නාරායණීයං දශක 76 – උද්ධවදෞත්යම්

narayaniyam dashaka 76 in sinhala

ගත්වා සාංදීපනිමථ චතුෂ්ෂෂ්ටිමාත්රෛරහෝභිඃ
සර්වජ්ඤස්ත්වං සහ මුසලිනා සර්වවිද්යා ගෘහීත්වා ।
පුත්රං නෂ්ටං යමනිලයනාදාහෘතං දක්ෂිණාර්ථං
දත්වා තස්මෛ නිජපුරමගා නාදයන් පාංචජන්යම් ॥1॥

ස්මෘත්වා ස්මෘත්වා පශුපසුදෘශඃ ප්රේමභාරප්රණුන්නාඃ
කාරුණ්යේන ත්වමපි විවශඃ ප්රාහිණෝරුද්ධවං තම් ।
කිංචාමුෂ්මෛ පරමසුහෘදේ භක්තවර්යාය තාසාං
භක්ත්යුද්රේකං සකලභුවනේ දුර්ලභං දර්ශයිෂ්යන් ॥2॥

ත්වන්මාහාත්ම්යප්රථිමපිශුනං ගෝකුලං ප්රාප්ය සායං
ත්වද්වාර්තාභිර්බහු ස රමයාමාස නංදං යශෝදාම් ।
ප්රාතර්ද්දෘෂ්ට්වා මණිමයරථං ශංකිතාඃ පංකජාක්ෂ්යඃ
ශ්රුත්වා ප්රාප්තං භවදනුචරං ත්යක්තකාර්යාඃ සමීයුඃ ॥3॥

දෘෂ්ට්වා චෛනං ත්වදුපමලසද්වේෂභූෂාභිරාමං
ස්මෘත්වා ස්මෘත්වා තව විලසිතාන්යුච්චකෛස්තානි තානි ।
රුද්ධාලාපාඃ කථමපි පුනර්ගද්ගදාං වාචමූචුඃ
සෞජන්යාදීන් නිජපරභිදාමප්යලං විස්මරංත්යඃ ॥4॥

ශ්රීමාන් කිං ත්වං පිතෘජනකෘතේ ප්රේෂිතෝ නිර්දයේන
ක්වාසෞ කාංතෝ නගරසුදෘශාං හා හරේ නාථ පායාඃ ।
ආශ්ලේෂාණාමමෘතවපුෂෝ හංත තේ චුංබනානා-
මුන්මාදානාං කුහකවචසාං විස්මරේත් කාංත කා වා ॥5॥

රාසක්රීඩාලුලිතලලිතං විශ්ලථත්කේශපාශං
මංදෝද්භින්නශ්රමජලකණං ලෝභනීයං ත්වදංගම් ।
කාරුණ්යාබ්ධේ සකෘදපි සමාලිංගිතුං දර්ශයේති
ප්රේමෝන්මාදාද්භුවනමදන ත්වත්ප්රියාස්ත්වාං විලේපුඃ ॥6॥

ඒවංප්රායෛර්විවශවචනෛරාකුලා ගෝපිකාස්තා-
ස්ත්වත්සංදේශෛඃ ප්රකෘතිමනයත් සෝऽථ විජ්ඤානගර්භෛඃ ।
භූයස්තාභිර්මුදිතමතිභිස්ත්වන්මයීභිර්වධූභි-
ස්තත්තද්වාර්තාසරසමනයත් කානිචිද්වාසරාණි ॥7॥

ත්වත්ප්රෝද්ගානෛඃ සහිතමනිශං සර්වතෝ ගේහකෘත්යං
ත්වද්වාර්තෛව ප්රසරති මිථඃ සෛව චෝත්ස්වාපලාපාඃ ।
චේෂ්ටාඃ ප්රායස්ත්වදනුකෘතයස්ත්වන්මයං සර්වමේවං
දෘෂ්ට්වා තත්ර ව්යමුහදධිකං විස්මයාදුද්ධවෝऽයම් ॥8॥

රාධායා මේ ප්රියතමමිදං මත්ප්රියෛවං බ්රවීති
ත්වං කිං මෞනං කලයසි සඛේ මානිනීමත්ප්රියේව।
ඉත්යාද්යේව ප්රවදති සඛි ත්වත්ප්රියෝ නිර්ජනේ මා-
මිත්ථංවාදෛරරමදයං ත්වත්ප්රියාමුත්පලාක්ෂීම් ॥9॥

ඒෂ්යාමි ද්රාගනුපගමනං කේවලං කාර්යභාරා-
ද්විශ්ලේෂේऽපි ස්මරණදෘඪතාසංභවාන්මාස්තු ඛේදඃ ।
බ්රහ්මානංදේ මිලති නචිරාත් සංගමෝ වා වියෝග-
ස්තුල්යෝ වඃ ස්යාදිති තව ගිරා සෝऽකරෝන්නිර්ව්යථාස්තාඃ ॥10॥

ඒවං භක්ති සකලභුවනේ නේක්ෂිතා න ශ්රුතා වා
කිං ශාස්ත්රෞඝෛඃ කිමිහ තපසා ගෝපිකාභ්යෝ නමෝऽස්තු ।
ඉත්යානංදාකුලමුපගතං ගෝකුලාදුද්ධවං තං
දෘෂ්ට්වා හෘෂ්ටෝ ගුරුපුරපතේ පාහි මාමාමයෞඝාත් ॥11॥

narayaniyam dashaka 76 in sinhala