Sri Ganesha Ashtakam (Vyasa Krutam) in English

gaṇapatiparivāraṁ cārukēyūrahāraṁ
giridharavarasāraṁ yōginīcakracāram |
bhavabhayaparihāraṁ duḥkhadāridryadūraṁ
gaṇapatimabhivandē vakratuṇḍāvatāram || 1 ||

akhilamalavināśaṁ pāṇinā hastapāśaṁ
kanakagirinikāśaṁ sūryakōṭiprakāśam |
bhaja bhavagirināśaṁ mālatītīravāsaṁ
gaṇapatimabhivandē mānasē rājahaṁsam || 2 ||

vividhamaṇimayūkhaiḥ śōbhamānaṁ vidūraiḥ
kanakaracitacitraṁ kaṇṭhadēśē vicitram |
dadhati vimalahāraṁ sarvadā yatnasāraṁ
gaṇapatimabhivandē vakratuṇḍāvatāram || 3 ||

duritagajamamandaṁ vāruṇīṁ caiva vēdaṁ
viditamakhilanādaṁ nr̥tyamānandakandam |
dadhati śaśisuvaktraṁ cāṅkuśaṁ yō viśēṣaṁ
gaṇapatimabhivandē sarvadānandakandam || 4 ||

trinayanayutaphālē śōbhamānē viśālē
mukuṭamaṇisuḍhālē mauktikānāṁ ca jālē |
dhavalakusumamālē yasya śīrṣṇaḥ satālē
gaṇapatimabhivandē sarvadā cakrapāṇim || 5 ||

vapuṣi mahati rūpaṁ pīṭhamādau sudīpaṁ
tadupari rasakōṇaṁ tasya cōrdhvaṁ trikōṇam |
gajamitadalapadmaṁ saṁsthitaṁ cāruchadmaṁ
gaṇapatimabhivandē kalpavr̥kṣasya vr̥ndē || 6 ||

varadaviśadaśastaṁ dakṣiṇaṁ yasya hastaṁ
sadayamabhayadaṁ taṁ cintayē cittasaṁstham |
śabalakuṭilaśuṇḍaṁ caikatuṇḍaṁ dvituṇḍaṁ
gaṇapatimabhivandē sarvadā vakratuṇḍam || 7 ||

kalpadrumādhaḥ sthitakāmadhēnuṁ
cintāmaṇiṁ dakṣiṇapāṇiśuṇḍam |
bibhrāṇamatyadbhuta citrarūpaṁ
yaḥ pūjayēttasya samastasiddhiḥ || 8 ||

vyāsāṣṭakamidaṁ puṇyaṁ gaṇēśastavanaṁ nr̥ṇām |
paṭhatāṁ duḥkhanāśāya vidyāṁ saśriyamaśnutē || 9 ||

iti śrīpadmapurāṇē uttarakhaṇḍē vyāsaviracitaṁ gaṇēśāṣṭakam |

Sri Ganesha Ashtakam (Vyasa Krutam) in English