ශ්රී කාල භෛරව ස්තෝත්රම්

sri kala bhairava stotram in sinhala

අථ සංකල්පඃ
ඕං ඓං ශිව ශක්ති සායි සිද්ධගුරු ශ්රී රමණානංද මහර්ෂි ගුරුභ්යෝ නමඃ
ඕං ශ්රී දශ මහාවිද්යා දේවතාභ්යෝ නමඃ
ඕං ශ්රී දශ භෛරව දේවතාභ්යෝ නමඃ

අථ චතුර්වේද ජ්ඤාන බ්රහ්ම සිද්ධගුරු ශ්රී රමණානංද මහර්ෂි විරචිත
චතුර්විංශති ශ්ලෝකාත්මක ශ්රී කාල භෛරව ස්තෝත්රං

ශිවාය පරමාත්මනේ මහාතේ පාපනාශිනේ ।
නීලලෝහිතදේහාය භෛරවාය නමෝ නමඃ ॥

බ්රහ්ම ශිරෝ විඛංඩිනේ බ්රහ්ම ගර්ව නිපාතිනේ ।
කාලකාලාය රුද්රාය නමෝභෛරව ශූලිනේ ॥

විෂ්ණු මෝහ විනාශිනේ විෂ්ණු සේවිත ශංභවේ ।
විෂ්ණු කීර්තිත සෝමාය කාලභෛරව තේ නමඃ ॥

සර්වභූෂිත සර්වේශං චතුර්භුජං සුතේජසේ ।
ශිව තේජෝද්භවං හරං ශ්රී භෛරවීපතිං භජේ ॥

සද්රූපං සකලේශ්වරං චිද්ර්රූපං චින්මයේශ්වරම් ।
තපෝවංතං මහානංදං මහාභෛරව තේ නමඃ ॥

නීලාය නීලකංඨාය අනංතාය පරාත්මනේ ।
භීමාය දුෂ්ටමර්දිනේ කාලභෛරව තේ නමඃ ॥

නමස්තේ සර්වබීජාය නමස්තේ සුඛදායිනේ ।
නමස්තේ දුඃඛනාශිනේ භෛරවාය නමෝ නමඃ ॥

සුංදරං කරුණානිධිං පාවනං කරුණාමයම් ।
අඝෝරං කරුණාසිංධුං ශ්රිභෛරවං නමාම්යහම් ॥

ජටාධරං ත්රිලෝචනං ජගත් පතිං වෘෂධ්වජම් ।
ජගන්මූර්තිං කපාලිනිං ශ්රීභෛරවං නංමාමිතම් ॥

අසිතාංගඃ කපාලශ්ච උන්මත්තඃ භීෂණෝ රුරුඃ ।
ක්රෝධඃ සංහාර චංඩශ්ච අෂ්ටභෛරව තේ නමඃ ॥

කෞමාරී වෛශ්ණවී චංඩී ඉංද්රාණී බ්රාහ්මණීසුධා ।
අෂ්ටමාතෘක චාමුංඩා ශ්රී වාරාහී මහේශ්වරී ॥

කාශී ක්ෂේත්ර සදා ස්ථිතං කාශී ක්ෂේත්ර සුපාලකම් ।
කාශී ජන සමාරාධ්යං නමාමි කාලභෛරවම් ॥

අෂ්ටභෛරව ස්රෂ්ටාරං අෂ්ටමාතෘ සුපූජිතම් ।
සර්ව භෛරව නාථං ච ශ්රී කාල භෛරවං භජේ ॥

විෂ්ණු කීර්තිත වේදේශං සර්ව ඍෂි නමස්කෘතම් ।
පංච පාතක නාශකං ශ්රී කාල භෛරවං භජේ ॥

සම්මෝහන මහාරූපං චේතුර්වේද ප්රකීර්තිතම් ।
විරාට් පුරුෂ මහේශං ශ්රී කාල භෛරවං භජේ ॥

අසිතාංගඃ චතුර්භුජඃ බ්රහ්මණී මතෘකාපතිඃ ।
ශ්වේතවර්ණෝ හංසාරූඪඃ ප්රාක් දිශා රක්ෂකඃ ශිවඃ ॥

ශ්රීරුරුං වෘෂභාරූඪං ආග්නේය දික් සුපාලකම් ।
නීලවර්ණං මහාශූරං මහේශ්වරීපතිං භජේ ॥

මයූර වාහනඃ චංඩඃ කෞමාරී මාතෘකා ප්රියඃ ।
රක්තවර්ණෝ මහාකාලඃ දක්ෂිණා දික් සුරක්ෂකඃ ॥

ගරුඩ වාහනඃ ක්රෝධඃ වෛෂ්ණවී මාතෘකා ප්රභුඃ ।
ඊශානෝ නීලවර්ණශ්ච නිරුතී දික් සුරක්ෂකඃ ॥

උන්මත්තඃ ඛඩ්ගධාරී ච අශ්වාරූඪෝ මහෝදරඃ ।
ශ්රී වාරාහී මනෝහරඃ පශ්චිම දික් සුරක්ෂකඃ ॥

කපාලෝ හස්තිවාහනඃ ඉංද්රාණී මාතෘකාපතිඃ ।
ස්වර්ණ වර්ණෝ මහාතේජාඃ වායව්යදික් සුරක්ෂකඃ ॥

භීෂණඃ ප්රේතවාහනඃ චාමුංඩා මාතෘකා විභුඃ ।
උත්තරදික් සුපාලකඃ රක්තවර්ණෝ භයංකරඃ ॥

සංහාරඃ සිංහවාහනඃ ශ්රී චංඩී මාතෘකාපතිඃ ।
අශභුජඃ ප්රාක්රමී ඊශාන්යදික් සුපාලකඃ ॥

තංත්ර යෝගීශ්වරේශ්වරං තංත්ර විද්යා ප්රදායකම් ।
ජ්ඤානදං සිද්ධිදං ශිවං මෝක්ෂදං භෛරවං භජේ ॥

ඉති චතුර්වේද ජ්ඤාන බ්රහ්ම සිද්ධගුරු ශ්රී රමණානංද මහර්ෂි විරචිත
චතුර්විංශති ශ්ලෝකාත්මක ශ්රී කාල භෛරව ස්තෝත්රම් ॥

sri kala bhairava stotram in sinhala