දේවී මාහාත්ම්යං දුර්ගා සප්තශති තෘතීයෝऽධ්යායඃ

devi mahatmyam durga saptasati chapter 3 in sinhala

මහිෂාසුරවධෝ නාම තෘතීයෝऽධ්යායඃ ॥

ධ්යානං
ඕං උද්යද්භානුසහස්රකාංතිං අරුණක්ෂෞමාං ශිරෝමාලිකාං
රක්තාලිප්ත පයෝධරාං ජපවටීං විද්යාමභීතිං වරම් ।
හස්තාබ්ජෛර්ධධතීං ත්රිනේත්රවක්ත්රාරවිංදශ්රියං
දේවීං බද්ධහිමාංශුරත්නමකුටාං වංදේऽරවිංදස්ථිතාම් ॥

ඍෂිරුවාච ॥1॥

නිහන්යමානං තත්සෛන්යං අවලෝක්ය මහාසුරඃ।
සේනානීශ්චික්ෂුරඃ කෝපාද් ධ්යයෞ යෝද්ධුමථාංබිකාම් ॥2॥

ස දේවීං ශරවර්ෂේණ වවර්ෂ සමරේऽසුරඃ।
යථා මේරුගිරේඃශෘංගං තෝයවර්ෂේණ තෝයදඃ ॥3॥

තස්ය ඡිත්වා තතෝ දේවී ලීලයෛව ශරෝත්කරාන්।
ජඝාන තුරගාන්බාණෛර්යංතාරං චෛව වාජිනාම් ॥4॥

චිච්ඡේද ච ධනුඃසධ්යෝ ධ්වජං චාතිසමුච්ඡෘතම්।
විව්යාධ චෛව ගාත්රේෂු චින්නධන්වානමාශුගෛඃ ॥5॥

සච්ඡින්නධන්වා විරථෝ හතාශ්වෝ හතසාරථිඃ।
අභ්යධාවත තාං දේවීං ඛඩ්ගචර්මධරෝऽසුරඃ ॥6॥

සිංහමාහත්ය ඛඩ්ගේන තීක්ෂ්ණධාරේණ මූර්ධනි।
ආජඝාන භුජේ සව්යේ දේවීං අව්යතිවේගවාන් ॥6॥

තස්යාඃ ඛඩ්ගෝ භුජං ප්රාප්ය පඵාල නෘපනංදන।
තතෝ ජග්රාහ ශූලං ස කෝපාද් අරුණලෝචනඃ ॥8॥

චික්ෂේප ච තතස්තත්තු භද්රකාළ්යාං මහාසුරඃ।
ජාජ්වල්යමානං තේජෝභී රවිබිංබමිවාංබරාත් ॥9॥

දෘෂ්ට්වා තදාපතච්ඡූලං දේවී ශූලමමුංචත।
තච්ඡූලංශතධා තේන නීතං ශූලං ස ච මහාසුරඃ ॥10॥

හතේ තස්මින්මහාවීර්යේ මහිෂස්ය චමූපතෞ।
ආජගාම ගජාරූඩඃ ශ්චාමරස්ත්රිදශාර්දනඃ ॥11॥

සෝऽපි ශක්තිංමුමෝචාථ දේව්යාස්තාං අංබිකා ද්රුතම්।
හුංකාරාභිහතාං භූමෞ පාතයාමාසනිෂ්ප්රභාම් ॥12॥

භග්නාං ශක්තිං නිපතිතාං දෘෂ්ට්වා ක්රෝධසමන්විතඃ
චික්ෂේප චාමරඃ ශූලං බාණෛස්තදපි සාච්ඡිනත් ॥13॥

තතඃ සිංහඃසමුත්පත්ය ගජකුංතරේ ංභාංතරේස්ථිතඃ।
බාහුයුද්ධේන යුයුධේ තේනෝච්චෛස්ත්රිදශාරිණා ॥14॥

යුධ්යමානऽඋ තතස්තऽඋ තු තස්මාන්නාගාන්මහීං ගතऽඋ
යුයුධාතේऽතිසංරබ්ධෞ ප්රහාරෛ අතිදාරුණෛඃ ॥15॥

තතෝ වේගාත් ඛමුත්පත්ය නිපත්ය ච මෘගාරිණා।
කරප්රහාරේණ ශිරශ්චාමරස්ය පෘථක් කෘතම් ॥16॥

උදග්රශ්ච රණේ දේව්යා ශිලාවෘක්ෂාදිභිර්හතඃ।
දංත මුෂ්ටිතලෛශ්චෛව කරාළශ්ච නිපාතිතඃ ॥17॥

දේවී කෘද්ධා ගදාපාතෛඃ ශ්චූර්ණයාමාස චෝද්ධතම්।
භාෂ්කලං භිංදිපාලේන බාණෛස්තාම්රං තථාංධකම් ॥18॥

උග්රාස්යමුග්රවීර්යං ච තථෛව ච මහාහනුම්
ත්රිනේත්රා ච ත්රිශූලේන ජඝාන පරමේශ්වරී ॥19॥

බිඩාලස්යාසිනා කායාත් පාතයාමාස වෛ ශිරඃ।
දුර්ධරං දුර්මුඛං චෝභෞ ශරෛර්නින්යේ යමක්ෂයම් ॥20॥

ඒවං සංක්ෂීයමාණේ තු ස්වසෛන්යේ මහිෂාසුරඃ।
මාහිෂේණ ස්වරූපේණ ත්රාසයාමාසතාන් ගණාන් ॥21॥

කාංශ්චිත්තුංඩප්රහාරේණ ඛුරක්ෂේපෛස්තථාපරාන්।
ලාංගූලතාඩිතාංශ්චාන්යාන් ශෘංගාභ්යාං ච විදාරිතා ॥22॥

වේගේන කාංශ්චිදපරාන්නාදේන භ්රමණේන ච।
නිඃ ශ්වාසපවනේනාන්යාන් පාතයාමාස භූතලේ॥23॥

නිපාත්ය ප්රමථානීකමභ්යධාවත සෝऽසුරඃ
සිංහං හංතුං මහාදේව්යාඃ කෝපං චක්රේ තතෝऽංභිකා ॥24॥

සෝऽපි කෝපාන්මහාවීර්යඃ ඛුරක්ෂුණ්ණමහීතලඃ।
ශෘංගාභ්යාං පර්වතානුච්චාංශ්චික්ෂේප ච නනාද ච ॥25॥

වේග භ්රමණ වික්ෂුණ්ණා මහී තස්ය ව්යශීර්යත।
ලාංගූලේනාහතශ්චාබ්ධිඃ ප්ලාවයාමාස සර්වතඃ ॥26॥

ධුතශෘංග්විභින්නාශ්ච ඛංඩං ඛංඩං යයුර්ඝනාඃ।
ශ්වාසානිලාස්තාඃ ශතශෝ නිපේතුර්නභසෝऽචලාඃ ॥27॥

ඉතික්රෝධසමාධ්මාතමාපතංතං මහාසුරම්।
දෘෂ්ට්වා සා චංඩිකා කෝපං තද්වධාය තදාऽකරෝත් ॥28॥

සා ක්ෂිත්ප්වා තස්ය වෛපාශං තං බබංධ මහාසුරම්।
තත්යාජමාහිෂං රූපං සෝऽපි බද්ධෝ මහාමෘධේ ॥29॥

තතඃ සිංහෝऽභවත්සධ්යෝ යාවත්තස්යාංබිකා ශිරඃ।
ඡිනත්ති තාවත් පුරුෂඃ ඛඩ්ගපාණි රදෘශ්යත ॥30॥

තත ඒවාශු පුරුෂං දේවී චිච්ඡේද සායකෛඃ।
තං ඛඩ්ගචර්මණා සාර්ධං තතඃ සෝऽ භූන්මහා ගජඃ ॥31॥

කරේණ ච මහාසිංහං තං චකර්ෂ ජගර්ජච ।
කර්ෂතස්තු කරං දේවී ඛඩ්ගේන නිරකෘංතත ॥32॥

තතෝ මහාසුරෝ භූයෝ මාහිෂං වපුරාස්ථිතඃ।
තථෛව ක්ෂෝභයාමාස ත්රෛලෝක්යං සචරාචරම් ॥33॥

තතඃ ක්රුද්ධා ජගන්මාතා චංඩිකා පාන මුත්තමම්।
පපෞ පුනඃ පුනශ්චෛව ජහාසාරුණලෝචනා ॥34॥

නනර්ද චාසුරඃ සෝऽපි බලවීර්යමදෝද්ධතඃ।
විෂාණාභ්යාං ච චික්ෂේප චංඩිකාං ප්රතිභූධරාන්॥35॥

සා ච තා න්ප්රහිතාං ස්තේන චූර්ණයංතී ශරෝත්කරෛඃ।
උවාච තං මදෝද්ධූතමුඛරාගාකුලාක්ෂරම් ॥36॥

දේව්යු​උවාච॥

ගර්ජ ගර්ජ ක්ෂණං මූඪ මධු යාවත්පිබාම්යහම්।
මයාත්වයි හතේऽත්රෛව ගර්ජිෂ්යංත්යාශු දේවතාඃ ॥37॥

ඍෂිරුවාච॥

ඒවමුක්ත්වා සමුත්පත්ය සාරූඪා තං මහාසුරම්।
පාදේනා ක්රම්ය කංඨේ ච ශූලේනෛන මතාඩයත් ॥38॥

තතඃ සෝऽපි පදාක්රාංතස්තයා නිජමුඛාත්තතඃ।
අර්ධ නිෂ්ක්රාංත ඒවාසීද්දේව්යා වීර්යේණ සංවෘතඃ ॥40॥

අර්ධ නිෂ්ක්රාංත ඒවාසෞ යුධ්යමානෝ මහාසුරඃ ।
තයා මහාසිනා දේව්යා ශිරශ්ඡිත්ත්වා නිපාතිතඃ ॥41॥

තතෝ හාහාකෘතං සර්වං දෛත්යසෛන්යං නනාශ තත්।
ප්රහර්ෂං ච පරං ජග්මුඃ සකලා දේවතාගණාඃ ॥42॥

තුෂ්ටු වුස්තාං සුරා දේවීං සහදිව්යෛර්මහර්ෂිභිඃ।
ජගුර්ගුංධර්වපතයෝ නනෘතුශ්චාප්සරෝගණාඃ ॥43॥

॥ ඉති ශ්රී මාර්කංඩේය පුරාණේ සාවර්නිකේ මන්වංතරේ දේවි මහත්ම්යේ මහිෂාසුරවධෝ නාම තෘතීයෝऽධ්යායං සමාප්තම් ॥

ආහුති
හ්රීං ජයංතී සාංගායෛ සායුධායෛ සශක්තිකායෛ සපරිවාරායෛ සවාහනායෛ ශ්රී මහාලක්ෂ්ම්යෛ ලක්ෂ්මී බීජාදිෂ්ටායෛ මහාහුතිං සමර්පයාමි නමඃ ස්වාහා ॥

devi mahatmyam durga saptasati chapter 3 in sinhala