸுருசிஸ்துஷ்டி: புஷ்டிர்த்⁴ருதி: க்ஷமா ।
வாணீ பு³த்³தி⁴ர்மஹாலக்ஷ்மீ லக்ஷ்மீர்னீலஸரஸ்வதீ ॥ 28 ॥

ஸ்ரோதஸ்வதீ ஸ்ரோதவதீ மாதங்கீ³ விஜயா ஜயா ।
நதீ³ ஸிந்து⁴: ஸர்வமயீ தாரா ஶூன்யனிவாஸினீ ॥ 29 ॥

ஶுத்³தா⁴ தரங்கி³ணீ மேதா⁴ லாகினீ ப³ஹுரூபிணீ ।
ஸதா³னந்த³மயீ ஸத்யா ஸர்வானந்த³ஸ்வரூபிணீ ॥ 3௦ ॥

ஸுனந்தா³ நந்தி³னீ ஸ்துத்யா ஸ்தவனீயா ஸ்வபா⁴வினீ ।
ரங்கிணீ டங்கிணீ சித்ரா விசித்ரா சித்ரரூபிணீ ॥ 31 ॥

பத்³மா பத்³மாலயா பத்³மஸுகீ² பத்³மவிபூ⁴ஷணா ।
ஶாகினீ ஹாகினீ க்ஷாந்தா ராகிணீ ருதி⁴ரப்ரியா ॥ 32 ॥

ப்⁴ராந்திர்ப⁴வானீ ருத்³ராணீ ம்ருடா³னீ ஶத்ருமர்தி³னீ ।
உபேந்த்³ராணீ மஹேஶானீ ஜ்யோத்ஸ்னா சேந்த்³ரஸ்வரூபிணீ ॥ 33 ॥

ஸூர்யாத்மிகா ருத்³ரபத்னீ ரௌத்³ரீ ஸ்த்ரீ ப்ரக்ருதி: புமான் ।
ஶக்தி: ஸூக்திர்மதிமதீ பு⁴க்திர்முக்தி: பதிவ்ரதா ॥ 34 ॥

ஸர்வேஶ்வரீ ஸர்வமாதா ஶர்வாணீ ஹரவல்லபா⁴ ।
ஸர்வஜ்ஞா ஸித்³தி⁴தா³ ஸித்³தா⁴ பா⁴வ்யா ப⁴வ்யா ப⁴யாபஹா ॥ 35 ॥

கர்த்ரீ ஹர்த்ரீ பாலயித்ரீ ஶர்வரீ தாமஸீ த³யா ।
தமிஸ்ரா யாமினீஸ்தா² ச ஸ்தி²ரா தீ⁴ரா தபஸ்வினீ ॥ 36 ॥

சார்வங்கீ³ சஞ்சலா லோலஜிஹ்வா சாருசரித்ரிணீ ।
த்ரபா த்ரபாவதீ லஜ்ஜா நிர்லஜ்ஜா ஹ்ரீம் ரஜோவதீ ॥ 37 ॥

ஸத்த்வவதீ த⁴ர்மனிஷ்டா² ஶ்ரேஷ்டா² நிஷ்டு²ரவாதி³னீ ।
க³ரிஷ்டா² து³ஷ்டஸம்ஹர்த்ரீ விஶிஷ்டா ஶ்ரேயஸீ க்⁴ருணா ॥ 38 ॥

பீ⁴மா ப⁴யானகா பீ⁴மனாதி³னீ பீ⁴: ப்ரபா⁴வதீ ।
வாகீ³ஶ்வரீ ஶ்ரீர்யமுனா யஜ்ஞகர்த்ரீ யஜு:ப்ரியா ॥ 39 ॥

ருக்ஸாமாத²ர்வனிலயா ராகி³ணீ ஶோப⁴னஸ்வரா ।
கலகண்டீ² கம்பு³கண்டீ² வேணுவீணாபராயணா ॥ 4௦ ॥

வம்ஶினீ வைஷ்ணவீ ஸ்வச்சா² தா⁴த்ரீ த்ரிஜக³தீ³ஶ்வரீ ।
மது⁴மதீ குண்ட³லினீ ருத்³தி⁴: ஸித்³தி⁴: ஶுசிஸ்மிதா ॥ 41 ॥

ரம்போ⁴ர்வஶீ ரதீ ராமா ரோஹிணீ ரேவதீ ரமா ।
ஶங்கி³னீ சக்ரிணீ க்ருஷ்ணா க³தி³னீ பத்³மினீ ததா² ॥ 42 ॥

ஶூலினீ பரிகா⁴ஸ்த்ரா ச பாஶினீ ஶார்ங்க³பாணினீ ।
பினாகதா⁴ரிணீ தூ⁴ம்ரா ஶரபீ⁴ வனமாலினீ ॥ 43 ॥

வஜ்ரிணீ ஸமரப்ரீதா வேகி³னீ ரணபண்டி³தா ।
ஜடினீ பி³ம்பி³னீ நீலா லாவண்யாம்பு³தி⁴சந்த்³ரிகா ॥ 44 ॥

ப³லிப்ரியா ஸதா³பூஜ்யா பூர்ணா தை³த்யேந்த்³ரமாதி²னீ ।
மஹிஷாஸுரஸம்ஹந்த்ரீ வாஸினீ ரக்தத³ந்திகா ॥ 45 ॥

ரக்தபா ருதி⁴ராக்தாங்கீ³ ரக்தக²ர்பரஹஸ்தினீ ।
ரக்தப்ரியா மாம்ஸருசிர்வாஸவாஸக்தமானஸா ॥ 46 ॥

க³லச்சோ²ணிதமுண்டா³லிகண்ட²மாலாவிபூ⁴ஷணா ।
ஶவாஸனா சிதாந்தஸ்தா² மாஹேஶீ வ்ருஷவாஹினீ ॥ 47 ॥

வ்யாக்⁴ரத்வக³ம்ப³ரா சீனசேலினீ ஸிம்ஹவாஹினீ ।
வாமதே³வீ மஹாதே³வீ கௌ³ரீ ஸர்வஜ்ஞபா⁴வினீ ॥ 48 ॥

பா³லிகா தருணீ வ்ருத்³தா⁴ வ்ருத்³த⁴மாதா ஜராதுரா ।
ஸுப்⁴ருர்விலாஸினீ ப்³ரஹ்மவாதி³னீ ப்³ராஹ்மணீ மஹீ ॥ 49 ॥

ஸ்வப்னவதீ சித்ரலேகா² லோபாமுத்³ரா ஸுரேஶ்வரீ ।
அமோகா⁴ருந்த⁴தீ தீக்ஷ்ணா போ⁴க³வத்யனுவாதி³னீ ॥ 5௦ ॥

மந்தா³கினீ மந்த³ஹாஸா ஜ்வாலாமுக்²யஸுராந்தகா ।
மானதா³ மானினீ மான்யா மானநீயா மதோ³த்³த⁴தா ॥ 51 ॥

மதி³ரா மதி³ரான்மாதா³ மேத்⁴யா நவ்யா ப்ரஸாதி³னீ ।
ஸுமத்⁴யானந்தகு³ணினீ ஸர்வலோகோத்தமோத்தமா ॥ 52 ॥

ஜயதா³ ஜித்வரா ஜைத்ரீ ஜயஶ்ரீர்ஜயஶாலினீ ।
ஸுக²தா³ ஶுப⁴தா³ ஸத்யா ஸபா⁴ஸங்க்ஷோப⁴காரிணீ ॥ 53 ॥

ஶிவதூ³தீ பூ⁴திமதீ விபூ⁴திர்பீ⁴ஷணானநா ।
கௌமாரீ குலஜா குந்தீ குலஸ்த்ரீ குலபாலிகா ॥ 54 ॥

கீர்திர்யஶஸ்வினீ பூ⁴ஷா பூ⁴ஷ்யா பூ⁴தபதிப்ரியா ।
ஸகு³ணா நிர்கு³ணா த்⁴ருஷ்டா நிஷ்டா² காஷ்டா² ப்ரதிஷ்டி²தா ॥ 55 ॥

த⁴னிஷ்டா² த⁴னதா³ த⁴ன்யா வஸுதா⁴ ஸ்வப்ரகாஶினீ ।
உர்வீ கு³ர்வீ கு³ருஶ்ரேஷ்டா² ஸகு³ணா த்ரிகு³ணாத்மிகா ॥ 56 ॥

மஹாகுலீனா நிஷ்காமா ஸகாமா காமஜீவனா ।
காமதே³வகலா ராமாபி⁴ராமா ஶிவனர்தகீ ॥ 57 ॥

சிந்தாமணி: கல்பலதா ஜாக்³ரதீ தீ³னவத்ஸலா ।
கார்திகீ கீர்திகா க்ருத்யா அயோத்⁴யா விஷமா ஸமா ॥ 58 ॥

ஸுமந்த்ரா மந்த்ரிணீ கூ⁴ர்ணா ஹ்லாதி³னீ க்லேஶனாஶினீ ।
த்ரைலோக்யஜனநீ ஹ்ருஷ்டா நிர்மாம்ஸா மனோரூபிணீ ॥ 59 ॥

தடா³க³னிம்னஜட²ரா ஶுஷ்கமாம்ஸாஸ்தி²மாலினீ ।
அவந்தீ மது²ரா மாயா த்ரைலோக்யபாவனீஶ்வரீ ॥ 6௦ ॥

வ்யக்தாவ்யக்தானேகமூர்தி: ஶர்வரீ பீ⁴மனாதி³னீ ।
க்ஷேமங்கரீ ஶங்கரீ ச ஸர்வஸம்மோஹகாரிணீ ॥ 61 ॥

ஊர்த்⁴வதேஜஸ்வினீ க்லின்னா மஹாதேஜஸ்வினீ ததா² ।
அத்³வைதா போ⁴கி³னீ பூஜ்யா யுவதீ ஸர்வமங்கள³ா ॥ 62 ॥

ஸர்வப்ரியங்கரீ போ⁴க்³யா த⁴ரணீ பிஶிதாஶனா ।
ப⁴யங்கரீ பாபஹரா நிஷ்களங்கா வஶங்கரீ ॥ 63 ॥

ஆஶா த்ருஷ்ணா சந்த்³ரகலா நித்³ரான்யா வாயுவேகி³னீ ।
ஸஹஸ்ரஸூர்யஸங்காஶா சந்த்³ரகோடிஸமப்ரபா⁴ ॥ 64 ॥

வஹ்னிமண்ட³லஸம்ஸ்தா² ச ஸர்வதத்த்வப்ரதிஷ்டி²தா ।
ஸர்வாசாரவதீ ஸர்வதே³வகன்யாதி⁴தே³வதா ॥ 65 ॥

த³க்ஷகன்யா த³க்ஷயஜ்ஞனாஶினீ து³ர்க³தாரிகா ।
இஜ்யா பூஜ்யா விபா⁴ பூ⁴தி: ஸத்கீர்திர்ப்³ரஹ்மரூபிணீ ॥ 66 ॥

ரம்போ⁴ருஶ்சதுரா ராகா ஜயந்தீ கருணா குஹு: ।
மனஸ்வினீ தே³வமாதா யஶஸ்யா ப்³ரஹ்மசாரிணீ ॥ 67 ॥

ருத்³தி⁴தா³ வ்ருத்³தி⁴தா³ வ்ருத்³தி⁴: ஸர்வாத்³யா ஸர்வதா³யினீ ।
ஆதா⁴ரரூபிணீ த்⁴யேயா மூலாதா⁴ரனிவாஸினீ ॥ 68 ॥

அஜ்ஞா ப்ரஜ்ஞா பூர்ணமனாஶ்சந்த்³ரமுக்²யனுகூலினீ ।
வாவதூ³கா நிம்னநாபி⁴: ஸத்யா ஸந்த்⁴யா த்³ருட⁴வ்ரதா ॥ 69 ॥

ஆன்வீக்ஷிகீ த³ண்ட³னீதிஸ்த்ரயீ த்ரிதி³வஸுந்த³ரீ ।
ஜ்வலினீ ஜ்வாலினீ ஶைலதனயா விந்த்⁴யவாஸினீ ॥ 7௦ ॥

அமேயா கே²சரீ தை⁴ர்யா துரீயா விமலாதுரா ।
ப்ரக³ல்பா⁴ வாருணீ சா²யா ஶஶினீ விஸ்பு²லிங்கி³னீ ॥ 71 ॥

பு⁴க்தி: ஸித்³தி⁴: ஸதா³ப்ராப்தி: ப்ராகாம்யா மஹிமாணிமா ।
இச்சா²ஸித்³தி⁴ர்விஸித்³தா⁴ ச வஶித்வோர்த்⁴வனிவாஸினீ ॥ 72 ॥

லகி⁴மா சைவ கா³யத்ரீ ஸாவித்ரீ பு⁴வனேஶ்வரீ ।
மனோஹரா சிதா தி³வ்யா தே³வ்யுதா³ரா மனோரமா ॥ 73 ॥

பிங்கள³ா கபிலா ஜிஹ்வாரஸஜ்ஞா ரஸிகா ரஸா ।
ஸுஷும்னேடா³ போ⁴க³வதீ கா³ந்தா⁴ரீ நரகாந்தகா ॥ 74 ॥

பாஞ்சாலீ ருக்மிணீ ராதா⁴ராத்⁴யா பீ⁴மாதி⁴ராதி⁴கா ।
அம்ருதா துலஸீ வ்ருந்தா³ கைடபீ⁴ கபடேஶ்வரீ ॥ 75 ॥

உக்³ரசண்டே³ஶ்வரீ வீரா ஜனநீ வீரஸுந்த³ரீ ।
உக்³ரதாரா யஶோதா³க்²யா தை³வகீ தே³வமானிதா ॥ 76 ॥

நிரஞ்ஜனா சித்ரதே³வீ க்ரோதி⁴னீ குலதீ³பிகா ।
குலவாகீ³ஶ்வரீ வாணீ மாத்ருகா த்³ராவிணீ த்³ரவா ॥ 77 ॥

யோகே³ஶ்வரீ மஹாமாரீ ப்⁴ராமரீ பி³ந்து³ரூபிணீ ।
தூ³தீ ப்ராணேஶ்வரீ கு³ப்தா ப³ஹுலா சமரீ ப்ரபா⁴ ॥ 78 ॥

குப்³ஜிகா ஜ்ஞானினீ ஜ்யேஷ்டா² பு⁴ஶுண்டீ³ ப்ரகடா திதி²: ।
த்³ரவிணீ கோ³பனீ மாயா காமபீ³ஜேஶ்வரீ க்ரியா ॥ 79 ॥

ஶாம்ப⁴வீ கேகரா மேனா மூஷலாஸ்த்ரா திலோத்தமா ।
அமேயவிக்ரமா க்ரூரா ஸம்பத்ஶாலா த்ரிலோசனா ॥ 8௦ ॥

ஸ்வஸ்திர்ஹவ்யவஹா ப்ரீதிருஷ்மா தூ⁴ம்ரார்சிரங்க³தா³ ।
தபினீ தாபினீ விஶ்வா போ⁴க³தா³ தா⁴ரிணீ த⁴ரா ॥ 81 ॥

த்ரிக²ண்டா³ போ³தி⁴னீ வஶ்யா ஸகலா ஶப்³த³ரூபிணீ ।
பீ³ஜரூபா மஹாமுத்³ரா யோகி³னீ யோனிரூபிணீ ॥ 82 ॥

அனங்க³குஸுமானங்க³மேக²லானங்க³ரூபிணீ ।
வஜ்ரேஶ்வரீ ச ஜயினீ ஸர்வத்³வந்த்³வக்ஷயங்கரீ ॥ 83 ॥

ஷட³ங்க³யுவதீ யோக³யுக்தா ஜ்வாலாம்ஶுமாலினீ ।
து³ராஶயா து³ராதா⁴ரா து³ர்ஜயா து³ர்க³ரூபிணீ ॥ 84 ॥

து³ரந்தா து³ஷ்க்ருதிஹரா து³ர்த்⁴யேயா து³ரதிக்ரமா ।
ஹம்ஸேஶ்வரீ த்ரிகோணஸ்தா² ஶாகம்ப⁴ர்யனுகம்பினீ ॥ 85 ॥

த்ரிகோணனிலயா நித்யா பரமாம்ருதரஞ்ஜிதா ।
மஹாவித்³யேஶ்வரீ ஶ்வேதா பே⁴ருண்டா³ குலஸுந்த³ரீ ॥ 86 ॥

த்வரிதா ப⁴க்திஸம்ஸக்தா ப⁴க்தவஶ்யா ஸனாதனீ ।
ப⁴க்தானந்த³மயீ ப⁴க்தபா⁴விகா ப⁴க்தஶங்கரீ ॥ 87 ॥

ஸர்வஸௌந்த³ர்யனிலயா ஸர்வஸௌபா⁴க்³யஶாலினீ ।
ஸர்வஸம்போ⁴க³ப⁴வனா ஸர்வஸௌக்²யனிரூபிணீ ॥ 88 ॥

குமாரீபூஜனரதா குமாரீவ்ரதசாரிணீ ।
குமாரீப⁴க்திஸுகி²னீ குமாரீரூபதா⁴ரிணீ ॥ 89 ॥

குமாரீபூஜகப்ரீதா குமாரீப்ரீதிதா³ ப்ரியா ।
குமாரீஸேவகாஸங்கா³ குமாரீஸேவகாலயா ॥ 9௦ ॥

ஆனந்த³பை⁴ரவீ பா³லபை⁴ரவீ ப³டுபை⁴ரவீ ।
ஶ்மஶானபை⁴ரவீ காலபை⁴ரவீ புரபை⁴ரவீ ॥ 91 ॥

மஹாபை⁴ரவபத்னீ ச பரமானந்த³பை⁴ரவீ ।
ஸுதா⁴னந்த³பை⁴ரவீ ச உன்மாதா³னந்த³பை⁴ரவீ ॥ 92 ॥

முக்தானந்த³பை⁴ரவீ ச ததா² தருணபை⁴ரவீ ।
ஜ்ஞானானந்த³பை⁴ரவீ ச அம்ருதானந்த³பை⁴ரவீ ॥ 93 ॥

மஹாப⁴யங்கரீ தீவ்ரா தீவ்ரவேகா³ தபஸ்வினீ ।
த்ரிபுரா பரமேஶானீ ஸுந்த³ரீ புரஸுந்த³ரீ ॥ 94 ॥

த்ரிபுரேஶீ பஞ்சத³ஶீ பஞ்சமீ புரவாஸினீ ।
மஹாஸப்தத³ஶீ சைவ ஷோட³ஶீ த்ரிபுரேஶ்வரீ ॥ 95 ॥

மஹாங்குஶஸ்வரூபா ச மஹாசக்ரேஶ்வரீ ததா² ।
நவசக்ரேஶ்வரீ சக்ரேஶ்வரீ த்ரிபுரமாலினீ ॥ 96 ॥

ராஜராஜேஶ்வரீ தீ⁴ரா மஹாத்ரிபுரஸுந்த³ரீ ।
ஸிந்தூ³ரபூரருசிரா ஶ்ரீமத்த்ரிபுரஸுந்த³ரீ ॥ 97 ॥

ஸர்வாங்க³ஸுந்த³ரீ ரக்தாரக்தவஸ்த்ரோத்தரீயிணீ ।
ஜவாயாவகஸிந்தூ³ரரக்தசந்த³னதா⁴ரிணீ ॥ 98 ॥

ஜவாயாவகஸிந்தூ³ரரக்தசந்த³னரூபத்⁴ருக் ।
சாமரீ பா³லகுடிலனிர்மலா ஶ்யாமகேஶினீ ॥ 99 ॥

வஜ்ரமௌக்திகரத்னாட்⁴யா கிரீடமுகுடோஜ்ஜ்வலா ।
ரத்னகுண்ட³லஸம்யுக்தஸ்பு²ரத்³க³ண்ட³மனோரமா ॥ 1௦௦ ॥

குஞ்ஜரேஶ்வரகும்போ⁴த்த²முக்தாரஞ்ஜிதனாஸிகா ।
முக்தாவித்³ருமமாணிக்யஹாராட்⁴யஸ்தனமண்ட³லா ॥ 1௦1 ॥

ஸூர்யகாந்தேந்து³காந்தாட்⁴யஸ்பர்ஶாஶ்மகண்ட²பூ⁴ஷணா ।
பீ³ஜபூரஸ்பு²ரத்³பீ³ஜத³ந்தபங்க்திரனுத்தமா ॥ 1௦2 ॥

காமகோத³ண்ட³காபு⁴க்³னப்⁴ரூகடாக்ஷப்ரவர்ஷிணீ ।
மாதங்க³கும்ப⁴வக்ஷோஜா லஸத்கோகனதே³க்ஷணா ॥ 1௦3 ॥

மனோஜ்ஞஶஷ்குலீகர்ணா ஹம்ஸீக³திவிட³ம்பி³னீ ।
பத்³மராகா³ங்க³தஜ³்யோதிர்தோ³ஶ்சதுஷ்கப்ரகாஶினீ ॥ 1௦4 ॥

நானாமணிபரிஸ்பூ²ர்ஜச்சு²த்³த⁴காஞ்சனகங்கணா ।
நாகே³ந்த்³ரத³ந்தனிர்மாணவலயாங்கிதபாணினீ ॥ 1௦5 ॥

அங்கு³ரீயகசித்ராங்கீ³ விசித்ரக்ஷுத்³ரக⁴ண்டிகா ।
பட்டாம்ப³ரபரீதா⁴னா கலமஞ்ஜீரஶிஞ்ஜினீ ॥ 1௦6 ॥

கர்பூராக³ருகஸ்தூரீகுங்குமத்³ரவலேபிதா ।
விசித்ரரத்னப்ருதி²வீகல்பஶாகி²தலஸ்தி²தா ॥ 1௦7 ॥

ரத்னத்³வீபஸ்பு²ரத்³ரத்னஸிம்ஹாஸனவிலாஸினீ ।
ஷட்சக்ரபே⁴த³னகரீ பரமானந்த³ரூபிணீ ॥ 1௦8 ॥

ஸஹஸ்ரதள³பத்³மாந்தஶ்சந்த்³ரமண்ட³லவர்தினீ ।
ப்³ரஹ்மரூபா ஶிவக்ரோடா³ நானாஸுக²விலாஸினீ ॥ 1௦9 ॥

ஹரவிஷ்ணுவிரிஞ்சீந்த்³ரக்³ரஹனாயகஸேவிதா ।
ஶிவா ஶைவா ச ருத்³ராணீ ததை²வ ஶிவவாதி³னீ ॥ 11௦ ॥

மாதங்கி³னீ ஶ்ரீமதீ ச ததை²வானங்க³மேக²லா ।
டா³கினீ யோகி³னீ சைவ ததோ²பயோகி³னீ மதா ॥ 111 ॥

மாஹேஶ்வரீ வைஷ்ணவீ ச ப்⁴ராமரீ ஶிவரூபிணீ ।
அலம்பு³ஷா வேக³வதீ க்ரோத⁴ரூபா ஸுமேக²லா ॥ 112 ॥

கா³ந்தா⁴ரீ ஹஸ்தஜிஹ்வா ச இடா³ சைவ ஶுப⁴ங்கரீ ।
பிங்கள³ா ப்³ரஹ்மதூ³தீ ச ஸுஷும்னா சைவ க³ந்தி⁴னீ ॥ 113 ॥

ஆத்மயோனிர்ப்³ரஹ்மயோனிர்ஜக³த்³யோனிரயோனிஜா ।
ப⁴க³ரூபா ப⁴க³ஸ்தா²த்ரீ ப⁴கி³னீ ப⁴க³ரூபிணீ ॥ 114 ॥

ப⁴கா³த்மிகா ப⁴கா³தா⁴ரரூபிணீ ப⁴க³மாலினீ ।
லிங்கா³க்²யா சைவ லிங்கே³ஶீ த்ரிபுரா பை⁴ரவீ ததா² ॥ 115 ॥

லிங்க³கீ³தி: ஸுகீ³திஶ்ச லிங்க³ஸ்தா² லிங்க³ரூபத்⁴ருக் ।
லிங்க³மானா லிங்க³ப⁴வா லிங்க³லிங்கா³ ச பார்வதீ ॥ 116 ॥

ப⁴க³வதீ கௌஶிகீ ச ப்ரேமா சைவ ப்ரியம்வதா³ ।
க்³ருத்⁴ரரூபா ஶிவாரூபா சக்ரிணீ சக்ரரூபத்⁴ருக் ॥ 117 ॥

லிங்கா³பி⁴தா⁴யினீ லிங்க³ப்ரியா லிங்க³னிவாஸினீ ।
லிங்க³ஸ்தா² லிங்க³னீ லிங்க³ரூபிணீ லிங்க³ஸுந்த³ரீ ॥ 118 ॥

லிங்க³கீ³திர்மஹாப்ரீதா ப⁴க³கீ³திர்மஹாஸுகா² ।
லிங்க³னாமஸதா³னந்தா³ ப⁴க³னாமஸதா³க³தி: ॥ 119 ॥

லிங்க³மாலாகண்ட²பூ⁴ஷா ப⁴க³மாலாவிபூ⁴ஷணா ।
ப⁴க³லிங்கா³ம்ருதப்ரீதா ப⁴க³லிங்க³ஸ்வரூபிணீ ॥ 12௦ ॥

ப⁴க³லிங்க³ஸ்ய ரூபா ச ப⁴க³லிங்க³ஸுகா²வஹா ।
ஸ்வயம்பூ⁴குஸுமப்ரீதா ஸ்வயம்பூ⁴குஸுமார்சிதா ॥ 121 ॥

ஸ்வயம்பூ⁴குஸுமப்ராணா ஸ்வயம்பூ⁴புஷ்பதர்பிதா ।
ஸ்வயம்பூ⁴புஷ்பக⁴டிதா ஸ்வயம்பூ⁴புஷ்பதா⁴ரிணீ ॥ 122 ॥

ஸ்வயம்பூ⁴புஷ்பதிலகா ஸ்வயம்பூ⁴புஷ்பசர்சிதா ।
ஸ்வயம்பூ⁴புஷ்பனிரதா ஸ்வயம்பூ⁴குஸுமக்³ரஹா ॥ 123 ॥

ஸ்வயம்பூ⁴புஷ்பயஜ்ஞாம்ஶா ஸ்வயம்பூ⁴குஸுமாத்மிகா ।
ஸ்வயம்பூ⁴புஷ்பனிசிதா ஸ்வயம்பூ⁴குஸுமப்ரியா ॥ 124 ॥

ஸ்வயம்பூ⁴குஸுமாதா³னலாலஸோன்மத்தமானஸா ।
ஸ்வயம்பூ⁴குஸுமானந்த³லஹரீஸ்னிக்³த⁴தே³ஹினீ ॥ 125 ॥

ஸ்வயம்பூ⁴குஸுமாதா⁴ரா ஸ்வயம்பூ⁴குஸுமாகுலா ।
ஸ்வயம்பூ⁴புஷ்பனிலயா ஸ்வயம்பூ⁴புஷ்பவாஸினீ ॥ 126 ॥

ஸ்வயம்பூ⁴குஸுமஸ்னிக்³தா⁴ ஸ்வயம்பூ⁴குஸுமாத்மிகா ।
ஸ்வயம்பூ⁴புஷ்பகரிணீ ஸ்வயம்பூ⁴புஷ்பவாணிகா ॥ 127 ॥

ஸ்வயம்பூ⁴குஸுமத்⁴யானா ஸ்வயம்பூ⁴குஸுமப்ரபா⁴ ।
ஸ்வயம்பூ⁴குஸுமஜ்ஞானா ஸ்வயம்பூ⁴புஷ்பபா⁴கி³னீ ॥ 128 ॥

ஸ்வயம்பூ⁴குஸுமோல்லாஸா ஸ்வயம்பூ⁴புஷ்பவர்ஷிணீ ।
ஸ்வயம்பூ⁴குஸுமோத்ஸாஹா ஸ்வயம்பூ⁴புஷ்பரூபிணீ ॥ 129 ॥

ஸ்வயம்பூ⁴குஸுமோன்மாதா³ ஸ்வயம்பூ⁴புஷ்பஸுந்த³ரீ ।
ஸ்வயம்பூ⁴குஸுமாராத்⁴யா ஸ்வயம்பூ⁴குஸுமோத்³ப⁴வா ॥ 13௦ ॥

ஸ்வயம்பூ⁴குஸுமாவ்யக்³ரா ஸ்வயம்பூ⁴புஷ்பபூர்ணிதா ।
ஸ்வயம்பூ⁴பூஜகப்ராஜ்ஞா ஸ்வயம்பூ⁴ஹோத்ருமாத்ருகா ॥ 131 ॥

ஸ்வயம்பூ⁴தா³த்ருரக்ஷித்ரீ ஸ்வயம்பூ⁴ரக்ததாரிகா ।
ஸ்வயம்பூ⁴பூஜகக்³ரஸ்தா ஸ்வயம்பூ⁴பூஜகப்ரியா ॥ 132 ॥

ஸ்வயம்பூ⁴வந்த³காதா⁴ரா ஸ்வயம்பூ⁴னிந்த³காந்தகா ।
ஸ்வயம்பூ⁴ப்ரத³ஸர்வஸ்வா ஸ்வயம்பூ⁴ப்ரத³புத்ரிணீ ॥ 133 ॥

ஸ்வயம்பூ⁴ப்ரத³ஸஸ்மேரா ஸ்வயம்பூ⁴தஶரீரிணீ ।
ஸர்வகாலோத்³ப⁴வப்ரீதா ஸர்வகாலோத்³ப⁴வாத்மிகா ॥ 134 ॥

ஸர்வகாலோத்³ப⁴வோத்³பா⁴வா ஸர்வகாலோத்³ப⁴வோத்³ப⁴வா ।
குண்ட³புஷ்பஸதா³ப்ரீதா குண்ட³புஷ்பஸதா³ரதி: ॥ 135 ॥

குண்ட³கோ³லோத்³ப⁴வப்ராணா குண்ட³கோ³லோத்³ப⁴வாத்மிகா ।
ஸ்வயம்பூ⁴ர்வா ஶிவா தா⁴த்ரீ பாவனீ லோகபாவனீ ॥ 136 ॥

கீர்திர்யஶஸ்வினீ மேதா⁴ விமேதா⁴ ஶுக்ரஸுந்த³ரீ ।
அஶ்வினீ க்ருத்திகா புஷ்யா தேஜஸ்கா சந்த்³ரமண்ட³லா ॥ 137 ॥

ஸூக்ஷ்மாஸூக்ஷ்மா ப³லாகா ச வரதா³ ப⁴யனாஶினீ ।
வரதா³ப⁴யதா³ சைவ முக்திப³ந்த⁴வினாஶினீ ॥ 138 ॥

காமுகா காமதா³ காந்தா காமாக்²யா குலஸுந்த³ரீ ।
து³:க²தா³ ஸுக²தா³ மோக்ஷா மோக்ஷதா³ர்த²ப்ரகாஶினீ ॥ 139 ॥

து³ஷ்டாது³ஷ்டமதிஶ்சைவ ஸர்வகார்யவினாஶினீ ।
ஶுக்ராதா⁴ரா ஶுக்ரரூபா ஶுக்ரஸிந்து⁴னிவாஸினீ ॥ 14௦ ॥

ஶுக்ராலயா ஶுக்ரபோ⁴கா³ ஶுக்ரபூஜாஸதா³ரதி: ।
ஶுக்ரபூஜ்யா ஶுக்ரஹோமஸந்துஷ்டா ஶுக்ரவத்ஸலா ॥ 141 ॥

ஶுக்ரமூர்தி: ஶுக்ரதே³ஹா ஶுக்ரபூஜகபுத்ரிணீ ।
ஶுக்ரஸ்தா² ஶுக்ரிணீ ஶுக்ரஸம்ஸ்ப்ருஹா ஶுக்ரஸுந்த³ரீ ॥ 142 ॥

ஶுக்ரஸ்னாதா ஶுக்ரகரீ ஶுக்ரஸேவ்யாதிஶுக்ரிணீ ।
மஹாஶுக்ரா ஶுக்ரப⁴வா ஶுக்ரவ்ருஷ்டிவிதா⁴யினீ ॥ 143 ॥

ஶுக்ராபி⁴தே⁴யா ஶுக்ரார்ஹா ஶுக்ரவந்த³கவந்தி³தா ।
ஶுக்ரானந்த³கரீ ஶுக்ரஸதா³னந்தா³பி⁴தா⁴யிகா ॥ 144 ॥

ஶுக்ரோத்ஸவா ஸதா³ஶுக்ரபூர்ணா ஶுக்ரமனோரமா ।
ஶுக்ரபூஜகஸர்வஸ்வா ஶுக்ரனிந்த³கனாஶினீ ॥ 145 ॥

ஶுக்ராத்மிகா ஶுக்ரஸம்வத் ஶுக்ராகர்ஷணகாரிணீ ।
ஶாரதா³ ஸாத⁴கப்ராணா ஸாத⁴காஸக்தமானஸா ॥ 146 ॥

ஸாத⁴கோத்தமஸர்வஸ்வா ஸாத⁴காப⁴க்தரக்தபா ।
ஸாத⁴கானந்த³ஸந்தோஷா ஸாத⁴கானந்த³காரிணீ ॥ 147 ॥

ஆத்மவித்³யா ப்³ரஹ்மவித்³யா பரப்³ரஹ்மஸ்வரூபிணீ ।
த்ரிகூடஸ்தா² பஞ்சகூடா ஸர்வகூடஶரீரிணீ ॥ 148 ॥

ஸர்வவர்ணமயீ வர்ணஜபமாலாவிதா⁴யினீ ।
இதி ஶ்ரீகாளிகானாமஸஹஸ்ரம் ஶிவபா⁴ஷிதம் ॥ 149 ॥

கு³ஹ்யாத்³கு³ஹ்யதரம் ஸாக்ஷான்மஹாபாதகனாஶனம் ।
பூஜாகாலே நிஶீதே² ச ஸந்த்⁴யயோருப⁴யோரபி ॥ 15௦ ॥

லப⁴தே கா³ணபத்யம் ஸ ய: படே²த் ஸாத⁴கோத்தம: ।
ய: படே²த் பாட²யேத்³வாபி ஶ்ருணோதி ஶ்ராவயேத³பி ॥ 151 ॥

ஸர்வபாபவினிர்முக்த: ஸ யாதி காளிகாபுரம் ।
ஶ்ரத்³த⁴யாஶ்ரத்³த⁴யா வாபி ய: கஶ்சின்மானவ: ஸ்மரேத் ॥ 152 ॥

து³ர்க³ம் து³ர்க³ஶதம் தீர்த்வா ஸ யாதி பரமாங்க³திம் ।
வந்த்⁴யா வா காகவந்த்⁴யா வா ம்ருதவத்ஸா ச யாங்க³னா ॥ 153 ॥

ஶ்ருத்வா ஸ்தோத்ரமித³ம் புத்ரான் லப⁴தே சிரஜீவின: ।
யம் யம் காமயதே காமம் பட²ன் ஸ்தோத்ரமனுத்தமம் ।
தே³வீபாத³ப்ரஸாதே³ன தத்ததா³ப்னோதி நிஶ்சிதம் ॥ 154 ॥

இதி ஶ்ரீகாளிகாகுலஸர்வஸ்வே ஹரபரஶுராமஸம்வாதே³ ஶ்ரீ காளிகா ஸஹஸ்ரனாம ஸ்தோத்ரம் ।

sri kalika sahasra nama stotram in tamil