ශිව තාංඩව ස්තෝත්රම්

shiva tandava stotram in sinhala

ජටාටවීගලජ්ජලප්රවාහපාවිතස්ථලේ
ගලේවලංබ්ය ලංබිතාං භුජංගතුංගමාලිකාම් ।
ඩමඩ්ඩමඩ්ඩමඩ්ඩමන්නිනාදවඩ්ඩමර්වයං
චකාර චංඩතාංඩවං තනෝතු නඃ ශිවඃ ශිවම් ॥ 1 ॥

ජටාකටාහසංභ්රමභ්රමන්නිලිංපනිර්ඣරී-
-විලෝලවීචිවල්ලරීවිරාජමානමූර්ධනි ।
ධගද්ධගද්ධගජ්ජ්වලල්ලලාටපට්ටපාවකේ
කිශෝරචංද්රශේඛරේ රතිඃ ප්රතික්ෂණං මම ॥ 2 ॥

ධරාධරේංද්රනංදිනීවිලාසබංධුබංධුර
ස්ඵුරද්දිගංතසංතතිප්රමෝදමානමානසේ ।
කෘපාකටාක්ෂධෝරණීනිරුද්ධදුර්ධරාපදි
ක්වචිද්දිගංබරේ මනෝ විනෝදමේතු වස්තුනි ॥ 3 ॥

ජටාභුජංගපිංගළස්ඵුරත්ඵණාමණිප්රභා
කදංබකුංකුමද්රවප්රලිප්තදිග්වධූමුඛේ ।
මදාංධසිංධුරස්ඵුරත්ත්වගුත්තරීයමේදුරේ
මනෝ විනෝදමද්භුතං බිභර්තු භූතභර්තරි ॥ 4 ॥

සහස්රලෝචනප්රභෘත්යශේෂලේඛශේඛර
ප්රසූනධූළිධෝරණී විධූසරාංඝ්රිපීඨභූඃ ।
භුජංගරාජමාලයා නිබද්ධජාටජූටක
ශ්රියෛ චිරාය ජායතාං චකෝරබංධුශේඛරඃ ॥ 5 ॥

ලලාටචත්වරජ්වලද්ධනංජයස්ඵුලිංගභා-
-නිපීතපංචසායකං නමන්නිලිංපනායකම් ।
සුධාමයූඛලේඛයා විරාජමානශේඛරං
මහාකපාලිසංපදේශිරෝජටාලමස්තු නඃ ॥ 6 ॥

කරාලඵාලපට්ටිකාධගද්ධගද්ධගජ්ජ්වල-
ද්ධනංජයාධරීකෘතප්රචංඩපංචසායකේ ।
ධරාධරේංද්රනංදිනීකුචාග්රචිත්රපත්රක-
-ප්රකල්පනෛකශිල්පිනි ත්රිලෝචනේ මතිර්මම ॥ 7 ॥

නවීනමේඝමංඩලී නිරුද්ධදුර්ධරස්ඵුරත්-
කුහූනිශීථිනීතමඃ ප්රබංධබංධුකංධරඃ ।
නිලිංපනිර්ඣරීධරස්තනෝතු කෘත්තිසිංධුරඃ
කළානිධානබංධුරඃ ශ්රියං ජගද්ධුරංධරඃ ॥ 8 ॥

ප්රඵුල්ලනීලපංකජප්රපංචකාලිමප්රභා-
-විලංබිකංඨකංදලීරුචිප්රබද්ධකංධරම් ।
ස්මරච්ඡිදං පුරච්ඡිදං භවච්ඡිදං මඛච්ඡිදං
ගජච්ඡිදාංධකච්ඡිදං තමංතකච්ඡිදං භජේ ॥ 9 ॥

අගර්වසර්වමංගළාකළාකදංබමංජරී
රසප්රවාහමාධුරී විජෘංභණාමධුව්රතම් ।
ස්මරාංතකං පුරාංතකං භවාංතකං මඛාංතකං
ගජාංතකාංධකාංතකං තමංතකාංතකං භජේ ॥ 10 ॥

ජයත්වදභ්රවිභ්රමභ්රමද්භුජංගමශ්වස-
-ද්විනිර්ගමත්ක්රමස්ඵුරත්කරාලඵාලහව්යවාට් ।
ධිමිද්ධිමිද්ධිමිධ්වනන්මෘදංගතුංගමංගළ
ධ්වනික්රමප්රවර්තිත ප්රචංඩතාංඩවඃ ශිවඃ ॥ 11 ॥

දෘෂද්විචිත්රතල්පයෝර්භුජංගමෞක්තිකස්රජෝර්-
-ගරිෂ්ඨරත්නලෝෂ්ඨයෝඃ සුහෘද්විපක්ෂපක්ෂයෝඃ ।
තෘෂ්ණාරවිංදචක්ෂුෂෝඃ ප්රජාමහීමහේංද්රයෝඃ
සමං ප්රවර්තයන්මනඃ කදා සදාශිවං භජේ ॥ 12 ॥

කදා නිලිංපනිර්ඣරීනිකුංජකෝටරේ වසන්
විමුක්තදුර්මතිඃ සදා ශිරඃස්ථමංජලිං වහන් ।
විමුක්තලෝලලෝචනෝ ලලාටඵාලලග්නකඃ
ශිවේති මංත්රමුච්චරන් සදා සුඛී භවාම්යහම් ॥ 13 ॥

ඉමං හි නිත්යමේවමුක්තමුත්තමෝත්තමං ස්තවං
පඨන්ස්මරන්බ්රුවන්නරෝ විශුද්ධිමේතිසංතතම් ।
හරේ ගුරෞ සුභක්තිමාශු යාති නාන්යථා ගතිං
විමෝහනං හි දේහිනාං සුශංකරස්ය චිංතනම් ॥ 14 ॥

පූජාවසානසමයේ දශවක්ත්රගීතං යඃ
ශංභුපූජනපරං පඨති ප්රදෝෂේ ।
තස්ය ස්ථිරාං රථගජේංද්රතුරංගයුක්තාං
ලක්ෂ්මීං සදෛව සුමුඛිං ප්රදදාති ශංභුඃ ॥ 15 ॥

shiva tandava stotram in sinhala