ශිවසංකල්පෝපනිෂත් (ශිව සංකල්පමස්තු)

shiva sankalpa upanishad shiva sankalpamastu in sinhala

යේනේදං භූතං භුවනං භවිෂ්යත් පරිගෘහීතමමෘතේන සර්වම් ।
යේන යජ්ඤස්තායතේ සප්තහෝතා තන්මේ මනඃ ශිවසංකල්පමස්තු ॥ 1॥

යේන කර්මාණි ප්රචරංති ධීරා යතෝ වාචා මනසා චාරු යංති ।
යත්සම්මිතමනු සංයංති ප්රාණිනස්තන්මේ මනඃ ශිවසංකල්පමස්තු ॥ 2॥

යේන කර්මාණ්යපසෝ මනීෂිණෝ යජ්ඤේ කෘණ්වංති විදථේෂු ධීරාඃ ।
යදපූර්වං යක්ෂමංතඃ ප්රජානාං තන්මේ මනඃ ශිවසංකල්පමස්තු ॥ 3॥

යත්ප්රජ්ඤානමුත චේතෝ ධෘතිශ්ච යජ්ජ්යෝතිරංතරමෘතං ප්රජාසු ।
යස්මාන්න ඍතේ කිංචන කර්ම ක්රියතේ තන්මේ මනඃ ශිවසංකල්පමස්තු ॥ 4॥

සුෂාරථිරශ්වානිව යන්මනුෂ්යාන්නේනීයතේऽභීශුභිර්වාජින ඉව ।
හෘත්ප්රතිෂ්ඨං යදජිරං ජවිෂ්ඨං තන්මේ මනඃ ශිවසංකල්පමස්තු ॥ 5॥

යස්මින්නෘචඃ සාම යජූෂි යස්මින් ප්රතිෂ්ඨිතා රථනාභාවිවාරාඃ ।
යස්මිංශ්චිත්තං සර්වමෝතං ප්රජානාං තන්මේ මනඃ ශිවසංකල්පමස්තු ॥ 6॥

යදත්ර ෂෂ්ඨං ත්රිශතං සුවීරං යජ්ඤස්ය ගුහ්යං නවනාවමාය්යං (?) ।
දශ පංච ත්රිංශතං යත්පරං ච තන්මේ මනඃ ශිවසංකල්පමස්තු ॥ 7॥

යජ්ජාග්රතෝ දූරමුදෛති දෛවං තදු සුප්තස්ය තථෛවෛති ।
දූරංගමං ජ්යෝතිෂාං ජ්යෝතිරේකං තන්මේ මනඃ ශිවසංකල්පමස්තු ॥ 8॥

යේන ද්යෞඃ පෘථිවී චාංතරික්ෂං ච යේ පර්වතාඃ ප්රදිශෝ දිශශ්ච ।
යේනේදං ජගද්ව්යාප්තං ප්රජානාං තන්මේ මනඃ ශිවසංකල්පමස්තු ॥ 9॥

යේනේදං විශ්වං ජගතෝ බභූව යේ දේවා අපි මහතෝ ජාතවේදාඃ ।
තදේවාග්නිස්තමසෝ ජ්යෝතිරේකං තන්මේ මනඃ ශිවසංකල්පමස්තු ॥ 10॥

යේ මනෝ හෘදයං යේ ච දේවා යේ දිව්යා ආපෝ යේ සූර්යරශ්මිඃ ।
තේ ශ්රෝත්රේ චක්ෂුෂී සංචරංතං තන්මේ මනඃ ශිවසංකල්පමස්තු ॥ 11॥

අචිංත්යං චාප්රමේයං ච ව්යක්තාව්යක්තපරං ච යත ।
සූක්ෂ්මාත්සූක්ෂ්මතරං ජ්ඤේයං තන්මේ මනඃ ශිවසංකල්පමස්තු ॥ 12॥

ඒකා ච දශ ශතං ච සහස්රං චායුතං ච
නියුතං ච ප්රයුතං චාර්බුදං ච න්යර්බුදං ච ।
සමුද්රශ්ච මධ්යං චාංතශ්ච පරාර්ධශ්ච
තන්මේ මනඃ ශිවසංකල්පමස්තු ॥ 13॥

යේ පංච පංචදශ ශතං සහස්රමයුතං න්යර්බුදං ච ।
තේऽග්නිචිත්යේෂ්ටකාස්තං ශරීරං තන්මේ මනඃ ශිවසංකල්පමස්තු ॥ 14॥

වේදාහමේතං පුරුෂං මහාංතමාදිත්යවර්ණං තමසඃ පරස්තාත් ।
යස්ය යෝනිං පරිපශ්යංති ධීරාස්තන්මේ මනඃ ශිවසංකල්පමස්තු ॥

යස්යේදං ධීරාඃ පුනංති කවයෝ බ්රහ්මාණමේතං ත්වා වෘණුත ඉංදුම් ।
ස්ථාවරං ජංගමං ද්යෞරාකාශං තන්මේ මනඃ ශිවසංකල්පමස්තු ॥ 16॥

පරාත් පරතරං චෛව යත්පරාච්චෛව යත්පරම් ।
යත්පරාත් පරතෝ ජ්ඤේයං තන්මේ මනඃ ශිවසංකල්පමස්තු ॥ 17॥

පරාත් පරතරෝ බ්රහ්මා තත්පරාත් පරතෝ හරිඃ ।
තත්පරාත් පරතෝऽධීශස්තන්මේ මනඃ ශිවසංකල්පමස්තු ॥ 18॥

යා වේදාදිෂු ගායත්රී සර්වව්යාපී මහේශ්වරී ।
ඍග්යජුස්සාමාථර්වෛශ්ච තන්මේ මනඃ ශිවසංකල්පමස්තු ॥ 19॥

යෝ වෛ දේවං මහාදේවං ප්රණවං පුරුෂෝත්තමම් ।
යඃ සර්වේ සර්වවේදෛශ්ච තන්මේ මනඃ ශිවසංකල්පමස්තු ॥ 20॥

ප්රයතඃ ප්රණවෝංකාරං ප්රණවං පුරුෂෝත්තමම් ।
ඕංකාරං ප්රණවාත්මානං තන්මේ මනඃ ශිවසංකල්පමස්තු ॥ 21॥

යෝऽසෞ සර්වේෂු වේදේෂු පඨ්යතේ හ්යජ ඉශ්වරඃ ।
අකායෝ නිර්ගුණෝ හ්යාත්මා තන්මේ මනඃ ශිවසංකල්පමස්තු ॥ 22॥

ගෝභිර්ජුෂ්ටං ධනේන හ්යායුෂා ච බලේන ච ।
ප්රජයා පශුභිඃ පුෂ්කරාක්ෂං තන්මේ මනඃ ශිවසංකල්පමස්තු ॥ 23॥

ත්රියංබකං යජාමහේ සුගංධිං පුෂ්ටිවර්ධනම් ।
උර්වාරුකමිව බංධනාන්මෘත්යෝර්මුක්ෂීය
මාऽමෘතාත්තන්මේ මනඃ ශිවසංකල්පමස්තු ॥ 24॥

කෛලාසශිඛරේ රම්යේ ශංකරස්ය ශිවාලයේ ।
දේවතාස්තත්ර මෝදංතේ තන්මේ මනඃ ශිවසංකල්පමස්තු ॥ 25॥

විශ්වතශ්චක්ෂුරුත විශ්වතෝමුඛෝ විශ්වතෝහස්ත උත විශ්වතස්පාත් ।
සංබාහුභ්යාං නමති සංපතත්රෛර්ද්යාවාපෘථිවී
ජනයන් දේව ඒකස්තන්මේ මනඃ ශිවසංකල්පමස්තු ॥ 26॥

චතුරෝ වේදානධීයීත සර්වශාස්යමයං විදුඃ ।
ඉතිහාසපුරාණානාං තන්මේ මන ශිවසංකන්ල්පමස්තු ॥ 27॥

මා නෝ මහාංතමුත මා නෝ අර්භකං මා න උක්ෂංතමුත මා න උක්ෂිතම් ।
මා නෝ වධීඃ පිතරං මෝත මාතරං ප්රියා මා නඃ
තනුවෝ රුද්ර රීරිෂස්තන්මේ මනඃ ශිවසංකල්පමස්තු ॥ 28॥

මා නස්තෝකේ තනයේ මා න ආයුෂි මා නෝ ගෝෂු මා නෝ අශ්වේෂු රීරිෂඃ ।
වීරාන්මා නෝ රුද්ර භාමිතෝ වධීර්හවිෂ්මංතඃ
නමසා විධේම තේ තන්මේ මනඃ ශිවසංකල්පමස්තු ॥ 29॥

ඍතං සත්යං පරං බ්රහ්ම පුරුෂං කෘෂ්ණපිංගළම් ।
ඌර්ධ්වරේතං විරූපාක්ෂං විශ්වරූපාය වෛ නමෝ නමඃ
තන්මේ මනඃ ශිවසංකල්පමස්තු ॥ 30॥

කද්රුද්රාය ප්රචේතසේ මීඪුෂ්ටමාය තව්යසේ ।
වෝචේම ශංතමං හෘදේ । සර්වෝ හ්යේෂ රුද්රස්තස්මෛ රුද්රාය
නමෝ අස්තු තන්මේ මනඃ ශිවසංකල්පමස්තු ॥ 31॥

බ්රහ්ම ජජ්ඤානං ප්රථමං පුරස්තාත් වි සීමතඃ සුරුචෝ වේන ආවඃ ।
ස බුධ්නියා උපමා අස්ය විෂ්ඨාඃ සතශ්ච යෝනිං
අසතශ්ච විවස්තන්මේ මනඃ ශිවසංකල්පමස්තු ॥ 32॥

යඃ ප්රාණතෝ නිමිෂතෝ මහිත්වෛක ඉද්රාජා ජගතෝ බභූව ।
ය ඊශේ අස්ය ද්විපදශ්චතුෂ්පදඃ කස්මෛ දේවාය
හවිෂා විධේම තන්මේ මනඃ ශිවසංකල්පමස්තු ॥ 33॥

ය ආත්මදා බලදා යස්ය විශ්වේ උපාසතේ ප්රශිෂං යස්ය දේවාඃ ।
යස්ය ඡායාऽමෘතං යස්ය මෘත්යුඃ කස්මෛ දේවාය
හවිෂා විධේම තන්මේ මනඃ ශිවසංකල්පමස්තු ॥ 34॥

යෝ රුද්රෝ අග්නෞ යෝ අප්සු ය ඕෂධීෂු යෝ රුද්රෝ විශ්වා භුවනාऽऽවිවේශ ।
තස්මෛ රුද්රාය නමෝ අස්තු තන්මේ මනඃ ශිවසංකල්පමස්තු ॥ 35॥

ගංධද්වාරාං දුරාධර්ෂාං නිත්යපුෂ්ටාං කරීෂිණීම් ।
ඊශ්වරීං සර්වභූතානාං තාමිහෝපහ්වයේ ශ්රියං
තන්මේ මනඃ ශිවසංකල්පමස්තු ॥ 36॥

ය ඉදං ශිවසංකල්පං සදා ධ්යායංති බ්රාහ්මණාඃ ।
තේ පරං මෝක්ෂං ගමිෂ්යංති තන්මේ මනඃ ශිවසංකල්පමස්තු ॥ 37॥

ඉති ශිවසංකල්පමංත්රාඃ සමාප්තාඃ ।
(ශෛව-උපනිෂදඃ)

ඉති ශිවසංකල්පෝපනිෂත් සමාප්ත ।

shiva sankalpa upanishad shiva sankalpamastu in sinhala