ශ්රී හරි වායු ස්තුති

sri hari vayu stuti in sinhala

අථ නඛස්තුතිඃ
පාංත්වස්මාන් පුරුහූතවෛරිබලවන්මාතංගමාද්යද්ඝටා-
-කුංභෝච්චාද්රිවිපාටනාධිකපටු ප්රත්යේක වජ්රායිතාඃ ।
ශ්රීමත්කංඨීරවාස්යප්රතතසුනඛරා දාරිතාරාතිදූර-
-ප්රධ්වස්තධ්වාංතශාංතප්රවිතතමනසා භාවිතා භූරිභාගෛඃ ॥ 1 ॥

ලක්ෂ්මීකාංත සමංතතෝऽපි කලයන් නෛවේශිතුස්තේ සමං
පශ්යාම්යුත්තමවස්තු දූරතරතෝපාස්තං රසෝ යෝऽෂ්ටමඃ ।
යද්රෝෂෝත්කර දක්ෂ නේත්ර කුටිල ප්රාංතෝත්ථිතාග්නි ස්ඵුරත්
ඛද්යෝතෝපම විස්ඵුලිංගභසිතා බ්රහ්මේශශක්රෝත්කරාඃ ॥ 2 ॥

අථ වායුස්තුතිඃ
ශ්රීමද්විෂ්ණ්වංඝ්රිනිෂ්ඨාතිගුණගුරුතමශ්රීමදානංදතීර්ථ-
-ත්රෛලෝක්යාචාර්යපාදෝජ්ජ්වලජලජලසත්පාංසවෝऽස්මාන් පුනංතු ।
වාචාං යත්ර ප්රණේත්රී ත්රිභුවනමහිතා ශාරදා ශාරදේංදු-
-ජ්යෝත්ස්නාභද්රස්මිතශ්රීධවළිතකකුභා ප්රේමභාරං බභාර ॥ 1 ॥

උත්කංඨාකුංඨකෝලාහලජවවිජිතාජස්රසේවානුවෘද්ධ-
-ප්රාජ්ඤාත්මජ්ඤානධූතාංධතමසසුමනෝමෞලිරත්නාවළීනාම් ।
භක්ත්යුද්රේකාවගාඪප්රඝටනසධටාත්කාරසංඝෘෂ්යමාණ-
ප්රාංතප්රාග්ර්යාංඝ්රිපීඨෝත්ථිතකනකරජඃපිංජරාරංජිතාශාඃ ॥ 2 ॥

ජන්මාධිව්යාධ්යුපාධිප්රතිහතිවිරහප්රාපකාණාං ගුණානාං
අග්ර්යාණාමර්පකාණාං චිරමුදිතචිදානංදසංදෝහදානාම් ।
ඒතේෂාමේෂ දෝෂප්රමුෂිතමනසාං ද්වේෂිණාං දූෂකාණාං
දෛත්යානාමාර්තිමංධේ තමසි විදධතාං සංස්තවේ නාස්මි ශක්තඃ ॥ 3 ॥

අස්යාවිෂ්කර්තුකාමං කලිමලකලුෂේऽස්මින් ජනේ ජ්ඤානමාර්ගං
වංද්යං චංද්රේංද්රරුද්රද්යුමණිඵණිවයෝනායකාද්යෛරිහාද්ය ।
මධ්වාඛ්යං මංත්රසිද්ධං කිමුත කෘතවතෝ මාරුතස්යාවතාරං
පාතාරං පාරමේෂ්ට්යං පදමපවිපදඃ ප්රාප්තුරාපන්නපුංසාම් ॥ 4 ॥

උද්යද්විද්යුත්ප්රචංඩාං නිජරුචිනිකරව්යාප්තලෝකාවකාශෝ
බිභ්රද්භීමෝ භුජේ යෝऽභ්යුදිතදිනකරාභාංගදාඪ්ය ප්රකාංඩේ ।
වීර්යෝද්ධාර්යාං ගදාග්ර්යාමයමිහ සුමතිං වායුදේවෝ විදධ්යාත්
අධ්යාත්මජ්ඤානනේතා යතිවරමහිතෝ භූමිභූෂාමණිර්මේ ॥ 5 ॥

සංසාරෝත්තාපනිත්යෝපශමදසදයස්නේහහාසාංබුපූර-
-ප්රෝද්යද්විද්යානවද්යද්යුතිමණිකිරණශ්රේණිසංපූරිතාශඃ ।
ශ්රීවත්සාංකාධිවාසෝචිතතරසරළශ්රීමදානංදතීර්ථ-
-ක්ෂීරාංභෝධිර්විභිංද්යාද්භවදනභිමතං භූරි මේ භූතිහේතුඃ ॥ 6 ॥

මූර්ධන්යේෂෝऽංජලිර්මේ දෘඪතරමිහ තේ බධ්යතේ බංධපාශ-
-ච්ඡේත්රේ දාත්රේ සුඛානාං භජති භුවි භවිෂ්යද්විධාත්රේ ද්යුභර්ත්රේ ।
අත්යංතං සංතතං ත්වං ප්රදිශ පදයුගේ හංත සංතාපභාජා-
-මස්මාකං භක්තිමේකාං භගවත උත තේ මාධවස්යාථ වායෝඃ ॥ 7 ॥

සාභ්රෝෂ්ණාභීශුශුභ්රප්රභමභය නභෝ භූරිභූභෘද්විභූති-
-භ්රාජිෂ්ණුර්භූරෘභූණාං භවනමපි විභෝऽභේදි බභ්රේ බභූවේ ।
යේන භ්රූවිභ්රමස්තේ භ්රමයතු සුභෘශං බභ්රුවද්දුර්භෘතාශාන්
භ්රාංතිර්භේදාවභාසස්ත්විති භයමභිභූර්භෝක්ෂ්යතෝ මායිභික්ෂූන් ॥ 8 ॥

යේऽමුං භාවං භජංතේ සුරමුඛසුජනාරාධිතං තේ තෘතීයං
භාසංතේ භාසුරෛස්තේ සහචරචලිතෛශ්චාමරෛශ්චාරුවේෂාඃ ।
වෛකුංඨේ කංඨලග්නස්ථිරශුචිවිලසත්කාංතිතාරුණ්යලීලා-
ලාවණ්යාපූර්ණකාංතාකුචභරසුලභාශ්ලේෂසම්මෝදසාංද්රාඃ ॥ 9 ॥

ආනංදාන්මංදමංදා දදති හි මරුතඃ කුංදමංදාරනංද්යා-
-වර්තාමෝදාන් දධානා මෘදුපදමුදිතෝද්ගීතකෛඃ සුංදරීණාම් ।
වෘංදෛරාවංද්යමුක්තේංද්වහිමගුමදනාහීංද්රදේවේංද්රසේව්යේ
මෞකුංදේ මංදිරේऽස්මින්නවිරතමුදයන්මෝදිනාං දේවදේව ॥ 10 ॥

උත්තප්තාऽත්යුත්කටත්විට් ප්රකටකටකටධ්වානසංඝට්ටනෝද්ය-
-ද්විද්යුද්ව්යූඪස්ඵුලිංගප්රකරවිකිරණෝත්ක්වාථිතේ බාධිතාංගාන් ।
උද්ගාඪං පාත්යමානා තමසි තත ඉතඃ කිංකරෛඃ පංකිලේ තේ
පංක්තිර්ග්රාව්ණාං ගරිම්ණා ග්ලපයති හි භවද්වේෂිණෝ විද්වදාද්ය ॥ 11 ॥

අස්මින්නස්මද්ගුරූණාං හරිචරණචිරධ්යානසන්මංගලානාං
යුෂ්මාකං පාර්ශ්වභූමිං ධෘතරණරණිකස්වර්ගිසේව්යාං ප්රපන්නඃ ।
යස්තූදාස්තේ ස ආස්තේऽධිභවමසුලභක්ලේශනිර්මූකමස්ත-
-ප්රායානංදං කථංචින්න වසති සතතං පංචකෂ්ටේऽතිකෂ්ටේ ॥ 12 ॥

ක්ෂුත් ක්ෂාමාන් රූක්ෂරක්ෂෝරදඛරනඛරක්ෂුණ්ණවික්ෂෝභිතාක්ෂා-
-නාමග්නානාංධකූපේ ක්ෂුරමුඛමුඛරෛඃ පක්ෂිභිර්වික්ෂතාංගාන් ।
පූයාසෘඞ්මූත්රවිෂ්ඨාකෘමිකුලකලිලේ තත්ක්ෂණක්ෂිප්තශක්ත්යා-
-ද්යස්ත්රව්රාතාර්දිතාංස්ත්වද්ද්විෂ උපජිහතේ වජ්රකල්පා ජලූකාඃ ॥ 13 ॥

මාතර්මේ මාතරිශ්වන් පිතරතුලගුරෝ භ්රාතරිෂ්ටාප්තබංධෝ
ස්වාමින් සර්වාංතරාත්මන්නජර ජරයිතර්ජන්මමෘත්යාමයානාම් ।
ගෝවිංදේ දේහි භක්තිං භවති ච භගවන්නූර්ජිතාං නිර්නිමිත්තාං
නිර්ව්යාජාං නිශ්චලාං සද්ගුණගණබෘහතීං ශාශ්වතීමාශු දේව ॥ 14 ॥

විෂ්ණෝරත්ත්යුත්තමත්වාදඛිලගුණගණෛස්තත්ර භක්තිං ගරිෂ්ඨාං
ආශ්ලිෂ්ටේ ශ්රීධරාභ්යාමමුමථ පරිවාරාත්මනා සේවකේෂු ।
යඃ සංධත්තේ විරිංචශ්වසනවිහගපානංතරුද්රේංද්රපූර්වේ-
-ෂ්වාධ්යායංස්තාරතම්යං ස්ඵුටමවති සදා වායුරස්මද්ගුරුස්තම් ॥ 15 ॥

තත්ත්වජ්ඤාන් මුක්තිභාජඃ සුඛයිසි හි ගුරෝ යෝග්යතාතාරතම්යා-
-දාධත්සේ මිශ්රබුද්ධිංස්ත්රිදිවනිරයභූගෝචරාන් නිත්යබද්ධාන් ।
තාමිස්රාංධාදිකාඛ්යේ තමසි සුබහුලං දුඃඛයස්යන්යථාජ්ඤාන්
විෂ්ණෝරාජ්ඤාභිරිත්ථං ශෘතිශතමිතිහාසාදි චාකර්ණයාමඃ ॥ 16 ॥

වංදේऽහං තං හනූමානිති මහිතමහාපෞරුෂෝ බාහුශාලී
ඛ්යාතස්තේऽග්ර්යෝऽවතාරඃ සහිත ඉහ බහුබ්රහ්මචර්යාදිධර්මෛඃ ।
සස්නේහානාං සහස්වානහරහරහිතං නිර්දහන් දේහභාජාං
අංහෝමෝහාපහෝ යඃ ස්පෘහයති මහතීං භක්තිමද්යාපි රාමේ ॥ 17 ॥

ප්රාක්පංචාශත්සහස්රෛර්ව්යවහිතමහිතං යෝජනෛඃ පර්වතං ත්වං
යාවත්සංජීවනාද්යෞෂධනිධිමධිකප්රාණ ලංකාමනෛෂිඃ ।
අද්රාක්ෂීදුත්පතංතං තත උත ගිරිමුත්පාටයංතං ගෘහීත්වා
යාංතං ඛේ රාඝවාංඝ්රෞ ප්රණතමපි තදෛකක්ෂණේ ත්වාං හි ලෝකඃ ॥ 18 ॥

ක්ෂිප්තඃ පශ්චාත්සත්සලීලං ශතමතුලමතේ යෝජනානාං ස උච්ච-
-ස්තාවද්විස්තාරවංශ්චාප්යුපලලව ඉව ව්යග්රබුද්ධ්යා ත්වයාऽතඃ ।
ස්වස්වස්ථානස්ථිතාතිස්ථිරශකලශිලාජාලසංශ්ලේෂනෂ්ට-
-ඡ්ඡේදාංකඃ ප්රාගිවාභූත් කපිවරවපුෂස්තේ නමඃ කෞශලාය ॥ 19 ॥

දෘෂ්ට්වා දුෂ්ටාධිපෝරඃ ස්ඵුටිතකනකසද්වර්ම ඝෘෂ්ටාස්ථිකූටං
නිෂ්පිෂ්ටං හාටකාද්රිප්රකටතටතටාකාතිශංකෝ ජනෝऽභූත් ।
යේනාऽජෞ රාවණාරිප්රියනටනපටුර්මුෂ්ටිරිෂ්ටං ප්රදේෂ්ටුං
කිං නේෂ්ටේ මේ ස තේऽෂ්ටාපදකටකතටිත්කෝටිභාමෘෂ්ටකාෂ්ඨඃ ॥ 20 ॥

දේව්යාදේශප්රණීතිදෘහිණහරවරාවධ්යරක්ෂෝවිඝාතා-
-ද්යාසේවෝද්යද්දයාර්ද්රඃ සහභුජමකරෝද්රාමනාමා මුකුංදඃ ।
දුෂ්ප්රාපේ පාරමේෂ්ඨ්යේ කරතලමතුලං මූර්ධිවින්යස්ය ධන්යං
තන්වන්භූයඃ ප්රභූතප්රණයවිකසිතාබ්ජේක්ෂණස්ත්වේක්ෂමාණඃ ॥ 21 ॥

ජඝ්නේ නිඝ්නේන විඝ්නෝ බහුලබලබකධ්වංසනාද්යේන ශෝච-
-ද්විප්රානුක්රෝශපාශෛරසුවිධෘතිසුඛස්යෛකචක්රාජනානාම් ।
තස්මෛ තේ දේව කුර්මඃ කුරුකුලපතයේ කර්මණා ච ප්රණාමාන්
කිර්මීරං දුර්මතීනාං ප්රථමමථ ච යෝ නර්මණා නිර්මමාථ ॥ 22 ॥

නිර්මෘද්නන්නත්යයත්නං විජරවර ජරාසංධකායාස්ථිසංධීන්
යුද්ධේ ත්වං ස්වධ්වරේ වා පශුමිව දමයන් විෂ්ණුපක්ෂද්විඩීශම් ।
යාවත්ප්රත්යක්ෂභූතං නිඛිලමඛභුජං තර්පයාමාසිථාසෞ
තාවත්යාऽයෝජි තෘප්ත්යා කිමු වද භගවන් රාජසූයාශ්වමේධේ ॥ 23 ॥

ක්ෂ්වේලාක්ෂීණාට්ටහාසං තව රණමරිහන්නුද්ගදෝද්දාමබාහෝඃ
බහ්වක්ෂෞහිණ්යනීකක්ෂපණසුනිපුණං යස්ය සර්වෝත්තමස්ය ।
ශුශ්රූෂාර්ථං චකර්ථ ස්වයමයමථ සංවක්තුමානංදතීර්ථ-
-ශ්රීමන්නාමන්සමර්ථස්ත්වමපි හි යුවයෝඃ පාදපද්මං ප්රපද්යේ ॥ 24 ॥

දෘහ්යංතීං හෘදෘහං මාං දෘතමනිල බලාද්ද්රාවයංතීමවිද්යා-
-නිද්රාං විද්රාව්ය සද්යෝරචනපටුමථාऽපාද්ය විද්යාසමුද්ර ।
වාග්දේවී සා සුවිද්යාද්රවිණද විදිතා ද්රෞපදී රුද්රපත්න්යා-
-දුද්රික්තා ද්රාගභද්රාද්රහයතු දයිතා පූර්වභීමාऽජ්ඤයා තේ ॥ 25 ॥

යාභ්යාං ශුශ්රූෂුරාසීඃ කුරුකුලජනනේ ක්ෂත්රවිප්රෝදිතාභ්යාං
බ්රහ්මභ්යාං බෘංහිතාභ්යාං චිතසුඛවපුෂා කෘෂ්ණනාමාස්පදාභ්යාම් ।
නිර්භේදාභ්යාං විශේෂාද්විවචනවිෂයාභ්යාමමූභ්යාමුභාභ්යාං
තුභ්යං ච ක්ෂේමදේභ්යඃ සරිසිජවිලසල්ලෝචනේභ්යෝ නමෝऽස්තු ॥ 26 ॥

ගච්ඡන් සෞගංධිකාර්ථං පථි ස හනුමතඃ පුච්ඡමච්ඡස්ය භීමඃ
ප්රෝද්ධර්තුං නාශකත්ස ත්වමුමුරුවපුෂා භීෂයාමාස චේති ।
පූර්ණජ්ඤානෞජසෝස්තේ ගුරුතම වපුෂෝඃ ශ්රීමදානංදතීර්ථ
ක්රීඩාමාත්රං තදේතත් ප්රමදද සුධියාං මෝහක ද්වේෂභාජාම් ॥ 27 ॥

බහ්වීඃ කෝටීරටීකඃ කුටලකටුමතීනුත්කටාටෝපකෝපාන්
ද්රාක්ච ත්වං සත්වරත්වාච්චරණද ගදයා පෝථයාමාසිථාරීන් ।
උන්මථ්යාතථ්යමිථ්යාත්වවචනවචනානුත්පථස්ථාංස්තථාऽන්යාන්
ප්රායච්ඡඃ ස්වප්රියායෛ ප්රියතමකුසුමං ප්රාණ තස්මෛ නමස්තේ ॥ 28 ॥

දේහාදුත්ක්රාමිතානාමධිපතිරසතාමක්රමාද්වක්රබුද්ධිඃ
ක්රුද්ධඃ ක්රෝධෛකවශ්යඃ ක්රිමිරිව මණිමාන් දුෂ්කෘතී නිෂ්ක්රියාර්ථම් ।
චක්රේ භූචක්රමේත්ය ක්රකචමිව සතාං චේතසඃ කෂ්ටශාස්ත්රං
දුස්තර්කං චක්රපාණේර්ගුණගණවිරහං ජීවතාං චාධිකෘත්ය ॥ 29 ॥

තද්දුෂ්ප්රේක්ෂානුසාරාත්කතිපයකුනරෛරාදෘතෝऽන්යෛර්විසෘෂ්ටෝ
බ්රහ්මාऽහං නිර්ගුණෝऽහං විතථමිදමිති හ්යේෂ පාෂංඩවාදඃ ।
තද්යුක්ත්යාභාසජාලප්රසරවිෂතරූද්දාහදක්ෂප්රමාණ-
-ජ්වාලාමාලාධරාග්නිඃ පවන විජයතේ තේऽවතාරස්තෘතීයඃ ॥ 30 ॥

ආක්රෝශංතෝ නිරාශා භයභරවිවශස්වාශයාශ්ඡින්නදර්පා
වාශංතෝ දේශනාශස්විති බත කුධියාං නාශමාශාදශාऽශු ।
ධාවංතෝऽශ්ලීලශීලා විතථශපථශාපාශිවාඃ ශාංතශෞර්යා-
-ස්ත්වද්ව්යාඛ්යාසිංහනාදේ සපදි දදෘශිරේ මායිගෝමායවස්තේ ॥ 31 ॥

ත්රිෂ්වප්යේවාවතාරේෂ්වරිභිරපඝෘණං හිංසිතෝ නිර්විකාරඃ
සර්වජ්ඤඃ සර්වශක්තිඃ සකලගුණගණාපූර්ණරූපප්රගල්භඃ ।
ස්වච්ඡඃ ස්වච්ඡංදමෘත්යුඃ සුඛයසි සුජනං දේව කිං චිත්රමත්ර
ත්රාතා යස්ය ත්රිධාමා ජගදුත වශගං කිංකරාඃ ශංකරාද්යාඃ ॥ 32 ॥

උද්යන්මංදස්මිතශ්රීමෘදු මධුමධුරාලාපපීයූෂධාරා-
-පූරාසේකෝපශාංතාසුඛසුජනමනෝලෝචනාපීයමානම් ।
සංද්රක්ෂ්යේ සුංදරං සංදුහදිහ මහදානංදමානංදතීර්ථ
ශ්රීමද්වක්ත්රේංදුබිංබං දුරතනුදුදිතං නිත්යදාऽහං කදා නු ॥ 33 ॥

ප්රාචීනාචීර්ණපුණ්යෝච්චයචතුරතරාචාරතශ්චාරුචිත්තා-
-නත්යුච්චාං රෝචයංතීං ශ්රුතිචිතවචනාං ශ්රාවකාංශ්චෝද්යචුංචූන් ।
ව්යාඛ්යාමුත්ඛාතදුඃඛාං චිරමුචිතමහාචාර්ය චිංතාරතාංස්තේ
චිත්රාං සච්ඡාස්ත්රකර්තාශ්චරණපරිචරාංඡ්රාවයාස්මාංශ්ච කිංචිත් ॥ 34 ॥

පීඨේ රත්නෝකපක්ලෘප්තේ රුචිරරුචිමණිජ්යෝතිෂා සන්නිෂණ්ණං
බ්රහ්මාණං භාවිනං ත්වාං ජ්වලති නිජපදේ වෛදිකාද්යා හි විද්යාඃ ।
සේවංතේ මූර්තිමත්යඃ සුචරිත චරිතං භාති ගංධර්ව ගීතං
ප්රත්යේකං දේවසංසත්ස්වපි තව භගවන්නර්තිතද්යෝවධූෂු ॥ 35 ॥

සානුක්රෝශෛරජස්රං ජනිමෘතිනිරයාද්යූර්මිමාලාවිලේऽස්මින්
සංසාරාබ්ධෞ නිමග්නාන් ශරණමශරණානිච්ඡතෝ වීක්ෂ්ය ජංතූන් ।
යුෂ්මාභිඃ ප්රාර්ථිතඃ සන් ජලනිධිශයනඃ සත්යවත්යාං මහර්ෂේ-
-ර්ව්යක්තශ්චින්මාත්රමූර්තිර්න ඛලු භගවතඃ ප්රාකෘතෝ ජාතු දේහඃ ॥ 36 ॥

අස්තව්යස්තං සමස්තශ්රුතිගතමධමෛ රත්නපූගං යථාऽංධෛ-
-රර්ථං ලෝකෝපකෘත්යෛ ගුණගණනිලයඃ සූත්රයාමාස කෘත්ස්නම් ।
යෝऽසෞ ව්යාසාභිධානස්තමහමහරහර්භක්තිතස්ත්වත්ප්රසාදාත්
සද්යෝ විද්යෝපලබ්ධ්යෛ ගුරුතමමගුරුං දේවදේවං නමාමි ॥ 37 ॥

ආජ්ඤාමන්යෛරධාර්යාං ශිරසි පරිසරද්රශ්මිකෝටීරකෝටෞ
කෘෂ්ණස්යාක්ලිෂ්ටකර්මා දධදනුසරාණාදර්ථිතෝ දේවසංඝෛඃ ।
භූමාවාගත්ය භූමන්නසුකරමකරෝර්බ්රහ්මසූත්රස්ය භාෂ්යං
දුර්භාෂ්යං ව්යස්ය දස්යෝර්මණිමත උදිතං වේදසද්යුක්තිභිස්ත්වම් ॥ 38 ॥

භූත්වා ක්ෂේත්රේ විශුද්ධේ ද්විජගණනිලයේ රෞප්යපීඨාභිධානේ
තත්රාපි බ්රහ්මජාතිස්ත්රිභුවනවිශදේ මධ්යගේහාඛ්යගේහේ ।
පාරිව්රාජ්යාධිරාජඃ පුනරපි බදරීං ප්රාප්ය කෘෂ්ණං ච නත්වා
කෘත්වා භාෂ්යාණි සම්යග් ව්යතනුත ච භවාන් භාරතාර්ථප්රකාශම් ॥ 39 ॥

වංදේ තං ත්වාං සුපූර්ණප්රමතිමනුදිනාසේවිතං දේවවෘංදෛඃ
වංදේ වංදාරුමීශේ ශ්රිය උත නියතං ශ්රීමදානංදතීර්ථම් ।
වංදේ මංදාකිනීසත්සරිදමලජලාසේකසාධික්යසංගං
වංදේऽහං දේව භක්ත්යා භවභයදහනං සජ්ජනාන්මෝදයංතම් ॥ 40 ॥

සුබ්රහ්මණ්යාඛ්යසූරේඃ සුත ඉති සුභෘශං කේශවානංදතීර්ථ-
ශ්රීමත්පාදාබ්ජභක්තඃ ස්තුතිමකෘත හරේර්වායුදේවස්ය චාස්ය ।
තත්පාදාර්චාදරේණ ග්රථිතපදලසන්මාලයා ත්වේතයා යේ
සංරාධ්යාමූ නමංති ප්රතතමතිගුණා මුක්තිමේතේ ව්රජංති ॥ 41 ॥

අථ ශ්රීනඛස්තුතිඃ
පාංත්වස්මාන් පුරුහූතවෛරිබලවන්මාතංගමාද්යද්ඝටා
කුංභෝච්චාද්රිවිපාටනාධිකපටුප්රත්යේකවජ්රායිතාඃ ।
ශ්රීමත්කංඨීරවාස්ය ප්රතත සුනඛරා දාරිතාරාතිදූර-
ප්රධ්වස්තධ්වාංතශාංතප්රවිතතමනසා භාවිතා නාකිවෘංදෛඃ ॥ 1 ॥

ලක්ෂ්මීකාංත සමංතතෝऽවිකලයන් නෛවේශිතුස්තේ සමං
පශ්යාම්යුත්තමවස්තු දූරතරතෝऽපාස්තං රසෝ යෝऽෂ්ටමඃ ।
යද්රෝෂෝත්කරදක්ෂනේත්රකුටිලප්රාංතෝත්ථිතාග්නිස්ඵුරත්
ඛද්යෝතෝපමවිස්ඵුලිංගභසිතා බ්රහ්මේශශක්රෝත්කරාඃ ॥ 2 ॥

ඉති ශ්රීත්රිවික්රමපංඩිතාචාර්ය විරචිතා වායුස්තුතිඃ සමාප්තා ॥

sri hari vayu stuti in sinhala