නාරායණීයං දශක 97 – උත්තමභක්තිප්රාර්ථනා තථා මාර්කංඩේය කථා

narayaniyam dashaka 97 in sinhala

ත්රෛගුණ්යාද්භින්නරූපං භවති හි භුවනේ හීනමධ්යෝත්තමං යත්
ජ්ඤානං ශ්රද්ධා ච කර්තා වසතිරපි සුඛං කර්ම චාහාරභේදාඃ ।
ත්වත්ක්ෂේත්රත්වන්නිෂේවාදි තු යදිහ පුනස්ත්වත්පරං තත්තු සර්වං
ප්රාහුර්නෛගුණ්යනිෂ්ඨං තදනුභජනතෝ මංක්ෂු සිද්ධෝ භවේයම් ॥1॥

ත්වය්යේව න්යස්තචිත්තඃ සුඛමයි විචරන් සර්වචේෂ්ටාස්ත්වදර්ථං
ත්වද්භක්තෛඃ සේව්යමානානපි චරිතචරානාශ්රයන් පුණ්යදේශාන් ।
දස්යෞ විප්රේ මෘගාදිෂ්වපි ච සමමතිර්මුච්යමානාවමාන-
ස්පර්ධාසූයාදිදෝෂඃ සතතමඛිලභූතේෂු සංපූජයේ ත්වාම් ॥2॥

ත්වද්භාවෝ යාවදේෂු ස්ඵුරති න විශදං තාවදේවං හ්යුපාස්තිං
කුර්වන්නෛකාත්ම්යබෝධේ ඣටිති විකසති ත්වන්මයෝऽහං චරේයම් ।
ත්වද්ධර්මස්යාස්ය තාවත් කිමපි න භගවන් ප්රස්තුතස්ය ප්රණාශ-
ස්තස්මාත්සර්වාත්මනෛව ප්රදිශ මම විභෝ භක්තිමාර්ගං මනෝජ්ඤම් ॥3॥

තං චෛනං භක්තියෝගං ද්රඪයිතුමයි මේ සාධ්යමාරෝග්යමායු-
ර්දිෂ්ට්යා තත්රාපි සේව්යං තව චරණමහෝ භේෂජායේව දුග්ධම් ।
මාර්කංඩේයෝ හි පූර්වං ගණකනිගදිතද්වාදශාබ්දායුරුච්චෛඃ
සේවිත්වා වත්සරං ත්වාං තව භටනිවහෛර්ද්රාවයාමාස මෘත්යුම් ॥4॥

මාර්කංඩේයශ්චිරායුඃ ස ඛලු පුනරපි ත්වත්පරඃ පුෂ්පභද්රා-
තීරේ නින්යේ තපස්යන්නතුලසුඛරතිඃ ෂට් තු මන්වංතරාණි ।
දේවේංද්රඃ සප්තමස්තං සුරයුවතිමරුන්මන්මථෛර්මෝහයිෂ්යන්
යෝගෝෂ්මප්ලුෂ්යමාණෛර්න තු පුනරශකත්ත්වජ්ජනං නිර්ජයේත් කඃ ॥5॥

ප්රීත්යා නාරායණාඛ්යස්ත්වමථ නරසඛඃ ප්රාප්තවානස්ය පාර්ශ්වං
තුෂ්ට්යා තෝෂ්ටූයමානඃ ස තු විවිධවරෛර්ලෝභිතෝ නානුමේනේ ।
ද්රෂ්ටුං මාय़ආං ත්වදීයාං කිල පුනරවෘණෝද්භක්තිතෘප්තාංතරාත්මා
මායාදුඃඛානභිජ්ඤස්තදපි මෘගයතේ නූනමාශ්චර්යහේතෝඃ ॥6॥

යාතේ ත්වය්යාශු වාතාකුලජලදගලත්තෝයපූර්ණාතිඝූර්ණත්-
සප්තාර්ණෝරාශිමග්නේ ජගති ස තු ජලේ සංභ්රමන් වර්ෂකෝටීඃ ।
දීනඃ ප්රෛක්ෂිෂ්ට දූරේ වටදලශයනං කංචිදාශ්චර්යබාලං
ත්වාමේව ශ්යාමලාංගං වදනසරසිජන්යස්තපාදාංගුලීකම් ॥7॥

දෘෂ්ට්වා ත්වාං හෘෂ්ටරෝමා ත්වරිතමුපගතඃ ස්ප්රෂ්ටුකාමෝ මුනීංද්රඃ
ශ්වාසේනාංතර්නිවිෂ්ටඃ පුනරිහ සකලං දෘෂ්ටවාන් විෂ්ටපෞඝම් ।
භූයෝऽපි ශ්වාසවාතෛර්බහිරනුපතිතෝ වීක්ෂිතස්ත්වත්කටාක්ෂෛ-
ර්මෝදාදාශ්ලේෂ්ටුකාමස්ත්වයි පිහිතතනෞ ස්වාශ්රමේ ප්රාග්වදාසීත් ॥8॥

ගෞර්යා සාර්ධං තදග්රේ පුරභිදථ ගතස්ත්වත්ප්රියප්රේක්ෂණාර්ථී
සිද්ධානේවාස්ය දත්වා ස්වයමයමජරාමෘත්යුතාදීන් ගතෝऽභූත් ।
ඒවං ත්වත්සේවයෛව ස්මරරිපුරපි ස ප්රීයතේ යේන තස්මා-
න්මූර්තිත්රය්යාත්මකස්ත්වං නනු සකලනියංතේති සුව්යක්තමාසීත් ॥9॥

ත්ර්යංශේස්මින් සත්යලෝකේ විධිහරිපුරභින්මංදිරාණ්යූර්ධ්වමූර්ධ්වං
තේභෝऽප්යූර්ධ්වං තු මායාවිකෘතිවිරහිතෝ භාති වෛකුංඨලෝකඃ ।
තත්ර ත්වං කාරණාංභස්යපි පශුපකුලේ ශුද්ධසත්ත්වෛකරූපී
සච්චිත්බ්රහ්මාද්වයාත්මා පවනපුරපතේ පාහි මාං සර්වරෝගාත් ॥10॥

narayaniyam dashaka 97 in sinhala