śrībhairavī uvāca |
śrutvā ca bagalāpūjāṁ stotraṁ cāpi maheśvara |
idānīṁ śrotumicchāmi kavacaṁ vada me prabho || 1 ||
vairināśakaraṁ divyaṁ sarvā’śubhavināśanam |
śubhadaṁ smaraṇāt puṇyaṁ trāhi māṁ duḥkhanāśanam || 2 ||
śrībhairava uvāca |
kavacaṁ śṛṇu vakṣyāmi bhairavi prāṇavallabhe |
paṭhitvā dhārayitvā tu trailokye vijayī bhavet || 3 ||
asya śrībagalāmukhīkavacasya nārada ṛṣiḥ anuṣṭup chandaḥ śrībagalāmukhī devatā laṁ bījaṁ īṁ śaktiḥ aiṁ kīlakaṁ puruṣārthacatuṣṭaye jape viniyogaḥ ||
atha kavacam |
śiro me bagalā pātu hṛdayamekākṣarī parā |
oṁ hrīṁ oṁ me lalāṭe ca bagalā vairināśinī || 4 ||
gadāhastā sadā pātu mukhaṁ me mokṣadāyinī |
vairijihvādharā pātu kaṇṭhaṁ me bagalāmukhī || 5 ||
udaraṁ nābhideśaṁ ca pātu nityaṁ parātparā |
parātparatarā pātu mama guhyaṁ sureśvarī || 6 ||
hastau caiva tathā pātu pārvatī paripātu me |
vivāde viṣame ghore saṅgrāme ripusaṅkaṭe || 7 ||
pītāmbaradharā pātu sarvāṅgaṁ śivanartakī |
śrīvidyā samayaṁ pātu mātaṅgī pūritā śivā || 8 ||
pātu putraṁ sutāṁ caiva kalatraṁ kālikā mama |
pātu nityaṁ bhrātaraṁ me pitaraṁ śūlinī sadā || 9 ||
rade hi bagalādevyāḥ kavacaṁ manmukhoditam |
na vai deyamamukhyāya sarvasiddhipradāyakam || 10 ||
paṭhanāddhāraṇādasya pūjanādvāñchitaṁ labhet |
idaṁ kavacamajñātvā yo japedbagalāmukhīm || 11 ||
pibanti śoṇitaṁ tasya yoginyaḥ prāpya sādarāḥ |
vaśye cākarṣaṇe caiva māraṇe mohane tathā || 12 ||
mahābhaye vipattau ca paṭhedvā pāṭhayet tu yaḥ |
tasya sarvārthasiddhiḥ syādbhaktiyuktasya pārvatī || 13 ||
iti śrīrudrayāmale vairināśakara śrī bagalāmukhī kavacam ||
Leave a Comment