ශ්රී භූ වරාහ ස්තෝත්රම්

sree bhu varaha stotram in sinhala

ඍෂය ඌචු ।

ජිතං ජිතං තේऽජිත යජ්ඤභාවනා
ත්රයීං තනූං ස්වාං පරිධුන්වතේ නමඃ ।
යද්රෝමගර්තේෂු නිලිල්යුරධ්වරාඃ
තස්මෛ නමඃ කාරණසූකරාය තේ ॥ 1 ॥

රූපං තවෛතන්නනු දුෂ්කෘතාත්මනාං
දුර්දර්ශනං දේව යදධ්වරාත්මකම් ।
ඡංදාංසි යස්ය ත්වචි බර්හිරෝම-
ස්ස්වාජ්යං දෘශි ත්වංඝ්රිෂු චාතුර්හෝත්රම් ॥ 2 ॥

ස්රුක්තුංඩ ආසීත්ස්රුව ඊශ නාසයෝ-
රිඩෝදරේ චමසාඃ කර්ණරංධ්රේ ।
ප්රාශිත්රමාස්යේ ග්රසනේ ග්රහාස්තු තේ
යච්චර්වණංතේ භගවන්නග්නිහෝත්රම් ॥ 3 ॥

දීක්ෂානුජන්මෝපසදඃ ශිරෝධරං
ත්වං ප්රායණීයෝ දයනීය දංෂ්ට්රඃ ।
ජිහ්වා ප්රවර්ග්යස්තව ශීර්ෂකං ක්රතෝඃ
සභ්යාවසථ්යං චිතයෝऽසවෝ හි තේ ॥ 4 ॥

සෝමස්තු රේතඃ සවනාන්යවස්ථිතිඃ
සංස්ථාවිභේදාස්තව දේව ධාතවඃ ।
සත්රාණි සර්වාණි ශරීරසංධි-
ස්ත්වං සර්වයජ්ඤක්රතුරිෂ්ටිබංධනඃ ॥ 5 ॥

නමෝ නමස්තේऽඛිලයංත්රදේවතා
ද්රව්යාය සර්වක්රතවේ ක්රියාත්මනේ ।
වෛරාග්ය භක්ත්යාත්මජයාऽනුභාවිත
ජ්ඤානාය විද්යාගුරවේ නමො නමඃ ॥ 6 ॥

දංෂ්ට්රාග්රකෝට්යා භගවංස්ත්වයා ධෘතා
විරාජතේ භූධර භූස්සභූධරා ।
යථා වනාන්නිස්සරතෝ දතා ධෘතා
මතංගජේංද්රස්ය ස පත්රපද්මිනී ॥ 7 ॥

ත්රයීමයං රූපමිදං ච සෞකරං
භූමංඩලේ නාථ තදා ධෘතේන තේ ।
චකාස්ති ශෘංගෝඪඝනේන භූයසා
කුලාචලේංද්රස්ය යථෛව විභ්රමඃ ॥ 8 ॥

සංස්ථාපයෛනාං ජගතාං සතස්ථුෂාං
ලෝකාය පත්නීමසි මාතරං පිතා ।
විධේම චාස්යෛ නමසා සහ ත්වයා
යස්යාං ස්වතේජෝऽග්නිමිවාරණාවධාඃ ॥ 9 ॥

කඃ ශ්රද්ධධීතාන්යතමස්තව ප්රභෝ
රසාං ගතායා භුව උද්විබර්හණම් ।
න විස්මයෝऽසෞ ත්වයි විශ්වවිස්මයේ
යෝ මායයේදං සසෘජේऽති විස්මයම් ॥ 10 ॥

විධුන්වතා වේදමයං නිජං වපු-
ර්ජනස්තපඃ සත්යනිවාසිනෝ වයම් ।
සටාශිඛෝද්ධූත ශිවාංබුබිංදුභි-
ර්විමෘජ්යමානා භෘශමීශ පාවිතාඃ ॥ 11 ॥

ස වෛ බත භ්රෂ්ටමතිස්තවෛෂ තේ
යඃ කර්මණාං පාරමපාරකර්මණඃ ।
යද්යෝගමායා ගුණ යෝග මෝහිතං
විශ්වං සමස්තං භගවන් විධේහි ශම් ॥ 12 ॥

ඉති ශ්රීමද්භාගවතේ මහාපුරාණේ තෘතීයස්කංධේ ශ්රී වරාහ ප්රාදුර්භාවෝනාම ත්රයෝදශෝධ්යායඃ ।

sree bhu varaha stotram in sinhala