ශ්රී ලක්ෂ්මී අෂ්ටෝත්තර ශතනාම ස්තෝත්රම්

sree lakshmi ashtottara satanaama stotram in sinhala

දේව්යුවාච
දේවදේව! මහාදේව! ත්රිකාලජ්ඤ! මහේශ්වර!
කරුණාකර දේවේශ! භක්තානුග්රහකාරක! ॥
අෂ්ටෝත්තර ශතං ලක්ෂ්ම්යාඃ ශ්රෝතුමිච්ඡාමි තත්ත්වතඃ ॥

ඊශ්වර උවාච
දේවි! සාධු මහාභාගේ මහාභාග්ය ප්රදායකම් ।
සර්වෛශ්වර්යකරං පුණ්යං සර්වපාප ප්රණාශනම් ॥
සර්වදාරිද්ර්ය ශමනං ශ්රවණාද්භුක්ති මුක්තිදම් ।
රාජවශ්යකරං දිව්යං ගුහ්යාද්-ගුහ්යතරං පරම් ॥
දුර්ලභං සර්වදේවානාං චතුෂ්ෂෂ්ටි කළාස්පදම් ।
පද්මාදීනාං වරාංතානාං නිධීනාං නිත්යදායකම් ॥
සමස්ත දේව සංසේව්යං අණිමාද්යෂ්ට සිද්ධිදම් ।
කිමත්ර බහුනෝක්තේන දේවී ප්රත්යක්ෂදායකම් ॥
තව ප්රීත්යාද්ය වක්ෂ්යාමි සමාහිතමනාශ්ශෘණු ।
අෂ්ටෝත්තර ශතස්යාස්ය මහාලක්ෂ්මිස්තු දේවතා ॥
ක්ලීං බීජ පදමිත්යුක්තං ශක්තිස්තු භුවනේශ්වරී ।
අංගන්යාසඃ කරන්යාසඃ ස ඉත්යාදි ප්රකීර්තිතඃ ॥

ධ්යානං
වංදේ පද්මකරාං ප්රසන්නවදනාං සෞභාග්යදාං භාග්යදාං
හස්තාභ්යාමභයප්රදාං මණිගණෛඃ නානාවිධෛඃ භූෂිතාම් ।
භක්තාභීෂ්ට ඵලප්රදාං හරිහර බ්රහ්මාධිභිස්සේවිතාං
පාර්ශ්වේ පංකජ ශංඛපද්ම නිධිභිඃ යුක්තාං සදා ශක්තිභිඃ ॥

සරසිජ නයනේ සරෝජහස්තේ ධවළ තරාංශුක ගංධමාල්ය ශෝභේ ।
භගවති හරිවල්ලභේ මනෝජ්ඤේ ත්රිභුවන භූතිකරි ප්රසීදමහ්යම් ॥

ඕං
ප්රකෘතිං විකෘතිං විද්යාං සර්වභූත-හිතප්රදාම් ।
ශ්රද්ධාං විභූතිං සුරභිං නමාමි පරමාත්මිකාම් ॥ 1 ॥

වාචං පද්මාලයාං පද්මාං ශුචිං ස්වාහාං ස්වධාං සුධාම් ।
ධන්යාං හිරණ්යයීං ලක්ෂ්මීං නිත්යපුෂ්ටාං විභාවරීම් ॥ 2 ॥

අදිතිං ච දිතිං දීප්තාං වසුධාං වසුධාරිණීම් ।
නමාමි කමලාං කාංතාං කාමාක්ෂීං ක්රෝධසංභවාම් [කාම්යාං ක්ෂීරෝදසංභවාම්] ॥ 3 ॥

අනුග්රහප්රදාං බුද්ධි-මනඝාං හරිවල්ලභාම් ।
අශෝකා-මමෘතාං දීප්තාං ලෝකශෝකවිනාශිනීම් ॥ 4 ॥

නමාමි ධර්මනිලයාං කරුණාං ලෝකමාතරම් ।
පද්මප්රියාං පද්මහස්තාං පද්මාක්ෂීං පද්මසුංදරීම් ॥ 5 ॥

පද්මෝද්භවාං පද්මමුඛීං පද්මනාභප්රියාං රමාම් ।
පද්මමාලාධරාං දේවීං පද්මිනීං පද්මගංධිනීම් ॥ 6 ॥

පුණ්යගංධාං සුප්රසන්නාං ප්රසාදාභිමුඛීං ප්රභාම් ।
නමාමි චංද්රවදනාං චංද්රාං චංද්රසහෝදරීම් ॥ 7 ॥

චතුර්භුජාං චංද්රරූපා-මිංදිරා-මිංදුශීතලාම් ।
ආහ්ලාද ජනනීං පුෂ්ටිං ශිවාං ශිවකරීං සතීම් ॥ 8 ॥

විමලාං විශ්වජනනීං තුෂ්ටිං දාරිද්ර්යනාශිනීම් ।
ප්රීතිපුෂ්කරිණීං ශාංතාං ශුක්ලමාල්යාංබරාං ශ්රියම් ॥ 9 ॥

භාස්කරීං බිල්වනිලයාං වරාරෝහාං යශස්විනීම් ।
වසුංධරා මුදාරාංගාං හරිණීං හේමමාලිනීම් ॥ 10 ॥

ධනධාන්යකරීං සිද්ධිං ස්ත්රෛණසෞම්යාං [සදාසෞම්යාං] ශුභප්රදාම් ।
නෘපවේශ්මගතාං නංදාං වරලක්ෂ්මීං වසුප්රදාම් ॥ 11 ॥

ශුභාං හිරණ්යප්රාකාරාං සමුද්රතනයාං ජයාම් ।
නමාමි මංගළාං දේවීං විෂ්ණුවක්ෂඃස්ථලස්ථිතාම් ॥ 12 ॥

විෂ්ණුපත්නීං, ප්රසන්නාක්ෂීං නාරායණසමාශ්රිතාම් ।
දාරිද්ර්යධ්වංසිනීං දේවීං සර්වෝපද්රවවාරිණීම් ॥ 13 ॥

නවදුර්ගාං මහාකාළීං බ්රහ්මවිෂ්ණුශිවාත්මිකාම් ।
ත්රිකාලජ්ඤානසංපන්නාං නමාමි භුවනේශ්වරීම් ॥ 14 ॥

ලක්ෂ්මීං ක්ෂීරසමුද්රරාජ තනයාං ශ්රීරංගධාමේශ්වරීම් ।
දාසීභූත සමස්තදේව වනිතාං ලෝකෛක දීපාංකුරාම් ॥
ශ්රීමන්මංද කටාක්ෂ ලබ්ධ විභවද්-බ්රහ්මේංද්ර ගංගාධරාම් ।
ත්වාං ත්රෛලෝක්ය කුටුංබිනීං සරසිජාං වංදේ මුකුංදප්රියාම් ॥ 15 ॥

මාතර්නමාමි! කමලේ! කමලායතාක්ෂි!
ශ්රී විෂ්ණු හෘත්-කමලවාසිනි! විශ්වමාතඃ!
ක්ෂීරෝදජේ කමල කෝමල ගර්භගෞරි!
ලක්ෂ්මී! ප්රසීද සතතං සමතාං ශරණ්යේ ॥ 16 ॥

ත්රිකාලං යෝ ජපේත් විද්වාන් ෂණ්මාසං විජිතේංද්රියඃ ।
දාරිද්ර්ය ධ්වංසනං කෘත්වා සර්වමාප්නෝත්-යයත්නතඃ ।
දේවීනාම සහස්රේෂු පුණ්යමෂ්ටෝත්තරං ශතම් ।
යේන ශ්රිය මවාප්නෝති කෝටිජන්ම දරිද්රතඃ ॥ 17 ॥

භෘගුවාරේ ශතං ධීමාන් පඨේත් වත්සරමාත්රකම් ।
අෂ්ටෛශ්වර්ය මවාප්නෝති කුබේර ඉව භූතලේ ॥
දාරිද්ර්ය මෝචනං නාම ස්තෝත්රමංබාපරං ශතම් ।
යේන ශ්රිය මවාප්නෝති කෝටිජන්ම දරිද්රතඃ ॥ 18 ॥

භුක්ත්වාතු විපුලාන් භෝගාන් අංතේ සායුජ්යමාප්නුයාත් ।
ප්රාතඃකාලේ පඨේන්නිත්යං සර්ව දුඃඛෝප ශාංතයේ ।
පඨංතු චිංතයේද්දේවීං සර්වාභරණ භූෂිතාම් ॥ 19 ॥

ඉති ශ්රී ලක්ෂ්ම්යෂ්ටෝත්තරශතනාමස්තෝත්රං සංපූර්ණං

sree lakshmi ashtottara satanaama stotram in sinhala