ශ්රී කෘෂ්ණ සහස්ර නාම ස්තෝත්රම්

sri krishna sahasra nama stotram in sinhala

ඕං අස්ය ශ්රීකෘෂ්ණසහස්රනාමස්තෝත්රමංත්රස්ය පරාශර ඍෂිඃ, අනුෂ්ටුප් ඡංදඃ, ශ්රීකෘෂ්ණඃ පරමාත්මා දේවතා, ශ්රීකෘෂ්ණේති බීජම්, ශ්රීවල්ලභේති ශක්තිඃ, ශාරංගීති කීලකං, ශ්රීකෘෂ්ණප්රීත්යර්ථේ ජපේ විනියෝගඃ ॥

න්යාසඃ
පරාශරාය ඍෂයේ නමඃ ඉති ශිරසි,
අනුෂ්ටුප් ඡංදසේ නමඃ ඉති මුඛේ,
ගෝපාලකෘෂ්ණදේවතායෛ නමඃ ඉති හෘදයේ,
ශ්රීකෘෂ්ණාය බීජාය නමඃ ඉති ගුහ්යේ,
ශ්රීවල්ලභාය ශක්ත්යෛ නමඃ ඉති පාදයෝඃ,
ශාර්ඞ්ගධරාය කීලකාය නමඃ ඉති සර්වාංගේ ॥

කරන්යාසඃ
ශ්රීකෘෂ්ණ ඉත්යාරභ්ය ශූරවංශෛකධීරිත්යංතානි අංගුෂ්ඨාභ්යාං නමඃ ।
ශෞරිරිත්යාරභ්ය ස්වභාසෝද්භාසිතව්රජ ඉත්යංතානි තර්ජනීභ්යාං නමඃ ।
කෘතාත්මවිද්යාවින්යාස ඉත්යාරභ්ය ප්රස්ථානශකටාරූඪ ඉති මධ්යමාභ්යාං නමඃ,
බෘංදාවනකෘතාලය ඉත්යාරභ්ය මධුරාජනවීක්ෂිත ඉත්යනාමිකාභ්යාං නමඃ,
රජකප්රතිඝාතක ඉත්යාරභ්ය ද්වාරකාපුරකල්පන ඉති කනිෂ්ඨිකාභ්යාං නමඃ
ද්වාරකානිලය ඉත්යාරභ්ය පරාශර ඉති කරතලකරපෘෂ්ඨාභ්යාං නමඃ,
ඒවං හෘදයාදින්යාසඃ ॥

ධ්යානම්
කේෂාංචිත්ප්රේමපුංසාං විගලිතමනසාං බාලලීලාවිලාසං
කේෂාං ගෝපාලලීලාංකිතරසිකතනුර්වේණුවාද්යේන දේවම් ।
කේෂාං වාමාසමාජේ ජනිතමනසිජෝ දෛත්යදර්පාපහෛවං
ජ්ඤාත්වා භින්නාභිලාෂං ස ජයති ජගතාමීශ්වරස්තාදෘශෝऽභූත් ॥ 1 ॥

ක්ෂීරාබ්ධෞ කෘතසංස්තවස්සුරගණෛර්බ්රහ්මාදිභිඃ පංඩිතෛඃ
ප්රෝද්භූතෝ වසුදේවසද්මනි මුදා චික්රීඩ යෝ ගෝකුලේ ।
කංසධ්වංසකෘතේ ජගාම මධුරාං සාරාමසද්වාරකාං
ගෝපාලෝऽඛිලගෝපිකාජනසඛඃ පායාදපායාත් ස නඃ ॥ 2 ॥

ඵුල්ලේංදීවරකාංතිමිංදුවදනං බර්හාවතංසප්රියං
ශ්රීවත්සාංකමුදාරකෞස්තුභධරං පීතාංබරං සුංදරම් ।
ගෝපීනාං නයනෝත්පලාර්චිතතනුං ගෝගෝපසංඝාවෘතං
ගෝවිංදං කලවේණුවාදනරතං දිව්යාංගභූෂං භජේ ॥ 3 ॥

ඕම් ।
කෘෂ්ණඃ ශ්රීවල්ලභඃ ශාරංගී විෂ්වක්සේනඃ ස්වසිද්ධිදඃ ।
ක්ෂීරෝදධාමා ව්යූහේශඃ ශේෂශායී ජගන්මයඃ ॥ 1 ॥

භක්තිගම්යස්ත්රයීමූර්තිර්භාරාර්තවසුධාස්තුතඃ ।
දේවදේවෝ දයාසිංධුර්දේවදේවශිඛාමණිඃ ॥ 2 ॥

සුඛභාවස්සුඛාධාරෝ මුකුංදෝ මුදිතාශයඃ ।
අවික්රියඃ ක්රියාමූර්තිරධ්යාත්මස්වස්වරූපවාන් ॥ 3 ॥

ශිෂ්ටාභිලක්ෂ්යෝ භූතාත්මා ධර්මත්රාණාර්ථචේෂ්ටිතඃ ।
අංතර්යාමී කලාරූපඃ කාලාවයවසාක්ෂිකඃ ॥ 4 ॥

වසුධායාසහරණෝ නාරදප්රේරණෝන්මුඛඃ ।
ප්රභූෂ්ණුර්නාරදෝද්ගීතෝ ලෝකරක්ෂාපරායණඃ ॥ 5 ॥

රෞහිණේයකෘතානංදෝ යෝගජ්ඤානනියෝජකඃ ।
මහාගුහාංතර්නික්ෂිප්තඃ පුරාණවපුරාත්මවාන් ॥ 6 ॥

ශූරවංශෛකධීශ්ශෞරිඃ කංසශංකාවිෂාදකෘත් ।
වසුදේවෝල්ලසච්ඡක්තිර්දේවක්යෂ්ටමගර්භගඃ ॥ 7 ॥

වසුදේවසුතඃ ශ්රීමාංදේවකීනංදනෝ හරිඃ ।
ආශ්චර්යබාලඃ ශ්රීවත්සලක්ෂ්මවක්ෂාශ්චතුර්භුජඃ ॥ 8 ॥

ස්වභාවෝත්කෘෂ්ටසද්භාවඃ කෘෂ්ණාෂ්ටම්යංතසංභවඃ ।
ප්රාජාපත්යර්ක්ෂසංභූතෝ නිශීථසමයෝදිතඃ ॥ 9 ॥

ශංඛචක්රගදාපද්මපාණිඃ පද්මනිභේක්ෂණඃ ।
කිරීටී කෞස්තුභෝරස්කඃ ස්ඵුරන්මකරකුංඩලඃ ॥ 10 ॥

පීතවාසා ඝනශ්යාමඃ කුංචිතාංචිතකුංතලඃ ।
සුව්යක්තව්යක්තාභරණඃ සූතිකාගෘහභූෂණඃ ॥ 11 ॥

කාරාගාරාංධකාරඝ්නඃ පිතෘප්රාග්ජන්මසූචකඃ ।
වසුදේවස්තුතඃ ස්තෝත්රං තාපත්රයනිවාරණඃ ॥ 12 ॥

නිරවද්යඃ ක්රියාමූර්තිර්න්යායවාක්යනියෝජකඃ ।
අදෘෂ්ටචේෂ්ටඃ කූටස්ථෝ ධෘතලෞකිකවිග්රහඃ ॥ 13 ॥

මහර්ෂිමානසෝල්ලාසෝ මහීමංගලදායකඃ ।
සංතෝෂිතසුරව්රාතඃ සාධුචිත්තප්රසාදකඃ ॥ 14 ॥

ජනකෝපායනිර්දේෂ්ටා දේවකීනයනෝත්සවඃ ।
පිතෘපාණිපරිෂ්කාරෝ මෝහිතාගාරරක්ෂකඃ ॥ 15 ॥

ස්වශක්ත්යුද්ධාටිතාශේෂකපාටඃ පිතෘවාහකඃ ।
ශේෂෝරගඵණාච්ඡත්රශ්ශේෂෝක්තාඛ්යාසහස්රකඃ ॥ 16 ॥

යමුනාපූරවිධ්වංසී ස්වභාසෝද්භාසිතව්රජඃ ।
කෘතාත්මවිද්යාවින්යාසෝ යෝගමායාග්රසංභවඃ ॥ 17 ॥

දුර්ගානිවේදිතෝද්භාවෝ යශෝදාතල්පශායකඃ ।
නංදගෝපෝත්සවස්ඵූර්තිර්ව්රජානංදකරෝදයඃ ॥ 18 ॥

සුජාතජාතකර්ම ශ්රීර්ගෝපීභද්රෝක්තිනිර්වෘතඃ ।
අලීකනිද්රෝපගමඃ පූතනාස්තනපීඩනඃ ॥ 19 ॥

ස්තන්යාත්තපූතනාප්රාණඃ පූතනාක්රෝශකාරකඃ ।
වින්යස්තරක්ෂාගෝධූලිර්යශෝදාකරලාලිතඃ ॥ 20 ॥

නංදාඝ්රාතශිරෝමධ්යඃ පූතනාසුගතිප්රදඃ ।
බාලඃ පර්යංකනිද්රාලුර්මුඛාර්පිතපදාංගුලිඃ ॥ 21 ॥

අංජනස්නිග්ධනයනඃ පර්යායාංකුරිතස්මිතඃ ।
ලීලාක්ෂස්තරලාලෝකශ්ශකටාසුරභංජනඃ ॥ 22 ॥

ද්විජෝදිතස්වස්ත්යයනෝ මංත්රපූතජලාප්ලුතඃ ।
යශෝදෝත්සංගපර්යංකෝ යශෝදාමුඛවීක්ෂකඃ ॥ 23 ॥

යශෝදාස්තන්යමුදිතස්තෘණාවර්තාදිදුස්සහඃ ।
තෘණාවර්තාසුරධ්වංසී මාතෘවිස්මයකාරකඃ ॥ 24 ॥

ප්රශස්තනාමකරණෝ ජානුචංක්රමණෝත්සුකඃ ।
ව්යාලංබිචූලිකාරත්නෝ ඝෝෂගෝපප්රහර්ෂණඃ ॥ 25 ॥

ස්වමුඛප්රතිබිංබාර්ථී ග්රීවාව්යාඝ්රනඛෝජ්ජ්වලඃ ।
පංකානුලේපරුචිරෝ මාංසලෝරුකටීතටඃ ॥ 26 ॥

ඝෘෂ්ටජානුකරද්වංද්වඃ ප්රතිබිංබානුකාරකෘත් ।
අව්යක්තවර්ණවාග්වෘත්තිඃ ස්මිතලක්ෂ්යරදෝද්ගමඃ ॥ 27 ॥

ධාත්රීකරසමාලංබී ප්රස්ඛලච්චිත්රචංක්රමඃ ।
අනුරූපවයස්යාඪ්යශ්චාරුකෞමාරචාපලඃ ॥ 28 ॥

වත්සපුච්ඡසමාකෘෂ්ටෝ වත්සපුච්ඡවිකර්ෂණඃ ।
විස්මාරිතාන්යව්යාපාරෝ ගෝපගෝපීමුදාවහඃ ॥ 29 ॥

අකාලවත්සනිර්මෝක්තා ව්රජව්යාක්රෝශසුස්මිතඃ ।
නවනීතමහාචෝරෝ දාරකාහාරදායකඃ ॥ 30 ॥

පීඨෝලූඛලසෝපානඃ ක්ෂීරභාංඩවිභේදනඃ ।
ශික්යභාංඩසමාකර්ෂී ධ්වාංතාගාරප්රවේශකෘත් ॥ 31 ॥

භූෂාරත්නප්රකාශාඪ්යෝ ගෝප්යුපාලංභභර්ත්සිතඃ ।
පරාගධූසරාකාරෝ මෘද්භක්ෂණකෘතේක්ෂණඃ ॥ 32 ॥

බාලෝක්තමෘත්කථාරංභෝ මිත්රාංතර්ගූඪවිග්රහඃ ।
කෘතසංත්රාසලෝලාක්ෂෝ ජනනීප්රත්යයාවහඃ ॥ 33॥

මාතෘදෘශ්යාත්තවදනෝ වක්ත්රලක්ෂ්යචරාචරඃ ।
යශෝදාලාලිතස්වාත්මා ස්වයං ස්වාච්ඡංද්යමෝහනඃ ॥ 34 ॥

සවිත්රීස්නේහසංශ්ලිෂ්ටඃ සවිත්රීස්තනලෝලුපඃ ।
නවනීතාර්ථනාප්රහ්වෝ නවනීතමහාශනඃ ॥ 35 ॥

මෘෂාකෝපප්රකංපෝෂ්ඨෝ ගෝෂ්ඨාංගණවිලෝකනඃ ।
දධිමංථඝටීභේත්තා කිංකිණීක්වාණසූචිතඃ ॥ 36 ॥

හෛයංගවීනරසිකෝ මෘෂාශ්රුශ්චෞර්යශංකිතඃ ।
ජනනීශ්රමවිජ්ඤාතා දාමබංධනියංත්රිතඃ ॥ 37 ॥

දාමාකල්පශ්චලාපාංගෝ ගාඪෝලූඛලබංධනඃ ।
ආකෘෂ්ටෝලූඛලෝऽනංතඃ කුබේරසුතශාපවිත් ॥ । 38 ॥

නාරදෝක්තිපරාමර්ශී යමලාර්ජුනභංජනඃ ।
ධනදාත්මජසංඝුෂ්ටෝ නංදමෝචිතබංධනඃ ॥ 39 ॥

බාලකෝද්ගීතනිරතෝ බාහුක්ෂේපෝදිතප්රියඃ ।
ආත්මජ්ඤෝ මිත්රවශගෝ ගෝපීගීතගුණෝදයඃ ॥ 40 ॥

ප්රස්ථානශකටාරූඪෝ බෘංදාවනකෘතාලයඃ ।
ගෝවත්සපාලනෛකාග්රෝ නානාක්රීඩාපරිච්ඡදඃ ॥ 41 ॥

ක්ෂේපණීක්ෂේපණප්රීතෝ වේණුවාද්යවිශාරදඃ ।
වෘෂවත්සානුකරණෝ වෘෂධ්වානවිඩංබනඃ ॥ 42 ॥

නියුද්ධලීලාසංහෘෂ්ටඃ කූජානුකෘතකෝකිලඃ ।
උපාත්තහංසගමනස්සර්වජංතුරුතානුකෘත් ॥ 43 ॥

භෘංගානුකාරී දධ්යන්නචෝරෝ වත්සපුරස්සරඃ ।
බලී බකාසුරග්රාහී බකතාලුප්රදාහකඃ ॥ 44 ॥

භීතගෝපාර්භකාහූතෝ බකචංචුවිදාරණඃ ।
බකාසුරාරිර්ගෝපාලෝ බාලෝ බාලාද්භුතාවහඃ ॥ 45 ॥

බලභද්රසමාශ්ලිෂ්ටඃ කෘතක්රීඩානිලායනඃ ।
ක්රීඩාසේතුනිධානජ්ඤඃ ප්ලවංගෝත්ප්ලවනෝऽද්භුතඃ ॥ 46 ॥

කංදුකක්රීඩනෝ ලුප්තනංදාදිභවවේදනඃ ।
සුමනෝऽලංකෘතශිරාඃ ස්වාදුස්නිග්ධාන්නශික්යභෘත් ॥ 47 ॥

ගුංජාප්රාලංබනච්ඡන්නඃ පිංඡෛරලකවේෂකෘත් ।
වන්යාශනප්රියඃ ශෘංගරවාකාරිතවත්සකඃ ॥ 48 ॥

මනෝජ්ඤපල්ලවෝත්තංසපුෂ්පස්වේච්ඡාත්තෂට්පදඃ ।
මංජුශිංජිතමංජීරචරණඃ කරකංකණඃ ॥ 49 ॥

අන්යෝන්යශාසනඃ ක්රීඩාපටුඃ පරමකෛතවඃ ।
ප්රතිධ්වානප්රමුදිතඃ ශාඛාචතුරචංක්රමඃ ॥ 50 ॥

අඝදානවසංහර්තා ව්රජවිඝ්නවිනාශනඃ ।
ව්රජසංජීවනඃ ශ්රේයෝනිධිර්දානවමුක්තිදඃ ॥ 51 ॥

කාලිංදීපුලිනාසීනස්සහභුක්තව්රජාර්භකඃ ।
කක්ෂාජඨරවින්යස්තවේණුර්වල්ලවචේෂ්ටිතඃ ॥ 52 ॥

භුජසංධ්යංතරන්යස්තශෘංගවේත්රඃ ශුචිස්මිතඃ ।
වාමපාණිස්ථදධ්යන්නකබලඃ කලභාෂණඃ ॥ 53 ॥

අංගුල්යංතරවින්යස්තඵලඃ පරමපාවනඃ ।
අදෘශ්යතර්ණකාන්වේෂී වල්ලවාර්භකභීතිහා ॥ 54 ॥

අදෘෂ්ටවත්සපව්රාතෝ බ්රහ්මවිජ්ඤාතවෛභවඃ ।
ගෝවත්සවත්සපාන්වේෂී විරාට්-පුරුෂවිග්රහඃ ॥ 55 ॥

ස්වසංකල්පානුරූපාර්ථෝ වත්සවත්සපරූපධෘක් ।
යථාවත්සක්රියාරූපෝ යථාස්ථානනිවේශනඃ ॥ 56 ॥

යථාව්රජාර්භකාකාරෝ ගෝගෝපීස්තන්යපස්සුඛී ।
චිරාද්වලෝහිතෝ දාංතෝ බ්රහ්මවිජ්ඤාතවෛභවඃ ॥ 57 ॥

විචිත්රශක්තිර්ව්යාලීනසෘෂ්ටගෝවත්සවත්සපඃ ।
බ්රහ්මත්රපාකරෝ ධාතෘස්තුතස්සර්වාර්ථසාධකඃ ॥ 58 ॥

බ්රහ්ම බ්රහ්මමයෝऽව්යක්තස්තේජෝරූපස්සුඛාත්මකඃ ।
නිරුක්තං ව්යාකෘතිර්ව්යක්තෝ නිරාලංබනභාවනඃ ॥ 59 ॥

ප්රභවිෂ්ණුරතංත්රීකෝ දේවපක්ෂාර්ථරූපධෘක් ।
අකාමස්සර්වවේදාදිරණීයස්ථූලරූපවාන් ॥ 60 ॥

ව්යාපී ව්යාප්යඃ කෘපාකර්තා විචිත්රාචාරසම්මතඃ ।
ඡංදෝමයඃ ප්රධානාත්මා මූර්තාමූර්තිද්වයාකෘතිඃ ॥ 61 ॥

අනේකමූර්තිරක්රෝධඃ පරඃ ප්රකෘතිරක්රමඃ ।
සකලාවරණෝපේතස්සර්වදේවෝ මහේශ්වරඃ ॥ 62 ॥

මහාප්රභාවනඃ පූර්වවත්සවත්සපදර්ශකඃ ।
කෘෂ්ණයාදවගෝපාලෝ ගෝපාලෝකනහර්ෂිතඃ ॥ 63 ॥

ස්මිතේක්ෂාහර්ෂිතබ්රහ්මා භක්තවත්සලවාක්ප්රියඃ ।
බ්රහ්මානංදාශ්රුධෞතාංඝ්රිර්ලීලාවෛචිත්ර්යකෝවිදඃ ॥ 64 ॥

බලභද්රෛකහෘදයෝ නාමාකාරිතගෝකුලඃ ।
ගෝපාලබාලකෝ භව්යෝ රජ්ජුයජ්ඤෝපවීතවාන් ॥ 65 ॥

වෘක්ෂච්ඡායාහතාශාංතිර්ගෝපෝත්සංගෝපබර්හණඃ ।
ගෝපසංවාහිතපදෝ ගෝපව්යජනවීජිතඃ ॥ 66।
ගෝපගානසුඛෝන්නිද්රඃ ශ්රීදාමාර්ජිතසෞහෘදඃ ।
සුනංදසුහෘදේකාත්මා සුබලප්රාණරංජනඃ ॥ 67 ॥

තාලීවනකෘතක්රීඩෝ බලපාතිතධේනුකඃ ।
ගෝපීසෞභාග්යසංභාව්යෝ ගෝධූලිච්ඡුරිතාලකඃ ॥ 68 ॥

ගෝපීවිරහසංතප්තෝ ගෝපිකාකෘතමජ්ජනඃ ।
ප්රලංබබාහුරුත්ඵුල්ලපුංඩරීකාවතංසකඃ ॥ 69 ॥

විලාසලලිතස්මේරගර්භලීලාවලෝකනඃ ।
ස්රග්භූෂණානුලේපාඪ්යෝ ජනන්යුපහෘතාන්නභුක් ॥ 70 ॥

වරශය්යාශයෝ රාධාප්රේමසල්ලාපනිර්වෘතඃ ।
යමුනාතටසංචාරී විෂාර්තව්රජහර්ෂදඃ ॥ 71 ॥

කාලියක්රෝධජනකඃ වෘද්ධාහිකුලවේෂ්ටිතඃ ।
කාලියාහිඵණාරංගනටඃ කාලියමර්දනඃ ॥ 72 ॥

නාගපත්නීස්තුතිප්රීතෝ නානාවේෂසමෘද්ධිකෘත් ।
අවිෂ්වක්තදෘගාත්මේශඃ ස්වදෘගාත්මස්තුතිප්රියඃ ॥ 73 ॥

සර්වේශ්වරස්සර්වගුණඃ ප්රසිද්ධස්සර්වසාත්වතඃ ।
අකුංඨධාමා චංද්රාර්කදෘෂ්ටිරාකාශනිර්මලඃ ॥ 74 ॥

අනිර්දේශ්යගතිර්නාගවනිතාපතිභෛක්ෂදඃ ।
ස්වාංඝ්රිමුද්රාංකනාගේංද්රමූර්ධා කාලියසංස්තුතඃ ॥ 75 ॥

අභයෝ විශ්වතශ්චක්ෂුඃ ස්තුතෝත්තමගුණඃ ප්රභුඃ ।
අහමාත්මා මරුත්ප්රාණඃ පරමාත්මා ද්යුශීර්ෂවාන් ॥ 76 ॥

නාගෝපායනහෘෂ්ටාත්මා හ්රදෝත්සාරිතකාලියඃ ।
බලභද්රසුඛාලාපෝ ගෝපාලිංගනනිර්වෘතඃ ॥ 77 ॥

දාවාග්නිභීතගෝපාලගෝප්තා දාවාග්නිනාශනඃ ।
නයනාච්ඡාදනක්රීඩාලංපටෝ නෘපචේෂ්ටිතඃ ॥ 78 ॥

කාකපක්ෂධරස්සෞම්යෝ බලවාහකකේලිමාන් ।
බලඝාතිතදුර්ධර්ෂප්රලංබෝ බලවත්සලඃ ॥ 79 ॥

මුංජාටව්යග්නිශමනඃ ප්රාවෘට්කාලවිනෝදවාන් ।
ශිලාන්යස්තාන්නභෘද්දෛත්යසංහර්තා ශාද්වලාසනඃ ॥ 80 ॥

සදාප්තගෝපිකෝද්ගීතඃ කර්ණිකාරාවතංසකඃ ।
නටවේෂධරඃ පද්මමාලාංකෝ ගෝපිකාවෘතඃ ॥ 81 ॥

ගෝපීමනෝහරාපාංගෝ වේණුවාදනතත්පරඃ ।
වින්යස්තවදනාංභෝජශ්චාරුශබ්දකෘතානනඃ ॥ 82 ॥

බිංබාධරාර්පිතෝදාරවේණුර්විශ්වවිමෝහනඃ ।
ව්රජසංවර්ණිතශ්රාව්යවේණුනාදඃ ශ්රුතිප්රියඃ ॥ 83 ॥

ගෝගෝපගෝපීජන්මේප්සුර්බ්රහ්මේංද්රාද්යභිවංදිතඃ ।
ගීතස්නුතිසරිත්පූරෝ නාදනර්තිතබර්හිණඃ ॥ 84 ॥

රාගපල්ලවිතස්ථාණුර්ගීතානමිතපාදපඃ ।
විස්මාරිතතෘණග්රාසමෘගෝ මෘගවිලෝභිතඃ ॥ 85 ॥

ව්යාඝ්රාදිහිංස්රසහජවෛරහර්තා සුගායනඃ ।
ගාඪෝදීරිතගෝබෘංදප්රේමෝත්කර්ණිතතර්ණකඃ ॥ 86 ॥

නිෂ්පංදයානබ්රහ්මාදිවීක්ෂිතෝ විශ්වවංදිතඃ ।
ශාඛෝත්කර්ණශකුංතෞඝශ්ඡත්රායිතබලාහකඃ ॥ 87 ॥

ප්රසන්නඃ පරමානංදශ්චිත්රායිතචරාචරඃ ।
ගෝපිකාමදනෝ ගෝපීකුචකුංකුමමුද්රිතඃ ॥ 88 ॥

ගෝපිකන්යාජලක්රීඩාහෘෂ්ටෝ ගෝප්යංශුකාපහෘත් ।
ස්කංධාරෝපිතගෝපස්ත්රීවාසාඃ කුංදනිභස්මිතඃ ॥ 89 ॥

ගෝපීනේත්රෝත්පලශශී ගෝපිකායාචිතාංශුකඃ ।
ගෝපීනමස්ක්රියාදේෂ්ටා ගෝප්යේකකරවංදිතඃ ॥ 90 ॥

ගෝප්යංජලිවිශේෂාර්ථී ගෝපක්රීඩාවිලෝභිතඃ ।
ශාංතවාසස්ඵුරද්ගෝපීකෘතාංජලිරඝාපහඃ ॥ 91 ॥

ගෝපීකේලිවිලාසාර්ථී ගෝපීසංපූර්ණකාමදඃ ।
ගෝපස්ත්රීවස්ත්රදෝ ගෝපීචිත්තචෝරඃ කුතූහලී ॥ 92 ॥

බෘංදාවනප්රියෝ ගෝපබංධුර්යජ්වාන්නයාචිතා ।
යජ්ඤේශෝ යජ්ඤභාවජ්ඤෝ යජ්ඤපත්න්යභිවාංඡිතඃ ॥ 93 ॥

මුනිපත්නීවිතීර්ණාන්නතෘප්තෝ මුනිවධූප්රියඃ ।
ද්විජපත්න්යභිභාවජ්ඤෝ ද්විජපත්නීවරප්රදඃ ॥ 94 ॥

ප්රතිරුද්ධසතීමෝක්ෂප්රදෝ ද්විජවිමෝහිතා ।
මුනිජ්ඤානප්රදෝ යජ්වස්තුතෝ වාසවයාගවිත් ॥ 95 ॥

පිතෘප්රෝක්තක්රියාරූපශක්රයාගනිවාරණඃ ।
ශක්රාऽමර්ෂකරශ්ශක්රවෘෂ්ටිප්රශමනෝන්මුඛඃ ॥ 96 ॥

ගෝවර්ධනධරෝ ගෝපගෝබෘංදත්රාණතත්පරඃ ।
ගෝවර්ධනගිරිච්ඡත්රචංඩදංඩභුජාර්ගලඃ ॥ 97 ॥

සප්තාහවිධෘතාද්රීංද්රෝ මේඝවාහනගර්වහා ।
භුජාග්රෝපරිවින්යස්තක්ෂ්මාධරක්ෂ්මාභෘදච්යුතඃ ॥ 98 ॥

ස්වස්ථානස්ථාපිතගිරිර්ගෝපීදධ්යක්ෂතාර්චිතඃ ।
සුමනස්සුමනෝවෘෂ්ටිහෘෂ්ටෝ වාසවවංදිතඃ ॥ 99 ॥

කාමධේනුපයඃපූරාභිෂික්තස්සුරභිස්තුතඃ ।
ධරාංඝ්රිරෝෂධීරෝමා ධර්මගෝප්තා මනෝමයඃ ॥ 100 ॥

ජ්ඤානයජ්ඤප්රියශ්ශාස්ත්රනේත්රස්සර්වාර්ථසාරථිඃ ।
ඓරාවතකරානීතවියද්ගංගාප්ලුතෝ විභුඃ ॥ 101 ॥

බ්රහ්මාභිෂික්තෝ ගෝගෝප්තා සර්වලෝකශුභංකරඃ ।
සර්වවේදමයෝ මග්නනංදාන්වේෂිපිතෘප්රියඃ ॥ 102 ॥

වරුණෝදීරිතාත්මේක්ෂාකෞතුකෝ වරුණාර්චිතඃ ।
වරුණානීතජනකෝ ගෝපජ්ඤාතාත්මවෛභවඃ ॥ 103 ॥

ස්වර්ලෝකාලෝකසංහෘෂ්ටගෝපවර්ගත්රිවර්ගදඃ ।
බ්රහ්මහෘද්ගෝපිතෝ ගෝපද්රෂ්ටා බ්රහ්මපදප්රදඃ ॥ 104 ॥

ශරච්චංද්රවිහාරෝත්කඃ ශ්රීපතිර්වශකෝ ක්ෂමඃ ।
භයාපහෝ භර්තෘරුද්ධගෝපිකාධ්යානගෝචරඃ ॥ 105 ॥

ගෝපිකානයනාස්වාද්යෝ ගෝපීනර්මෝක්තිනිර්වෘතඃ ।
ගෝපිකාමානහරණෝ ගෝපිකාශතයූථපඃ ॥ 106 ॥

වෛජයංතීස්රගාකල්පෝ ගෝපිකාමානවර්ධනඃ ।
ගෝපකාංතාසුනිර්දේෂ්ටා කාංතෝ මන්මථමන්මථඃ ॥ 107 ॥

ස්වාත්මාස්යදත්තතාංබූලඃ ඵලිතෝත්කෘෂ්ටයෞවනඃ ।
වල්ලවීස්තනසක්තාක්ෂෝ වල්ලවීප්රේමචාලිතඃ ॥ 108 ॥

ගෝපීචේලාංචලාසීනෝ ගෝපීනේත්රාබ්ජෂට්පදඃ ।
රාසක්රීඩාසමාසක්තෝ ගෝපීමංඩලමංඩනඃ ॥ 109 ॥

ගෝපීහේමමණිශ්රේණිමධ්යේංද්රමණිරුජ්ජ්වලඃ ।
විද්යාධරේංදුශාපඝ්නශ්ශංඛචූඩශිරෝහරඃ ॥ 110 ॥

ශංඛචූඩශිරෝරත්නසංප්රීණිතබලෝऽනඝඃ ।
අරිෂ්ටාරිෂ්ටකෘද්දුෂ්ටකේශිදෛත්යනිෂූදනඃ ॥ 111 ॥

සරසස්සස්මිතමුඛස්සුස්ථිරෝ විරහාකුලඃ ।
සංකර්ෂණාර්පිතප්රීතිරක්රූරධ්යානගෝචරඃ ॥ 112 ॥

අක්රූරසංස්තුතෝ ගූඪෝ ගුණවෘත්යුපලක්ෂිතඃ ।
ප්රමාණගම්යස්තන්මාත්රාऽවයවී බුද්ධිතත්පරඃ ॥ 113 ॥

සර්වප්රමාණප්රමධීස්සර්වප්රත්යයසාධකඃ ।
පුරුෂශ්ච ප්රධානාත්මා විපර්යාසවිලෝචනඃ ॥ 114 ॥

මධුරාජනසංවීක්ෂ්යෝ රජකප්රතිඝාතකඃ ।
විචිත්රාංබරසංවීතෝ මාලාකාරවරප්රදඃ ॥ 115 ॥

කුබ්ජාවක්රත්වනිර්මෝක්තා කුබ්ජායෞවනදායකඃ ।
කුබ්ජාංගරාගසුරභිඃ කංසකෝදංඩඛංඩනඃ ॥ 116 ॥

ධීරඃ කුවලයාපීඩමර්දනඃ කංසභීතිකෘත් ।
දංතිදංතායුධෝ රංගත්රාසකෝ මල්ලයුද්ධවිත් ॥ 117 ॥

චාණූරහංතා කංසාරිර්දේවකීහර්ෂදායකඃ ।
වසුදේවපදානම්රඃ පිතෘබංධවිමෝචනඃ ॥ 118 ॥

උර්වීභයාපහෝ භූප උග්රසේනාධිපත්යදඃ ।
ආජ්ඤාස්ථිතශචීනාථස්සුධර්මානයනක්ෂමඃ ॥ 119 ॥

ආද්යෝ ද්විජාතිසත්කර්තා ශිෂ්ටාචාරප්රදර්ශකඃ ।
සාංදීපනිකෘතාභ්යස්තවිද්යාභ්යාසෛකධීස්සුධීඃ ॥ 120 ॥

ගුර්වභීෂ්ටක්රියාදක්ෂඃ පශ්චිමෝදධිපූජිතඃ ।
හතපංචජනප්රාප්තපාංචජන්යෝ යමාර්චිතඃ ॥ 121 ॥

ධර්මරාජජයානීතගුරුපුත්ර උරුක්රමඃ ।
ගුරුපුත්රප්රදශ්ශාස්තා මධුරාජසභාසදඃ ॥ 122 ॥

ජාමදග්න්යසමභ්යර්ච්යෝ ගෝමංතගිරිසංචරඃ ।
ගෝමංතදාවශමනෝ ගරුඩානීතභූෂණඃ ॥ 123 ॥

චක්රාද්යායුධසංශෝභී ජරාසංධමදාපහඃ ।
සෘගාලාවනිපාලඝ්නස්සෘගාලාත්මජරාජ්යදඃ ॥ 124 ॥

විධ්වස්තකාලයවනෝ මුචුකුංදවරප්රදඃ ।
ආජ්ඤාපිතමහාංභෝධිර්ද්වාරකාපුරකල්පනඃ ॥ 125 ॥

ද්වාරකානිලයෝ රුක්මිමානහංතා යදූද්වහඃ ।
රුචිරෝ රුක්මිණීජානිඃ ප්රද්යුම්නජනකඃ ප්රභුඃ ॥ 126 ॥

අපාකෘතත්රිලෝකාර්තිරනිරුද්ධපිතාමහඃ ।
අනිරුද්ධපදාන්වේෂී චක්රී ගරුඩවාහනඃ ॥ 127 ॥

බාණාසුරපුරීරෝද්ධා රක්ෂාජ්වලනයංත්රජිත් ।
ධූතප්රමථසංරංභෝ ජිතමාහේශ්වරජ්වරඃ ॥ 128 ॥

ෂට්චක්රශක්තිනිර්ජේතා භූතවේතාලමෝහකෘත් ।
ශංභුත්රිශූලජිච්ඡංභුජෘංභණශ්ශංභුසංස්තුතඃ ॥ 129 ॥

ඉංද්රියාත්මේංදුහෘදයස්සර්වයෝගේශ්වරේශ්වරඃ ।
හිරණ්යගර්භහෘදයෝ මෝහාවර්තනිවර්තනඃ ॥ 130 ॥

ආත්මජ්ඤානනිධිර්මේධා කෝශස්තන්මාත්රරූපවාන් ।
ඉංද්රෝऽග්නිවදනඃ කාලනාභස්සර්වාගමාධ්වගඃ ॥ 131 ॥

තුරීයසර්වධීසාක්ෂී ද්වංද්වාරාමාත්මදූරගඃ ।
අජ්ඤාතපාරෝ වශ්යශ්රීරව්යාකෘතවිහාරවාන් ॥ 132 ॥

ආත්මප්රදීපෝ විජ්ඤානමාත්රාත්මා ශ්රීනිකේතනඃ ।
බාණබාහුවනච්ඡේත්තා මහේංද්රප්රීතිවර්ධනඃ ॥ 133 ॥

අනිරුද්ධනිරෝධජ්ඤෝ ජලේශාහෘතගෝකුලඃ ।
ජලේශවිජයී වීරස්සත්රාජිද්රත්නයාචකඃ ॥ 134 ॥

ප්රසේනාන්වේෂණෝද්යුක්තෝ ජාංබවද්ධෘතරත්නදඃ ।
ජිතර්ක්ෂරාජතනයාහර්තා ජාංබවතීප්රියඃ ॥ 135 ॥

සත්යභාමාප්රියඃ කාමශ්ශතධන්වශිරෝහරඃ ।
කාලිංදීපතිරක්රූරබංධුරක්රූරරත්නදඃ ॥ 136 ॥

කෛකේයීරමණෝ භද්රාභර්තා නාග්නජිතීධවඃ ।
මාද්රීමනෝහරශ්ශෛබ්යාප්රාණබංධුරුරුක්රමඃ ॥ 137 ॥

සුශීලාදයිතෝ මිත්රවිංදානේත්රමහෝත්සවඃ ।
ලක්ෂ්මණාවල්ලභෝ රුද්ධප්රාග්ජ්යෝතිෂමහාපුරඃ ॥ 138 ॥

සුරපාශාවෘතිච්ඡේදී මුරාරිඃ ක්රූරයුද්ධවිත් ।
හයග්රීවශිරෝහර්තා සර්වාත්මා සර්වදර්ශනඃ ॥ 139 ॥

නරකාසුරවිච්ඡේත්තා නරකාත්මජරාජ්යදඃ।
පෘථ්වීස්තුතඃ ප්රකාශාත්මා හෘද්යෝ යජ්ඤඵලප්රදඃ ॥ 140 ॥

ගුණග්රාහී ගුණද්රෂ්ටා ගූඪස්වාත්මා විභූතිමාන් ।
කවිර්ජගදුපද්රෂ්ටා පරමාක්ෂරවිග්රහඃ ॥ 141 ॥

ප්රපන්නපාලනෝ මාලී මහද්බ්රහ්මවිවර්ධනඃ ।
වාච්යවාචකශක්ත්යර්ථස්සර්වව්යාකෘතසිද්ධිදඃ ॥ 142 ॥

ස්වයංප්රභුරනිර්වේද්යස්ස්වප්රකාශශ්චිරංතනඃ ।
නාදාත්මා මංත්රකෝටීශෝ නානාවාදනිරෝධකඃ ॥ 143 ॥

කංදර්පකෝටිලාවණ්යඃ පරාර්ථෛකප්රයෝජකඃ ।
අමරීකෘතදේවෞඝඃ කන්යකාබංධමෝචනඃ ॥ 144 ॥

ෂෝඩශස්ත්රීසහස්රේශඃ කාංතඃ කාංතාමනෝභවඃ ।
ක්රීඩාරත්නාචලාහර්තා වරුණච්ඡත්රශෝභිතඃ ॥ 145 ॥

ශක්රාභිවංදිතශ්ශක්රජනනීකුංඩලප්රදඃ ।
අදිතිප්රස්තුතස්තෝත්රෝ බ්රාහ්මණෝද්ඝුෂ්ටචේෂ්ටනඃ ॥ 146 ॥

පුරාණස්සංයමී ජන්මාලිප්තඃ ෂඩ්විංශකෝऽර්ථදඃ ।
යශස්යනීතිරාද්යංතරහිතස්සත්කථාප්රියඃ ॥ 147 ॥

බ්රහ්මබෝධඃ පරානංදඃ පාරිජාතාපහාරකඃ ।
පෞංඩ්රකප්රාණහරණඃ කාශිරාජනිෂූදනඃ ॥ 148 ॥

කෘත්යාගර්වප්රශමනෝ විචක්රවධදීක්ෂිතඃ ।
කංසවිධ්වංසනස්සාංබජනකෝ ඩිංභකාර්දනඃ ॥ 149 ॥

මුනිර්ගෝප්තා පිතෘවරප්රදස්සවනදීක්ෂිතඃ ।
රථී සාරථ්යනිර්දේෂ්ටා ඵාල්ගුනඃ ඵාල්ගුනිප්රියඃ ॥ 150 ॥

සප්තාබ්ධිස්තංභනෝද්භාතෝ හරිස්සප්තාබ්ධිභේදනඃ ।
ආත්මප්රකාශඃ පූර්ණශ්රීරාදිනාරායණේක්ෂිතඃ ॥ 151 ॥

විප්රපුත්රප්රදශ්චෛව සර්වමාතෘසුතප්රදඃ ।
පාර්ථවිස්මයකෘත්පාර්ථප්රණවාර්ථප්රබෝධනඃ ॥ 152 ॥

කෛලාසයාත්රාසුමුඛෝ බදර්යාශ්රමභූෂණඃ ।
ඝංටාකර්ණක්රියාමෞඪ්යාත්තෝෂිතෝ භක්තවත්සලඃ ॥ 153 ॥

මුනිබෘංදාදිභිර්ධ්යේයෝ ඝංටාකර්ණවරප්රදඃ ।
තපශ්චර්යාපරශ්චීරවාසාඃ පිංගජටාධරඃ ॥ 154 ॥

ප්රත්යක්ෂීකෘතභූතේශශ්ශිවස්තෝතා ශිවස්තුතඃ ।
කෘෂ්ණාස්වයංවරාලෝකකෞතුකී සර්වසම්මතඃ ॥ 155 ॥

බලසංරංභශමනෝ බලදර්ශිතපාංඩවඃ ।
යතිවේෂාර්ජුනාභීෂ්ටදායී සර්වාත්මගෝචරඃ ॥ 156 ॥

සුභද්රාඵාල්ගුනෝද්වාහකර්තා ප්රීණිතඵාල්ගුනඃ ।
ඛාංඩවප්රීණිතාර්චිෂ්මාන්මයදානවමෝචනඃ ॥ 157 ॥

සුලභෝ රාජසූයාර්හයුධිෂ්ඨිරනියෝජකඃ ।
භීමාර්දිතජරාසංධෝ මාගධාත්මජරාජ්යදඃ ॥ 158 ॥

රාජබංධනනිර්මෝක්තා රාජසූයාග්රපූජනඃ ।
චෛද්යාද්යසහනෝ භීෂ්මස්තුතස්සාත්වතපූර්වජඃ ॥ 159 ॥

සර්වාත්මාර්ථසමාහර්තා මංදරාචලධාරකඃ ।
යජ්ඤාවතාරඃ ප්රහ්ලාදප්රතිජ්ඤාප්රතිපාලකඃ ॥ 160 ॥

බලියජ්ඤසභාධ්වංසී දෘප්තක්ෂත්රකුලාංතකඃ ।
දශග්රීවාංතකෝ ජේතා රේවතීප්රේමවල්ලභඃ ॥ 161 ॥

සර්වාවතාරාධිෂ්ඨාතා වේදබාහ්යවිමෝහනඃ ।
කලිදෝෂනිරාකර්තා දශනාමා දෘඪව්රතඃ ॥ 162 ॥

අමේයාත්මා ජගත්ස්වාමී වාග්මී චෛද්යශිරෝහරඃ ।
ද්රෞපදීරචිතස්තෝත්රඃ කේශවඃ පුරුෂෝත්තමඃ ॥ 163 ॥

නාරායණෝ මධුපතිර්මාධවෝ දෝෂවර්ජිතඃ ।
ගෝවිංදඃ පුංඩරීකාක්ෂෝ විෂ්ණුශ්ච මධුසූදනඃ ॥ 164 ॥

ත්රිවික්රමස්ත්රිලෝකේශෝ වාමනඃ ශ්රීධරඃ පුමාන් ।
හෘෂීකේශෝ වාසුදේවඃ පද්මනාභෝ මහාහ්රදඃ ॥ 165 ॥

දාමෝදරශ්චතුර්ව්යූහඃ පාංචාලීමානරක්ෂණඃ ।
සාල්වඝ්නස්සමරශ්ලාඝී දංතවක්ත්රනිබර්හණඃ ॥ 166 ॥

දාමෝදරප්රියසඛා පෘථුකාස්වාදනප්රියඃ ॥

ඝෘණී දාමෝදරඃ ශ්රීදෝ ගෝපීපුනරවේක්ෂකඃ ॥ 167 ॥

ගෝපිකාමුක්තිදෝ යෝගී දුර්වාසස්තෘප්තිකාරකඃ ।
අවිජ්ඤාතව්රජාකීර්ණපාංඩවාලෝකනෝ ජයී ॥ 168 ॥

පාර්ථසාරථ්යනිරතඃ ප්රාජ්ඤඃ පාංඩවදූත්යකෘත් ।
විදුරාතිථ්යසංතුෂ්ටඃ කුංතීසංතෝෂදායකඃ ॥ 169 ॥

සුයෝධනතිරස්කර්තා දුර්යෝධනවිකාරවිත් ।
විදුරාභිෂ්ඨුතෝ නිත්යෝ වාර්ෂ්ණේයෝ මංගලාත්මකඃ ॥ 170 ॥

පංචවිංශතිතත්ත්වේශශ්චතුර්විංශතිදේහභාක් ।
සර්වානුග්රාහකස්සර්වදාශාර්හසතතාර්චිතඃ ॥ 171 ॥

අචිංත්යෝ මධුරාලාපස්සාධුදර්ශී දුරාසදඃ ।
මනුෂ්යධර්මානුගතඃ කෞරවේංද්රක්ෂයේක්ෂිතා ॥ 172 ॥

උපේංද්රෝ දානවාරාතිරුරුගීතෝ මහාද්යුතිඃ ।
බ්රහ්මණ්යදේවඃ ශ්රුතිමාන් ගෝබ්රාහ්මණහිතාශයඃ ॥ 173 ॥

වරශීලශ්ශිවාරංභස්සුවිජ්ඤානවිමූර්තිමාන් ।
ස්වභාවශුද්ධස්සන්මිත්රස්සුශරණ්යස්සුලක්ෂණඃ ॥ 174 ॥

ධෘතරාෂ්ට්රගතෞදෘෂ්ටිප්රදඃ කර්ණවිභේදනඃ ।
ප්රතෝදධෘග්විශ්වරූපවිස්මාරිතධනංජයඃ ॥ 175 ॥

සාමගානප්රියෝ ධර්මධේනුර්වර්ණෝත්තමෝऽව්යයඃ ।
චතුර්යුගක්රියාකර්තා විශ්වරූපප්රදර්ශකඃ ॥ 176 ॥

බ්රහ්මබෝධපරිත්රාතපාර්ථෝ භීෂ්මාර්ථචක්රභෘත් ।
අර්ජුනායාසවිධ්වංසී කාලදංෂ්ට්රාවිභූෂණඃ ॥ 177 ॥

සුජාතානංතමහිමා ස්වප්නව්යාපාරිතාර්ජුනඃ ।
අකාලසංධ්යාඝටනශ්චක්රාංතරිතභාස්කරඃ ॥ 178 ॥

දුෂ්ටප්රමථනඃ පාර්ථප්රතිජ්ඤාපරිපාලකඃ ।
සිංධුරාජශිරඃපාතස්ථානවක්තා විවේකදෘක් ॥ 179 ॥

සුභද්රාශෝකහරණෝ ද්රෝණෝත්සේකාදිවිස්මිතඃ ।
පාර්ථමන්යුනිරාකර්තා පාංඩවෝත්සවදායකඃ ॥ 180 ॥

අංගුෂ්ඨාක්රාංතකෞංතේයරථශ්ශක්තෝऽහිශීර්ෂජිත් ।
කාලකෝපප්රශමනෝ භීමසේනජයප්රදඃ ॥ 181 ॥

අශ්වත්ථාමවධායාසත්රාතපාංඩුසුතඃ කෘතී ।
ඉෂීකාස්ත්රප්රශමනෝ ද්රෞණිරක්ෂාවිචක්ෂණඃ ॥ 182 ॥

පාර්ථාපහාරිතද්රෞණිචූඩාමණිරභංගුරඃ ।
ධෘතරාෂ්ට්රපරාමෘෂ්ටභීමප්රතිකෘතිස්මයඃ ॥ 183 ॥

භීෂ්මබුද්ධිප්රදශ්ශාංතශ්ශරච්චංද්රනිභානනඃ ।
ගදාග්රජන්මා පාංචාලීප්රතිජ්ඤාපරිපාලකඃ ॥ 184 ॥

ගාංධාරීකෝපදෘග්ගුප්තධර්මසූනුරනාමයඃ ।
ප්රපන්නාර්තිභයච්ඡේත්තා භීෂ්මශල්යව්යධාවහඃ ॥ 185 ॥

ශාංතශ්ශාංතනවෝදීර්ණසර්වධර්මසමාහිතඃ ।
ස්මාරිතබ්රහ්මවිද්යාර්ථප්රීතපාර්ථෝ මහාස්ත්රවිත් ॥ 186 ॥

ප්රසාදපරමෝදාරෝ ගාංගේයසුගතිප්රදඃ ।
විපක්ෂපක්ෂක්ෂයකෘත්පරීක්ෂිත්ප්රාණරක්ෂණඃ ॥ 187 ॥

ජගද්ගුරුර්ධර්මසූනෝර්වාජිමේධප්රවර්තකඃ ।
විහිතාර්ථාප්තසත්කාරෝ මාසකාත්පරිවර්තදඃ ॥ 188 ॥

උත්තංකහර්ෂදාත්මීයදිව්යරූපප්රදර්ශකඃ ।
ජනකාවගතස්වෝක්තභාරතස්සර්වභාවනඃ ॥ 189 ॥

අසෝඪයාදවෝද්රේකෝ විහිතාප්තාදිපූජනඃ ॥

සමුද්රස්ථාපිතාශ්චර්යමුසලෝ වෘෂ්ණිවාහකඃ ॥ 190 ॥

මුනිශාපායුධඃ පද්මාසනාදිත්රිදශාර්ථිතඃ ।
වෘෂ්ටිප්රත්යවහාරෝත්කස්ස්වධාමගමනෝත්සුකඃ ॥ 191 ॥

ප්රභාසාලෝකනෝද්යුක්තෝ නානාවිධනිමිත්තකෘත් ।
සර්වයාදවසංසේව්යස්සර්වෝත්කෘෂ්ටපරිච්ඡදඃ ॥ 192 ॥

වේලාකානනසංචාරී වේලානිලහෘතශ්රමඃ ।
කාලාත්මා යාදවෝऽනංතස්ස්තුතිසංතුෂ්ටමානසඃ ॥ 193 ॥

ද්විජාලෝකනසංතුෂ්ටඃ පුණ්යතීර්ථමහෝත්සවඃ ।
සත්කාරාහ්ලාදිතාශේෂභූසුරස්සුරවල්ලභඃ ॥ 194 ॥

පුණ්යතීර්ථාප්ලුතඃ පුණ්යඃ පුණ්යදස්තීර්ථපාවනඃ ।
විප්රසාත්කෘතගෝකෝටිශ්ශතකෝටිසුවර්ණදඃ ॥ 195 ॥

ස්වමායාමෝහිතාऽශේෂවෘෂ්ණිවීරෝ විශේෂවිත් ।
ජලජායුධනිර්දේෂ්ටා ස්වාත්මාවේශිතයාදවඃ ॥ 196 ॥

දේවතාභීෂ්ටවරදඃ කෘතකෘත්යඃ ප්රසන්නධීඃ ।
ස්ථිරශේෂායුතබලස්සහස්රඵණිවීක්ෂණඃ ॥ 197 ॥

බ්රහ්මවෘක්ෂවරච්ඡායාසීනඃ පද්මාසනස්ථිතඃ ।
ප්රත්යගාත්මා ස්වභාවාර්ථඃ ප්රණිධානපරායණඃ ॥ 198 ॥

ව්යාධේෂුවිද්ධපූජ්යාංඝ්රිර්නිෂාදභයමෝචනඃ ।
පුලිංදස්තුතිසංතුෂ්ටඃ පුලිංදසුගතිප්රදඃ ॥ 199 ॥

දාරුකාර්පිතපාර්ථාදිකරණීයෝක්තිරීශිතා ।
දිව්යදුංදුභිසංයුක්තඃ පුෂ්පවෘෂ්ටිප්රපූජිතඃ ॥ 200 ॥

පුරාණඃ පරමේශානඃ පූර්ණභූමා පරිෂ්ටුතඃ ।
පතිරාද්යඃ පරං බ්රහ්ම පරමාත්මා පරාත්පරඃ ॥ 201 ॥

ශ්රීපරමාත්මා පරාත්පරඃ ඕං නමඃ ඉති ।
ඵලශ්රුතිඃ –
ඉදං සහස්රං කෘෂ්ණස්ය නාම්නාං සර්වාර්ථදායකම් ।
අනංතරූපී භගවාන් ව්යාඛ්යාතාදෞ ස්වයංභුවේ ॥ 202 ॥

තේන ප්රෝක්තං වසිෂ්ඨාය තතෝ ලබ්ධ්වා පරාශරඃ ।
ව්යාසාය තේන සංප්රෝක්තං ශුකෝ ව්යාසාදවාප්තවාන් ॥ 203 ॥

තච්ඡිෂ්යෛර්බහුභිර්භූමෞ ඛ්යාපිතං ද්වාපරේ යුගේ ।
කෘෂ්ණාජ්ඤයා හරිහරඃ කලෞ ප්රඛ්යාපයද්විභුඃ ॥ 204 ॥

ඉදං පඨති භක්ත්යා යඃ ශෘණෝති ච සමාහිතඃ ।
ස්වසිද්ධ්යෛ ප්රාර්ථයංත්යේනං තීර්ථක්ෂේත්රාදිදේවතාඃ ॥ 205 ॥

ප්රායශ්චිත්තාන්යශේෂාණි නාලං යානි ව්යපෝහිතුම් ।
තානි පාපානි නශ්යංති සකෘදස්ය ප්රශංසනාත් ॥ 206 ॥

ඍණත්රයවිමුක්තස්ය ශ්රෞතස්මාර්තානුවර්තිනඃ ।
ඍෂේස්ත්රිමූර්තිරූපස්ය ඵලං විංදේදිදං පඨන් ॥ 207 ॥

ඉදං නාමසහස්රං යඃ පඨත්යේතච්ඡෘණෝති ච ।
ශිවලිංගසහස්රස්ය ස ප්රතිෂ්ඨාඵලං ලභේත් ॥ 208 ॥

ඉදං කිරීටී සංජප්ය ජයී පාශුපතාස්ත්රභාක් ।
කෘෂ්ණස්ය ප්රාණභූතස්සන් කෘෂ්ණං සාරථිමාප්තවාන් ॥ 209 ॥

ද්රෞපද්යා දමයංත්යා ච සාවිත්ර්යා ච සුශීලයා ।
දුරිතානි ජිතාන්යේතජ්ජපාදාප්තං ච වාංඡිතම් ॥ 210 ॥

කිමිදං බහුනා ශංසන්මානවෝ මෝදනිර්භරඃ ।
බ්රහ්මානංදමවාප්යාංතේ කෘෂ්ණසායූජ්යමාප්නුයාත් ॥ 211 ॥

sri krishna sahasra nama stotram in sinhala