ශ්රී රාම භුජංග ප්රයාත ස්තෝත්රම්

sri rama bhujanga prayaata stotram in sinhala

විශුද්ධං පරං සච්චිදානංදරූපං
ගුණාධාරමාධාරහීනං වරේණ්යම් ।
මහාංතං විභාංතං ගුහාංතං ගුණාංතං
සුඛාංතං ස්වයං ධාම රාමං ප්රපද්යේ ॥ 1 ॥

ශිවං නිත්යමේකං විභුං තාරකාඛ්යං
සුඛාකාරමාකාරශූන්යං සුමාන්යම් ।
මහේශං කලේශං සුරේශං පරේශං
නරේශං නිරීශං මහීශං ප්රපද්යේ ॥ 2 ॥

යදාවර්ණයත්කර්ණමූලේऽංතකාලේ
ශිවෝ රාම රාමේති රාමේති කාශ්යාම් ।
තදේකං පරං තාරකබ්රහ්මරූපං
භජේऽහං භජේऽහං භජේऽහං භජේऽහම් ॥ 3 ॥

මහාරත්නපීඨේ ශුභේ කල්පමූලේ
සුඛාසීනමාදිත්යකෝටිප්රකාශම් ।
සදා ජානකීලක්ෂ්මණෝපේතමේකං
සදා රාමචංද්රං භජේऽහං භජේऽහම් ॥ 4 ॥

ක්වණද්රත්නමංජීරපාදාරවිංදං
ලසන්මේඛලාචාරුපීතාංබරාඪ්යම් ।
මහාරත්නහාරෝල්ලසත්කෞස්තුභාංගං
නදච්චංචරීමංජරීලෝලමාලම් ॥ 5 ॥

ලසච්චංද්රිකාස්මේරශෝණාධරාභං
සමුද්යත්පතංගේංදුකෝටිප්රකාශම් ।
නමද්බ්රහ්මරුද්රාදිකෝටීරරත්න
ස්ඵුරත්කාංතිනීරාජනාරාධිතාංඝ්රිම් ॥ 6 ॥

පුරඃ ප්රාංජලීනාංජනේයාදිභක්තාන්
ස්වචින්මුද්රයා භද්රයා බෝධයංතම් ।
භජේऽහං භජේऽහං සදා රාමචංද්රං
ත්වදන්යං න මන්යේ න මන්යේ න මන්යේ ॥ 7 ॥

යදා මත්සමීපං කෘතාංතඃ සමේත්ය
ප්රචංඩප්රකෝපෛර්භටෛර්භීෂයේන්මාම් ।
තදාවිෂ්කරෝෂි ත්වදීයං ස්වරූපං
සදාපත්ප්රණාශං සකෝදංඩබාණම් ॥ 8 ॥

නිජේ මානසේ මංදිරේ සන්නිධේහි
ප්රසීද ප්රසීද ප්රභෝ රාමචංද්ර ।
සසෞමිත්රිණා කෛකයීනංදනේන
ස්වශක්ත්යානුභක්ත්යා ච සංසේව්යමාන ॥ 9 ॥

ස්වභක්තාග්රගණ්යෛඃ කපීශෛර්මහීශෛ-
-රනීකෛරනේකෛශ්ච රාම ප්රසීද ।
නමස්තේ නමෝऽස්ත්වීශ රාම ප්රසීද
ප්රශාධි ප්රශාධි ප්රකාශං ප්රභෝ මාම් ॥ 10 ॥

ත්වමේවාසි දෛවං පරං මේ යදේකං
සුචෛතන්යමේතත්ත්වදන්යං න මන්යේ ।
යතෝऽභූදමේයං වියද්වායුතේජෝ
ජලෝර්ව්යාදිකාර්යං චරං චාචරං ච ॥ 11 ॥

නමඃ සච්චිදානංදරූපාය තස්මෛ
නමෝ දේවදේවාය රාමාය තුභ්යම් ।
නමෝ ජානකීජීවිතේශාය තුභ්යං
නමඃ පුංඩරීකායතාක්ෂාය තුභ්යම් ॥ 12 ॥

නමෝ භක්තියුක්තානුරක්තාය තුභ්යං
නමඃ පුණ්යපුංජෛකලභ්යාය තුභ්යම් ।
නමෝ වේදවේද්යාය චාද්යාය පුංසේ
නමඃ සුංදරායේංදිරාවල්ලභාය ॥ 13 ॥

නමෝ විශ්වකර්ත්රේ නමෝ විශ්වහර්ත්රේ
නමෝ විශ්වභෝක්ත්රේ නමෝ විශ්වමාත්රේ ।
නමෝ විශ්වනේත්රේ නමෝ විශ්වජේත්රේ
නමෝ විශ්වපිත්රේ නමෝ විශ්වමාත්රේ ॥ 14 ॥

නමස්තේ නමස්තේ සමස්තප්රපංච-
-ප්රභෝගප්රයෝගප්රමාණප්රවීණ ।
මදීයං මනස්ත්වත්පදද්වංද්වසේවාං
විධාතුං ප්රවෘත්තං සුචෛතන්යසිද්ධ්යෛ ॥ 15 ॥

ශිලාපි ත්වදංඝ්රික්ෂමාසංගිරේණු
ප්රසාදාද්ධි චෛතන්යමාධත්ත රාම ।
නරස්ත්වත්පදද්වංද්වසේවාවිධානා-
-ත්සුචෛතන්යමේතීති කිං චිත්රමත්ර ॥ 16 ॥

පවිත්රං චරිත්රං විචිත්රං ත්වදීයං
නරා යේ ස්මරංත්යන්වහං රාමචංද්ර ।
භවංතං භවාංතං භරංතං භජංතෝ
ලභංතේ කෘතාංතං න පශ්යංත්යතෝऽංතේ ॥ 17 ॥

ස පුණ්යඃ ස ගණ්යඃ ශරණ්යෝ මමායං
නරෝ වේද යෝ දේවචූඩාමණිං ත්වාම් ।
සදාකාරමේකං චිදානංදරූපං
මනෝවාගගම්යං පරං ධාම රාම ॥ 18 ॥

ප්රචංඩප්රතාපප්රභාවාභිභූත-
-ප්රභූතාරිවීර ප්රභෝ රාමචංද්ර ।
බලං තේ කථං වර්ණ්යතේऽතීව බාල්යේ
යතෝऽඛංඩි චංඩීශකෝදංඩදංඩම් ॥ 19 ॥

දශග්රීවමුග්රං සපුත්රං සමිත්රං
සරිද්දුර්ගමධ්යස්ථරක්ෂෝගණේශම් ।
භවංතං විනා රාම වීරෝ නරෝ වා
සුරෝ වාऽමරෝ වා ජයේත්කස්ත්රිලෝක්යාම් ॥ 20 ॥

සදා රාම රාමේති රාමාමෘතං තේ
සදාරාමමානංදනිෂ්යංදකංදම් ।
පිබංතං නමංතං සුදංතං හසංතං
හනූමංතමංතර්භජේ තං නිතාංතම් ॥ 21 ॥

සදා රාම රාමේති රාමාමෘතං තේ
සදාරාමමානංදනිෂ්යංදකංදම් ।
පිබන්නන්වහං නන්වහං නෛව මෘත්යෝ-
-ර්බිභේමි ප්රසාදාදසාදාත්තවෛව ॥ 22 ॥

අසීතාසමේතෛරකෝදංඩභූෂෛ-
-රසෞමිත්රිවංද්යෛරචංඩප්රතාපෛඃ ।
අලංකේශකාලෛරසුග්රීවමිත්රෛ-
-රරාමාභිධේයෛරලං දෛවතෛර්නඃ ॥ 23 ॥

අවීරාසනස්ථෛරචින්මුද්රිකාඪ්යෛ-
-රභක්තාංජනේයාදිතත්ත්වප්රකාශෛඃ ।
අමංදාරමූලෛරමංදාරමාලෛ-
-රරාමාභිධේයෛරලං දෛවතෛර්නඃ ॥ 24 ॥

අසිංධුප්රකෝපෛරවංද්යප්රතාපෛ-
-රබංධුප්රයාණෛරමංදස්මිතාඪ්යෛඃ ।
අදංඩප්රවාසෛරඛංඩප්රබෝධෛ-
-රරාමාභිධේයෛරලං දෛවතෛර්නඃ ॥ 25 ॥

හරේ රාම සීතාපතේ රාවණාරේ
ඛරාරේ මුරාරේऽසුරාරේ පරේති ।
ලපංතං නයංතං සදාකාලමේවං
සමාලෝකයාලෝකයාශේෂබංධෝ ॥ 26 ॥

නමස්තේ සුමිත්රාසුපුත්රාභිවංද්ය
නමස්තේ සදා කෛකයීනංදනේඩ්ය ।
නමස්තේ සදා වානරාධීශවංද්ය
නමස්තේ නමස්තේ සදා රාමචංද්ර ॥ 27 ॥

ප්රසීද ප්රසීද ප්රචංඩප්රතාප
ප්රසීද ප්රසීද ප්රචංඩාරිකාල ।
ප්රසීද ප්රසීද ප්රපන්නානුකංපින්
ප්රසීද ප්රසීද ප්රභෝ රාමචංද්ර ॥ 28 ॥

භුජංගප්රයාතං පරං වේදසාරං
මුදා රාමචංද්රස්ය භක්ත්යා ච නිත්යම් ।
පඨන්සංතතං චිංතයන්ස්වාංතරංගේ
ස ඒව ස්වයං රාමචංද්රඃ ස ධන්යඃ ॥ 29 ॥

ඉති ශ්රීමච්ඡංකරාචාර්ය කෘතං ශ්රී රාම භුජංගප්රයාත ස්තෝත්රම් ।

sri rama bhujanga prayaata stotram in sinhala