asya śrībagalāmukhī varṇakavacasya śrīparameśvaraṛṣiḥ anuṣṭup chandaḥ śrībagalāmukhī devatā oṃ bījaṃ hlīṃ śaktiḥ svāhā kīlakaṃ śrībagalā prasādasiddhyarthe jape viniyogaḥ ||
dhyānam –
jihvāgramādāya kareṇa devīṃ
vāmena śatrūn paripīḍayantīm |
gadābhighātena ca dakṣiṇena
pītāmbarāḍhyāṃ dvibhujāṃ namāmi ||
kavacam –
praṇavo me śiraḥ pātu lalāṭe hlīṃ sadā’vatu |
bakāro bhrūyugaṃ pātu gakāraḥ pātu locane || 1 ||
lakāraḥ pātu me jihvāṃ mukāraṃ pātu me śrutim |
khīkāraṃ pātu me tālu sakāraṃ cibukaṃ tathā || 2 ||
rvakāraḥ pātu me kaṇṭhaṃ skandhau pātu dakārakaḥ |
bāhū ṣṭakārakaḥ pātu karau pātu nakārakaḥ || 3 ||
stanau vakārakaḥ pātu cakāro hṛdayaṃ mama |
makāraḥ pātu me nābhau khakāro jaṭharaṃ mama || 4 ||
kukṣiṃ pakārakaḥ pātu dakāraḥ pātu me kaṭim |
stakāro jaghanaṃ pātu bhakāraḥ pātu me gudam || 5 ||
guhyaṃ yakārakaḥ pātu jakāro’vatu jānunī |
ūrū hvakārakaḥ pātu gulphau pātu kakārakaḥ || 6 ||
pādau lakārakaḥ pātu yakāro schiti sarvadā |
bukāraḥ pātu romāṇi dhikārastu tvacaṃ tathā || 7 ||
vikāraḥ pātu sarvāṅge nakāraḥ pātu sarvadā |
prācyāṃ śakārakaḥ pātu dakṣiṇāśyāṃ yakārakaḥ || 8 ||
vāruṇīṃ hlīṃ sadā pātu kauberyāṃ praṇavena tu |
bhūmau svakārakaḥ pātu hakārordhvaṃ sadā’vatu || 9 ||
brahmāstradevatā pātu sarvāṅge sarvasandhiṣu |
iti te kathitaṃ devi divyamakṣarapañjaram || 10 ||
āyurārogyasiddhyarthaṃ mahadaiśvaryadāyakam |
likhitvā tāḍapatre tu kaṇṭhe bāhau ca dhārayet || 11 ||
devāsurapiśācebhyo bhayaṃ tasya na hi kvacit |
karmaṇena sandarśo triṣulokeṣu siddhyate || 12 ||
mahābhaye rāje tu śatavāraṃ paṭhedyaham |
gṛhe raṇe vivāde ca sarvāpatti vimucyate || 13 ||
etat kavacamajñātvā yo brahmāstramupāsate |
na tasya siddhyate mantraḥ kalpakoṭiśatairapi || 14 ||
iti śrīīśvarapārvatisaṃvāde śrī bagalāmukhī varṇa kavacam ||
Leave a Comment