දේවී මාහාත්ම්යං දුර්ගා සප්තශති නවමෝऽධ්යායඃ

devi mahatmyam durga saptasati chapter 9 in sinhala

නිශුංභවධෝනාම නවමෝධ්යායඃ ॥

ධ්යානං
ඕං බංධූක කාංචනනිභං රුචිරාක්ෂමාලාං
පාශාංකුශෞ ච වරදාං නිජබාහුදංඩෛඃ ।
බිභ්රාණමිංදු ශකලාභරණාං ත්රිනේත්රාං-
අර්ධාංබිකේශමනිශං වපුරාශ්රයාමි ॥

රාජෞවාච॥1॥

විචිත්රමිදමාඛ්යාතං භගවන් භවතා මම ।
දේව්යාශ්චරිතමාහාත්ම්යං රක්ත බීජවධාශ්රිතම් ॥ 2॥

භූයශ්චේච්ඡාම්යහං ශ්රෝතුං රක්තබීජේ නිපාතිතේ ।
චකාර ශුංභෝ යත්කර්ම නිශුංභශ්චාතිකෝපනඃ ॥3॥

ඍෂිරුවාච ॥4॥

චකාර කෝපමතුලං රක්තබීජේ නිපාතිතේ।
ශුංභාසුරෝ නිශුංභශ්ච හතේෂ්වන්යේෂු චාහවේ ॥5॥

හන්යමානං මහාසෛන්යං විලෝක්යාමර්ෂමුද්වහන්।
අභ්යදාවන්නිශුංබෝऽථ මුඛ්යයාසුර සේනයා ॥6॥

තස්යාග්රතස්තථා පෘෂ්ඨේ පාර්ශ්වයෝශ්ච මහාසුරාඃ
සංදෂ්ටෞෂ්ඨපුටාඃ ක්රුද්ධා හංතුං දේවීමුපායයුඃ ॥7॥

ආජගාම මහාවීර්යඃ ශුංභෝऽපි ස්වබලෛර්වෘතඃ।
නිහංතුං චංඩිකාං කෝපාත්කෘත්වා යුද්දං තු මාතෘභිඃ ॥8॥

තතෝ යුද්ධමතීවාසීද්දේව්යා ශුංභනිශුංභයෝඃ।
ශරවර්ෂමතීවෝග්රං මේඝයෝරිව වර්ෂතෝඃ ॥9॥

චිච්ඡේදාස්තාංඡරාංස්තාභ්යාං චංඩිකා ස්වශරෝත්කරෛඃ।
තාඩයාමාස චාංගේෂු ශස්ත්රෞඝෛරසුරේශ්වරෞ ॥10॥

නිශුංභෝ නිශිතං ඛඩ්ගං චර්ම චාදාය සුප්රභම්।
අතාඩයන්මූර්ධ්නි සිංහං දේව්යා වාහනමුත්තමම්॥11॥

තාඩිතේ වාහනේ දේවී ක්ෂුර ප්රේණාසිමුත්තමම්।
ශුංභස්යාශු චිච්ඡේද චර්ම චාප්යෂ්ට චංද්රකම් ॥12॥

ඡින්නේ චර්මණි ඛඩ්ගේ ච ශක්තිං චික්ෂේප සෝऽසුරඃ।
තාමප්යස්ය ද්විධා චක්රේ චක්රේණාභිමුඛාගතාම්॥13॥

කෝපාධ්මාතෝ නිශුංභෝऽථ ශූලං ජග්රාහ දානවඃ।
ආයාතං මුෂ්ඨිපාතේන දේවී තච්චාප්යචූර්ණයත්॥14॥

ආවිද්ධ්යාථ ගදාං සෝऽපි චික්ෂේප චංඩිකාං ප්රති।
සාපි දේව්යාස් ත්රිශූලේන භින්නා භස්මත්වමාගතා॥15॥

තතඃ පරශුහස්තං තමායාංතං දෛත්යපුංගවං।
ආහත්ය දේවී බාණෞඝෛරපාතයත භූතලේ॥16॥

තස්මින්නි පතිතේ භූමෞ නිශුංභේ භීමවික්රමේ।
භ්රාතර්යතීව සංක්රුද්ධඃ ප්රයයෞ හංතුමංබිකාම්॥17॥

ස රථස්ථස්තථාත්යුච්ඡෛ ර්ගෘහීතපරමායුධෛඃ।
භුජෛරෂ්ටාභිරතුලෛ ර්ව්යාප්යා ශේෂං බභෞ නභඃ॥18॥

තමායාංතං සමාලෝක්ය දේවී ශංඛමවාදයත්।
ජ්යාශබ්දං චාපි ධනුෂ ශ්චකාරාතීව දුඃසහම්॥19॥

පූරයාමාස කකුභෝ නිජඝංටා ස්වනේන ච।
සමස්තදෛත්යසෛන්යානාං තේජෝවධවිධායිනා॥20॥

තතඃ සිංහෝ මහානාදෛ ස්ත්යාජිතේභමහාමදෛඃ।
පුරයාමාස ගගනං ගාං තථෛව දිශෝ දශ॥21॥

තතඃ කාළී සමුත්පත්ය ගගනං ක්ෂ්මාමතාඩයත්।
කරාභ්යාං තන්නිනාදේන ප්රාක්ස්වනාස්තේ තිරෝහිතාඃ॥22॥

අට්ටාට්ටහාසමශිවං ශිවදූතී චකාර හ।
වෛඃ ශබ්දෛරසුරාස්ත්රේසුඃ ශුංභඃ කෝපං පරං යයෞ॥23॥

දුරාත්මං ස්තිෂ්ට තිෂ්ඨේති ව්යාජ හාරාංබිකා යදා।
තදා ජයේත්යභිහිතං දේවෛරාකාශ සංස්ථිතෛඃ॥24॥

ශුංභේනාගත්ය යා ශක්තිර්මුක්තා ජ්වාලාතිභීෂණා।
ආයාංතී වහ්නිකූටාභා සා නිරස්තා මහෝල්කයා॥25॥

සිංහනාදේන ශුංභස්ය ව්යාප්තං ලෝකත්රයාංතරම්।
නිර්ඝාතනිඃස්වනෝ ඝෝරෝ ජිතවානවනීපතේ॥26॥

ශුංභමුක්තාංඡරාංදේවී ශුංභස්තත්ප්රහිතාංඡරාන්।
චිච්ඡේද ස්වශරෛරුග්රෛඃ ශතශෝऽථ සහස්රශඃ॥27॥

තතඃ සා චංඩිකා ක්රුද්ධා ශූලේනාභිජඝාන තම්।
ස තදාභි හතෝ භූමෞ මූර්ඡිතෝ නිපපාත හ॥28॥

තතෝ නිශුංභඃ සංප්රාප්ය චේතනාමාත්තකාර්මුකඃ।
ආජඝාන ශරෛර්දේවීං කාළීං කේසරිණං තථා॥29॥

පුනශ්ච කෘත්වා බාහුනාමයුතං දනුජේශ්වරඃ।
චක්රායුධේන දිතිජශ්චාදයාමාස චංඩිකාම්॥30॥

තතෝ භගවතී ක්රුද්ධා දුර්ගාදුර්ගාර්ති නාශිනී।
චිච්ඡේද දේවී චක්රාණි ස්වශරෛඃ සායකාංශ්ච තාන්॥31॥

තතෝ නිශුංභෝ වේගේන ගදාමාදාය චංඩිකාම්।
අභ්යධාවත වෛ හංතුං දෛත්ය සේනාසමාවෘතඃ॥32॥

තස්යාපතත ඒවාශු ගදාං චිච්ඡේද චංඩිකා।
ඛඩ්ගේන ශිතධාරේණ ස ච ශූලං සමාදදේ॥33॥

ශූලහස්තං සමායාංතං නිශුංභමමරාර්දනම්।
හෘදි විව්යාධ ශූලේන වේගාවිද්ධේන චංඩිකා॥34॥

ඛින්නස්ය තස්ය ශූලේන හෘදයාන්නිඃසෘතෝऽපරඃ।
මහාබලෝ මහාවීර්යස්තිෂ්ඨේති පුරුෂෝ වදන්॥35॥

තස්ය නිෂ්ක්රාමතෝ දේවී ප්රහස්ය ස්වනවත්තතඃ।
ශිරශ්චිච්ඡේද ඛඩ්ගේන තතෝऽසාවපතද්භුවි॥36॥

තතඃ සිංහශ්ච ඛාදෝග්ර දංෂ්ට්රාක්ෂුණ්ණශිරෝධරාන්।
අසුරාං ස්තාංස්තථා කාළී ශිවදූතී තථාපරාන්॥37॥

කෞමාරී ශක්තිනිර්භින්නාඃ කේචින්නේශුර්මහාසුරාඃ
බ්රහ්මාණී මංත්රපූතේන තෝයේනාන්යේ නිරාකෘතාඃ॥38॥

මාහේශ්වරී ත්රිශූලේන භින්නාඃ පේතුස්තථාපරේ।
වාරාහීතුංඩඝාතේන කේචිච්චූර්ණී කෘතා භුවි॥39॥

ඛංඩං ඛංඩං ච චක්රේණ වෛෂ්ණව්යා දානවාඃ කෘතාඃ।
වජ්රේණ චෛංද්රී හස්තාග්ර විමුක්තේන තථාපරේ॥40॥

කේචිද්විනේශුරසුරාඃ කේචින්නෂ්ටාමහාහවාත්।
භක්ෂිතාශ්චාපරේ කාළීශිවධූතී මෘගාධිපෛඃ॥41॥

॥ ස්වස්ති ශ්රී මාර්කංඩේය පුරාණේ සාවර්නිකේ මන්වංතරේ දේවි මහත්ම්යේ නිශුංභවධෝනාම නවමෝධ්යාය සමාප්තම් ॥

ආහුති
ඕං ක්ලීං ජයංතී සාංගායෛ සශක්තිකායෛ සපරිවාරායෛ සවාහනායෛ මහාහුතිං සමර්පයාමි නමඃ ස්වාහා ॥

devi mahatmyam durga saptasati chapter 9 in sinhala