කේතු අෂ්ටෝත්තර ශත නාම ස්තෝත්රම්

ketu ashtottara sata nama stotram in sinhala

ශෘණු නාමානි ජප්යානි කේතෝ රථ මහාමතේ ।
කේතුඃ ස්ථූලශිරාශ්චෛව ශිරෝමාත්රෝ ධ්වජාකෘතිඃ ॥ 1 ॥

නවග්රහයුතඃ සිංහිකාසුරීගර්භසංභවඃ ।
මහාභීතිකරශ්චිත්රවර්ණෝ වෛ පිංගළාක්ෂකඃ ॥ 2 ॥

ස ඵලෝධූම්රසංකාශඃ තීක්ෂ්ණදංෂ්ට්රෝ මහෝරගඃ ।
රක්තනේත්රශ්චිත්රකාරී තීව්රකෝපෝ මහාසුරඃ ॥ 3 ॥

ක්රූරකංඨඃ ක්රෝධනිධිශ්ඡායාග්රහවිශේෂකඃ ।
අංත්යග්රහෝ මහාශීර්ෂෝ සූර්යාරිඃ පුෂ්පවද්ග්රහී ॥ 4 ॥

වරහස්තෝ ගදාපාණිශ්චිත්රවස්ත්රධරස්තථා ।
චිත්රධ්වජපතාකශ්ච ඝෝරශ්චිත්රරථඃ ශිඛී ॥ 5 ॥

කුළුත්ථභක්ෂකශ්චෛව වෛඩූර්යාභරණස්තථා ।
උත්පාතජනකඃ ශුක්රමිත්රං මංදසඛස්තථා ॥ 6 ॥

ගදාධරඃ නාකපතිඃ අංතර්වේදීශ්වරස්තථා ।
ජෛමිනීගෝත්රජශ්චිත්රගුප්තාත්මා දක්ෂිණාමුඛඃ ॥ 7 ॥

මුකුංදවරපාත්රං ච මහාසුරකුලෝද්භවඃ ।
ඝනවර්ණෝ ලංබදේහෝ මෘත්යුපුත්රස්තථෛව ච ॥ 8 ॥

උත්පාතරූපධාරී චාऽදෘශ්යඃ කාලාග්නිසන්නිභඃ ।
නෘපීඩෝ ග්රහකාරී ච සර්වෝපද්රවකාරකඃ ॥ 9 ॥

චිත්රප්රසූතෝ හ්යනලඃ සර්වව්යාධිවිනාශකඃ ।
අපසව්යප්රචාරී ච නවමේ පාපදායකඃ ॥ 10 ॥

පංචමේ ශෝකදශ්චෝපරාගඛේචර ඒව ච ।
අතිපුරුෂකර්මා ච තුරීයේ (තු) සුඛප්රදඃ ॥ 11 ॥

තෘතීයේ වෛරදඃ පාපග්රහශ්ච ස්ඵෝටකාරකඃ ।
ප්රාණනාථඃ පංචමේ තු ශ්රමකාරක ඒව ච ॥ 12 ॥

ද්විතීයේऽස්ඵුටවාග්දාතා විෂාකුලිතවක්ත්රකඃ ।
කාමරූපී සිංහදංතඃ සත්යේප්යනෘතවානපි ॥ 13 ॥

චතුර්ථේ මාතෘනාශශ්ච නවමේ පිතෘනාශකඃ ।
අංත්යේ වෛරප්රදශ්චෛව සුතානංදනබංධකඃ ॥ 14 ॥

සර්පාක්ෂිජාතෝऽනංගශ්ච කර්මරාශ්යුද්භවස්තථා ।
උපාංතේ කීර්තිදශ්චෛව සප්තමේ කලහප්රදඃ ॥ 15 ॥

අෂ්ටමේ ව්යාධිකර්තා ච ධනේ බහුසුඛප්රදඃ ।
ජනනේ රෝගදශ්චෝර්ධ්වමූර්ධජෝ ග්රහනායකඃ ॥ 16 ॥

පාපදෘෂ්ටිඃ ඛේචරශ්ච ශාංභවෝऽශේෂපූජිතඃ ।
ශාශ්වතශ්ච නටශ්චෛව ශුභාऽශුභඵලප්රදඃ ॥ 17 ॥

ධූම්රශ්චෛව සුධාපායී හ්යජිතෝ භක්තවත්සලඃ ।
සිංහාසනඃ කේතුමූර්තී රවීංදුද්යුතිනාශකඃ ॥ 18 ॥

අමරඃ පීඩකෝऽමර්ත්යෝ විෂ්ණුදෘෂ්ටෝऽසුරේශ්වරඃ ।
භක්තරක්ෂෝऽථ වෛචිත්ර්යකපටස්යංදනස්තථා ॥ 19 ॥

විචිත්රඵලදායී ච භක්තාභීෂ්ටඵලප්රදඃ ।
ඒතත්කේතුග්රහස්යෝක්තං නාම්නාමෂ්ටෝත්තරං ශතම් ॥ 20 ॥

යෝ භක්ත්යේදං ජපේත්කේතුර්නාම්නාමෂ්ටෝත්තරං ශතම් ।
ස තු කේතෝඃ ප්රසාදේන සර්වාභීෂ්ටං සමාප්නුයාත් ॥ 21 ॥

ඉති ශ්රී කේතු අෂ්ටෝත්තරශතනාම ස්තෝත්රම් ।

ketu ashtottara sata nama stotram in sinhala